إعـــــــلان

Collapse

.

,
See more
See less

مين احسن محتار اجيب ايه

Collapse
This topic is closed.
X
X
 
  • Filter
  • الوقت
  • Show
Clear All
new posts

  • السادة الأفاضل حصل خير. يا ربت الكل و أنا أول واحد يهدي نفسه و يعتذر عن أى سوء تفاهم يكون كلامه سببه. كلنا قصدنا خير و أكيد ناس كتير استفادت من كم المعلومات المذكورة. همسة للسادة المشرفين أضم صوتي للأخ الفاضل أحمد أنور
    4- المشرفين يبقي تدخلهم في أضيق الحدود أدام الناس في الآخر بتصلح نفسها بنفسها
    ومع إحترامي الشديد و تقديري وإعجابي بهذااالمنتدي والقائمين عليه بلاش حكاية التهديد بغلق الحوار دي.إذا أخطأ أي شخص يمكن تنبيه من خلال الخاص و ذكراالخطأ تحديدا حتي لا يتكرر
    [CENTER] [/CENTER]

    Comment


    • يا سيد نادر ...

      الأشراف ...حسب مفهومي المتواضع ليه ... وحسب ما السادة القائمين على هذا المكان ... الذى أكن لهم وله كل تقدير وأحترام ... فهموني قبل أنتسابي لهذا المكان ... أنه تدخل لأجل ضبط الأمور ... يعنى زى ما قلت لسيادتك ... لو انا غلطان من حقك تدخل ... لو أى حد أخر غلط من حقك تتدخل ... لو أى شئ ورد ذكرة مشين ...أو خارج عن النص ... أو يخالف ... قوانين المنتدى من حقك تدخل ... أما انك تتدخل ... لأجل أنك تثير حفظتي ... وانت شايف أن الجو مكهرب ... ده شئ أنا لن أقبله ... مش علشان انا كبير على التوجيه ... لأ ... علشان انا مغلطتش فى حد ... ولم أخالف قوانين المنتدى ... مما جعل تدخلك باللون ده والأسلوب ده... فى رأيى الشخصي ... زيادة فى أستفزازى ... لأن بالطبع ... انا صاحب المشكلة ...

      وده رضي الذى يكفلة لي القانون ... حق الرد ...

      معلهش ... يا دكتور أحمد ... استحملني شوية ... والحقيقة أنت واحد من الناس اللي أنا معجب ... جداً ... بأسلوبك ... سواء فى مشاركاتك الموضوعية فى مجال السيارات ... أوحتى بعيدأ عن هذا المجال ... علشان كدة مهتم أوى أرد على سيادتك وعلشان كدة هتضطر أحط اعجابي بشخصكم الكريم على جنب ... وحيث أنى الشخص المقصود تحديداً بكلمة "البعض" فى مشاركتك ... فيبقى أسمحلي يكون حق الرد مكفول ...


      البعض يتهم الآخرين باستفزازه ويستفزهم فى نفس الوقت
      هاتلي سيادتك جملة واحدة جائت على لساني أستفذيت فيها حد ... ولو كان أعتذر له فوراً ... وامام الجميع ... يا دكتور أحمد أن بقالي داخل على أسبوع ... ما أشتركتش غير فى ساحة الهيونداى فقط لا غير ... وعمري ما تدخلت فى مشاركة فيها خلاف ... ولا مشاركة أجتماعية ... يعنى أنا اهتمامي منصب عامة فى السيارات ... وعلى الأخص الهيونداي ... لو أنا عايز أستفذ الأخوة اللي أستفذوني ... كنت بمنتهى البساطة ... دخلت على ساحة الديهاتسو ... وأشتركت فى الهجوم المشنون حالياً ... هناك ... وهو ما لم يحدث ... لأني اولاً ... بحترم نفسي ... ثانياً ... بحترم المكان اللى أنا فيه ... يعنى بالبلدى كده يا دكتور أحمد ... أنا مرحتش لحد أجر شكلة ... هما اللي أتوا لعندى ... يبقى انا فى الأخر اللي غلطان ...هسيب الحكم لضميرك ...!!! بس يار يت تقولي رأيك أيه ...

      البعض يتهم الآخرين بالتعصب ويتعصب فى نفس الوقت
      أنا لم أتعصب يا سيدى الفاضل ... إلا مؤخراً وديه السابقة الأولي ... ليا اني اتعصب فى المنتدى على الأطلاق ... وأن كنت بعد ما هديت ... وجدت ان عصبيتى دى ... شئ غلط ... أعتذر للجميع عليه ... مشرفيين وأعضاء ... بس كان الموضع حقيقى فوق أحتمالي ... وأكيد علشان ما ضيعش وقت سيادتك ... حضرتك شاهدت المشاركة الأخيرة ... اللى أفقدتني صوابي ... حط نفسك مكاني ... واسمع نفس الكلام موجهة لعربيتك ... اللى دفعت ثمنها بشقى وتعب ... وبعدين أحكم على عصبيتي ... وحيث أنها أول مرة ليا ... فكان من الممكن ... أن تلتمس لي العذر ...

      البعض يأخذ ويلوم على الآخرين أسلوبهم وهزارهم ، ويسخر منهم فى نفس الوقت!
      سخرت من ميين يا دكتور أحمد ... يا ريت تقولي أنا سخرت من مين وأمتى وأنا على أستعداد أيضاً ... أني أعتذرله حالاً ... وأمام الجميع ... أنا سخرت من نفسي ... يا سيدى ... وسخرت من عربيتى ... وسخريتى دي رد فعل عكسي ... مشهور فى الكتابة وده أسلوب أدبي مشهور ... أني طالما الكلام مش عاجبني ... أسخر من نفسي ... أو من الشيئ معرض الحديث ... اللى هو عربيتى فى الحالة دى ... وأعتقد أنه مش من الممنوع أو الحرام أني أسخر من نفسي ... طالما مأذتش مشاعر حد ...

      البعض لا يريد من أحد أن ينتقد أسلوبه ، وينتقد أسلوب الآخرين..
      أنا لم أنتقد أحد لذاته ... أنا انتقدت ... أسلوب ما عجبنيش ... وطلبت توضيحة ... وده من حقي ... أني أستفهم ... ومن اين لك بجملة ... لا يريد احد أن ينتقده ... حضرتك ... الكمال لله وحده ... لا يوجد أحد فوق الانتقاد ... وكلنا بشر خطاوؤن ... أنتقدني ... براحتك ... بس بموضوعية ... وأدينى حق الرد ... ده اللى أنا أعرفة ...
      ممكن سيادتك ... تقولي خلي بالك يا حسام أنت أتعصبت زيادة أوى ... والموضوع ما يستحقش ... أقولك ... عندك حق أنا أسف ... بس الأسلوب يا دكتور الأسلوب !!!!!


      البعض لا يريد تدخل الإشراف ويتهمهم باستخدام أسلوب المدرس مع التلاميذ ، مع أن الجميع وافق على مسئولية الإشراف قبل دخول المنتدى ، وليس من المطلوب من المشرف أن يكون طوعا لكل آمر، بل يتحرك بدافع من حسه بسير الموضوع نحو أى إتجاه..
      يا دكتور أحمد ... مين بس قال لسيادتك ... أني لا أريد تدخل الأشراف ... ما تزعلش مني ... لي عتاب عليك فى الجزئية دى ... انك أقتحمت نفسيتى ... وأستنتجت انى لا أريد تدخل الأشراف ... وده مخالف للحقيقية ... أنا أتقبل الأشراف ... بغض النظر ... عن طبيعة شخصية المشرف ... أو سنة ... أو ثقافته ... طالما أن إدراة هذا المكان هيا اللي أختارته ... بس ده ما يمنعش ... انى اعترض على رأى مشرف أو أسلوبة ... طالما تدخلة جاء في وقت غير مناسب ... ده اللى أعترضت عليه ... مش الأشراف فى حد ذاته ... لأنه لا بد من وجود مشرفيين ... وإلا هيصبح المكان سويقة لكل من تسول له نفسة الخروج على النص ... وهو بالطبع ما لا أرتضية ... بس انا مع الأشراف الموزون ... اللى يعرف يمسك العصاية من النص ... يعرف امتى يتكلم أو امتى يسكت ... ودى سياسة ... وحكمة ... بتيجي مع خبرة الحياة ... وكلنا بنتعلم ... وأنا لا أرضي أن يكون المشرف طوع أمري ... بس يهمني زى ما قلت لسيادتك قبل كدة ... أن يكون تدخلة بموضوعية ... وفى الميعاد المناسب ...

      بناءاً على ما سبق ... أريد من سيادتك بعد إذنك يا عني ... أنك تسحب جملة "مرشح للإغلاق" لأنها نوع أخر من التهديد ... واللي مش مستعد أقبله ... لا ... لاشيئ ... إلا أني بذلت مجهود مش طبيعي فى المشاركة دى ... أنا وأخوة أخريين ... فلو سيادتك المجهود ده مش معتبره موجود ... أسمحلي ... فيه ناس كثيير مقدرة المجهود ده ... فمن حقهم علينا ان الموضوع ده يفضل مفتوح ...

      وبناءاً عليه أيضاً ... راجع سيادتك كتاباتي ... وقولي أنا غلط في ميين ...وانا أعتذرلة فوراً ... وأن لم تجد ... ساعتها أكرر طلبي أيضاً ... لو الأدارة شايفة اني شخص غير مرغوب فى وجودي ... لو سمحتم بلغوني ... وانا بمنتهى البساطة ... والشياكة ... والروح الرياضية هنسحب من هذا المكان ...

      أما لو الأدارة شايفة ان وجودى فى وسطكم ... ده مقبول ... يبقى أطلب عدم أستفذاذى مرة أخرى ... أو الهجوم عليا ... أو تهديدى بأى شكل من الأشكال ... طالما لم اهاجم أحد ... ولم أخرج عن النص ... أو أخرق أى من قوانين المنتدى ... فى أنتظار رد الادارة الكريمة ...

      م / حسام منير
      [img]http://www4.0zz0.com/2007/09/13/08/85778465.jpg[/img]

      Comment


      • هو ايه الموضوع بالظبط ؟؟

        الدكتور احمد بيقول : ... و عزيزى هاملت اكرمكم الله و هدوا اعصابكم ( .... !! ) و راجعو اقوالكم فى اخوانكم ( .... !!! ) و بدون عصبيه ( ...!! )
        و الله يا دكتور انا مش عارف اقول ايه فى هذا الكلام ! أولا انا لست عصبيا على الاطلاق ..بل مزاجى رايق و صافى و لا يوجد حتى سبب لاكون عصبيا !! فانا اولا ( لا منتمى ! ) اى لا انتمى لا للمعسكر الشيوعى اليابانى :D :D و لا المعسكر الرأسمالى الكورى !! :D :D بل
        تدخلت عدة مرات ببعض المداعبات على الموضوع و ليس على الاشخاص لتخفيف حدة النقاش و تلطيف الاجواء .. و يظهر ان سيادتك بتكتب عن هاملت اخر و ليس العبد لله !

        الاستاذ احمد انور شكرا لكن على فكره انا 58 سنه مش 54 :( :( لكن انا مش زعلان من اى حد و مش عايز حد يعاملنى بتكلف على اساس انى راجل عجوز .. اللى عايز يقوللى هاملت بس او عادل من غير القاب يقول و لا ازعل من المداعبات او المزاح الراقى طالما بدون تجريح شخصى او متعمد ..و فى امريكا مثلا يستطيع اى مواطن عادى مخاطبة الرئيس الامريكى مستخدما ال short name
        و اعتقد ان الموضوع واخد اكتر من حقه و لاداعى لعصبية اى طرف او انزعاج الاستاذ نادر او باقى المشرفين و التقاليد الديمقراطية فى العالم لا تمنع شدة الاختلاف و لا تباين الاراء و لا داعى للحساسيات الشديدة فاختلاف الاراء هو الشيى الطبيعى لا ان يكون الناس نسخة واحده و رأى
        واحد و نعيش حالة ركود زى اللى احنا عايشينه فى مصر ..و احنا هنا فى منتدى حر و لسنا فى الاتحاد الاشتراكى او الحزب الوطنى ( اليمقراطى ) :D :D و لا يوجد شيئ ضد النقد حتى فمابالكم بأنتقاد عربيه يابانى او كورى ؟!! .. والمثل الصينى يقول " دع مائة زهره تتفتح " .. ياريت نسيب كل واحد يعبر عن رأيه بدون لا حساسية زايده و لا تجريح شخصى بقصد الاساءة ... و دمتم !

        Comment


        • و فى النهاية تبقى كلمة !

          كلمة اخرى بمناسبة حكاية التجاوز و التجريح و السخرية من اعضاء اخرين و غير ذلك :

          الاختلاف فى الرأى يعنى ان اوضح لمن اتناقش معه و جهة نظرى التى هى بالطبع مختلفة عن و جهة نظره فمن الطبيعى ان يحاول الشخص تأكيد وجهة نظره و الدفاع عنها و فى نفس الوقت تبيان
          لماذا و جهة نظر زميله غير صحيحة .. و لا يعنى اظهار ان و جهة النظر الاخرى خاطئة ان الشخص يتجاوز فى حق الاخر و المهم الاسلوب .. فعلى سبيل المثال عندما يختلف " أ " مع " ب " على نقطة ما .. فأذا كتب " أ " ما يلى :
          1 - ان كلامك غير صحيح بدليل كذا و كذا .. الخ
          او ان يكتب : 2- انت حمار و مش فاهم حاجة ..الخ !!

          طبعا فى الحالة الاولى فليس هناك تجاوز او تجريح فى التعبير بأن " ب " على خطأ او ان رايه غير سليم او يدل على نقص فى المعلومات و غير ذلك ... فلا اجد فى ذلك اى عيب غلى الاطلاق
          اما فى الحالة الثانية فطبعا الموضوع كده خرج عن حدود الادب و اللياقة و يصبح سباب ينبغى وقفه .

          و اعتقد ان المسائل لم تصل الى هذا الحد رغم سخونة الحوار .. و زعل البعض احيانا ليس له مبرر !

          ثانيا : اعتقد ان حيوية و سخونة الحوار مطلوبة و ميزة و ليست عيبا ! و عن تجربة و متابعة لبعض الموضوعات الاخرى فى هذا المنتدى فهناك كثير من موضوعات هذا المنتدى يعيبها الركود و ليس بها حوار و لا اراء متعدده و البعض يسأل اسئلة لا يجد لها جواب و لا يرد عليها احد .. ركود شديد
          اما فى هذا الموضوع بقسم الهونداى فقد وصلت عدد الصفحات الى 10 حتى الان بالتمام و الكمال .. ربنا يزيد و يبارك .. فهل يريد البعض الا يزيد تعدد الاراء عن ربع صفحة و يهمل الموضوع بلا استفاده حقيقية للاعضاء ؟... مجرد خواطر لعل يكون فيها الشفاء .. :roll: :roll:

          Comment


          • لأ يا أ/هاملت ده غير النهاية الموحدة لكل المواضيع
            هات لانسررررررررر :D :D :D :D :D
            خلوا البلد امتلت لانسر ، أنا عرفت أيه السبب دلوقتي :D :D :D

            Comment


            • اااااه لانسررررررررررر !! بجد و الله حتى لو قالو عليها يابانى انا اطيق العمى و ماطقهاش !!
              و مش عارف ازاى شركة كبيرة زى ده معندهاش مصمم واحد يوحد ربنا و عندها فلوس ياما ممكن تشفل الف مصمم على مستوى .. فعلا شكلها قميئ حتى لآدا 2107 شكلها لطف ......
              و حتى الشكل الجديد بتاع 2008 عايزين يقلدوا و يعملوا منظر بس برضه فلاحين :D :D

              والله بجد مش موضوع يابانى انما الموضوع خاص بميتسوبشى بالذات .. شكلها " فلح " خالص و العياذ بالله ..كورولا و Avensis , Camery , و كذلك Civic و غيرها ماشى لكن هذه السياره البشى بيشى يفتح الله :D :D

              Comment


              • تصدق موضوع هاااااااااااااااااااااات لانسر ده هو اللى خلانى أصريت أجيب البروتون واجا :lol:
                [SIZE="3"]م / هانى أبو عبدالرحمن [/SIZE]
                :satelite:

                Comment


                • و حتى الشكل الجديد بتاع 2008 عايزين يقلدوا و يعملوا منظر بس برضه فلاحين

                  والله بجد مش موضوع يابانى انما الموضوع خاص بميتسوبشى بالذات .. شكلها " فلح " خالص و العياذ بالله ..كورولا و Avensis , Camery , و كذلك Civic و غيرها ماشى لكن هذه السياره البشى بيشى يفتحالله
                  فهمنى ياسيد هاملت بأسلوبك الظريف الخفيف العفيف.. هل هذا يعتبر نقد موضوعى للسيارة أم مبالغة وإيذاء لمشاعر من اشتروها؟
                  وهل اليابانيين منهم برضه فلاحين وغير فلاحين زى المصريين؟
                  كما أريد أن أعرف معنى "البيشى بيشى" لأن الجيل الحالى ليست عنده خبرة الخمسينات من القرن الماضى.
                  [CENTER][aldl]http://www.jewelsf.com/up/uploads/542f6eee3a.gif[/aldl]
                  [/CENTER]
                  [CENTER][COLOR=Blue]وأقم الصلاة طرفي النهار وزلفا من الليل إن الحسنات يذهبن السيئات ذلك ذكرى للذاكرين[/COLOR] [/CENTER]
                  [CENTER] [FONT=Tahoma][COLOR=darkslateblue][B][SIZE=4][SIZE=2]Dr Ahmed Abdelghany[/SIZE][/SIZE][/B][/COLOR][/FONT][/CENTER]
                  [CENTER][SIZE=4][B][FONT=Tahoma][COLOR=darkslateblue][SIZE=2]ENT,H&N consultant - Benha University
                  [/SIZE][/COLOR][/FONT][/B][/SIZE][SIZE=5][COLOR=Purple]my website: [url]www.drahmedclinic.com[/url][/COLOR][/SIZE][/CENTER]

                  Comment


                  • ههههههههههههههات !

                    اخويا العزيز عبد الرحمن بأعتبارى زى اخوك الكبير و براعى مصلحتك احب ان اوجه لك هذه النصيحة بعد انشاء الله ما تبيع الواجا انصحك ب :


                    هااااااااااااااااااااااااااااااااااااااااااااات لانسسسسسسسسسسسسسسسسسسسسر


                    Don`t Cry for me Argentinaaaaaa




                    ------------------------------------------------------
                    Note : Same advise goes to our friend Ahmed Anwer

                    Comment


                    • الاخ الاستاذ الكتور شكرا

                      الالستاذ الدكتور احمد ...
                      و الله يا استاذنا الواحد محتار ..هناك شئ فى الادب (بمعنى Litterature ) اسمه الادب الفكاهى او عايز تسميها كوميديا سميها بمعنى استخدام اسلوب ساخر للتعبير عن معنى يصل للمتلقى و ليس المقصود المعنى الحرفى - و هذا ينطبق على كلمة فلح او فلاحين و لم اقصد بالطبع الاساءه للشعب اليابانى فانا سافرت اليابانى ( فى القرن الماضى !!!!!!! - شكرا !)
                      و احب هذا الشعب جدا بل و كنت على وشك الزواج من يابانيه .. و الاستاذ احمد رجب يكتب مثلا كثيرا عن ان الوزراء فى مصر كدابين و تصريحاتهم فى رمضان مفطرة ..الخ
                      و انا شخصيا والدى صعيدى ووالدتى من الريف ( فلاحه يعتى ) و لا اقصد بتاتا لا الاسأه لا للفلاحين و لا لليابانين و ياريت نبقىفى مصر و لو واحد على مليون منهم فى العلم و الذوق و الادب و العمل ..يا عزيزى انا انتقد فقط تصميم الميتسوبيشى .. فماذا فى ذلك ؟ هذا رأيى الشخصى و ذلك لا يشكل بأى حال اسأءه لمن لديه سياره ميتسوبيشى فالمفروض انه اشتراها لاعجابه بها .. فأذا كانت تعجبك و لا تعجبنى فما العيب فى ذلك ؟؟ .. و بالمناسبه يا سيدى انا لدى سيارة رينو ميجان فيمكنك ان تنقدها ما شاء لك النقد و تقول عنها مش بس فلح انما زبالة كمان ... و لن ازعل اطلاقا .. والله على ما اقول شهيد ..الناس اذواق يا سيدى و تاج راسى
                      و انا مش هازعل منك غلشان قلت عنى انى من خمسينات القرن الماضى .!! . متشكرين يا ذوق .. و على فكرة تحب اقول لك اكتر من كده ؟؟ : انا ولله الحمد لست من خمسينات القلرن الماضى لانى مولود سنه 1949 .. يعنى من اربعينات القرن الماضى .!! . و على فكرة للتذكرة فسيادتك سوف تصل ايضا الى هذا السن ان شاء الله !
                      عجيبه و الله ان البعض يحب ان يعطى الاخرين دروس طول الوقت ! طيب يا سيدى يا دكتور يا مثقف محسوبك يشكرك على الدروس القيمه .. زادك الله علما .

                      Comment


                      • 2

                        استكمالا لرسالة الاخ الفاضل الدكتور احمد ..

                        سئوال : هل اليابانين عندهم كمان فلاحين زينا ؟؟ .. ايوه يا سيدى فى اليابان برضه فلاحين كتير زينا و كل الشعوب فيها ناس تعمل بالفلاحة ( و الفلاحه بتعبير العواجيز بتوع الخمسينات زينا ) يعنى بتوع الزراعه Agriculture !

                        و فى الدول الاجنبيه (المتخلفة ) عندما يقولون على ذوق واحد او حاجه انه فلاحى فليس بغرض الاساءه بل لبيان انه ذوق لا ينتمى لمجموعة قيم الجتمع الصناعى التى تتسم بالتعقيد و الرفاهية و تعتمد على العلم و لا تنتمى لقيم المتمع الزراعى البسيطة البدائية و القليدية ... هذا هو يا سيدى يا تاج راسى المقصود بكلمة فلاحى .. فأذا اردت سياتك ان تفهم منها انى اريد الاساءة للشعب اليابانى الصيق و ناقص تقول سيؤدى لقطع العلاقات الدبلوماسية مع الشعب اليابانى الصيق فهذا فهمك انت و لا يلزمنى !
                        ثانيا : انا لم انتقد الميتشوبيشى لانها سيارة يابانية بالتحيد فشركة سيارت ميتسوبيشى شركة خاصة لا
                        تمثل الا نفسها و رئيسها نفسه لن يهيج و يميج اذا رأى فى الصحف نقدا لموديل من مويلات شركته بل سيحاول ان يستفيد من النقد .. و احيانا نحن ملكيون اكتر من الملك !! و للتأكيد على عدم كراهيتى للشعب اليابانى الصديق مدحت فى سيارات يابانية اخرى كثيرة ( كامرى - كورولا - سيفيك .. الخ ) بل حتى لم انتقد ميتسوبيشى بالكامل بل كان كلامى ينصب على تصميم السيارة !
                        كما ان المضحك فى الموضوع و الذى اوصلنا لهذا التعليق الضاحك هو ما لاحظته انا و لاحظه معى اعضاء اخرين منهم ا. احمد انور و أ. عبدالرحمن بأن نصائح كثيرة من البعض بعد تشريك كثير من السيارات تنتهى بالعبارة الخلده : هاااات ميتسوبيشىىىىى !
                        ثالثا : و اخيرا فحكاية البيشى بيشى و انها من خبرة العواجيز امثالنا بتوع الخمسينات .. فأسمح لى ان اقول لسيادتك ان الاربعينات و الخمسينات كانت عصر طه حسين و العقاد و توفيق الحكيم و احمد
                        امين و العللم مصطفى مشرفة و سلامة موسى و ام كلثوم و عبد الوهاب و كل القمم .. كما تلفى فيها تعليمه العالم فااروق الباز و احمد زويل و نجيب محفوظ .. و تعبير الويشى ويشى تعبير فكاهى
                        يناسب جيل القرن الواحد و العشرين تأثرت فيه بالثقافة المعاصرة و اساتذتها عدوية و بوحه و
                        شعبولا .. و على العموم يا سيدى و تاج راسى انا اعتذر عن هذه الالفاظ السويقية و ارجو حذفها من المظبطة .. و شكرا

                        Comment


                        • أوضح للجميع إن نقد السيارات فى منتدانا يشمل نقاط كثيرة آخرها الشكل لأنه أكثر الأمور نسبية بين الناس وربما أكثرها حساسية، يعنى مثلا لا أظنه مقبول ذوقيا أن أقول عن قميصك إنه زبالة ولا بنطلونك إنه زفت وأقول دا رأيى.. ممكن أقول خامته كذا أو ماركته أو صناعته.. إنما استخدام ألفاظ معينة أو سوقية لوصف الأشياء الخاصة أمر يعتمد على قدرتك على إحترام مشاعر الآخرين.

                          وللأخ هاملت.. أنا لم أناقش كل مافتحته من مواضيع عن الزمن الجميل والدروس الخصوصية التى أعطيها للناس طول الوقت ولا عن الزراعة فى الدول المتخلفة ، ولا أملك رفاهية الوقت الذى يسمح لى بالرد على كل ما لا يعجبنى فى ردود الآخرين.. لكن المزاح والأسلوب الساخر سلاح ذو حدين-درس جديد- لا يجب أن يكون أسلوب أى فرد طول الوقت ولا مع كل الناس.

                          ولأخى الفاضل حسام منير: سأكتب تعقيب لحضرتك على الخاص لعدم حاجة الأعضاء لهذا النقاش.
                          [CENTER][aldl]http://www.jewelsf.com/up/uploads/542f6eee3a.gif[/aldl]
                          [/CENTER]
                          [CENTER][COLOR=Blue]وأقم الصلاة طرفي النهار وزلفا من الليل إن الحسنات يذهبن السيئات ذلك ذكرى للذاكرين[/COLOR] [/CENTER]
                          [CENTER] [FONT=Tahoma][COLOR=darkslateblue][B][SIZE=4][SIZE=2]Dr Ahmed Abdelghany[/SIZE][/SIZE][/B][/COLOR][/FONT][/CENTER]
                          [CENTER][SIZE=4][B][FONT=Tahoma][COLOR=darkslateblue][SIZE=2]ENT,H&N consultant - Benha University
                          [/SIZE][/COLOR][/FONT][/B][/SIZE][SIZE=5][COLOR=Purple]my website: [url]www.drahmedclinic.com[/url][/COLOR][/SIZE][/CENTER]

                          Comment


                          • يا د/ أحمد
                            وصفوا الماتريكس في المنتدي بالكشك و المكواة و الكنكة
                            و وصفوا السيريون بالتوك توك و بالبناتي
                            و وصفوا الصني بعربية جدو
                            و أنواع كتير أوي اتريقوا علي أشكالهم
                            أيه المشكلة ؟؟؟
                            و الشكل مش عنصر ثانوي في العربية ده عنصر أساسي جدا
                            شفت بقه إزاي حضرتك اتضايقت اوي و رديت لما حد انتقد عربيتك في حاجة أذواق ، و حضرتك شايفها ثانوية
                            و بتلوم علي م/ حسام لما اتنرفذ لما قالوا علي عربيته كلها فراغات :D :D :D :D
                            يا ريت يبقي الكيل مش بمكيالين

                            Comment


                            • و بتلوم علي م/ حسام لما اتنرفذ لما قالوا علي عربيته كلها فراغات
                              الفراغات كانت على الإلنترا القديمة مش بتاعة م/حسام ثم دى حقيقة واضحة
                              أما بالنسبة للشكل فدى أذواق و ليست حقيقة ثابتة

                              Comment


                              • هل تعتبر وصف السيارة بأن فيها فراغات وصف للشكل؟؟؟ أدهشتنى!!!

                                وأين المكيالين هنا يا صديقى؟؟ هل رأيتنى أمدح إزدراء شكل سيارة من قبل؟؟
                                وهل توافق على ازدراء الشكل وتستشهد بما قاله البعض تجاوزا ومش شايف إنه مشكلة؟؟؟
                                وهل هذا هو النقد الموضوعى الذى ننتظره فى منتدى للسيارات

                                أرجوك أن تتأنى قبل ان تتهمنى بالكيل بمكيالين لأنه اتهام مش ظريف ولا أقبله .

                                وأخيرا احب أن أعرف الهدف من الموضوع المفتوح الآن: "مين أحسن محتار أجيب إيه".. ممكن تقول لى يا أستاذ أحمد انور؟
                                [CENTER][aldl]http://www.jewelsf.com/up/uploads/542f6eee3a.gif[/aldl]
                                [/CENTER]
                                [CENTER][COLOR=Blue]وأقم الصلاة طرفي النهار وزلفا من الليل إن الحسنات يذهبن السيئات ذلك ذكرى للذاكرين[/COLOR] [/CENTER]
                                [CENTER] [FONT=Tahoma][COLOR=darkslateblue][B][SIZE=4][SIZE=2]Dr Ahmed Abdelghany[/SIZE][/SIZE][/B][/COLOR][/FONT][/CENTER]
                                [CENTER][SIZE=4][B][FONT=Tahoma][COLOR=darkslateblue][SIZE=2]ENT,H&N consultant - Benha University
                                [/SIZE][/COLOR][/FONT][/B][/SIZE][SIZE=5][COLOR=Purple]my website: [url]www.drahmedclinic.com[/url][/COLOR][/SIZE][/CENTER]

                                Comment

                                Working...
                                X