Getz vs Aveo

[BeroOo]

السلام عليكم.. ازيكوا يا جماعة.. أنا عايزة أخد رأيكوا وعايزة أعرف الفروق بين العربيتين دول.. ولو مكانى هتشتروا مين فيهم؟؟

أنا ساكنة فى المقطم وشغلى فى 6 أكتوبر (يعنى مشوار محترم).. وبنزل مصر الجديدة كتير..

أنا عايزة المانيوال من الموديلين.. فإيه رايكوا؟؟ تجيبوا مين فيهم وعلى أساس ايه :)

نسيت أقول ان الأفيو هاتشباك... ياللا مستنيا ردودكم :))

شكرا شكرا

[tofy_urban]

معرفش معلومات كتير عن العربيتين بس سمعت شكاوي من الاوفيو اكتر من الجيتز ,, و ممكن حضرتك تدخل علي قسم الشيفورلية و الهيونداي وتقراء المكتوب عنهم و ربنا يوفقك

[N.a.j.d]

حضرتك الجتز عربيعه حلوه ولزيزه ومصروفها قليل بس لو انتي غاويه شد ع العربيه يبقى تنسي الهوندايه كله وتشوف حاجه تقيله ع الشارع اما الشفرليه كويس مش بطال عشانه امريكي دا بشجع اوي انك تركبي

[tofy_urban]

حضرتك الجتز عربيعه حلوه ولزيزه ومصروفها قليل بس لو انتي غاويه شد ع العربيه يبقى تنسي الهوندايه كله وتشوف حاجه تقيله ع الشارع اما الشفرليه كويس مش بطال عشانه امريكي دا بشجع اوي انك تركبي

الافيو حضرتك مش امريكي خااااااااااااااالص ولا حتي بتتباع هناك ولا في معظم دول العالم دي عربية كوري تجميع مصري و هي تقريببا نفس العربية اللانوس مع اختلاف الشكل

[أبومعاذ]

جيتز بس هتحتاجيلها جنوط 15 او 16 عشان تبقى ثابتة على الارض

[BeroOo]

أنا لقيت الأفيو ليها مشاكل كتير قوى من التوكيل وعيوب التصنيع.. منتدى شيفرولية مليان :))) بس الجيتز مسمعتش عن مشاكل قوى لسة..

[yoko]

أنا معايا أفيو وبقلك نصيحة عشان متتبهدلش زي وزي معظم الي معاهم العربية إبعد عنها عشان كل كام إسبوع تظهر عيوب جديدة والله ال١٢٨ الي معايا معملتش فيا نص الي عملته الأفيو

[M.Osman]

اعتقد جيتز افضل..
و لو ممكن تستنى لشهر 10 و تعرف سعرف الـi20 هتكون احسن ..(هي هتكون في حدود 85-95 ألف .. بس كلام مش اكيد )

و دا طبعا مجرد اقتراح .. لأنها عربية هاتشباك احدث
و بالتوفيق

[kloda]

جيتز او i 20 طبعا
الافيو الهاتش و السيدان و حشين بجد

[meshmeshahanem]

جيتز طبعا بكل المقاييس احسن
كوري 100% _ 1600 cc وده طبعا حيفرق كتيير معاكي فالمشوار بتاعك
انا معايا جيتز اتوماتيك بسم الله ماشاء الله عربيه محترمه بكل معاني الكلمه والله فعلا هي فلته من هيونداي
ولو في اي سؤال انا فالخدمه

[Samah AbdAllah]

حلوة الجيتز

[kareemhisham]

فعلا الi20 احسن من الاتنين كتير ,,

بس لو حضرتك مستعجلة و مش عايزة تستنى يبقى الجيتز افضل ,,

و ممكن كمان لو حضرتك عرفتى توصلى ل85 الف هيبقى احسن كتيييير و تجيبى الجراند بونتو او الفابيا

[mxz911]

الافيو حضرتك مش امريكي خااااااااااااااالص ولا حتي بتتباع هناك ولا في معظم دول العالم دي عربية كوري تجميع مصري و هي تقريببا نفس العربية اللانوس مع اختلاف الشكل

على فكره الافيو بتتباع هناك عادى جدا لكن مش نفس كماليات اللى هنا ... والافيو موجوده فى امريكا عادى جدا بس تعتبر من اقل موديلات شيفروليه :)

اتفضل حضرتك دى قايمه فيها انواع شيفروليه بره

Chevrolet 2001-2010

[aly_hosny]

الافيو حضرتك مش امريكي خااااااااااااااالص ولا حتي بتتباع هناك ولا في معظم دول العالم دي عربية كوري تجميع مصري و هي تقريببا نفس العربية اللانوس مع اختلاف الشكل

زي ما الرد ال قابلي قال ان هي بتتباع في كل حتة بس مش نفس المواصفات ولا نفس الاسم
ولو حضرتك بتتفرج على توب جير هتلاقي العربية ال بيسوقها الفنانين افيو بس باسم مختلف
والافيو 5 كوري بالكامل مش متجمعه هنا زي الافيو العادية
انا مبقولش ان هي احسن انا بس بصحح المعلومات

[N.a.j.d]

على فكره الافيو بتتباع هناك عادى جدا لكن مش نفس كماليات اللى هنا ... والافيو موجوده فى امريكا عادى جدا بس تعتبر من اقل موديلات شيفروليه :)

اتفضل حضرتك دى قايمه فيها انواع شيفروليه بره

chevrolet 2001-2010

طب الشفرليه تابع ل جي ام الامريكيه ازاي كوري دا هنا ف الاردن امريكي وباقي الدول العربيه كله امريكي ازاي بقى كوري ف مصر انا مش عارف