جيتا 2009 ولا نيو سيراتو

[Ahmed Selim]

بالضبط كدة عشان منظلمش السيراتو يبقى تتقارن بنفس فئتها
لكن جيتا
دة كفاية ثبات الجيتا ع الطريق !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!

الجيتا و السيراتو و الميجان و الألنترا و المازدا 3 و الأوكتافيا و الفيكترا نفس الفئة..........كلهم 1600 سى سى فئة عائلية متوسطة

يعنى المقارنة جايزة بينهم و السعر يبقى عنصر من عناصر المقارنة.

[Corolla2010]

و مش حرام يتدفع مبالغ أعلى فى عربيات زيها و يمكن كمالياتها أقل ( بدون توضيح )

و كلامى مش على الجيتا خالص..........أنا أصلاً داخل أقول لصاحب الموضوع أنه يكشف على الجيتا و لو طلعت مفيهاش مشاكل يتوكل على الله.

لا اكيد مش حرام يا باشا لما تتكلم فى حاجات مهمه فى العربيه زى صاجها و اعتماديتها و شكل العربيه بعد كام سنه ؟ حط عربيه كورى جمب عربيه يابانى جمب عربيه المانى وانت تشوف الفرق والى اقصده

[kliken]

الجيتا لا تقارن بالسيراتو لو حالتها تمام

[Ahmed Selim]

لا اكيد مش حرام يا باشا لما تتكلم فى حاجات مهمه فى العربيه زى صاجها و اعتماديتها و شكل العربيه بعد كام سنه ؟ حط عربيه كورى جمب عربيه يابانى جمب عربيه المانى وانت تشوف الفرق والى اقصده

يا باشا أنا ولا جبت سيرة ألمانى و لا يابانى خالص........أنا بتكلم على حاجة تانية و كورى برضه..........المهم ما علينا.....
المقارنة اللى بتقول حضرتك عليها دى ممكن نعملها بعد 10 سنين مش دلوقتى......ليه ؟

العربيات اللى بنقارن بينهم لسه جداد و لو عملنا مقارنة بين القديم يبقى كده هنظلم الكورى لأن محدش يقدر ينكر أن كيا من 10 سنين مش زى دلوقتى خالص.

على فكرة........أنا ركيب ألمانى قديم و عارف يعنى أيه ألمانى كويس و عادةً أى مقارنة فيها ألمانى بشجعه :)

[Hamdy Masria]

بعد اذن الناس بصراحة ومن غير زعل انا شايف ان فى استخفاف من الأعضاء زيادة عن اللزوم لما بتيجى سيرة كورى و ألمانى و يابانى وكل واحد بينحاز لعربيتة وبيحس انوا راكب احسن عربية فى الدنيا حتى ولو 128 ياريت مشرف القسم يشيل المشاركات اللى بتخرج عن اصل الموضوع والكلام المستفذ اللى بيكون ملوش لزمة بصراحة انا مضايق جدا عشان اتقفلى موضوع قبل كدة بتاع مقارنة كورولا 2003 مستعمل ولا نيو سيراتوا منيوال زيروا ... وانا مليش ذنب المشكلة فى المشاركات الخارجة عن الموضوع زى ما قولت فى الأول .... ولازم نراعى ان اى واحد بيسأل الناس بيكون يا أما فعلا مش عارف ومش فاهم الفرق او مش قادر يوصل لقرار وعايز حد يحطوا على اول الطريق الصح ... زى ما بقولوا ما خاب من استشاررررررررررررررر

[Hosam_Optrawy]

ياجماعه الموضوع مش مستاهل خناق

كل واحد بيبص للموضوع من وجهة نظره

انا مثلا رأيى

اولا الزيرو زيرو وانا مابركبش مستعمل حتى لو ايه

ثانيا أكيد الجيتا أقيم وأفخم وصناعه المانى يعنى أكيد أفضل من السيراتو

بس ممكن الواحد يبصلها بصه تانيه

الجيتا قطع غيارها اغلى وصيانتها اغلى ( انا عارف انها بتبقى معمره أكتر بس برضه مفيش حاجه مضمونه )

الجيتا موتورها أضعف ( ودى مش محتاجه كلام واصلا اغلب العربيات دى اللى زى الجيتا والاوكتافيا مش بتوع جرى )

الجيتا هتبقى الاوبشنز بتاعته أقل

كل ده + انها مستعمله 3 سنين ومحدش يعرف حالتها ايه

_________________

كل دى نقاط ترجح كفة النيو سيراتو من وجهة نظرى

[Eng.Sameh]

ايه يا عم الحج .. انت عاوز تقتلني ولا ايه

[ashouhdy]

الجيتا و السيراتو و الميجان و الألنترا و المازدا 3 و الأوكتافيا و الفيكترا نفس الفئة..........كلهم 1600 سى سى فئة عائلية متوسطة

يعنى المقارنة جايزة بينهم و السعر يبقى عنصر من عناصر المقارنة.

الفئة السعرية !!! وليس الحجمية !
يعنى الجيتا ب 190 او 170 الف السيراتو ب 95 الف لحد 126
حنقارن اية ب اية بس

[Hosam_Optrawy]

اية يا جدعان انت عايزين تقنعوا الراجل ان
السيراتو انضف من الجيتااااااااااا

!!!!!!!!!!!!!!!!!!!!!!!!!!!!!!!!!!!!!!!!!!!!!!!!

محدش قال السيراتو انضف من الجيتا

الجيتا طبعا احسن من مليون كورى

احسن من مليون كورى وخلاص ؟ اى كان نوعه ؟

يا جدعان كورى ايه الى يتقارن بالجيتا
واضح انه نظر الشعب المصرى بقى ضعيف جداا
النهارده كنت معدى جمب توكيل عربيات واقف السيراتو جمب كورولا فرق شاسع جداا بين الاتنين والله حسيت انه السيراتو دى عامله زى التوكتوك جمب الكورولا مع احترامى لكل العربيات بس هى دى الحقيقه و الكورولا فيها مشاكل اكييد ومش احسن حاجه يعنى عايزين لما نقارن حاجه نقارن حاجات قريبه من بعض مش فى الفرق ده
انا كنت مقتنع بالسيراتو جداا اول ما نزلت بس بعد ما شفتها على الحقيقه العربيه سيئه جداا خامات اى كلام و واضح انها خفيفه اوى وحرام يتدفع فيها المبلغ ده

ياجماعه رجاء محدش يبص للموضوع بنظره سطحيه

ان ازاى فى ناس بتقارن بين السيراتو والجيتا وكمان فى ناس بتفضل السيراتو

لان فى عوامل كتير للمقارنه مينفعش نهملها

السعر - حالة العربيه ( واحده زيرو وواحده استعمال كذا سنه ) - اسعار قطع الغيار والصيانه - سعر اعادة البيع - جودة الصناعه واداء العربيه - قوة الموتور - الخ .....

ودى حاجات بتختلف من شخص لأخر حسب الاحتياجات الشخصيه

فالمقارنه بين العربيتن مش جريمه

أرجو تكون وجهة نظرى وضحت

[sa3dawy]

الجيتا و السيراتو و الميجان و الألنترا و المازدا 3 و الأوكتافيا و الفيكترا نفس الفئة..........كلهم 1600 سى سى فئة عائلية متوسطة

يعنى المقارنة جايزة بينهم و السعر يبقى عنصر من عناصر المقارنة.

لأ لو سمحت طلع الفيكترا من الموضوع علشان large family car ... والى مدخلها فى الليلة دى انها شكل قديم نسبيا .. ما علينا ...
انتو يا جماعة لما بتقارنو بتتكلموا فى الفئة الى على wikipedia ... السوق المصرى لية احكام تانية خالص ... يعنى مثلا نقارن الاوبترا بال116i ??? ما هم الانين compacts
السعر هنا هو الى بيحكم المقارنة .. وزبون الاوبترا غير زبون البى ام خالص ...

[SAiF3S]

جيتا ايه يا راجل ..... أكيد طبعا النيو سيراتو احسن ، وبعدين النيو سيراتو تتقارن بالباسات مش بالجيتا

( سامحني يا رب )

ربــنــــــــــا يسامحــــــــــــــــــــــك

راى الجيتا لو حالتها كويسه وواحد خبره قالك تمام بعد المعاينه خدها و ربنا يبارك لك
لو مش كويسه خليك فى السيراتو و ربنا برضه يبارك لك

انا كنت رااكب كورى لغايه اخر السنه اللى فاتت لكن اللى ماركبش المانى ماركبش عربيه

[zalpany2000]

طيب انا ليا رأي صغير

دلوقتي العربية ليها عمر
يعني اي عربية في الدنيا ان شالللة مازراتي ولا فيراري
وهي جديدة بتختلف عن بعد استعمالها

يعني ما ينفعش تقارن زيرو بمستعمل الا بشروط

حضرتك تحدد احتياجاتك و تعرف انت ايه هايفرق معاك

انا بادي صوتي للزيرو - بصراحة وانا بجيب عربيتي-علي اعتبار ان الالتو عربية يعني للناس اللي بتحب تتريق علي اي حاجه - كان قدامي اجيب مستعمل بنفس السعر و فئة محرك اعلي و حجم اكبر و شكل و مش عارف ايه

وفي المقابل بقي اتلدع من الميكانيكية و كل شوية احط فيها مصاريف و تقرفني،

او اجيب الالتو الزيرو و اريح بالي ... ضيقة شوية و صغيرة... مش بتاعة جري يعني ... في المقابل عربية عاذب هايلة... و استهلاك بنزين حلو... و قطع غيار معقولة

و علي الرغم من ده في بالي اني ان شاء الله بعد 5 سنين ابيع و اجيب واحده جديدة ان شاللة ألتو تاني

العربة مابقيتش سعة عمر يا فندم ده اللي عايز اوضحه... العربية ليها عمر استهلاكي دلوقتي.... بعده العربية بتاخد اكتر ما بتديلك

فلما تجيب عربية فيه حد استخدم من عمرها الاستهلاكي او الافتراضي 3 سنين... فانت خسران جزء من قيمتها

الا في حالات واسباب... يعني مثلا حجمها اكبر وانت محتاج الحجم ده
شكلها افخم و ده يفرق معاك
ارخص مثلا و التوفير اللي هاتعمله ده هايفرق معاك
او انك واقع في دباديبها و نفسك تشتريها بقي..

غير كده-- وبشكل عملي -- نصيحتي حضرتك تشتري زيرو اضمن و احسن من اي مستعمل

اسف للاطالة
تقبلوا تحياتي

[night_whisper]

مفيش مقارنة بين العربيتين
بس أنصح حضرتك أنك ماتفكرش فى مستعمل و تركب زيرو على أد الفلوس اللى معاك
و ربنا يوفقك فى الأختيار

[Ahmed Selim]

الفئة السعرية !!! وليس الحجمية !
يعنى الجيتا ب 190 او 170 الف السيراتو ب 95 الف لحد 126
حنقارن اية ب اية بس

المقارنة الصح المفروض تكون حسب فئة العربية و سعتها اللترية.....السعر بيبقى عامل من عوامل المقارنة زيه زى الثبات أو الكماليات مثلاً.

بس هنا فى مصر.....

لأ لو سمحت طلع الفيكترا من الموضوع علشان large family car ... والى مدخلها فى الليلة دى انها شكل قديم نسبيا ..

و لايهمك يا باشا........أعتبرها طلعت

[nano1980]

سيدي الفاضل بعيدا عن الالماني والياباني والكوري
اكشف علي الجيتا كويس قوي قوي قوي............لان لو ظهرت مشكله صغيره فيها حتسحب منك فلوس بتمن عربيه زيرو
ومش حتسكت دي حتفضل فاتحه بقها علي الرابع...........
اذا كانت تمام وزي الفل توكل علي الله
ولكن
اي كانت حالتها انا افضل الزيرو ........في ظل ظروف مصر وعدم المصداقيه للوكلاء والميكانيكيه وايضا الجهل
العربيه الزيرو مهما كانت نوعها حتفضل افضل
والسيراتو علي فكره عربيه جيده جدا.....يعني مش حتزعل لو جبتها
سيبك انت من كل اللي حيقولك دي كوري ........ده كلام ينم عن عقده وتعصب بدون رؤيه الامور بمنظور افضل
شوف انت بقي ظروفك تناسبك ايه وقلبك وعقلك مايل لايه اكتر وتوكل علي الله
ومره تانيه الزيرو افضل