محتار بين اللوجان و اللانوس

[mindvision]

أقصد شفتك في منتدى تاني..مش كدة؟بنفس الإسم يعني

اكيد ممكن لاني مشترك بنفس الاسم علي اكثر من منتدي...

[ams]

الآنوس أحلي في نظري من أي عربية في الدنيا

ربنا يغنيك بالرضا كمان و كمان

[MMamdouh]

m_hapashy206
بالإضاف للمميزات السابقة العربية بليق عليها تعديلات كتير عالبودي.. بص عل موضوع دة

http://www.nilemotors.net/Nile/showthread.php?t=76418

أتمنالك التوفيق فختيارك

ugly women needs more makeup

MMamdouh

[MMamdouh]

6
وده ما يمنعش انها برضو من جنرال موتورز

انا مقلتش انة يمنع... انا بكمل كلامك و بوضح الاجزاء بتاعت العربية مبنية على ايه

ازاى حضرتك من سنة 99 ما لاحظتش ان اللانوس واطية وبتخبط فى المطبات اذا كانت محملة !!!!!!!!

مش عارف ازاى بصراحة... يمكن عشان بتعامل معاها انها عربية ملاكى مش نقل او عربية جيب؟؟؟

حضرتك بيأثر على السحب اكتر من اللوجان بشكل ملحوظ ..

طيب انا مسوقتش اللوجان عشان احكم... هل انت سوقت عربية شيفرولية لانوس جديدة عشان تحكم الحكم دة؟؟؟

نسبياً اللوجان صاج افضل من اللانوس بكتير .. وكمان الفيرنا تتفوق على اللانوس .. فيه ورق 60 جم واخر 100 جم

هو انت قيست تخانة صاج اللانوس و اللوجان و قارنتهم ببعض؟؟؟ و كمان بقت الفرنا احسن من اللانوس فى الصاج؟؟؟ امال الانوس اتقل ليه فى الوزن من الفرنا؟؟؟؟

اعتقد انك انت كدة اللى متحيز مش انا

مش معنى كده انها لازم تعجبنا .. العربية عاملة زى البلونة المنفوخة بدون خطوط واضحة تميز معالمها

مقولتش "لازم" انما منقدرش نقول "وحشة" على عكس اللى نقدر نقولة عن اللوجان لانها كلها زوايا حدة وفيش فيها اى نوع من انواع الانسيابية

تعليقك بيقول انك متحيز للوجان و بتكرة اللانوس... و فى اخر المداخلة بتطالب "بالحيادية"

الأرتفاع عن الارض احد العوامل التى تؤثر على الثبات يعنى المعادلة دية ربع الحقيقة

ربع على اى اساس؟؟؟ انت وزنت الحقيقة و طلع ربعها ارتفاع عن الارض؟؟؟

للعلم ارتفاع العربية عن الارض من اهم عوامل الثبات

دى مسألة اذواق لكن كل اللى اعرفهم قرفانين من شكل اللانوس .. بيجيبوها بس لأنها اقتصادية شوية مش حباً فى شكلها المبعجر

التصميمات الايطالية بقت مبعجرة.... و اللوجان بقت حلوة.... هى فعلا اذاق

وهو فيه لانوس 1600 حضرتك؟!!!!!

من ناحية فيه هو فيه بس مش فى مصر... و ممكن تسقط مكنة 1600 لو عايز بس مش هى دى قضيتى... لو انت مفهمتش انا اقصد ايه تبقى برضة مش مشكلتى

وكلفتك كام الجنوط دية ؟ يا ريت نعرف علشان نعتبر ده كمان ميزة لمصلحة اللوجان

300 جنية شراء الجنوط - 200 بيع الجنوط ال13 يبقى 100 جنية... فعلا لازم نشترى لوجان لانها بتوفر 100 جنية

ده عكس راى معظم الناس اللى اعرفهم

دة راى كل اللى اعرفهم... و لو تحب اعمل استطلاع راى فى القسم العام اى عربية شكلها احلى

فرق البنزين ضئيل وخصوصاً عندما استفيد بقدرة محرك اكبر

16% مش فرق ضئيل... و طالما انت بتعترف بان اللوجان تتفوق فى القدرة بالموتور الاكبر يبقى لازم تهترف باستهلاك البنزين الاكبر طالما بتطالب بالحياد

يا فندم واضح ان حضرتك منحاز للانوس بشكل يخليك زى ما بيقول المثل القرد فى عين امه غزال .. بدليل انك لغاية دلوقتى ما لاحظتش انها واطية وبتخبط فى المطبات .. دا انا كل اصحابى بيصرخوا منها

انا معرفش اصحابك بيسسوقوا ازاى او بيمشوا فين... انا معايا لانوس من 10 سنين (عربيتين مختلفتين) و مشتكتش من الحوار دة... و اكيد مش حبقى بحك فى كل مطب فى البلد و اجى هنا اقول ان العربية متحكش... كدة ابقى كدب

و اذا كان على موضوع "القرد" فا المثل ينطبق على اللوجان... لو كان عليها لوجو شركة صينى كان زمانك بتقول انك بتكرهها جدا و مش طايق تبصلها فا متقوليش انى انا مش محايد

يا ريت المقارنة تكون موضوعية ومحايدة علشان صاحب السؤال يعرف يختار .. من غير دعاية لماركة ونظلم التانية والنتيجة اننا هنضلل صاحب السؤال .. ويجعله عامر

و انا حعمل دعاية ليه؟؟؟ هى شركة شيفرولية بتاعتنا مثلا؟؟؟ انا متفرقش معايا صاحب الموضوع او اى حد فى مثر يشترى لانوس او لوجان... انا وضحت قبل كدة السبب انى بشارك فى الموضوع دة و الاعضاء فاهمة السبب... لو انت مستوعبش السبب دة او اختارت انك تغفلة فا دى مشكلتك انت

لو لما تبقى المشاركة موضوعية اعتقد ان مش من المنطقى انى اغفل عنصر زى سعر قطع الغيار و تكاليف الصيانة و مدى امكانية صيانة العربية برة التوكيل و سعر اعادة البيع و خلافة... دا طبعا بخلاف قصة شكل العربية

انت كل اللى عملتة انك ركزت على نقطتين فى اللوجان (الموتور و حداثة الموديل) و شكرا..و الباقى "شتيمة" فى اللانوس و بالتالى انت بتناقض نفسك تماما و تطالب بحاجة انت نفسك مبتعملهاش

لو لحد دلوقتى مفهمتش انا هدفى ايه من الاشتراك فى الموضوع دة يبقى الافضل تقراء الموضوع من الاول (مش حقول مرة تانية لانك اكيد مقريتوش مرة اولانية) و انت تعرف السبب

MMamdouh

[MMamdouh]

أخي محمد ممدوح..
أنا باحترم كل مواضيعك وردودك بس إسمحلي أعتب عليك في حاجة..
تقريبا مسار الموضوع أحادك شوية عن حياديتك المعروفة وفلتت منك حاجة مهمة..
إن أخونا بيقارن مابين عربيتين جداد موجودين..وهم اللانوس واللوجان
واللانوس مافيش منها 1600 جديد..
بصوا..ممكن تلاقوا كلامي غريب شوية..بس أنا مش باحب اللانوس..ورغم كدة باموت في حاجة إسمها جولييت..أذواق
لما شفت الرينو اللوجان ماعجبتنيش الصراحة
بس لما شفت الهاتش باك(رغم سوء تقفيلها)في المعرض عجبتني جدا..
وفعلا العربية واسعة من ورا مهما رجعت الكورسي وشكلها جديد ودة يميزها عن اللانوس
اللانوس فعلا واطية..أو على الأقل اللي سقتهم عشان ما أعممش
كلكم دخلتوا إتكلمتم عن الهورس باور بس نسيتوا باقي العوامل..
هل دي قوة الموتور raw ولا القوة اللي خارجة من العجل؟
لو الموتور يبقى أعتقد المقارنة مش مظبوطة..لأن في عوامل كتير هتفرق..
ممكن يكون معاك عربية 80 حصان بس صغيرة وخفيفة والأيروديناميكية بتاعتها كويسة تاكل عربية 115 حصان تقيلة ومقاومتها للهواء زيادة
وفي الأول والأخر دي أذواق وراحة نفسية..
وبصراحة على الرغم من إني مش من عشاق اللانوس إلا إني أقدر أقول وبكل حيادية إنها أفضل صفقة بالنسبة لفئتها..ودة رأيي المتواضع جدا(تقدروا تقولوا مالوش لازمة)
يا ريت ماحدش يزعل من كلامي ولا يعتبره إتهام لأنه ليس كذلك أبدا!

انا مخرجتش عن الحيادية... انا اصلا مدخلتش طرف فى المقارنة... الصة بدات بالرد على زميل كان اساس مشاركتة ان اللانوس عربية (زبالة) و كان فرضة مبنى على ان اللانوس تصميم قديم و كورى بالتالى اسحقت اللقب دة

انا بس حبيت اوضح ان القصة دى ممكن تتعمل فى اللوجان بسهولة شديدة (و فى اى عربية كمان)... زى ما بيقولوا two can play this game

بما انك متابع مواضيعى فا اكيد عارف انى محايد... و يمكن عمرى ما دخلت فى موضوع مقارنة عشان ادافع عن اللانوس او اى عربية دايو... اصل فى النهاية لو اللى بيسال اشترى لانوس مش حزيد حتة و لو اشترى غيرها مش حنقص حتة... و كمان مش شرط العربية اللى تناسبنى تناسب الجميع بالتالى انا مبحبش اخش و اقول لحد اشترى دى و دى احس و كدة... انا ممكن اكتب مميزات و عيوب انا شايفها من واقع خبرتى للعربية انما القرار بيرجع لصاحب الموضوع فى الاخر

اللى بيستفز الواحد هو اسلوب اجراء المقارنة لما واحد يقولك دى عربية زبلة.. طيب زبالة ليه؟؟؟ يقولك اصلها كورى... طيب لما هى زبالة ليه 90% من الشوارع مليانة عربيات كورى؟؟؟ يبقى احنا كمستهلين بنحب الزبالة بقى... الادهى من كدة ان العربية اللى فضلها على الزبالة هى عربية رومانى... طيب كدة يبقى الموضوع تحيز واضح و تحامل صريح مش مجرد ابداء راى او توضيح ميزات و عيوب... صح؟

و كل مرة الناس بتقع فى نفس الغلطات مرة بعد مرة لسبب بسيط... الزميل اللى انا لسة رادد علية و كان نازل سرد فى عيوب اقرب انها تكون وهمية... مقالش حاجة على فرامل اللانوس... و دى اهم عيب فيها... طيب منين بقى انت راجل بتحلل عربية و اهملت اهم عيب فيها؟؟؟ يبقى اكيد انت مركبتهاش او على الاقل سوقتها

بلاش كل دة... الموضوع فى الاساس كان فى قسم رينو... هل تعتقد ان الناس المعروفة فى قسم رينو يعجزوا عن الرد عليا؟؟؟ و كتابة اشعار فى شركة رينو من ساعة ما اتعملت الى يومنا هذا؟؟؟ طيب ايه السبب انهم مكتبوش؟؟؟ عشان هما عارفين انا اقصد ايه من الموضوع و مش قصدى اجرح فى الرينو على العموم ولا اللوجان بشكل خاص ولا حتى الدفاع عن الدايو... انما انا بتكلم عن اسلوب اجراء المقارنة...

يا جماعة النصيحة امانة مينفعش تبقى متنفس للاهواء الشخصية و اللى بيكرة عربية يقول انها زبالة و يتغاضى من ميزاتها و اللى بيحب عربية يتغاضى عن مشاكلها و يقول دى احسن حاجة فى الدنيا... لما تعرض الميزات فقط او العيوب فقط انت بتضلل صاح السؤال و ممكن اوى ياخد قرار غلط و يصرف مبلغ مش هين بناء على نصيحتك... و لو اكتشف انه خد قرار خطاء و تندم على القرار دة حتبقى انت المسؤال امام المولى عز و جل... معتقدش حد عايز يخش النار عشان اربع عجلات.... صح؟

الكوميدى فى الموضوع انى كاتب العيب دة قبل كدة و برضة محدش حتى اقتبسة فى الرد بتاعة... يعنى حتى محدش بيقراء الموضوع من الاول اساسا انما هى حمية بتيجى فجاءة و تلاقى ردود غريبة بتتكتب... زى ما قلت انا مش فارقة معايا صاحب الموضوع حيشترى اى عربية فى النهاية... اللى يخمنى هو "ماذا استفاد صاحب الموضوع من هذا الاسلوب فى عرض المقارنة؟"

الاجابة: صفر

ياريت نلتزم الموضوعية لما نساعد حد فى قرار شراء عربية

MMamdouh

[m_hapashy206]

ممكن يا شباب حد عنده صور اللوجان الهاتش باك الجديده

[Ahmed Selim]

ريـــنو سانديرو - لوجان هاتشبـــاك

مش هتنزل مصر غير أول السنة اللى جاية

[m_hapashy206]

على فكره انا سألت في التوكيل و عرفت ان السانديرو حاجه و اللوجان الهاتش باك حاجه تانيه وسعرهم مختلف

[Ahmed Selim]

http://www.nilemotors.net/Nile/showpost.php?p=933337&postcount=4