إعـــــــلان

Collapse

.

,
See more
See less

مين احسن محتار اجيب ايه

Collapse
This topic is closed.
X
X
 
  • Filter
  • الوقت
  • Show
Clear All
new posts

  • #46
    رمضان كريم علينا جميعا
    و شكرا لحضرتك
    Hisham

    [SIGPIC][/SIGPIC]

    Comment


    • #47
      بس انا مبسوط لأن حتى لو اختلف بعضانا مع بعض شويه (مع العلم ان الاختلاف لايفسد للود قضيه)
      الا انه كله صب فى مصلحه ا/ hasamonty علشان من اختلافاتنا و تفكيرنا المختلفه اعطته معلومات و مجال اكبر للتقييم و الاختيار ما هو مناسب له
      Hisham

      [SIGPIC][/SIGPIC]

      Comment


      • #48
        يا راجل ده تلاقيه ضميره بيأنبه دلوقتي و حاسس إنه عمل فتنة
        الراجل كان داخل و هوا مستريح نفسيا للإلنترا ، طلعت فرز تاني :lol: :lol: :lol:
        و الله أعلم ممكن واحد يقولنا دي معمولة في الحرفيين :mrgreen: :mrgreen: :mrgreen:
        و يجبلينا الللينك بتاع الأسطي عبده
        معلهش يا جماعة الفافية حكمت

        Comment


        • #49
          الحمد لله انا استقريت غلي الانترا وشايفها انها جمده اوي و احسن عربيه في سعرها وبعدين كوري ايه و ياباني ايه ماهي الهيونداي مالي البلد اهه ....بس سؤال هو غبور فعلن وحش
          HaSaMoNty

          Comment


          • #50
            هو غبور فعلن وحش

            حتعرف لوحدك
            :roll:

            Comment


            • #51
              موديلات العربيات اللي بتنزل مصر غالبا مختلفة عن بقية دول العالم (شئ طبيعي)
              أستاذ ... Chicco أيوه كلامك مظبوط ... ممكن العربيات تنزل مصر بـ Options مختلفة أو تنزل أى دولة أخرى بـ Options ... تانية خالص ... وممكن يكون الموتور التكنولوجيا بتاعته قديمة ... ومش هوه نفس الموتور اللي بينزل فى أوربا مثلاً ... أو مكن يكون موديل اتوقف انتاجه تماماً ... بس لسة بينزل مصر ... علشان محقق نجاح ... كل اللى سبق ده ممكن ... بس اللي مش ممكن وضع قطع معيوبة أو فرز تاني فى عربية لسة جددية بيتم تجميعها على خط الأنتاج ... ده لا يمكن يحصل أبداً ... لأن ده يعتبر غش تجارى ... وما فيش ماركة عربيات محترمة ترضى تعمل تعمل كدة ... علشان فى الأخر دى أرواح ناس ... اللى هتبقى راكبة العربيات دي ...

              أستاذ Ahmed Anwer و أستاذ Kisho ... أشكر مداخلاتكم الهادئه ... وأحب بس أشرح لحضراتكم ان الموضوع بالنسبة لي لم يكن كوري ... أو ياباني ... الموضوع كان بالنسبة ليا Concept ... فى الصناعة أنه لا يمكن أن يتم تركيب أجزاء معيوبة أو فرز تاني ... فى المصانع الكبرى ... بس لمعلومية سيادتكم ... فى ورش صناعية فى الهند لا ترتقي إلى كلمة مصانع ... متخصصة فى تجميع سيارات حسب الطلب نسخة من سيارات أخرى ... يعنى سيادتكم تروحوا للورش دي تطلبوا نسخة من سيارة عجباكم ... وبتتعمل بس طبعاً ... بتبقى حاجة فرز عاشر مش تاني ... وبيستخدموا فيها قطع مصنعة تحت السلم ...


              بس سؤال هو غبور فعلن وحش
              أستاذ حسام ... أيوه أسواء ما فى هيونداي توكيله فى مصر ... لأن مراكز الخدمة الخاصة بيه مش كثيير ... والمراكز المعتمدة بتبقى صغيرة ... وممكن ما يكونش فيها كل التجهيزات اللي بتبقى فى مراكزه الرئيسية ... وكل ده بيتأثر بيه راكب السيارة ... وخاصة انه بيشترط أنك تعمل الصيانة كل 5,000 كم ...يعني هتروح تقريباً من 3 إلى 4 مرات فى السنه الواحده ... مما يسبب للراكب عبأ نفسي لما يراه من أهمال ولا مبالاه من المسئوليين عن الصيانه هناك ... وأن كان مركز أبو رواش فى طريق القاهرة - الأسكندرية الصحرواى هو أفضلهم على الأطلاق ( أحسن الوحشيين) ... بس الحقيقة انا أبتديت أحس أنهم اليوميين دول بيحاولوا يطوروا نفسهم شوية ... ويحسنوا الخدمات ... وأعتقد ان ده بسبب أنه طرح أسهم فى البورصه فبيحاول يحسن شكله ... يا ترى الكتالوج وصلك ؟؟؟ ... وايه رأيك !!!

              تحياتى للجميع ...

              م / حسام منير
              [img]http://www4.0zz0.com/2007/09/13/08/85778465.jpg[/img]

              Comment


              • #52
                طلعت فرز تاني
                و الله أعلم ممكن واحد يقولنا دي معمولة في الحرفيين

                يا أخي الحبيب انت اكبر من انك تستهزأ بكلام غيرك وانت ذات نفسك اعترفت وقولت

                أنا بصراحة مبفهمش أوي في حكاية جودة الخامات

                للأسف ان أخواني الاحباء أخذوا الكلام اللي احنا بنقوله على السيارات وطبقوه على السلع الصيني اللي احنا ثقافتنا اخذت منها ان الفرز التاني يعني معيوب

                يا اخواني الاحباء يمكن انا لم أتحرى التعبير المظبوط ولكن بمعنى أصح يعني الكوالتي بتاعت الخامه المصنع منها السياره يعني على سبيل المثال :

                - دهان السيارات الكوري ليس دهان الياباني
                - عزل السيارة من الأسفل تحت الدهان متخدم عليه في الياباني مش زي الكوري
                - نوعية البلاستيك اللي مصنع منها التابلوه في نوعيى بتحس أنها عاوزه عالطول يتحط عليها زيوت علشان تلمه ومتجيرشي وفي نوعيه مش بتحتاج الا ان انت تنظفها من التراب اللي عليها ومبتجيرشي
                نوعية الخامات اللي مصنع منها قطع الغيار واستحمالها الظروف اللي هيا شغاله فيها (( يعني على سبيل المثال في النوبيرا معروف ان في وصلتين بلاستيك بياخدو مية الرادياتير من الماتور الى داخل التابلوه علشان التكييف السخن ... معروف لكل العالمين بالنوبيرا او الدايو عموما انهم بيتكسروا ويسربوا الميه اللي فيها بدون سابق انذار وبدون عمر معين ولكن هو مش اكتر من 50 الف كيلو واكيد هتعمل كده طيب دي في حته حساسه ولو الميه اتسربت واكيد انت مش شرط هتاخد بالك والعربيه هتسخن فجأة والله اعلم هتاخد بالك ولا لأ ))) ده مثيل بسيط في اكتر
                برضه نوعية الخامات اللي مصنع منها الخراطيم اللي داخل الكبوت وعمرها الأفتراضي

                انا بقه اتحدى حد يثبتلى العكس

                وعلى فكره العربيات القديمه للكوري زي الألنترا القديمة موديل التسعينات كانت خامات جيده ولكن مش عارف ايه اللي حصل من ساعة ما غبور دخل في الموضوع وممكن اللي مش مصدق يركب اكسيل كوري مش مصري قديم او الألنترا القديمة التسعينات وهو هيعرف معنى اللي انا بقوله

                محدش بقه جاب سيرة سبيكة الماتور او الشاسية او حاجه زي كده وده المفروض معروف لأي واحد بيفهم ا ب في العربيات انها حاجات مببتغيرشي لأنها اساس العربيه وهي دي اصلا ثمن السياره

                فياريت نكون اكبر من ذلك ونتفهم بعض بطريقه فيها حسن نوايا لأن مثل هذا الأسلوب التهكمي لا يغني ولا يثمن من جوع الا الفرقه بيننا وبين انفسنا
                [SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
                [COLOR="Olive"]قال رسول الله صلى الله عليه وسلم :[/COLOR]
                [COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]

                Comment


                • #53
                  احنا ثقافتنا اخذت منها ان الفرز التاني يعني معيوب
                  أستاذ أبو عبد الله ... أخونا الحبيب ... أعتذر لك بس كلامك غلط ... فرز تاني ( هذه المعنى ... صناعياً ... وتجارياً ) تعني وجود عيب فى المنتج ... أيوه فرز تاني تعنى وجود عيب يا أما مكانش تبقى فرز تاني ... لولا وجود هذا العيب ...

                  يا اخواني الاحباء يمكن انا لم أتحرى التعبير المظبوط
                  هأعتبر الجملة دى اعتذار غير مباشر ... من جانب سيادتك على التصريح الخطير اللي سيادتك ... أديلت به فى ساحة الهيونداى ان السيارت الكوري فى مصر فرز تاني ... وده بالظبط اللى حبيت أقوله لسيادتك ان التعبير خانك فى موضوع الفرز التاني ... الخاص بالسيارات الكوري ...
                  انا بقه اتحدى حد يثبتلى العكس
                  أثبت لسيادتك قبلاً ان السيارة المتسوبيشى الياباني حالياً ... بها مكونات صيني ... واكيد الصيني مش زى الياباني الأصلي ... وكما قلت أيضاً قبلاً الكمال لله وحده

                  وعلى فكره العربيات القديمه للكوري زي الألنترا القديمة موديل التسعينات كانت خامات جيده ولكن مش عارف ايه اللي حصل من ساعة ما غبور دخل في الموضوع وممكن اللي مش مصدق يركب اكسيل كوري مش مصري قديم او الألنترا القديمة التسعينات وهو هيعرف معنى اللي انا بقوله
                  - اللي أعرفة ان الصناعات بتتطور ولا تتأخر ... يعنى عربية جيدة ... تزداد جودة ... ولا يمكن أن عربية جيدة تتطور للاسواء ... برضة معلهش أستحملني كلامك صناعياً ... به مغالطه ... بس علشان نتكلم صح ... ممكن نقول أن العربيات كانت زمان أفضل من وجهة نظر الأستحمال وده نتيجة لتخلينا عن تدخل الحديد فى صناعة السيارات ... يعنى مثلاً كل ال Belts (السيور) كانت من الحديد اصبحت من الكاوتش ... الصاج كان امتن ...بقى أخف ... الفيبر تدخل فى أجزاء كثيرة من السيارات والطائرات وحل بديلاً عن الصاج ... بس كل ده صاحبه تكنولوجيا عالية جداً فى صناعة المواتير ... والرفاهية فى السيارات ... وعناصر الأمان ... وبقينا بنشوف عربيات قيادتها سلسة ... وفى منتهى النعومة ... وكمان بتوصل لسرعات ... لا تستطيع الأجيال السابقة أن تصل لها ... فإجملاً ... نستطيع ان نقول ان السيارات الأحدث أضعف من حيث الأستحمال ... بس أفضل من حيث القيادة والسرعات ... وتوافر عناصر الأمان ... المهم فى الحكم أنا بقيس على أى Parameter ... يعنى انا بقارن حسب أى وجهة نظر ... هو ده اللي يخلينى افهم الموضوع صح ...

                  - أما عن غبور وتدخله ... فده اخره حاجتين ... اللعب فى أسعار البيع وتحكمه فيها ... أو تقديم خدمة ما بعد البيع السيئة كما نعلم جميعاً ... وأن كان مش هو لوحدة جميع التوكيلات فى مصر بإستثناء توكيل رينو اللي بيديك خدمة ممتازة امام مقابل مادي مرتفع للغاية ... أكثر من كدة غبور لا يستطيع ان يغير فى خامة السيارات اللي نازلة مصر ... أو حتى السيارات المجمعة محلياً ما يقدرش يلعب فيها زى ما حضراتكم فاهميين - ومش دفاع عنه - بس طالما بيجمع بيبقى عليه رقابة من الشركة الأم فى كوريا ... ودول لن يتهاونوا فى سحب التوكيل منه لو علموا انه يستخدم بعض القطع فى التجميع مخالفة للمواصفات ... وكل شوية تلاقى لجنة جايه من كوريا وعاملين تفتيش على مصانعة ... اللى بيجمع فيها ... خوفاً على أسمهم لأنهم المصنع الخامس حالياً عالماً ... وعنيهم على المركز التاني ... وبيطوروا نفسهم بسرعة غريبة ...وده مش معناه انه مش بيسترخص لأ ... أكيد بيسترخص بس في حدود ... علشان هو أول واحد هيتخرب بيته لو التوكيل ده أتسحب منه ...


                  محدش بقه جاب سيرة سبيكة الماتور او الشاسية او حاجه زي كده وده المفروض معروف لأي واحد بيفهم ا ب في العربيات انها حاجات مببتغيرشي لأنها اساس العربيه وهي دي اصلا ثمن السياره
                  ما عرفش ليه حضرتك مصر أني مش بفهم فى العربيات ما أني أكدت لسيادتك انى بفهم صدقني فى العربيات على قدى كدة ... وطلبت مني اعرفك بطبيعة عملي ... وعرفتهالك ... دى تاني مرة تغلط فيا ... وعلى العموم ... أنا مش زعلان منك ...

                  فياريت نكون اكبر من ذلك ونتفهم بعض بطريقه فيها حسن نوايا لأن مثل هذا الأسلوب التهكمي لا يغني ولا يثمن من جوع الا الفرقه بيننا وبين انفسنا
                  - الحقيقة أنا مش عارف أنت تقصدني أنا بالجملة دى أو احد اخر ... ولكن هذكرك بشئ أني ...لم أهاجمك شخصياً ولم أتهكم ... على الأطلاق خلال الحديث ... بل تناقشت معك فى كلامك اللى معجبنيش ... وانا أسف يا سيدى الفاضل ... متعودتش أقرأ أو أسمع شئ ... وميدخلش دماغى وأسكت ... وبناء عليه أذكر حضرتك - لو سيادتك تقصدني - انى مش صغير ... وقمت بالرد على كلام سيادتك اللى معجبنيش بمنتهى الهدوء والواقعية والموضعية ... وبدون الغلط اطلاقاُ فى شخصكم الكريم ... ودى برضة لو تقصدني بأعتبرها ثالث مرة تغلط فيا ...

                  - كان نفسي تقول ان المناقشة الموضوعية المحترمة - حتى ولو سيادتك طلعت فيها غلطان - أو ما نتج عنها من أختلاف فى الرأى ... لا يفسد للود قضية ... يعنى الأحترام موجود ... ومتبادل ... ده اللى كان نفسي اقرأه بس يا خسارة كبستنى بقولك " نكون اكبر من ذلك... " ...

                  تحياتى للجميع ...

                  م / حسام منير
                  [img]http://www4.0zz0.com/2007/09/13/08/85778465.jpg[/img]

                  Comment


                  • #54
                    اقتباس:

                    احنا ثقافتنا اخذت منها ان الفرز التاني يعني معيوب



                    أستاذ أبو عبد الله ... أخونا الحبيب ... أعتذر لك بس كلامك غلط ... فرز تاني ( هذه المعنى ... صناعياً ... وتجارياً ) تعني وجود عيب فى المنتج ... أيوه فرز تاني تعنى وجود عيب يا أما مكانش تبقى فرز تاني ... لولا وجود هذا العيب ...
                    يعني انت مسكت دي وسبت اني قولت الكواليتي

                    هأعتبر الجملة دى اعتذار غير مباشر ... من جانب سيادتك على التصريح الخطير اللي سيادتك ... أديلت به فى ساحة الهيونداى ان السيارت الكوري فى مصر فرز تاني ... وده بالظبط اللى حبيت أقوله لسيادتك ان التعبير خانك فى موضوع الفرز التاني ... الخاص بالسيارات الكوري ...
                    والله انت بتضحكني مش عارف ليه
                    هو ليه حضرتك مش مباشر
                    اولا ده مش اعتذار لو انا كنت اقصد حاجه تانيه وغلطت انا على استعداد اني اعتذر لن مفيش حد كبير على الأعتذار
                    ولكن انت مصصم انك تاخد بسوء النيه وانا كنت اقصد ما اقوله في الأول لأني جربت اشتري قطع غيار من الخارج واتسألت انا عاوزها درجه اولى ولا تانيه وبرضه انت مصمم ......... مش مشكله انك تصمم براحتك ولكن لا تكن حجر على الأخرين وبل تفتري على الأخرين وتخطأهم كمان .......... فده غير مقبول بالمره


                    اقتباس:

                    انا بقه اتحدى حد يثبتلى العكس



                    أثبت لسيادتك قبلاً ان السيارة المتسوبيشى الياباني حالياً ... بها مكونات صيني ... واكيد الصيني مش زى الياباني الأصلي ... وكما قلت أيضاً قبلاً الكمال لله وحده
                    هو حضرتك سبت العربيات كلها الياباني ومسكت في اللانسر وسيبت العربيه اللانسر كلها ومسكت في الجنط الأستبن اللي بعض الناس لقيته صيني

                    برضة معلهش أستحملني كلامك صناعياً ... به مغالطه ... بس علشان نتكلم صح ... ممكن نقول أن العربيات كانت زمان أفضل من وجهة نظر الأستحمال وده نتيجة لتخلينا عن تدخل الحديد فى صناعة السيارات ... يعنى مثلاً كل ال Belts (السيور) كانت من الحديد اصبحت من الكاوتش ... الصاج كان امتن ...بقى أخف
                    برضه مصمم تغلط في شخصي وانا لم اخطأ واقولك كلامك غلط مش عارف والله اعمل ايه يعني
                    يا اخي الفاضل عاوز تثبت رايك ملكشي دعوه بكلامي غلط ولا صح انت قول اللي عندك لأن ده مش اسلوب جيد للحوار ولا مش عاجبك اني بقول ان نكون اكبر من كده

                    عالعموم مين قال لحضرتك انها كانت حديد وبقت من الكاوتش ......... اه دي بقه من الغرائب
                    من زمان كانت كاوتش والله برضه من ايام 128 والبيجو
                    بدليل ان الكورولا الجديدة حديد والمرسيدس الجديد حديد


                    الفيبر تدخل فى أجزاء كثيرة من السيارات والطائرات وحل بديلاً عن الصاج ... بس كل ده صاحبه تكنولوجيا عالية جداً فى صناعة المواتير ... والرفاهية فى السيارات ... وعناصر الأمان ... وبقينا بنشوف عربيات قيادتها سلسة ... وفى منتهى النعومة ... وكمان بتوصل لسرعات ... لا تستطيع الأجيال السابقة أن تصل لها ... فإجملاً ... نستطيع ان نقول ان السيارات الأحدث أضعف من حيث الأستحمال ... بس أفضل من حيث القيادة والسرعات ... وتوافر عناصر الأمان ... المهم فى الحكم أنا بقيس على أى Parameter ... يعنى انا بقارن حسب أى وجهة نظر ... هو ده اللي يخلينى افهم الموضوع صح ...
                    يظهر ان حضرتك كبرت الموضوع ودخلته في حاجات اكبر من اللي احنا بنتكلم عليها فانا بتكلم على الخامات اللي مصنع منها السيارات الكوري مقارنة بالياباني
                    انا لم اقل انها المفروض تبقى حديد والعربيات الياباني فيها كل اللي انت قولته ده فأيه لازمت اللي انت قولته ده
                    انا مش عارف انا قولت ايه علشان حضرتك ترد الرد الكبير ده لأني لم اقل شئ يستدعي اللي انت قولته ده


                    أكثر من كدة غبور لا يستطيع ان يغير فى خامة السيارات اللي نازلة مصر ... أو حتى السيارات المجمعة محلياً ما يقدرش يلعب فيها زى ما حضراتكم فاهميين - ومش دفاع عنه - بس طالما بيجمع بيبقى عليه رقابة من الشركة الأم فى كوريا
                    أحب ان أؤكدلك ان الكلام مش مظبوط بالمره والدليل ان الأكسنت القديمه لما جه نزل سعرها لــ 52 الف كانت فيها عافشه صيني وليست كوري

                    وبعدين حضرتك مش عارف أن اللي زي غبور في العالم بيبقى بيشتري الموديل ويعمل اللي هو عاوزه فيه يعني يحط الخامات اللي هو عاوزها ويعملها بالتكلفه اللي هوا عاوزها وهو ده برضه من الفروقات بين اليابانيين والكوريين .........



                    محدش بقه جاب سيرة سبيكة الماتور او الشاسية او حاجه زي كده وده المفروض معروف لأي واحد بيفهم ا ب في العربيات انها حاجات مببتغيرشي لأنها اساس العربيه وهي دي اصلا ثمن السياره



                    ما عرفش ليه حضرتك مصر أني مش بفهم فى العربيات ما أني أكدت لسيادتك انى بفهم صدقني فى العربيات على قدى كدة ... وطلبت مني اعرفك بطبيعة عملي ... وعرفتهالك ... دى تاني مرة تغلط فيا ... وعلى العموم ... أنا مش زعلان منك ...
                    يا اخي الكريم انا مش عارف انا حاسس انك بتتلكألي
                    هو انا كلامي كان موجه لك بقريب او بعيد يا اخي انا بقول ان الكلام اللي قولته علي موضوع الشاسيه طبيعي ان اي واحد بيعرف ا ب هيبقى عارف ان الحاجات دي مبتتغيرشي .....يبقى الكلام عليك .......انا والله بستغرب


                    - الحقيقة أنا مش عارف أنت تقصدني أنا بالجملة دى أو احد اخر ... ولكن هذكرك بشئ أني ...لم أهاجمك شخصياً ولم أتهكم ... على الأطلاق خلال الحديث ... بل تناقشت معك فى كلامك اللى معجبنيش ... وانا أسف يا سيدى الفاضل ... متعودتش أقرأ أو أسمع شئ ... وميدخلش دماغى وأسكت ... وبناء عليه أذكر حضرتك - لو سيادتك تقصدني - انى مش صغير ... وقمت بالرد على كلام سيادتك اللى معجبنيش بمنتهى الهدوء والواقعية والموضعية ... وبدون الغلط اطلاقاُ فى شخصكم الكريم ... ودى برضة لو تقصدني بأعتبرها ثالث مرة تغلط فيا ...

                    والله انا مش عارف اقولك ايه انت اكيد مصمم تتلكأ لي
                    يا اخي هو لازم كل كلامي يبقى موجه لك هو مفيش حد غيرك اللي رد على الموضوع وكلامي متهيألي واضح وكل واحد هيعرف نفسه اذا كان فيه الكلام ده

                    وفي الاخر برضه ان اتحدين ان حد يثبتلي عكس اللي انا قولته وبالبنود اللي انا ذكرتها
                    يعني مثلا الدهان ممكن حضرتك تقف بجوار اي عربيه ياباني وشوف دهانك مثل دهانه
                    عزل السيارة من تحت نفس المواد وجودة الخامات اللي معزول بها السياره الياباني ؟؟؟؟؟؟

                    وياريت لو في رد يبقى في خلال اللي انا قولته لا زياده ولا نقصان علشان الواحد ميخرجشي بره الموضوع اللي بتكلم فيه ونقعد نشعب بعيد عنه ونتوه في الاخر


                    [/b]
                    [SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
                    [COLOR="Olive"]قال رسول الله صلى الله عليه وسلم :[/COLOR]
                    [COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]

                    Comment


                    • #55
                      يا أبو عبد الله أنتا أكيد حاسس إننا بحبك و بحترمك لله
                      و الله أنا مش قصدي استهزأ بيك علي كلمة فرز تاني ، بس أنا بجد شفت الموضوع قلب كوميديا :lol: :lol: :lol:
                      و كنت بهزر و ووضحت إني بهزر لما قلت القافية تحكم ، و برده اسف يا باشا
                      ثانيا أنتا اقتبس جملة أنا كاتبها و دخلتها في سياق تاني و هي جملة ( أنا بصراحة مبفهمش أوي في حكاية جودة الخامات ) و انا كان كل قصدي بيها بس إني أوضح للسائل إني شابف العربية السيريون دي عربية متكلفة بس ياخد باله أن الرأي ده رأي واحد مبيفهمش في حكاية جودة الخامات يعني ممكن تكون عربية عادية في فئتها بس أنا من جهلي مشفتش كده
                      حضرتك حددت فروق الجودة في نقط معينة و عايز أي حد يثبت العكس ،
                      طيب حضرتك اثبت فروق الجودة دي بناء علي أيه ، هيئة التوحيد القياسي مثلآ ، و لا مجرد رأيك الشخصي ،
                      أكيد رأيك الشخصي يبقي اشمعني حضرتك بتعتبر رأيك الشخصي حقيقية و عايز حد يثبتلك العكس ؟؟؟؟
                      و هوه أصلآ هيثبت العكس إزاي ؟؟ هو في حد فينا زار مصانع الياباني و لا الكوري و لو عمل إختبارات للعربيات دي مفيش حاجة غير رأيه الشخصي و تجاربه
                      و عموما حضرتك متعصب لموضوع مش مستاهل ، أسأل أي حد في الموضوع و أولهم أنا ، لو قدامك عربيتين عجبينك بنقس الدرجة ، واحدة ياباني و التانية كوري هتختار أي واحدة ؟؟
                      طبعا الرد معروف هختار الياباني ، بس اللي أنا بقوله إن ده بعد تساوي كل العناصر الآخري في العربية طبعا لأن كونها صناعة ياباني دي ميزة ليها
                      و في نقطة تانية حضرتك ذكرتها بتقول إن غبور بيشيل الأوبشنز من العربيات عشان يعرف يبيعها ، طيب ما ده دليل جودة المنتج الكوري ، لأم معني الكلام ده إن الياباني و الكري لو بنفس لمستوي و الكماليات هيبقي سعرهم واحد أو فارق حاجة بسيطة جدا
                      و مع كل النقاش ده معرفناش نوصل لحل ، الفرق ، فرق جودة و لا مجرد بيع لأسم تجاري
                      لأنه أكيد مش فرق تكنولوجي في الفئات اللي إحنا بنتكلم عليها

                      Comment


                      • #56
                        من خبرة سفر في 15 دولة
                        الناس بتقول برة اسيوي اوروبي امريكي
                        و لما يتكلمو عن الياباني باعتزاز
                        بيقصدو الاكيورا و اللكزس و الانفينيتي
                        غير كده كله واحد و بسعر واحد
                        الناس في اوروبا بتشتري اللابتوب صيني و تايواني
                        بتشتري الهدوم هندي و صيني
                        الدنيا اختلفت عن زمان
                        و طالما المنتج بيعدي من اختبارات الجودة القاسية جدا
                        المستهلك هناك بيركز على السعر و الاقتصاد في التشغيل و الشكل فقط
                        و اسف للاطالة
                        [SIZE=4][COLOR=darkred][/COLOR][/SIZE]
                        ::--لا حيلة في الرزق--::
                        ::-- م/باســــم شوقـي--::

                        Comment


                        • #57
                          يعني انت مسكت دي وسبت اني قولت الكواليتي
                          - يا أستاذى الفاضل ... كواليتى أيه بس ... حضرتك بتقول أن ثقافتنا (أحنا ... مش حد تاني ) بتبقى مبنية على أن كلمة فرز تاني دى يا عني معيوبة ... طيب ماهو ده التعريف الصحيح لكلمة فرز تاني منتج ناقص به قصور ... سواء القصور ده عيب ظاهر فى المنتج ... أو الخامة اللي تم تصنيع المنتج منها غير مطابقة للمواصفات ... ده كلام علمي ... يا عني مش كلامي أنا شخصياً ... أم عن كلمة Quality ... اللى سيادتك كاتبها فدى بقى أسمحلي علم لوحدها ... أنا اصغر من أتكلم في هذا العلم ... والحقيقة انا مش فاهم سيادتك تقصد بيها أيه ... يعني المنتج مصنع من خامة ال كواليتى بتاعتها لا تطابق المواصفات الفنية ... ولا المنتج النهائي غير مطابق للمواصفات الفنية ... فى الحالتين المنتج يفرز كمنتج فرز تاني ... ولا يجب تمريره إلى المستهلك ... بناء عليه ... وعلشان واضح انك مصر على رأيك ... سامحني أقولك انت لسة غلطان ... فى فكرتك عن الصناعة ...

                          والله انت بتضحكني مش عارف ليه
                          هو ليه حضرتك مش مباشر
                          اولا ده مش اعتذار لو انا كنت اقصد حاجه تانيه وغلطت انا على استعداد اني اعتذر لن مفيش حد كبير على الأعتذار
                          ولكن انت مصصم انك تاخد بسوء النيه وانا كنت اقصد ما اقوله في الأول لأني جربت اشتري قطع غيار من الخارج واتسألت انا عاوزها درجه اولى ولا تانيه وبرضه انت مصمم ......... مش مشكله انك تصمم براحتك ولكن لا تكن حجر على الأخرين وبل تفتري على الأخرين وتخطأهم كمان .......... فده غير مقبول بالمره
                          - طيب يا سيدى الفاضل يا ريت تضحكنا معاك ... مع ان ده نوع من الأذدراء والتهكم فى النقاش ... بس برضة ما يمنعش أن سيادتك تضحكنا ...

                          - اما عن كوني مش مباشر ... لإدي أول مره يوجه لي مثل هذا الأتهام ... لأن ببساطة دائماً ماشي دوغرى ... و اكمني دوغرى بزيادة ده عادة بيتسبب لي فى مشاكل ... أما غير مباشر دى جديدة عليا ...

                          - أنا كلامي واضح انا قلت اعتذار عن التصريح اللي سيادتك قولته مش اعتذار عن شئ سيادتك غلطت فيه ... ودى برضة تاني مرة فى حديثك تستخدم اللفظ "سوء النية" ... ما ادراك سيادتك بنيتى ... وما هو دليلك على سوءها ... بذكرك فقط أن دى رابع مرة تغلط فيا ... وانا مش برد على الإساءه ... ليس عن عجز بس عن أحترام لهذا المكان ... اللى لم اجد به غير كل أحترام ...

                          - عمري ما كنت حكراً على أحد في رأيه أوفي كلامه ... فهذا ليس من طبيعي ... لو تتذكر قلت لسيادتك قبل كده كل واحد حر فى رايه وفى تفكيره ... بس لما بسمع أو اقرأ شئ ما بيعجبنيش ( ما يدخلش دماغى ) ... ما بعرفش أسكت ... فسيادتك دلوقتى زعلان علشان برد على معلومات من وجهة نظرى ... بقول انها مغلوطة ... طيب ليه ما تحطش نفسك مكاني ... وانا بقول لسيادتك ... خلى بالك العربية اللي انت راكبها فرز تاني ... وبعد كده طلعت تغير فى الكلام وتقول ... لأ ... أقصد مجمعة من قطع غيار فرز تاني ... ودلوقتى بتقول .. لما جيت أشترى قطع غيار لقيت فى نوعيين فرز اول او ثاني ... طيب كل رأى من دول قصه منفصلة ... طيب برضة معلهش اتنازل وحط نفسك مكاني ... عايزني استوعب أى موقف فى الثلاثة ... علشان أرد عليه الرد الصح ... الرد اللي يرضيك ...

                          - لم أفترى على حد قبلاً ... علشان أفترى عليك ...وبعدين يا عم انا أروح فيك فين انا مجرد عضو مبتدأ فى هذا المكان ... مشاركاتي فى حدود 150 مشاركة ... يعنى بأى وش هفترى على سيادتك وأنت مشرف وتمتلك فوق 1200 مشاركة ... وشهد برضة الأعضاء ... يا ريت يا أخونا حد يقولي انا أفتريت فيين على أستاذ أبو عبد الله ... ولو كان يبقى انا مدين بأعتذار لسيادتك أما لو لم يكن ... فدى تبقى خامس مرة تغلط فيا غلط مباشر ... وبرضة مش هرد ...


                          أحب ان أؤكدلك ان الكلام مش مظبوط بالمره والدليل ان الأكسنت القديمه لما جه نزل سعرها لــ 52 الف كانت فيها عافشه صيني وليست كوري

                          وبعدين حضرتك مش عارف أن اللي زي غبور في العالم بيبقى بيشتري الموديل ويعمل اللي هو عاوزه فيه يعني يحط الخامات اللي هو عاوزها ويعملها بالتكلفه اللي هوا عاوزها وهو ده برضه من الفروقات بين اليابانيين والكوريين .........
                          للأسف كلام سيادتك اللي مش مظبوط ... لأن غبور لو هيحط عفشة صينى هتبقى بمعرفة ... ومباركة هيونداى الأم فى كوريا ... لأنه ببساطه لو عملها من غير علمهم ... هيسحبوا منه الوكاله ... ويا عني أيه بيشترى الموديل ... كلام مغلوط ... معنى كلام سيادتك انه لو هيونداى كوريا سحبوا منه الوكاله يقدر ينتج الفيرنا مثلاً ... اللى بيجمعها فى مصر ... طبعاً مستحيل ده سيادتك يحصل ... هو بينتج هذا المنتج تحت أشرافهم ... وفيه حاجة اسمها License ... واخدها لانتاج هذا المنتج ... اللى هو فى هذا الحالة سيارة تحمل شعار الشركة الأم ... يأما كان غبور ممكن يكتب على ظهر العربية من ورا .. كلمة GA ... غبور أوتو ... وطبعاً هو ما يقدرش يعمل كدة ... اما عن الخامات بيبقى لها معيار ... ولازم بتيجى لجنة من عندهم من كوريا تعاين ... كل الخامات ... ويا اما بيوفقوا عليها ي اما لأ ... لأن الموضوع ليس مطلق بهذا الشكل ... ووضحت لسيادتك قبل كدة ... أيه اللي ممكن يعملوا غبور ... وأيه اللي مش ممكن يعملوه ... سيادتك عايز تقتنع خير ... مش عايز سيادتك أكيد 100% حر ...

                          يا اخي الكريم انا مش عارف انا حاسس انك بتتلكألي
                          هو انا كلامي كان موجه لك بقريب او بعيد يا اخي انا بقول ان الكلام اللي قولته علي موضوع الشاسيه طبيعي ان اي واحد بيعرف ا ب هيبقى عارف ان الحاجات دي مبتتغيرشي .....يبقى الكلام عليك .......انا والله بستغرب
                          - أعتقد انه ميصحش من ... مشرف كبير زى حضرتك يقول لعضو مبتدا ذي حلاتي كدة انك بتتلككللي ... طيب ده بقى ... وانا بشهد الأعضاء مش نوع من انواع اساءه الظن اللي بيتكلم عنها أخونا الحبيب أبو عبد الله ...طيب سيادتك أين دليلك من كلامي ... اللي يخليك تظن هذا بي ... ربنا يسامحك على ظنك ... معنى ان الكلام معجبنيش واني برد عليه ... يبقى ده تلكيك ... تانى ربنا يسامحك ...

                          - طيب سيادتك مستغرب ليه ... ما هو محدش جاب سيرة فى الثلاث صفحات بتوع المشاركة ... كلمة شاسيه غيرى ... فطبيعى انا أبقى حسن النية ... وأقول لنفسي ده ... ما يقصدكش أنت !!!!!


                          والله انا مش عارف اقولك ايه انت اكيد مصمم تتلكأ لي
                          يا اخي هو لازم كل كلامي يبقى موجه لك هو مفيش حد غيرك اللي رد على الموضوع وكلامي متهيألي واضح وكل واحد هيعرف نفسه اذا كان فيه الكلام ده
                          - تاني مرة نفس التعبير .. التلكيك ... وده ما لوش عندى غير معنى واحد ؟؟؟!!!!

                          - أكيد معظم الكلام كان بينى وبين سيادتك ... يا أما انا مجنون وبيتهيألى ... مش سيادتك برضة ... اللى بتحاورني من أمبارح ...يا ريت يا جماعة حد يفوقني ... لو انا فاهم غلط ... الله يخليكم ... لحسن واضح كدة انى مش مركز ...

                          وبعدن كلامي كان واضح فى الجزئيه دى ... قولت لو سيادتك تقصدنى ... يعنى بمنتهى البساطة ... ممكن سيادتك ترد ... وتقول لا مش أنت المقصود ... ويبقى بس خلاص ... وسعاتها المقصود عايز يرد يرد ... مش عايز هو حر ...


                          وفي الاخر برضه ان اتحدين ان حد يثبتلي عكس اللي انا قولته وبالبنود اللي انا ذكرتها
                          يعني مثلا الدهان ممكن حضرتك تقف بجوار اي عربيه ياباني وشوف دهانك مثل دهانه
                          عزل السيارة من تحت نفس المواد وجودة الخامات اللي معزول بها السياره الياباني ؟؟؟؟؟؟

                          وياريت لو في رد يبقى في خلال اللي انا قولته لا زياده ولا نقصان علشان الواحد ميخرجشي بره الموضوع اللي بتكلم فيه ونقعد نشعب بعيد عنه ونتوه في الاخر
                          - يا سيدى ... طيب ما سيادتك قولت قبل كده باللفظ ... "أنا أد كلامي" وساعتها رضيت على سيادتك وقلت لك ... هتلي دليل على كلامك ... سيادتك ما عبرتنيش ... وكلامك ده بالمناسبة كان ... أن العربيات الكوري فى مصر فرز تاني !!!!!

                          - أما عن الدهان ... فهاقول لسيادتك حاجة ... طبعاً من الممكن أن يكون كلامك مظبوط ... بأن الدهان اليباني ... أحسن من الدهان الكورى ... بس اللي سيادتك مش واخد بالك منه ... أن اليباني ... ذات نفسة بينزل الدهان فى كل حته بمواصفات مختلفة ... والدليل أن السوق مشبع بأن السيارة الانسر مثلاُ القادمة من الخليج دهانها أفضل من الانسر القادمة مصر عن طريق الوكيل ... طيب من قال بقى أن الدهان بتاع الانسر ... القادم عن طريق الوكيل أفضل من الكوري ... ممكن يا اخى يكون فى الحالة دى يكون دهان الكوري افضل ... بس بسيطة ان شاء الله ... ومحلولة ... أكيد فى يوم من الأيام هيسمحولي فى الشركة أزور مصانع السيارات اليباني ... والكوري ... ساعتها هقدر أحكم على المواضيع دى بعملية اكثر دقة ... علشان بصراحة لو علقت على الموضوع ده ... وقلت الدهان أو جودة خامات العزل ... فى اليباني أم فى الكوري أفضل ... يبقى ساعتها بفتي ... والحمد لله انا ما بحبش الفتي ... أدعولي بس يا اخوانا ... ان الشركة توافق عندى انها تسفرني ... علشان أجيب لأخونا أبو عبدالله الدليا اللي طالبه ...

                          - معلهش نقطة بره الموضوع ( ودى الوحيده اللى هخالف فيها تعليمات سيادتك بالرد بره الموضوع ) أنا يجماعة بحب العربيات كلها ودي هوايه عندى .. وبحب من اليباني الكورولا بكل موديلتها ... والانسر دى انا كنت هاجيبها صدقوني ... بس فى أخر لحظة فضلت الالنترا عليها لأسباب شخصيه ... وكوني جيبت سيرتها فى الموضوع ..ده لأنها منتشره ... وكنت هشتريها فعارف عنها كل حاجة ... لحسن حد يفهم من كلامي ... اني مش بحب الانسر ولا حاجة ...

                          تحياتى للجميع ...

                          م / حسام منير
                          [img]http://www4.0zz0.com/2007/09/13/08/85778465.jpg[/img]

                          Comment


                          • #58
                            يا أبو عبد الله أنتا أكيد حاسس إننا بحبك و بحترمك لله
                            أن شاء الله اكيد وانا كمان احبك يا اخي في الله

                            و الله أنا مش قصدي استهزأ بيك علي كلمة فرز تاني ، بس أنا بجد شفت الموضوع قلب كوميديا
                            و كنت بهزر و ووضحت إني بهزر لما قلت القافية تحكم ، و برده اسف يا باشا
                            ولا يهمك كلنا اخوات

                            حضرتك حددت فروق الجودة في نقط معينة و عايز أي حد يثبت العكس ،
                            طيب حضرتك اثبت فروق الجودة دي بناء علي أيه ، هيئة التوحيد القياسي مثلآ ، و لا مجرد رأيك الشخصي ،
                            أكيد رأيك الشخصي يبقي اشمعني حضرتك بتعتبر رأيك الشخصي حقيقية و عايز حد يثبتلك العكس ؟؟؟؟
                            يا استاذ احمد احنا لسنا في طور قياس السيارات قياسا عمليا ولسنا في طور اصدار قرار جمهوري بعد دخول السيارات الغير مطابقه للمواصفات القياسية
                            الموضوع اخف من كده احنا بنتكلم ان الخامه دي مش زي دي اما عن المقياس فانا لا اقول ان انا المقياس ولكن بخبرتي الضعيفه للسيارات والخامات الصناعيه عموما الحمد لله بقدر اعرف الفروق بين الخامات ومدى قوة كل خامه وقدرتها على اداء وظيفتها في اكمل وجه ودي خبره وليست أجهزة قياس
                            وحتى لو رايي مش صواب وهذا جائز ولكن على الأقل انا قلته ومن يراه يعرف أني ما قولته صحيح وان كان مش صح فهذا لا يشكك في أحد الا غيري انا .........


                            و عموما حضرتك متعصب لموضوع مش مستاهل ، أسأل أي حد في الموضوع و أولهم أنا ، لو قدامك عربيتين عجبينك بنقس الدرجة ، واحدة ياباني و التانية كوري هتختار أي واحدة ؟؟
                            طبعا الرد معروف هختار الياباني ، بس اللي أنا بقوله إن ده بعد تساوي كل العناصر الآخري في العربية طبعا لأن كونها صناعة ياباني دي ميزة ليها
                            يعني يا احمد انا متعصب وكل اللي ردوا عليا مش متعصبين طيب انا لم اقل اني بكره الكوري واتقالي انك بتكره الكوري
                            طيب انا قولت اني بحب اي صناعه حتى لو جايه من الصومال مادام الفينيش والخامات جيده وفي صنعه يبقى احترمها وبرضه يتقال اني متعصب
                            يا اخي المتعصب للحق ميزه وليست عيب


                            و في نقطة تانية حضرتك ذكرتها بتقول إن غبور بيشيل الأوبشنز من العربيات عشان يعرف يبيعها ، طيب ما ده دليل جودة المنتج الكوري ، لأم معني الكلام ده إن الياباني و الكري لو بنفس لمستوي و الكماليات هيبقي سعرهم واحد أو فارق حاجة بسيطة جدا
                            انا مقولتش ان غبور بيشيل الاوبشنز دي
                            انا بقول ان الخامات وجودتها وعمرها الأفتراضي اللي موجوده في العربيات الكوري اللي بتنزل مصر مش زي اللي موجوده بالخارج واقل كفاءة من الياباني

                            يعني مثلا حد يقنعني ان الطنابير بتاعت الكورولا هتعيش زي بتاعت الألنترا ؟؟؟؟؟؟؟



                            و مع كل النقاش ده معرفناش نوصل لحل ، الفرق ، فرق جودة و لا مجرد بيع لأسم تجاري
                            لأنه أكيد مش فرق تكنولوجي في الفئات اللي إحنا بنتكلم عليها
                            الفرق فرق جودة خامات او فرق في العمر الأفتراضي للخامات

                            وخلاصة الموضوع

                            ان اللي انا اقصده من كلامي اين كان بقه غيري فهمه ازاي

                            ان زي ما قولت قبل ذلك الطنابير مثلا بتاعت الألنترا هتعيش نفس العمر بتاع طنابير الكورولا ؟؟؟؟؟
                            العفشة بتاعت الألنترا هتعيش زي بتاعت الكورولا ؟؟؟؟؟؟
                            الدهان بتاع الألنترا هيعيش زي بتاع الكورولا ؟؟؟؟؟؟؟
                            التيل بتاع الألنترا هيعيش زي بتاع الكورولا ؟؟؟؟؟؟

                            مع العلم ان الألنترا اسعار قطع غيارها زي الكورولا بل وبزياده كمان عنها

                            وهو ده اللي انا اقصده من الأول علشان منتهشي عن موضوعنا الاساسي وهو اللي انا قولته ده
                            [SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
                            [COLOR="Olive"]قال رسول الله صلى الله عليه وسلم :[/COLOR]
                            [COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]

                            Comment


                            • #59
                              أحيك يا ابو عبد الله علي ردك المنطقي
                              بس مازالت غير مقتنع بأن العربيات الكوري اللي بتيجي مصر غير اللي بره في الجودة ، بس ادام بتقول كده كوجهة نظر شخصية يبقي مفيش مشكلة المهم متبقاش بتقول كده كحقيقة أدام مفيش دليل
                              و شوف اللينك ده برده

                              يعني العربية الأفانزا مصممة و مصنعة في اندونيسيا تحت إشراف تويوتا بس عشان حضرتك بتقول في مواضيعك إن تويوتا و الناس اليابانين دول ملائكة مبيكدبوش و هيا تويوتا واحدة في العالم بنفس الجودة في كل العالم
                              بخصوص حكاية الطنابير و الدهان و التيل بتاع أنه بيعيش أكتر بصراحة مقدرش احكم ،
                              بس عموما هي دي وجهة النظر المعتمدة عموما في السوق في مصر ، و يبقي لازم ناخد بيه حتي إشعار اخر ،و دي ماينفيش إن العربيات الكوري عمرها و عمر أجزاءها الإفتراضي معقول جدا و أعطالها قليلة لأنها أساسا بنت العربيات الياباني الشرعية يعني مش هتبوز بعد سنة و برده مش عايز أخش في حكاوي القهاوي عن عربيات ياباني كتير في مصر و أجزاء كتيرة منها بتبوز عالطول و كلها عن ناس أعرفهم
                              و برده أنا بقول أنا سقت عربيات كتير كوري و ماليزي و ياباني و كتير بحس أن في فروق بين كل عربية غالبا بيبقي متناسب مع سعرها زي مانتا بتقول دايما بتدفع ايه و عايز تاخد ايه بس العربيات الياباني في مصر كتير بحس أن جزء كبير من اللي انتا بتدفعه ثمن إنها اسمها ياباني مش فروقات في الأداء
                              يعني أنا سقت الياريس و اللانسر 1600 و سقت الواجا و الثلاثة في نفس السعر تقريبا بصراحة فعلآ الواجا أفضلهم كأداء و أوبشنز و كل حاجة بإستثناء حكاية العمر عشان مقدرش أحكم عليها ، يبقي أكيد في فرق الإسم برده زي أي حاجة بنشتريها
                              و نرجع للنقطة الأساسية للموضوع ليه ماشتريش عربية كوري أدام عجباني و جودتها معقولة و أروح أدور علي عربية ياباني هدفع فيها فلوس أكتر عشان اسمها ياباني
                              هتقلي العمر أو جودة الخامات طب مانا جايبها زيرو يعني مش متوقع مني إن افتح الكبوت زي مابيقولوا خلال خمس سنين إلا للحوادث ربنا يعافينا كلنا منها وغالبا هاغيرها خلال خمس سبع سنين مش هاعمل زي أهالينا و اجيب عربية واحدة أركبها و اقعد أصاين فيها طول عمري و حتي لما اجيي ابيعها هابيعها أحسن عشان هتبقي أرخص و الناس هتطلبها أكتر عشان في المستعمل الناس بتدور علي اللي قطع غياره أرخص زي م/سبعاوي كان بيقول لما جبت زيرو جبت ياباني و لما جبت مستعمل حبت ريجاتا عشان الأمر ما يسلمش من خرطوم يضرب و سير ينقطع (حتي لو مصنعة في الناسا مش في اليابان ) الجملة الأخيرة من عندي :D :D :D
                              طبعا دي وجهة نظر بلدي كده مش علمية :lol: :lol: :lol:
                              و في الآخر ليك مني كل التحية و الإحترام

                              Comment


                              • #60
                                كلامك صح يا استاذ احمد
                                وعلى فكره انا لم اقل ان محدش يشتري الكوري ولا اعترض حتى مش معنى اني قولت انه مش زي الياباني يبقى معناه اني بكره زي ما اتقال واني مش بقول لحد اشتريه
                                انما اللي يشتريه يبقى عارف انه مش هياخد كل حاجه زي الياباني وعلى فكره برضه انا كنت معجب جدا بلألنترا القديمة والجديده
                                ولكن انا جربت الكوري والياباني وبصراحه واؤكدلك ان هناك فروق وليس فرق واحد
                                ومحدش قال ناها عربيات لها اعطال ولا حاجه وانا عارف انها بنت الياباني زي ما قلت وكل حاجه
                                ولكن لسه برضه شويه لحد ما توصل لجودة الياباني
                                اما عن اللانسر والواجا والياريس فالمقارنة لا تكون هكذا حيث ان الواجا فئة اعلى منهم
                                وبرضه دي مسألة ازواق ولكن التقييم الكلي ممكن تشوفه على موقع زي whatcar وانت ساعتها تعرف انت تقييمك طلع صح ولا لأ
                                وبأكد عليك لازم تعمل بينهم مقارنه وتشوف مين حاصل على أعلى نجوم في التقييم النهائي لكل سيارة
                                وعلى فكره البروتون واجا اسمها Proton Impian هناك

                                ومين قالك ان الكوري هتقعد خمس سنين العربيه مش هتفتح كبتها فيهم .... برضه ده انا اتحدى فيه اي حد

                                المشكلة اقولك ايه
                                ان الكوري على اد عمره الأفتراضي
                                ولكن المشكلة ان الهيونداي قطع غيارها مش رخيصه للدرجه
                                يعني مثلا الدايوا عموما عمره الأفتراضي مقارنة بسعر قطع غياره يعتبر ممتاز
                                يعني النوبيرا الطنابير الكوري بــ 240 جنيه وشغاله بس بتتغير كل اد ايه بس بالنسبة لتمنها على ادها
                                نفس الموضوع للخراطيم والوصلات اللي داخل الكبوت هتعيش اد ايه مقارنة بسعرها
                                بس بقه الهيونداي سعرها واصل للياباني والأتنين ليسوا عمر افتراضي واحد وهو ده اللي انا بقوله من الصبح مش كل الحكاوي اللي احنا دخلنا فيها

                                قطع الغيار الياباني مش زي الكوري من حيث الجودة والعمر الأفتراضي
                                والسعر يعتبر واحد بل يزيد كمان في بعض الحالات
                                ولك كل التحيه والأحترام على ذوقك وتقبل الكلام وتفهمه بشكل يجعلني احترمه رغم انفي
                                [SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
                                [COLOR="Olive"]قال رسول الله صلى الله عليه وسلم :[/COLOR]
                                [COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]

                                Comment

                                Working...
                                X