نيابة عن أعضاء المعسكر اليابانى أستسمح الباشمهندس حسام إنه ميزعلش من أى واحد فيناونرجو مواصلة الحوارالهادئ اللي أكيد أفاد ناس كتير. بجد المعلومات هايلة و موثقة
This topic is closed.
X
X
-
أشكرك على روحك يا أستاذ Chicco ... والله فرحان قوى بكلماتك دى ... بس أحب أعقب على كلام سيادتك ان ما فيش معسكرات ولا حاجة ... والعملية مش حرب ... وانا مستعد اكمل سنة فى النقاش ... بس بلا أستفذاذ ...
منورنا بجد ... فى ساحة الهيونداى ...
م / حسام منير[img]http://www4.0zz0.com/2007/09/13/08/85778465.jpg[/img]
Comment
-
بعيداً عن الرسميات..... يا سيد حسام..لو لم يكن اختلاف في الازواق لبارت السلع.... يعني اكيد في ناس مش معجبة بالكوري او ممكن تصل للكراهية، بس هذا لا يمنع ان الكوري هو الاكثر انتشاراً ورواجاً في السوق المصرية على الاقل.
يعني لو فولان وعلان مش بيحبوا الكوري "كل واحد حر في رأية" فدة مش معناة ان الكوري كلو وحش.
وزي ما في ناش مش بتحب الكوري عناك العكس، وانت خير مثال على ذلك فلقد قارنت بين عدة سيارات الكوري منها والياباني وتوصلت في النهاية الى اختيارك الذي اخترتة عن اقتناع ودراسة، .....فبلاش عصبية وزعل.
وبالنسبة للكتابة باللون الاحمر فانا بكتب بالاحمر في التنبيهات والتحذيرات ليكون واضح للجميع :) ، بس ممكن اغيرهولك لنبيتي :D[CENTER][COLOR=Red]لأي استفسار أو شكوى بخصوص الإدارة والإشراف والدعم الفني، يرجى المراسلة على:[/COLOR]
[/CENTER]
[RIGHT][CENTER][COLOR=Navy][B][EMAIL="nilemotors.all@gmail.com"]Nilemotors.all@gmail.com[/EMAIL][/B][/COLOR][/CENTER]
[/RIGHT]
Comment
-
و الله يا جماعة أنا زعلان أوي إن الموضوع وصل لكده
يا باشمهندس حسام بجد الأخ أبو عبد الله راجل محترم و مش بتاع لف و دوران و استفذاذ
هوا بس ليه قناعات معينة بيالغ أوي في الدفاع عنها و ده حقه
علي فكرة قبل كده كان مختلف في موضوع تاني و بيحاول يثبت إن العربيات الفرنساوي لا تقارن بالعربيات الياباني
و حضرتك لو دخلت منتدي ديهاتسو هتلاقي الناس كلها عماله تكتب مواضيع و تنتقد في عربيته السيريون و أنا منهم و الراجل متقبل ده بصدر رحب
و تبيع عربيتك ايه يا باشمهندس طب اديني لفة بيها الأول :D :D
دي ما شاء الله ربنا يباركلك فيها العربية شكلها و صالونها تحفة ( حدود إختصاصتي عشان أنا مهندس ديكور مش مهندس ميكانيكا زي حضراتكم)
يعني انا شفت اللانسر الشكل الجديد في الشارع بصراحة مصممين الشركة دي هيكونوا أول أسباب قفلها ،، العربية شكل مازنجر ، تحس إنها هتتحول ، وشها من أدام عامل زي الفك المفترس ، و من ورا تحس إنها عالية بطريقة غريبة زي ما يكونوا فاكنلها السوست في الحرفيين مش علو طبيعي زي ما يكون واخده شلوت من ورا :D :D :D :D
معندهمش أي إحساس بالنسب
المازدا 3 حلوة بس برده تحس إنها عربية لعبة يعني تنفع للعيال الصغيرين بس
السيفيك شكلها و صالونها حلو إجمالآ بس تحس إنهم جم علي الفوانيس الورانيه و كسلوا يطوروها فتحس شكل الفوانيس الورانية مش قد كده بس تابلوها جامد قوي
يعني بصراحة كشكل و دي وجهة نظري الشخصية ما زالت اجملهم و مستنين الكورولا الشكل الجديد
و ايه يعني بيتريقوا علي عربية حضرتك زي ما الأخ حازم بيقولك البيجو 405 أول ما نزلت كانوا بيقولوا عليها النعش الطائر و غيرها موديلات كتير طلعوا عليها اشاعات و بعد كده بقت تتاقل بالذهب
ان حاسس إن الإلنترا الشكل الجديد مرحلة جديدة في هيونداي و انتا رائد فلازم تستحمل
ربنا يجبر بخاطرك يا أخ تيربو ايه التواضع دهبعدين دا تصميم عادي ثانيا انا ابن عمتي عنده فيرنا و تقريبا بسوقها دلوقتي اكتر ما بسوق امبريزا توفير بقي
علي فكرة لما كنت بكلم في منتدي سوبارو إن الإمبريزا شكلها مش موحي بإمكانياتها و ابعادها متديش إحساس بالفخامة اللي بيحبها المصريين
كنت عايز أقول إن شكلها عامل زي ما تكون فيرنا بس خفت من التريقة
Comment
-
جدو هاملت ..
يا باشمهندس حسام احييى اولا ولائك الشديد للعربية اللى اخترتها .. لو كنت من رؤوف غبور
كنت عملت لك تمثال ..
8) لكن غريبه انك مش بتحب اللون الاحمر مع انك اخترت عربية لونها احمر ؟؟ .. و ليه بتكبر نفسك مع ان لون عربيتك يدل على روح شبابية حميلة ؟؟ .. ثم نعمل احنا ايه يعنى ( 58 سنه و كام يوم ) .. نقول يالله حسن الختام ؟؟ و الا اطلب من باقى اعضاء المنتدى ينادونى بجدو هاملت ؟؟ :lol: :lol: انا خايف تعتبرونى " بركة " المنتدى !
Comment
-
بص يا سيد نادر ...
أنا أتقبل كل شئ بهدوء وتأني بدون زعل ... تاني هأقول لسيادتك ... نختلف ... نتناقش ... تقول الألنترا دى انا جربتها ... ولقيتها عربية مش كويسة ... كل ده حقك ... نقول شركة هيونداى كوريا صناعتها سقطت من التاريخ الصناعي للسيارات ... رأيك وأنت حر فيه ومحدش يقدر يقول ثلث الثلاثة كام ... بس أرجوك ... فهمني مشاركة الأخ الأستاذ الفاضل أبوعبدالله الأخيرة فيدتها أيه؟؟ ... غير حرق دم ... وحاد غلبان زي حلاتي ... دفع دم قلبة فى العربية اللي معاه ... وبعدين يدخل الأخ الفاضل turbo 911 ... يهزر ولما أقوله الموضوع مش مستحمل هزار ... يدينى درس فى الأخلاق ...
نكمل نقاش ... بموضوعية وهدوء على عينى وعلى راسي ... اللى يحترمني ... أشيلة فوق دماغي من فوق ... بس اللى يصر أنه يستفذني ... بجد أنا ما عنديش استعداد أكمل بناءاً على كدة ... ومتزعلش مني جيت سيادتك كملت عليا ... بالكتابة باللون الأحمر ... وكأنك بتقول ... أه هتتلموا ... ولا نقفل الموضوع تاني ...
وطبعاً ... الأسلوبيين بالنسبة لي مرفوضيين تماماً ... الأستفذاذ ... والتهديد ... و لو حضرتك شايف اني غلطت فى كلمة انا قولتها أثناء أنفعالي ممكن توضحلي ... وأنا اعتذر فوراً ...
وهتقل عليك .. جملة كمان مش فاهمها ...
الحقيقة الجملة دى محتاجة توضيح منك ...بعيداً عن الرسميات.....
م / حسام منير[img]http://www4.0zz0.com/2007/09/13/08/85778465.jpg[/img]
Comment
-
المشاركة الأصلية كتبت بواسطة أبو عبداللهاما الألنترا كانت عباره عن فراغات كبيره جدا وانت واقف شايف الأرض من تحت من كل حته
كلام عجيييييييييييييييييييييييييييييب
كان الله فى عونك يا م/ حسام
انت ان شاء الله ليك الجنه و احنا فى الايام المفترجه دىHisham
[SIGPIC][/SIGPIC]
Comment
-
يبدو يا سيد حسام انك مازلت متعصب لسبب او لاخر... اما عن بعيداً عن الرسميات، انا مش فاهم اية مش مفهوم فيها.. يعني بعيداً عن النحوي ولقد واما بعد وما الى ذلك.
واما عن اللون الاحمر، فانا مش فاهم يعني، المفروض اكتب باي لون؟؟ ثم من واجبي كمشرف على هذا القسم توجية الموضوع وادارتة بما اراة مناسب كي لا يخرج الموضوع عن النص وتكثر المخالفات، يعني لو تهديد كنت قفلتة!!.ومتزعلش مني جيت سيادتك كملت عليا ... بالكتابة باللون الأحمر ... وكأنك بتقول ... أه هتتلموا ... ولا نقفل الموضوع تاني ...
اما بخصوص الهزار فراجع ردودك على العضو Matema99, كان فيها هزار وسخرية، بس كما قلت انت من قبل ان دمك محروق بسبب مداخلات البعض فسهى عليك الامر.[CENTER][COLOR=Red]لأي استفسار أو شكوى بخصوص الإدارة والإشراف والدعم الفني، يرجى المراسلة على:[/COLOR]
[/CENTER]
[RIGHT][CENTER][COLOR=Navy][B][EMAIL="nilemotors.all@gmail.com"]Nilemotors.all@gmail.com[/EMAIL][/B][/COLOR][/CENTER]
[/RIGHT]
Comment
-
والله يا جماعة ... أستاذ Ahmed Anwer و أستاذ Hamlet أنا ... بس مش عارف أقول أيه على روحكم الحلوة دى ... أول مرة أضحك من أول اليوم ... بس صدقوني ... ومن غير حلفان ... لو جالي واحد وقالي ... عربيتك دى ... أفشل عربية فى السوق ... عادى جداً ... رأيه وهو حر فية ... الأذواق وطريقة التفكير مختلفة ... والناس مش زى بعضها ... أنا بس عايز أعرف ايه الغرض من المشاركة دى ... كنا بنتكلم بهدوء ... وبصورة حضارية ... ليه الموضوع يتقلب فجأة ... لفراغات ... وأسلاك ... وخراطيم ... ولية شركة دايو الكورية - سابقاً - صاحبة النوبيرا ... أصبحت مثالاً ... يحتذى به فى عالم صناعة السيارات ... ولية تاني - تاني - العربية الالنترا بالذات خامتها فى مصر ... مش زى باقي الدول ...
أسئلة كثيرة محتاجة توضيح ...
يا عني يا أستاذ Ahmed Anwer بعد كل المجهود اللي سيادتك بتبذلة ... علشان تجيب أدلة على كلامك ... وتروح وتيجي وتقلب فى النت ... وفى الأخر نبدأ من الصفر مجدداً ... طب على الأقل ... كان يسبنا مصدقيين روحنا ... ويتظاهر أنه أقتنع بالكلام ( يجاملنا يعني) ... وهو من جواه مش مقتنع ولا حاجة ... علشان بس خاطر المجهود اللي أنت عملته على مدار الأسبوع اللي فات !!!
أستاذ Hamlet ... أنا عربيتى لونها اللى فى التوقيع رمادى غامق ... يعني مش حمراء .... ولا شبابية ... ولا حاجة ... وبعدين يا أستاذى ما تزعلش ... صدقني باين انى انا اللي جدو مش سيادتك ... ده انت كلك شباب ... وحيوية ... باينه من خلال كتابتك المرحه ...
م / حسام منير[img]http://www4.0zz0.com/2007/09/13/08/85778465.jpg[/img]
Comment
-
لا كنت فعلاً متعصب ... بس بعد مشاركات الأخوة الأعضاء ... هديت الحمد لله ...وبقيت أحسن ...يبدو يا سيد حسام انك مازلت متعصب لسبب او لاخر
يا سيدى بالراحة عليا شوية ... موضوع مكانش وصلني صح ... فطلبت توضيحة بدل ما يبقى فيه سوء ظن من جانبي ... وسيادتك وضحته على أكمل وجه ... أشكرك ...انا مش فاهم اية مش مفهوم فيها.. يعني بعيداً عن النحوي ولقد واما بعد وما الى ذلك.
تكتب بأى لون يعجبك ... بس الحقيقة بقول لسيادتك اللون ده ... مرتبطاً بالأسلوب ده (التهديد) ... معجبنيش ...واما عن اللون الاحمر، فانا مش فاهم يعني، المفروض اكتب باي لون؟؟ ثم من واجبي كمشرف على هذا القسم بيوجية الموضوع وادارتة بما اراة مناسب كي لا يخرج الموضوع عن النص وتكثر المخالفات، يعني لو تهديد كنت قفلتة!!.
كلامك مظبوط قوى ... وجودك كمشرف وده شرف لينا ... أنه لما أخرج عن النص ... أو لما حد يخرج عن النص ... وهو ما لم يحدث حتى الأن ... من وجهة نظري ... وسالت سيادتك لو انا غلطت قولي ... وانا أعتذر فوراً للي غلطت فيه ... أما لو مافيش غلط ... يبقى اللون متبوعاً بالأسلوب ... ليس لهم محل من الأعراب ... سوى التلويح بالتهديد ...
يبقى تقفل الموضوع ليه طالما مافيش مخالفات حصلت ... يعنى أنا والأخوة نقعد نكتب ... ونحط فى معلومات ... ونضيع وقتنا علشان سيادتك تيجي فى الأخر ... تهدد بقفل الموضوع ... يا سيدى الفاضل ... لا تعليق ...
انا مهزرتش مع السيد العضو ... Matema99 ...وأكن له كل أحترام وتقدير ... أنا أنتهجت أسلوب ساخر فى الكتابة ... نتيجة أرتفاع الضغط ... المفاجئ اللى جالي ... من أسم العربيات الفاخرة اللى الأخ حطها فى مشاركته ... واللي الأخ كان بيقارن بيها الماتريكس ... وخاطبته ... ب يا سيدى الفاضل ... وأكملت ربنا يزيدك ... على فكرة ده من الذاكرة ... علشان أنا مش محتاج اراجع مشاركاتي ... علشان الحمد لله بفكر وانا بكتب ... والكلام مش بيضيع مني ولا بيسهى عليا نتيجة حرق الدم ... بس على العموم ده أعتراف منك وشهادة أعتز بيها ان اللى عمله الأخ الأستاذ الفاضل أبوعبدالله والأخ الفاضل turbo 911 ... فيا كان حرق دم ... أشكرك على هذه الشهادة ...اما بخصوص الهزار فراجع ردودك على العضو Matema99, كان فيها هزار وسخرية، بس كما قلت انت من قبل ان دمك محروق بسبب مداخلات البعض فسهى عليك الامر.
وعلى فكرة أنا عمرى ما سخرت من أحد ... ولا تهكمت على أحد ... أحتراماً لنفسسي ... وللمكان الذى أنتسب له ...
م / حسام منير[img]http://www4.0zz0.com/2007/09/13/08/85778465.jpg[/img]
Comment
-
و .. الكورى كورى
مهندس حسام شكرا و ياريت اكون عرفت اخليك تبتسم .. ابتسم تبتسم لك الحياه :D :D
ارجو الا تغضب او تنسحب فأنت فعلا سبب حيوية النقاش فى هذا الموضوع و مخليه سخن
و حيوى على طول .. ربنا يقويك ..
انا مش هينداووى ميه فى الميه .. او ممكن اقول انى معجب متحفظ بالانترا مش معجب متيم
لكن بجد يعجبنى فيك روح المحارب تحت شعار : بالروح والدم حتدافع عن هيونداى ..
اهم حاجه تفضل صامد فى وجه الاعادى :twisted: و الذين ينكرون على هينداى تقدمها
و صعودها المستمر فى السوق المصرى و العالمى و لو كانت عربيه " هفق " مكانوش جابوا
سيرتها .. ..... بس ده ميمنعش برضه ان اليابانى مش بطال .. :D :D :D
و اخيرا يظهر الشيخوخه عامله عمايلها لانى شايف عربيتك فى الصوره حمراء ؟!
و لو قالوا اليابانى يابانى نقولهم الكورى كورى ..!
Comment
-
يا اخي العزيز ليس لي ان انتظر حتي يخرج الموضوع عن مسارة، كما قات لك من قبل هذه واجباتي ومهامي وانا ادرى بها.لما أخرج عن النص ... أو لما حد يخرج عن النص ... وهو ما لم يحدث حتى الأن
هو الموضوع اتقفل؟؟يبقى تقفل الموضوع ليه طالما مافيش مخالفات حصلت
اختلف معك يا اخي.... اللون متبوع لرغبة المؤلف، لماذا تكتب انت باللون الازرق، هل استطيع ان اقول لك لا تكتب بالازرق؟؟يبقى اللون متبوعاً بالأسلوب ... ليس لهم محل من الأعراب ... سوى التلويح بالتهديد
ولما لا تعتبر ان مداخلة الاخوة معك كانت محاولة منهم لطلطيف الجو.انا مهزرتش مع السيد العضو ... Matema99 ...وأكن له كل أحترام وتقدير ... أنا أنتهجت أسلوب ساخر فى الكتابة
يعنى أنا والأخوة نقعد نكتب ... ونحط فى معلومات ... ونضيع وقتنا علشان سيادتك تيجي فى الأخر ... تهدد بقفل الموضوع ... يا سيدى الفاضل ... لا تعليق
لا تعليق!!!
يا اخي الفاضل انا قلت:بس على العموم ده أعتراف منك وشهادة أعتز بيها ان اللى عمله الأخ الأستاذ الفاضل أبوعبدالله
بس كما قلت انت من قبل[CENTER][COLOR=Red]لأي استفسار أو شكوى بخصوص الإدارة والإشراف والدعم الفني، يرجى المراسلة على:[/COLOR]
[/CENTER]
[RIGHT][CENTER][COLOR=Navy][B][EMAIL="nilemotors.all@gmail.com"]Nilemotors.all@gmail.com[/EMAIL][/B][/COLOR][/CENTER]
[/RIGHT]
Comment
-
الموضوع الآن خارج عن هدفهعلى العموم الموضوع بسيط ... لو الادارة شايفة أني شخص ... غير مرغوب فى وجوده لو سمحتم بلغوني ... علشان انا لن أتقببل الأسلوب ده تاني فى الحوار ...
الآن لا نناقش الكورى واليابانى.. الآن نناقش أشياء أخرى عجيبة..
البعض يتهم الآخرين باستفزازه ويستفزهم فى نفس الوقت
البعض يتهم الآخرين بالتعصب ويتعصب فى نفس الوقت
البعض يأخذ ويلوم على الآخرين أسلوبهم وهزارهم ، ويسخر منهم فى نفس الوقت!
البعض لا يريد من أحد أن ينتقد أسلوبه ، وينتقد أسلوب الآخرين..
البعض لا يريد تدخل الإشراف ويتهمهم باستخدام أسلوب المدرس مع التلاميذ ، مع أن الجميع وافق على مسئولية الإشراف قبل دخول المنتدى ، وليس من المطلوب من المشرف أن يكون طوعا لكل آمر، بل يتحرك بدافع من حسه بسير الموضوع نحو أى إتجاه..
عزيزى الفاضل حسام منير، عزيزى الفاضل هاملت: أكرمكم الله هدوا أعصابكم وراجعوا أقوالكم فى حق إخوانكم بتأنى وبدون عصبية...
الموضوع الآن مرشح للإغلاق مرة أخرى إذا استمر على نفس المنوال.[CENTER][aldl]http://www.jewelsf.com/up/uploads/542f6eee3a.gif[/aldl]
[/CENTER]
[CENTER][COLOR=Blue]وأقم الصلاة طرفي النهار وزلفا من الليل إن الحسنات يذهبن السيئات ذلك ذكرى للذاكرين[/COLOR] [/CENTER]
[CENTER] [FONT=Tahoma][COLOR=darkslateblue][B][SIZE=4][SIZE=2]Dr Ahmed Abdelghany[/SIZE][/SIZE][/B][/COLOR][/FONT][/CENTER]
[CENTER][SIZE=4][B][FONT=Tahoma][COLOR=darkslateblue][SIZE=2]ENT,H&N consultant - Benha University
[/SIZE][/COLOR][/FONT][/B][/SIZE][SIZE=5][COLOR=Purple]my website: [url]www.drahmedclinic.com[/url][/COLOR][/SIZE][/CENTER]
Comment
-
طيب يا جماعة تسمحولي اقترح قواعد للحوار و نمشي عليها عشان كله يقدر يحط أرائه و نستفيد كلنا من المعلومات و كله فريق يعرض وجهة نظره والقارئ ياخد بلي يقتنع بيه :_
1- اللي عايز يقول رأي إن شاءالله يقول العربية الفلانية كوم زبالة يقوله براحته و باللغة اللي يشوفها مناسبة بس يذكر في الآخر إن ده رأيه الشخصي أدام مفيش دليل و لو في دليل يذكره و تبقي العهدة علي الدليل ميذكرش رأيه الشخصي علي إنه حقائق
2- نحافظ علي الألقاب و الألفاظ علي قد ما نقدر عشان شايف في ناس كبيرة في السن معانا فدول بيبقي عندهم حساسية أكبر ناحية اللغة
3-محدش ياخد أي رأي بمحمل شخصي يرد علي قد الرأي المذكور بس بغض النظر عن الشخص اللي قاله
4- المشرفين يبقي تدخلهم في أضيق الحدود أدام الناس في الآخر بتصلح نفسها بنفسها
5- محدش ينسحب من الحوار و لي يتوجهله كلام يرد عليه إحتراما للي قاله بس بالراحة و الهدوء
6- نقتنع إن الموضوع اللي بنتكلم فيه موضوع خلافي و أكيد مش هنوصل لنتائج نهائية كل المطلوب منا كل واحد يذكر وجهة نظره فقط عشان القارئ يستفيد
و في النهاية كل الناس اللي مشاركين في الحوار ناس قمة في الأدب و الإحترام و العلم
يا د/ أحمد ليا عتاب بسيط علي حضرتك يا ريت تتقبله بصدر رحب
حضرتك وجهت كلامك للأخ حسام منير و أ/هاملت اللي مشفتوش قال حاجة وحشة في الموضوع
ده غير إنه ذكر إن سنه 54 سنة يعني أكيد ليه إجلاله و إحترامه صعب شوية عليه إن حضرتك توجهه و هوا أساسا مقلش حاجة وحشة
كل عام و أنتم بخير
Comment

Comment