Getz vs Aveo

[M.ABDEEN]

السلام عليكم.. ازيكوا يا جماعة.. أنا عايزة أخد رأيكوا وعايزة أعرف الفروق بين العربيتين دول.. ولو مكانى هتشتروا مين فيهم؟؟

أنا ساكنة فى المقطم وشغلى فى 6 أكتوبر (يعنى مشوار محترم).. وبنزل مصر الجديدة كتير..

أنا عايزة المانيوال من الموديلين.. فإيه رايكوا؟؟ تجيبوا مين فيهم وعلى أساس ايه :)

نسيت أقول ان الأفيو هاتشباك... ياللا مستنيا ردودكم :))

شكرا شكرا

اولا مشوار حضرتك كبير وبصراحة انا شايف الاوتوماتيك افضل وده يرجعلك طبعا
الجيتز 1600 سي سي و 105 حصان عربية حلوة جدا يعيبها عدم الثبات النسبي مع السرعات العالية
الافيو 1500 سي سي و 83 حصان سمعنا من ملاكها عن مشاكل كتيرة ومع التوكيل والعربيتين اجمالا التوكيل بتاعهم مش قد كده لكن لو هختار يبقى جيتز

[M.Osman]

زي ما الرد ال قابلي قال ان هي بتتباع في كل حتة بس مش نفس المواصفات ولا نفس الاسم
ولو حضرتك بتتفرج على توب جير هتلاقي العربية ال بيسوقها الفنانين افيو بس باسم مختلف
والافيو 5 كوري بالكامل مش متجمعه هنا زي الافيو العادية
انا مبقولش ان هي احسن انا بس بصحح المعلومات

لأ هي مش أفيو
دي اوبترا..
و بتزل هناك في إنجلترا تحت اسم ..شيفروليه لاسيتي بمحرك 1800 سي سي

[memo823000]

والله انا معايا افيو 5 2009 اتوماتيك والحمد لله مفهاش اى عيوب زى السيدان - انا عامل 6000 كيلو وبقالها 3 شهور وعملتلها صيانه ال 5000 وبفضل الله ثابته على الطريق لان الكورى بيفرق كتير قوى عن المصرى - بس مع الاسف كل اللى موجود مانيوال - ممكن تسالى تتاكدى مع التوكيل

برده لو هتجيبى يبقى جيتز اوتو دا لو مفيش غير افيو 5 مانيوال لانه مريح جدا طبعا فى السواقه
لاكن لو فيه يبقى طبعا انصح بيه
والله الموفق

[memo823000]

على فكره الافيو 5 الاوتوماتيك نازله بجنوط 15 اكيد اقل من الجيتز
وفى الشد اكيد مش جولف بس الحمد لله لحد 160 زى الفل وثابته لانى بصراحه قلبى ضعيف ومجبتش اكتر من كدا
معتقدش الجتز فيها الامكانيات دى فى التوازن وبجد العربيه تقيله على الطريق وده بتحسه فى مطبات الهوا العربيه مشبطير بيك
انا كان معايا قبليها كورولا 2007 مانيوال - جنط 14 - كانت بتجرى الصراحه مع انها 1300 - بس كنت بحس بعد 140 انى طاير وفى مطبات الهوا بحس انى بطنطط والله جد.

[yoko]

والله انا معايا افيو 5 2009 اتوماتيك والحمد لله مفهاش اى عيوب زى السيدان - انا عامل 6000 كيلو وبقالها 3 شهور وعملتلها صيانه ال 5000 وبفضل الله ثابته على الطريق لان الكورى بيفرق كتير قوى عن المصرى - بس مع الاسف كل اللى موجود مانيوال - ممكن تسالى تتاكدى مع التوكيل

برده لو هتجيبى يبقى جيتز اوتو دا لو مفيش غير افيو 5 مانيوال لانه مريح جدا طبعا فى السواقه
لاكن لو فيه يبقى طبعا انصح بيه
والله الموفق

أنا معايا العربية إصبر لل١٠٠٠٠ قبل حكمك على العربية لإن كان رأي زيك كده لحد ال٨٠٠٠ وبعد كده

[memo823000]

ليا صحبى جايبها عامل دلوقتى 12000 كيلو وبرده نفس الراى

انت اكيد كنت راكب bmw قبل دى

انت بتتكلم فى عربية ب 81000 يعنى متتقرنش غير باللى زيها بنفس السعر وكمان مشموجوده - يعنى معتش غير مانيوال ب 75000

ومن غير مرايات كهربه وكمان جنوط 14 - ومفيش فوانيس فى الاكصدام الامامى

[HishamSaadawi]

ana mazonnesh enn el i20 momken tewsal lel mabla3' dah ...7'od 3andak fy el e3tebar enn el i 20 1400 CC mesh zay el getz 1600 .
heyya momken tkoon akbar men el getz bass still bardo se3at el motor btefre2 fy el se3r gamed ..w by the way ana sa2alt fy Ghabbour w 2alo enn el i 20 mates2alsh 3anha 2abl 2010

[mostafa3000]

انا ارشح لك الجيتز علشان 1600 ومحدش اشتكي منها زي الافيو
وبعدين من المقطم لاكتوبر المشوار محترم لاني من سكان المقطم وعرفة كويس فخليكي في الجينز علشان دي كوري كوري

[romioman]

ايه يا جماعة انا معايا افيو 5 موديل 2009 عاملة 40الف كيلو دلوقتى اصلى فارمها صح وسحب جامد ماشاء الله وهى تقفيل كورى غير الافيو السيدان وهى غير السيدان خالص ياريت اللى يقارن مايقارنش بالافيو السيدان لان الفرق شاسع

[xoxox]

استهلاك بنزين الجيتز كتير ولا قليل بالنسبه انك عاندك واحده يعني

واحسن وارخص مكان في مصر ممكن اجيبها منه
سوال كمان,, هيا فيها abs ولا لا
وثباتها علي الطريق في السرعات العاليه ايه ظروفه
مشكور مقدما يا باشا