إعـــــــلان

Collapse

.

,
See more
See less

معايير عملية و فعالة لمقارنة الموديلات

Collapse
X
Collapse
 
  • Page of 6
  • Filter
  • الوقت
  • Show
Clear All
new posts
السابق 1 2 3 4 5 6 template التالي
  • #16
    موضوع فعلا مميز ....

    ---------------
    تقييم للجين2 2009
    ---------------

    الثبات عالطريق و امكانية المناورة ...... 10/10 (اركبها وهتصدقنى)

    التسارع .... 8/10 (فى الاوتو بس)

    التجهيزات الداخلية و فخامة المقصورة.....8/10 (لو اتضبطت النقطه دى هتبقى كامله الاوصاف)

    الامان .....10/10(قولى عربيه تانيه بالسعر دا وفيها عوامل الامان دى-2ايرباج ... abs...ebd... دا غير ان فيها تفاصيل كتير عوامل امان للاطفال ... زى ان السنتر بيقفل لما بتنزل الهاند ... ابواب الكنبه ليها قفل عشان مايفتحش من جوا .....)

    المساحة الداخلية للركاب....10/10(انا بقارنها بنفس فئتها)

    الاستهلاك النسبي للوقود....حسب استخدامك (يعنى هتمشى مضبوط من غير حرق استهلاكها مايقرب للسيارات الـ1300 ... عاوز تحرق وتعدى العربيه مش هتقولك لا وهتعديلك من اجدعها عربيه)

    القيمة بالنسبة للسعر....10/10(امكانيات امكانيات امكانيات)

    متوسط تكلفة الصيانة...8/10(اسعار صيانتها ارخص او زى اى توكيل ... بس النقطه ان المفروض تكون الصيانه على قد مبلغ العربيه ... يعنى ماشتريش عربيه بـ90 ... وتدفعلى صيانات زى عربيات اغلى منها )

    مدي ملائمة العربية للطرق و الاجواء المصرية....8/10(فى مصر العفشه الناشفه ممكن تكون عائق بالنسبه للناس .. ودا طبعا عشان شوارعنا ... والجين هتاخد اعلى حاجه منها فى الطرق المفتوحه)

    --------------------

    بس كان ليا طلب لاستاذ/احمد ... صاحب تقييم الجين .... انو قايل عربيتو 2006 ...

    فياريت يوضح ان دا كان اول انتاج للعربيه ... وكان مليان مشاكل مقارنه بانتاج الان

    وياريت تبقى المقارنه فى نفس الفئه السعريه ... يعنى ايه تقولى اصلى بقارنها بالفوكس والجيتا؟؟؟؟

    ياريت حضرتك تفتح اى موضوع شخص فعلا بيعمل مقارنه ... وهتلاقى انو كاتب السعر فى اولى خانات المقارنه...

    ---------
    د/امير .... ياباشا ماتزعلش نفسك ... كل واحد ليه وجهة نظر ...


    بس اللى يًًَُصبر على عربيه 4سنين اكيد مش لاقى حاجه هيعرف يركبها بعدها ... ولا ايه؟؟؟؟

    ---------

    تحيــــــــــــــاتــى
    [CENTER][COLOR="Lime"][COLOR="Yellow"]--[/COLOR][COLOR="DarkOrchid"]--[/COLOR]--[COLOR="DarkOrchid"]--[/COLOR][COLOR="Yellow"]--[/COLOR]
    -::[COLOR="Purple"][SIZE="3"][COLOR="Yellow"]....[/COLOR] [COLOR="DarkOrchid"]I[COLOR="Lime"]'[/COLOR]M PR[COLOR="Lime"]O[/COLOR]T[COLOR="Lime"]O[/COLOR]NY[/COLOR] [COLOR="Yellow"]....[/COLOR][/SIZE][/COLOR]::-
    --[COLOR="Yellow"]-[COLOR="DarkOrchid"]-[/COLOR]-[/COLOR]--[/COLOR]

    [aldl]http://img825.imageshack.us/img825/7055/3333333388333335555.gif[/aldl]

    [URL="http://www.facebook.com/group.php?gid=67622393715"][aldl]http://farm5.static.flickr.com/4051/4341840452_c91620bc9b_o.jpg[/aldl][/URL]

    [/CENTER]

    Comment

    • #17
      المشاركة الأصلية كتبت بواسطة ayman_52 مشاهدة المشاركة

      د/امير .... ياباشا ماتزعلش نفسك ... كل واحد ليه وجهة نظر ...


      ياسيدي انا مش زعلان
      هو قال اني بتكلم بحده و بعد ما قريت كلامي رديت و اعتذرت عن غلطي في شخصه
      لكن لسه برضو بفكر يعني الموضوع الراجل مشكورا عامله علشان الاعضاء يثبتو عوامل للمقارنه بين العربيات
      و قايل كلام زي الفل
      و لسه هدوس شكرا جنب اسمه لاقيته حاطط تقييم للجين بتاعته
      جيت اقرا التقييم احس اني بقرا عن عربيه تانيه
      اجي اقول رأئي في الكلام المكتوب الاقيه زعل
      اعتذرت عن غلطي في شخصه لكن كلامه مش قادر اقتنع بيه
      طيب دي وجهه نظر و حريه شخصيه برضو لكن في نفس الوقت بيقول اني مينفعش احكم علي العربيه من ركوبه او اتنين قلت ماشي اجيب ملاكها يتكلمو بالارقام و الاثبات
      لكن مينفعش نقارن بين وزن يشيله عيل صغير و بطل كمال اجسام
      و ازاي يعني بقي نتغاضي عن السعر يا استاذ احمد؟؟؟؟
      ماهو في عربيات مش بقي ب 100 و 200 الف
      في عربيات كتير تمنها بيعدي النص مليون جنيه مصري مستريح
      ينفع نقارنها بقي بالعربيات اللي احنا و انت راكبينها؟
      مينفعش استاذي الفاضل اطلاقا
      مقارنه يبقي بنثبت كافه العوامل و بنغير عامل واحد فقط
      و جرت العاده ان الواحد بيفاضل بين العربيات اللي ممكن يجيبها علي اساس الفلوس اللي في جيبه مش العكس
      لو كده بقي يبقي النهارده الصبح كل مصر يا اما هتركب بي ام و مرسيدس و بورشه و باقي الماركات الخرافيه و نحرق عربياتنا كلها ببنزين 80
      بالبلدي كده موضوع حلو و جميل لكن تقييمك و قناعتك غريبين قوي
      ادي يا سيدي رأي الخاص من دون ما اغلط في شخصك تاني و اتمني ان هدفي من الكلام يوصلك

      Comment

      • #18
        المشاركة الأصلية كتبت بواسطة ahmedlr مشاهدة المشاركة
        شباب ... المنتدي ده اكتر من ممتاز .. بس انا ملاحظ ان معايير المقارنة بين الموديلات متفاوته و بشدة بحسب المام الاخوة المشاركين في المواضيع بتلك الموديلات .......او تعصبهم لها . :t_thum1[1]:

        علشان كدة كنوع من تسهيل عمليات المقارنة . خلينا نقترح شوية معايير تسهل علينا استيعاب تقييم اي عربية في سوقنا و تكون المعايير خطوة بأذن الله لأن في يوم من الايام يكون في تقييم اداء مصري خالص و معبر عن اداء السيارات الموجودة في السوق بأسم نايل موتورز

        و دي شوية معايير من وجهة نظري و هي قابلة للتدرج من 1 إلي 10 مثلا
        • الثبات عالطريق و امكانية المناورة .
        • التسارع .
        • التجهيزات الداخلية و فخامة المقصورة.
        • الامان .
        • المساحة الداخلية للركاب
        • الاستهلاك النسبي للوقود
        • القيمة بالنسبة للسعر
        • متوسط تكلفة الصيانة
        • مدي ملائمة العربية للطرق و الاجواء المصرية

        طبعا دول كلهم قابلين للبحث و الدراسة و التعديل.. بس المهم اننا نوصل لحاجة مريحة للعين تساعدنا للوصول لحكم ولو مبدئي من وجهة نظر كل اللي جربو اي عربية موضع مقارنة هنا ... و شكرا
        السلام عليكم و رحمة الله و بركاته .
        الدكتور أمير ......... تحياتي لك .
        و تحياتي لكل من شارك في الموضوع .
        بُص موضوع المقارنات ده فيه منه نوعين :
        النوع الأول :
        واحد عايز يشتري عربية بمبلغ معين ... فيبدأ يقارن في العربيات اللي في نفس المستوى السعري و ممكن يقارن بين عربيتين مش في نفس الفئة خالص و لكن سعرهم واحد أو متقارب .

        النوع الثاني
        و دي المقارنات بين فئات العربيات و السعر هنا ملوش عامل خروج أو دخول عربية من نفس الفئة .
        يعني ممكن أجيب عربية صيني بخمسين ألف جنيه و أقارنها بعربية ب 200 ألف جنيه .
        أدام الأثنين في نفس الفئة الحجمية ...... يبقى الأثنين يدخلوا المقارنة عادي جدا . لأن أحنا هنا مش بنقارن علشان نشتري واحدة منهم لمجردتوفر مبلغ معين فقط .
        لاءة أحنا بنقارن بين سيارات في نفس الفئة الحجمية و نفس فئة المحرك . أو حتى ممكن المحرك يكون مختلف اختلاف صغير .
        ده اللي المحترفين في البرامج الكبيرة بيعملوه و المحترفين في مجلات السيارات العالمية .

        يعني مثلا الأسبرانزا a520 (مش فاكر الموديل بالظبط ) في نفس فئة الفيكترا و الجيتا .
        و في الحالة لو واحد ناوي يشتري الاسبرانزا علشان معهوش غير ثمنها ....... يبقى يقارن في نفس المستوى السعري علشان غرض الشراء

        إنما لو بنقارن عربية بعربية لأظهار المميزات و العيوب .
        طبعا يجوز جدا مقارنة السيارتين ببعض لأنهم من نفس الفئة .
        بغض النظر مين هايكسب و مين هايخسر .,,, و بغض النظر العربيةالرخيصة مظلومة أو مش مظلومة .

        إنما المبدأ نفسه موجود و هو صلاحية المقارنة مادمنا بنقارن في نفس الفئة الحجمية و مخرجناش خارجها .
        و مش معنى كدا أننا بنحاول مساوة الرؤس ببعض لأن أكيد فيه فرق حتى لو كان فرق طفيف أو فرق رهيب كبير .

        في أنجلترا و أوروبا لما بيقارنوا العربيات مش بيقارنوا بالسعر خالص و إنما السعر عامل تفضيل سيارة على أخرى .

        يعني ممكن يقارن فيراري بنص مليون جنيه و بورشيه بمليون جنيه .... و في الأخر يقولك
        الفيراري هاتديك كل اللي في البورشيه و هاتوفر نص مليون جنيه .

        مش لازم العربية الغالية قوي تكون أحسن من منافسيها .
        ممكن تتفوق في نقط و تخسر في نقط و السعر ممكن يكون نقطة للخسارة .
        و مش معنى كدا أن اي عربية رخيصة أحسن من أي عربية غالية .

        -----------------------------------

        النقطة التانية بالنسبة للتقييم العام للجين 2 .
        بُص يا دكتور أمير ... أولا ممكن نتكلم عن العربية بكل حيادية بس قبل ما أعطي تقييمي لازم أقول حاجة معينة .

        أنت ممكن تلاقي 10 شاريين سلعة معينة و بعدين تلاقي 9 متفقين على نفس العيوب و المميزات و تلاقي واحد خرج من وسط العشرة و له رأي مختلف .
        في الحالة دي الرأي ده هيافضل رأيه و الناس لازم تحترمه بس ش معنى كدا أن رأي الأقلية هو الصح .و ممكن يكون الواحد ده ... عنده عوامل مقارنة تانية أو ممكن يكون عنده مشكلة في العربية مثلا .... أو بيقارن بمقارنة بحاجة معينة .

        فعادي مفيش أي مشكلة لسماع كل الآراء .
        زي الناس اللي راكبة اللانسر .
        هاتلاقي الأغلبية بتشكر فيها ....... و الأقلية بتذم فيها .
        ممكن يكون الأقلية أنتظروا شئ معين منها و لم يجدوه و بالتالي أصبحت في نظرهم سيارة سيئة .
        مع عكس ذلك على الحقيقة لأن الأغلبية مبسوطين .
        مش لازم الناس كلها تتفق على رأي هواحد و إلا مكنتش هاتلاقي 500 مليون شركة بتصمم و تصنع و تبيع عربيات .

        أنا كلامي هنا عام مش موجهة لأي شخص بعينه علشان محدش يزعل و يفتكر أن بتكلم عليه شخصيا .
        و لو أن التعليق كان بسبب المداخلات الخاصة على مداخلة و تقييم الأستاذ أحمد صاحب التقييم الخاص بالجين 2 موديل 2006 .


        تقييمي العام للعربية .

        الثبات عالطريق و امكانية المناورة. 10/10
        التسارع . 8 / 10
        التجهيزات الداخلية 10 / 10
        و فخامة المقصورة. 7/10
        الامان . 9 / 10 نقصت واحد علشان الوسائد الجانبية
        المساحة الداخلية للركاب 6/10
        الاستهلاك النسبي للوقود l8/100km
        القيمة بالنسبة للسعر 10/10
        متوسط تكلفة الصيانة 200-300
        مدي ملائمة العربية للطرق و الاجواء المصرية.

        النقطة الأخيرة مش هاديها تقييم علشان مينفعش أصلا أقول كدا ليه ؟؟؟؟؟؟؟؟

        لو واحد بيسافر كتير بالعربية غير واحد في الآرياف على طول غير واحد في مدينة على طول .
        و بالتالي كل واحد تقييمه هايختلف . و النقطة دي في رأيي الشخصي نقطة غير صحيحة في موضع المقارنة .
        [img2]http://i59.tinypic.com/2vxpukz.jpg[/img2]

        Comment

        • #19
          المشاركة الأصلية كتبت بواسطة ahmedlr مشاهدة المشاركة
          ممتاز .. دي نقطة مهمة كمان ..

          لازم المقارنات تكون منطقية و ده يحكمه تقريبا الفئة السعرية و السعة الليترية

          و علي اي ... ده تقييم اداء للعربية gen 2 من وجهة نظري بأعتباري مالك لها من 2006

          [frame="1 50"]
          الثبات عالطريق و امكانية المناورة. 6/10
          التسارع . 5/10
          التجهيزات الداخلية و فخامة المقصورة. 6/10
          الامان . 5/10
          المساحة الداخلية للركاب 4/10
          الاستهلاك النسبي للوقود l10/100km
          القيمة بالنسبة للسعر 7.5/10
          متوسط تكلفة الصيانة 200-300
          مدي ملائمة العربية للطرق و الاجواء المصرية. 6/10
          [/frame]
          حضرتك معاك جين 2 سوداء اوتوماتيك ومن اسكندرية ....؟؟؟
          [COLOR="DarkRed"]ﻧﺤﻦ أﻓﻀﻞ ﺷﻌﺐ ﯾﺼﻨﻊ اﻟﺜﻮرات ﻟﻜﻨﻪ ﻻ ﯾﺤﺴﻦ ﺣﺮاﺳﺘﻬﺎ ﻓﯿﻌﻮد اﻟﻈﻠﻢ ﻟﯿﻠﺘﻒ ﻣﻦ ﺟﺪﯾﺪ , ﻓﻲ ﻛﻞ ﻣﺮة ﯾﺤﺪث ذﻟﻚ وﻻ ﻧﺘﻌﻠﻢ اﻟﺪرس[/COLOR]

          Comment

          • #20
            في أنجلترا و أوروبا لما بيقارنوا العربيات مش بيقارنوا بالسعر خالص و إنما السعر عامل تفضيل سيارة على أخرى .

            يعني ممكن يقارن فيراري بنص مليون جنيه و بورشيه بمليون جنيه .... و في الأخر يقولك
            الفيراري هاتديك كل اللي في البورشيه و هاتوفر نص مليون جنيه .

            مش لازم العربية الغالية قوي تكون أحسن من منافسيها .
            ممكن تتفوق في نقط و تخسر في نقط و السعر ممكن يكون نقطة للخسارة .
            و مش معنى كدا أن اي عربية رخيصة أحسن من أي عربية غالية
            شكرا يا فندم علي توضيحك النقطة دي .... لأنك ببساطة حطيت ايدك علي الهدف من نمط المقارنة المقترح ..
            و برضه انا بكرر .. كل المعايير قابلة للبحث و الدراسة و التعديل ...

            و يا جماعة ... انا راي في الجين 2 انها ممتازة بالنسبة لفئتها السعرية وإلا مكنتش من اول 20 واحد حجزوها في مصر من قبل حتي ما أشوفها. بس بكرر .. احنا بنتكلم عن معياار موحد - علي الاقل لنفس الفئات الحجمية زي ما قال تووت عنخ امون وبعدين خدو بصة علي مواقع كتيير شبه موقعكم الفاضل حتلاقو ان في ستاندرد موحد للمقارنة و سكور لكل عربية و معيار الفئة السعرية بيحدده رغبة المستهلك و قدرته الشرائية.
            زي http://www.carreview.com و http://www.topgear.com و http://www.whatcar.com


            يعني المستهلك هوا اللي بحدد ايه اعلي سكور لعربية ممكن يقدر يجيبها في حدود امكانياته

            يعني من الاخر احنا صعب نعمل معيار مقارنة لكل فئة سعرية و برضه لو حنعمم المعايير يبقي من غير المنطقي اني ادي عربية 10/10 بسهولة

            يا رب تكونو فاهمين قصدي ....

            و بالنسبة لملاك الجن 2 ... انا راي انها قرار صائب جدا لراغبي الشراء في فئتها السعرية و يمكن كمان بتتفوق علي بعض العربيات اللي اعلي من فئتها .. بس برضه في عربيات في السوق .. اسرع و احلي و اكثر امانا
            [CENTER][img3]http://www.zyzoomup.com/uploads/images/zyzoom-5cf4abddb1.jpg[/img3][/CENTER]

            Comment

            • #21
              يا أستاذ أحمد ...
              هو حد قال ان الجين 2 أحسن عربية في السوق ؟؟؟؟؟؟
              هي ميزة الجين 2 أنها بتديك مواصفات عالية و كماليات كتيرة و جودة معقولة جدا جدا و ثبات ممتاز ........ مقابل سعر مش موجود في السوق المصري .

              و هم عندهم الجين 2 cps الجديدة 127 حصان و بتقفيل عالي و فرش ممتاز بس لو نزلت السوق سعرها هايعدي ....... و هاتدخل في شريحة تانية فيها منافسين كتير و عتاه .

              فيعني هي تعتبر من أحسن الصفقات السعرية في الفئة السعرية اللي بين 80 إلى 110 ألف جنيه مصري .
              و ربنا يبارك لكل واحد معاه الجين 2 و كل أعضاء المنتدى في سيارتهم .
              و شكرا على الموضوع و شكرا على المناقشة الهادئة .
              [img2]http://i59.tinypic.com/2vxpukz.jpg[/img2]

              Comment

              • #22
                صباح الفل يا دكتور أمير، صباح الفل عليكم طبعاانا شايف عمالقة الجن كتبوا فى الموضوع وقالوا إللى اي واحد بيعرف يركب كويس ويقدر العربية اللى راكبها إللى انا عايزه بس انا هدخل فى الموضوع على طول فى التقيم بغض النظر عن استفزازي الشخصي اللى هسيبه على جنب لما قرأت مشاركة الأخ العزيز أحمد ومع تأيدي الكامل لكلام الأستاذأيمن والباشمهندس مؤمن والأستاذ توت وعلى فكره يا ابومريم انا من اسكندريه وعندى جين سوده اوعى تكون بتقصندي المهم :

                انا عربيى 2006 مانيوال ماشي بيها 68 ألف كيلوا يعنى اعتقد اني عندي الخبره الكويسه اللى ممكن احكم بيها على عربية ده بالإضافه إلى ركب عربيات كتير قبها وإن شاء الله هغيره بجين تو برضوا 2010 أو 2011 بس انا هضيف بأرقام ليه ليه أنا قيمت وعلى اساس إيه بدى الدرجات وإيه شواهدي على الموضع والاختلاف فى الرأي لايفسد للود قضيه زي ما انتم عارفين وطبعا مش هعيد وازي بالنسبه للمقارنه على اي أساس كفايه اللى قاله الأخوه هدخل فى الموضع على طول :




                الثبات عالطريق و امكانية المناورة. 10/10
                ليه :
                1. تجربتى الشخصية بصراحه انا بجري بيها جري غير طبيعى الواحد ما بيحبش يقول كده بس ماشي وباخد بيها ملفات على سرعات عاليه جدا تعدي ال 100 الكاوتش اصلا ما يصفرش وانا على السرعه ديه.
                2. الإيرو دينمك اللى معموله بيه العربية غير طبيعى وطبعا عارفين مين اللى مصممه ودوله بقا مافيش كلام عليهم طبعا فى الأبحاث والدرسات اللى بيعملوها ولا ايه ؟

                3. مقياس العربية من حيث العرض والطولوالارتفاع من الأرض ومقايس الريمات ال 15 وهيه بتنزل 195 انا مركب 205

                (Dimensions (mm

                Overall length 4310
                Overall width 1725
                Overall height 1435
                Wheelbase 2600
                Front overhang 870
                Rear overhang 840
                Front track 1475
                Rear track 1470
                Ground clearance (unladen) 155
                وده بالنسبه لعربية مقاسات تحقق لها ثبات عالى على الطريق


                4. أما بالنسبه للمناورة انت قاعد اما مقود صغير وعريض يجعلك تتحكم تماماً فى كل سم فى السياره بالإضافه إلى محاور الدوران الضيقه الرياضيه والتى تساعد ايضا على اخذ الغرز ( أسف على اللفظ بس متتألش غير كده )

                5. ده فيديو لفري استيلنج شوفها عامله ازي وكمان اللى عامل الشو ده مش محترف


                http://www.youtube.com/watch?v=ih78Sykx7b0





                التسارع . 8/10

                ليه :

                العربية بتجيب من 1 إلى 100 في حوالى 13 ثانيه إن لم تكن 12.5 طب عايز ايه اكتر من كده و وطبعا عارفين ان العربية بقا بعد 30 أربي أم عامله ازي دانا بتكلم على 2006 مش على الجديد الmiaf
                وانا عن رأي تاخد بعد 30 أر بي ام 9/10 كمان ومش هتكلم بقا عن الكام برو واللى واللى واللى كل الإخوه فاهمين طبعا

                وده ياسيدى مقطع تشوف فيه على الطبيعه التوب اسبيد والأكسيلرياشن بتاع العربية وصل بيها كام وفى أد ايه


                http://www.youtube.com/watch?v=pAe8LCc1uMA




                التجهيزات الداخلية 9/10 و فخامة المقصورة. 7/10

                انا حبيت هنا افصل بينهم لأن أنت فى عربية سبور أو رياضيه مش محتاج فخامه انت محتاج عمليه خلي بالك وانت بتسوق عربية رياضيه عايز كل حاجه تبقى تحت ايدك على طول وبتستحمل الأكش العالي منك ومش محتاج بقا التتش والماتش واللتش بتاع الدلع انت محتاج خشونه وقوه فى الاستعمال

                ليه :

                أولا الخامات هيه اللى منزله التقيم بس ناخدها من وجهة نظر تانيه بالنسبه للتجهيزات الداخليه انت محتاج ايه هتلقيه
                1. كرسي رياضي مريح ليه كذا حركه ومحتويك وامامك تاره ملتى وتابلوه طبعا حدث ولا حرج
                انا بتكلم يا جماعه على سياره رياضيه انتم فاهمنى طبعا

                2. تحكم كامل فى : مريات / الزجاج / الفوانيس الأماميه / حتى إضاءة التابلوه / فتح الشنطه التانك / حساسات / فتيس ضيق الحارات وقصير النقلات / صندوق ذو حجم معقول / كل حاجه واضحه امامك / زراير فة متناول اليد
                طب عايز ايه اكتر من كده فى سياره رياضيه ( بركز على المفهوم ده أوي )



                الامان . 9/10 Safety&Security

                ليه :
                1. وجود abs و eds طبعا مش هقعد اشرح انت عارفين ايه ده وأيه ده
                2. الأيرباجز الأماميه
                3. وجود 5 أحزمة أمان
                4. وجود أربع بارات صلب حول السياره بالإضافه للي فى التابلوه
                5.وجود اقفال للأطفال
                6. وجود ألرم سستم
                7. طبعا الصاج محمل جدا
                8. وجود immobiliser
                9 . ( انا تعبت من الكتابه ) المهم ده غير بقا فوانيس الشابوره والذى منه تانك ما بيفتح اللى من جوه وابواب وشنطه من غير طبل ... إلخ



                المساحة الداخلية للركاب ( الركاب الأمامي 8/10) الخلفي 6/10

                ليه :

                أنا بأكد على موضوع السياره الرياضيه يا جماعه ممكن انا ببالغ فيها بس ده سياره رياضية




                الاستهلاك النسبي للوقود 100km ديه بقا حسب الاستخدام الكتالوج بقول كام تقريبا 6 لتر او 7 مش متذكر اوي لو على كلام المانيوال 8/10 طبعا بالنسبه لموتور زي ده زي الفل

                بس لو على استخدامى الفلتر الاسبور واللسبلت فير والسواقه العنيفه بديله 7/10 عشان استهلاك البنزين بعد التعديلات ارتفع إلى 9.2 بعد ما كان عندى 8.2 وده عيبى انا مش عيب العربية ده غير طبعا كلكم عارفين بتختلف من شخص لأخر وحسب الجو والتكيف والطرق



                القيمة بالنسبة للسعر 10/10
                ليه
                ديه بقا ما فيها هزار هتلى بقا عربية بالسعر بتاع الجين تو وفى نفس كفائتها ومميزتها وشكلها ومتعة قيادتها اللى يعرف يقلى وانا هشتريها من بكره


                متوسط تكلفة الصيانة 200-300

                وديه طبعا زي ما احنا عارفين ياولاد ( الغاوي يبنقط بطاقيته ) بس هنا هنقول الصيانه العاديه ومش هلك فى الموضع ده كتير لأن انا ممكن اوصل صيانة العربية ل 600 او 800 جنيه وفى زي كتير وانتم فاهمين بقا لما الواحد يتجن ويدخل الموبيل شوب بعمل ايه


                مدي ملائمة العربية للطرق و الاجواء المصرية.

                انا مع توت فى الحته ديه بس نقدر نقول ان العربيه مواصفات خليجى ( عارفين طبعا اللى ورا الكله ) ونقدر نقول ان العربية هيفى ديوتي

                فى كلام كتير والله عايز اقواه بس تعبت من الكتابه
                وفى الآخر ديه وجة نظرى

                وتحياتى للكل ( طبعا انا هروح فين جنب عمالقة الجين توت وأيمن مؤمن ) وإن شاء الله د. أمير فى السكه .... بس أدينا تحت جناحهم .. ابو مريم صباح الفل



                Comment

                • #23
                  المشاركة الأصلية كتبت بواسطة MuhammedSoliman مشاهدة المشاركة
                  وعلى فكره يا ابومريم انا من اسكندريه وعندى جين سوده اوعى تكون بتقصندي


                  لا يا باشا انا مش اقصدك انت انا بيتهيالي اني اعرف صاحب الموضوع شخصيا بس مش متاكد وقبل ما اشتري عربيتي سالته اجيبها ولا لا و قالي هاتها دي عربية ممتازة عشان كدا انا مستغرب كلامه ومش عارف اذا كان هو نفس الشخص ولا لا

                  بخصوص الثبات انا كنت بجرب العربية مع د/أمير وانا عادة مش بسوق كدا بس عشان التجربة اخدنا ملف في العبور (مشهور بملف الموت عشان ملف صعب و العربيات بتهدي فيه) اخدناه على 140 من غير اي مشاكل و في اخر الملف اخدنا غرزتين من اقصى شمال الطريق لاقصى يمين الطريق وبالعكس ومفيش مشكلة تماما و العربية في منتهى الثبات ما شاء الله
                  انا بقول العربية دي مينفعش تاخد ثبات زي ثباتها الا في عربية معمول فيها tunning ماشاء الله و ربنا يبارك
                  [COLOR="DarkRed"]ﻧﺤﻦ أﻓﻀﻞ ﺷﻌﺐ ﯾﺼﻨﻊ اﻟﺜﻮرات ﻟﻜﻨﻪ ﻻ ﯾﺤﺴﻦ ﺣﺮاﺳﺘﻬﺎ ﻓﯿﻌﻮد اﻟﻈﻠﻢ ﻟﯿﻠﺘﻒ ﻣﻦ ﺟﺪﯾﺪ , ﻓﻲ ﻛﻞ ﻣﺮة ﯾﺤﺪث ذﻟﻚ وﻻ ﻧﺘﻌﻠﻢ اﻟﺪرس[/COLOR]

                  Comment

                  • #24
                    صباح الفل علي الاعضاء الجمال
                    اولا صاحب الموضوع الاستاذ احمد

                    :
                    المفروض كنت تحدد المقارنة علي اساس اة
                    فئة لترية ام حجم ام فئة سعرية
                    عشان طبعا في فرق كبير انا مقدرش ادخل الفئات دي في بعضها
                    الي حضرتك عاملة دة غلط


                    انت مقارن بين عربيات ب 200.000 و عربيات ب 60.000 زي الفيرنا و دة ما ينفعش طبعا في موضوع و احد و الا الي جاي يقارن عشان يشتري دة حيتوة و يجيلو حالة نفسية:k39: و زي م استاذنا الفاضل توت عنخ امون
                    ده اللي المحترفين في البرامج الكبيرة بيعملوه و المحترفين في مجلات السيارات العالمية
                    و طبعا ينفع علي نايل موتورز لكن في مواضيع مختلفة
                    نيجي بقي للجين 2
                    ثبات الجين 2 6\10
                    لا و انت كمان بتكرم البجين و بتدي الفرنا 4\10 عشان مالهاش ثبات بقي الفرق بين الجين و الفيرنا 2
                    2 يا راجل

                    دة لازم يكونو 2 طول بعرض ب ورب بكل حاجة فول ابشن يعني
                    و بعدين القيمة السعرية 7.5\10 و جاي علي نفسك لية دة المثل بيقولكعلي الد لحافك مد رجليك و االجين الي جايبها مادد رجلية و مدفيها و نايم متعشي كمان :k31:
                    الاخوة الافاضل قالو علي الامكانيات اتفضل بقي هاتلي عربية باللامكانيات دي و في التمن دة
                    و و النبي في عرضك ماتجبش سيرت الجيتا و العربيات دي عشان امكانيتها قوية جدا و طبعا سعرها غالي
                    يعني ماتقوليش نقارن بين الباسات و ال 318 مثلا (دة للتوضيح فقط)
                    انا و احد كل يوم علي الدائري و فعلا باخد غرز علي 170 لما الاقيك بتعيب في الثبات و ملخبط الدنيا في بعضها
                    ارود اقولك اة

                    و بالنسبة للملائمة تاخد 8\10 ىعشان مش بيعبها الا ان العفشة ناشفة
                    طلكن عربية عالية و كويسة
                    المساحة الداخلية تاخد 7\ 10 لانها هاتش باك و اكيد مش في وسع السيدان
                    و اي حد بيفهم في العربيات و ماركبش معاة افيال مش حيديها اقل من كدة
                    4\10 لية هو انت شاري غواصة
                    الامان 5\10
                    دة انت عايز دبابة بقي و تخش بيها الحرب
                    عومل الامان الاستاذ محمد سليمان ذكرها بالكامل و قولي انت مش عجبك اة فيها
                    التسارع 5\10
                    دة انا مخيط مازدا و بريليانس و ابترا
                    الموتور الكامبرو 110 حصان و جراي و جميل علي اد امكانياتة احنا مش راكبين بوجاتي
                    مش كفاية راكب عربية ب 90.000 بتطلع من عربيات ب 135.000
                    لا د انت بقي عايز طيارة
                    و في النهاية بقوللك انت كدة حتضر الناس مش حتفيدهم
                    لان تقييمك غلط و موضوعك متلغبط
                    و اة صحيح عليك بقي و علي هيئة التصنيع الحربي ختلاقي عندهم اسلحة من دي قلهم انت بس علي ظروفك و هما حيرعوك في التمن

                    و خد دة شعر مني ليك:
                    مش عجبك الثبات .. خلاص الكلام مات .... روح شوف حاجة تانية تركبها .... و الي فات فات
                    مش عجبك و سعها ... استغني عنها ... وروح اركب حاجة سيدان ... عشان تحس بحجمها
                    مش عجبك سعرها ... طب هتلي زيها .... ثبات اية و امان اية و الله بحبها
                    مع تحيات خالد الحسيني
                    i love u my gen 2 :k4:

                    Comment

                    • #25
                      ايه ياعم لودا الجمال ده والله ضحكتنى:k48::k48:

                      هوه الأساذ احمد كان مقحف شويه للجين تو

                      تحياتى

                      Comment

                      • #26
                        السلام عليكم

                        اولا و قبل كل حاجة احب اشكر صاحب الموضوع لانه موضوع جميل و فكرة رائعة

                        بس حضرتك في شيء من التناقض في موضوعك

                        لان انا شايف انو مش اي حد ليه راي في عربية ممكن يقولو علي شكل تقييم للعربية من 10

                        التقييم دا لازم يحطوا تاس معاهم العربية او علي الاقل جربوها اكتر من مرة

                        طب انا ليه بقول كدا
                        ايضا لاحظ اني بتكلم عن معيارالثبات وده بيضم موديلات كتير جدا منها مثلا السوبارو امبريزا و راي انها تاخد 8/10 و ايضا الفيرنا ورأي انها تاخد 4/10

                        و بالنسبة لمعيار الامان خد عندك الفورد فوكس و انا رايي فيها 9/10 و ايضا الجيتا و رايي فيها 8/10 .

                        و بصفة عامة ده رايي .. و كل واحد هنا بيقول رايه
                        ازاي اقول رايي في شكل ارقام يا فندم؟؟

                        اذا كان اصلا انا عمري ما سوقت العربية ......

                        يعني مثلا حضرتك كاتب "انا رايي ان الجيتا 8-10" طب ازاي ؟؟ و علي اي اساس؟؟

                        و اساسا الجيتا مثلا تاخد اكتر من كدا "علي ما اعتقد"

                        وده رقم انا مديهوش بسهولة للجيتا ولا للفورد
                        طيب كويس ان حضرتك مقدر الجين 2
                        بس ازاي حضرتك متيهوش او تديه لاي عربيه و حضرتك ما جربتهاش

                        انا عايزك بس توضحلي اكتر

                        هل انتا بناء علي المواقع الاجنبية مثلا و مجلات العربيات بتدي الارقام دي؟؟

                        او علي اي اساس؟

                        دي حاجة

                        و ارجو ان سيادتك والسادة الاعضاء يفهمو وجهة نظري


                        الحاجة التانية

                        بخصوص الجين2 مثلا "وانا معايا البرسونا و عامل بيها 7000 كيلو

                        ازاي حضرتك 6-10 في الثبات!!!!!!!!!!!!!! "طبعا الاعضاء اتكلموا"

                        امان 5-10ّّّّ !!

                        ملائمة مصر 6-10!!!!!!!!!!!!!!! ازاي

                        انا بصراحة مش شايف اي مصداقية في الارقام دي و دا بياثر عالناس الي نفسهم يركبوا عربية جميلة جدا بالسعر دا

                        دانا يا راجل والله بفكر نبيع الشاهين و نجيب الجين جديا!!!

                        عالعموم دا رايي في العربية طبقا للمعايير

                        لثبات عالطريق و امكانية المناورة. 9.7/10
                        التسارع . 8.5/10
                        التجهيزات الداخلية و فخامة المقصورة. 8/10
                        الامان . 10/10
                        المساحة الداخلية للركاب 9/10
                        الاستهلاك النسبي للوقود L9/100KM
                        القيمة بالنسبة للسعر 10/10
                        مدي ملائمة العربية للطرق و الاجواء المصرية. 10/10

                        و الف شكر عالموضوع الجميل
                        [CENTER][rmade]http://cdn-www.greencar.com/images/alpha-romeo-hot-diesel-sports-car/Alfa-Romeo-Article-Lead.jpg[/rmade]


                        You 're beautiful , Its true


                        [/CENTER]

                        Comment

                        • #27
                          و خد دة شعر مني ليك:
                          مش عجبك الثبات .. خلاص الكلام مات .... روح شوف حاجة تانية تركبها .... و الي فات فات
                          مش عجبك و سعها ... استغني عنها ... وروح اركب حاجة سيدان ... عشان تحس بحجمها
                          مش عجبك سعرها ... طب هتلي زيها .... ثبات اية و امان اية و الله بحبها
                          مع تحيات خالد الحسيني
                          مش ممكن يا خالد والله موت من الضحك يا مان
                          [CENTER][rmade]http://cdn-www.greencar.com/images/alpha-romeo-hot-diesel-sports-car/Alfa-Romeo-Article-Lead.jpg[/rmade]


                          You 're beautiful , Its true


                          [/CENTER]

                          Comment

                          • #28
                            استاذي الفاضل محمد سليمان حبيبي DRguevara
                            اي خدمة
                            i love u my gen 2 :k4:

                            Comment

                            • #29
                              المشاركة الأصلية كتبت بواسطة kloda مشاهدة المشاركة


                              و خد دة شعر مني ليك:
                              مش عجبك الثبات .. خلاص الكلام مات .... روح شوف حاجة تانية تركبها .... و الي فات فات
                              مش عجبك و سعها ... استغني عنها ... وروح اركب حاجة سيدان ... عشان تحس بحجمها
                              مش عجبك سعرها ... طب هتلي زيها .... ثبات اية و امان اية و الله بحبها
                              مع تحيات خالد الحسيني

                              الله ينور يا خالد
                              ايه الكلام الجاااااااااااااامد اوي اوي
                              [FONT="Century Gothic"][CENTER]Eng.Mo'men Hamdy Fahmy[/CENTER][/FONT]

                              Comment

                              • #30
                                المشاركة الأصلية كتبت بواسطة أبومريم مشاهدة المشاركة

                                بخصوص الثبات انا كنت بجرب العربية مع د/أمير وانا عادة مش بسوق كدا بس عشان التجربة اخدنا ملف في العبور (مشهور بملف الموت عشان ملف صعب و العربيات بتهدي فيه) اخدناه على 140 من غير اي مشاكل و في اخر الملف اخدنا غرزتين من اقصى شمال الطريق لاقصى يمين الطريق وبالعكس ومفيش مشكلة تماما
                                مساء الفل يا ابو مريم
                                انا فرحان جدا ان السواقه دي مش الطبيعي بتاعك
                                يا جماعه انا كنت مغمض عيني و مش قادر افتحها من الرعب علشان كنت قاعد قدام
                                انما حق ربنا يتقال
                                العربيه ثباتها وهمي
                                و مع انها اول مره اعرف انه اسمه ملف الموت مع اني كنت بروح العبور قبل كده بالصني و من قبلها الفيليشيا (ثباتهم حلو و مش بهدي بيهم عليه اهوه) الا ان علي الرغم من السرعه العاليه بتاعت التجربه سلاش
                                العربيه بهرتني لتالت مره في تجربه واقعيه, و الله جه عليا وقت و انا راكب حسيت اني مش نازل سليم من العربيه لكن ما شاء الله عليها و ربنا يحفظها لملاكها كلهم و يباركلهم فيها
                                و شكر خاص لابو مريم

                                Comment

                                السابق 1 2 3 4 5 6 template التالي
                                Working...
                                X