كيا نيو سيراتو 2010 ولا سيات كوردوبا 2009 ستيب ترونيك

[mr_shims_49]

بصراحة لو فى اى بلد غير مصر كنت قلتلك قرضبة من غير كلام بس بما اننا فى مصر يبقى السيراتو تكسب كتير قوى

1- شكل احسن بكتير ( تحفة بصراحة )

2- توكيل محترم جدااااا

3- وسع وحجم داخلى يتفوق على القرضبة

4- اسعار قطع غيار مقارنة بالقرضبة اكيد ارخص + انها هتكون متوفرة وده عشان انتشار العربية المهول

5- سعر اعادة بيع لأن اجلنا ام عاجلا هتغير وهتفكر تبيعها فالسيراتوا هيا اللى هتمسك سعر اعادة بيع كويس + انها هتتباع اسرع بكتير ( بعد الشر طبعا انا بتكلم لو احتجت تبيع العربية عشان فيه ظرف او حاجة ساعتها السيراتوا تكسب بكل تأكيد )

6- الكماليات كتيرة جدااااا فى السيراتوا ( انا معرفش القرضبة فيها إيه بالظبط بس اكيد مش هيكون فيها كماليات السيراتوا )

7- برده ماتور السيراتوا 124 حصان معتقدش ان القرضبة هيعدى ال 105 حصان ( التكيف فى السيراتو مبيأثرش على سحبها او تأثير لا يذكرطبعا ده عشان قوة الموتور وديه نقطة تتحسب للسيراتوا طبعا )

8- نيجى عند اهم حاجة الواحد وهوة بيشترى عربية
بيدور عليها الكيا ضمان 5 سنين او 100 الف كيلو والقرضبة سنتين مفتوح الكيلومترات ( معلش انا مش مشترى عربية زيرو ودافع فيها تحويشت العمر عشان يقلى سنتين وكل سنة وانته طيب + ان حاجة القرضبة اكيد نار ومش موجوده غير فى التوكيل ده إذا كانت موجودة يعنى فالواحد فى القرضبة هيبقى مطر لو حصل حاجة انه يشتريها من التوكيل وادفع بقى ) بصراحة النقطة ديه عندى انا مهمة جدااااااااااااااااااااااااااااااااااااااااااااا

9- اى حاجة عن السيراتوا الناس عرفتها ويوم متحتاج تسأل على حاجة 1000 واحد هيسعدك على الأقل هنا فى المنتدى فى قسم كيا عكس قسم سيات

10- النقطة بتاعت استهلاك البنزين

القرضبة فأستهلاك البنزين لكل 100 كيلو من 5.5 ل 7.9 فى قلب المدينه

السيراتو

Kia new cerato quotes an official figure of 7.9l/100km for fuel consumption

يعنى مش بعيدة عن الأرقام بتاعت القرضبة

يعنى فى الأول وفى الأخر لتر او 2 لتر فرق بينهم فى ال 100 كيلو معتقدش انها هتفرق قوى بس طبعا القرضبة تكسب فى استهلاك البنزين

عشان اكون دقيق اكتر فرق حوالى 35 جنية فى ال 1000 كيلو .
أعتقد انك هتدفع اكتر منة فرق فى سعر صيانة القرضبة فى التوكيل

طبعا فى الأول وفى الأخر انا ولا معايا سيراتوا ولا معايا قرضبة انا بس حبيت ققلك وجهة نظرى بسبب السوق المصرى لازم الواحد يفكر كده :)

بص يا باشا العربية الكويسة بنفضل كويسة جوة مصر او برة مصر اللي بيختلف تفكير الناس لكن ده مش معناه ان العربية بتدخل مصر تبقي وحشة
اما باقي النقط
1- الشكل ده مسألة اذواق
2- توكيل السيات محترم جدا جدا جدا جدا جدا
3- وسع في الكنبة لصالح السيراتو وسع الشنطة لصالح الكوردوبا اعتقد متكافئين
4- اكيد ارخص دي علي اساس ايه هو حضرتك روحت شوفت صيانة الكوردوبا و قطع غيارها كام ارجو عدم التاكيد علي شيء اعتقد ان حضرتك معندكش تجربة معاه او فكرة عنه
5- اعادة البيع انا رديت علي الدكتور و قولت مانتكلمش فيه دلوقت لأن العربية لسه جديدة ومنعرفش السوق هايحصل فيه ايه
6- الكماليات طبعا هي ميزة السيراتو لأن فيها اوبشنز اكتر بس مبقتش مشكلة دلوقت لأن ممكن اجيب 128 و اعمل فيها البدع لو عايز
7- ولا في الكوردوبا بيأثر علي السحب و بالنسبة لموضوع السحب و كده معروف ان الالماني تقيل في الطلعة بس انا شخصيا معايا ابيزا 2009 و نفس موتور الابيزا و لو تحب تجيب عربية سيراتو و نطلع مع بعد انا موافق بس هاقولك النتيجة في الطلعة هايبقي اول العربية عندي عند الباب اللي ورا عندك و بعد ال120 هافرق عنك كتييييييييييييير و ده الفرق بين الالماني و الكوري او الياباني و كمان عشان الست نقلات
8- يا باشا بجد مضايقاني حكاية اكيد هو اكيد ده علي اساس ايه حضرتك معاك العربية لاحول ولا قوة الا بالله يا باشا روح اسأل و بعدين قول اكيد و حاجتها مش نار ولا حاجة
9- قسم الكيا فعلا نشيط عن قسم السيات بس ده لأن العربيات السيات مميزة و مش اي حد بيركب سيات و ملاكها قليلين في مصر
10- استهلاك البنزين سيبك من كلام الكتالوج نتكلم عن التجربة الفعلية واحد صاحبي لسه جايب سيراتو قريب قالي ان استهلاكها عالي و الموضوع مضايقه جدا و انا علي العكس تماما الابيزا معايا ماشاء الله فعلا استهلاكها اكثر من رائع حتي بالتكييف
و لأ مش هايدفع الفرق في الصصيانة ولا حاجة و تابع باقي الردود بتاعتي و هتلاقي اللي يثبتلك ان الكلام ده غلط

[mr_shims_49]

4- الأسعار اللى انته كاتبها ديه زى الفل بس معلش ادخل فى اساسيات مساعدين كده علبة دركسيون الحاجات الحلوة ديه وفرحنى كده
وموضوع قطع الغيار اللى مترمية فى كل حتة ديه ياريت تقلى فين !!! 10 حتت مش 100 حتة عشان انزل اشوف اسعارهم بالمرة وادينى باخد خبرة

5- ديه حاجة ترجع لحضرتك بس انا ليه اخسر زيادة عن اللى هخسرة كده كده 15 الف مثلا ؟!!!

7- اشك بصراحة بان تكيف القرضبة احسن من السيراتوا اول مره اسمع عن تكيف المانى احسن من كورى او يابانى بصراحة

موضوع بقى الموتور معلش انا مش معاك خالص فى النقطة ديه وعن تجربة عربيات المانى و كورى

واخرهم سكودا مينى فابيا سبورت اديشن وديه هاتش باك وزى الفل ومانيول كمان و 105 حصان سافرت بديه
وسافرت بالألنترا الكورى اللى موتورها اى كلام و121 حصان على الورق بس بأكدلك ان المينى فابيا مش هتشوف الإلنترا يبقى إزاى الإلنترا 121 على الورق وكمان كانت اوتوماتيك وبعدين التجربة خير دليل زى مبيقولوا وانا معنديش مانع اسبتلك صحة كلامى لما تجيب القرضبة

9- كفاية عليك انتة كده بقى مش انا هوة انا اللى رايح اشتريها

10- انا حاسب الفرق كويس على فكرة من 7.9 ل 10 لتر فى الزحمة يبقى 2.1 لتر يعنى 3.885 فى ال 100 كيلو يعنى 38 جنية متزعلش نفسك عشان 3 جنية

أخر حاحة بقى انا مش عارف انته متنرفز قوى كده ليه يعنى انا غلطان انى قلتلك وجهة نظرى ؟؟؟؟

وبعدين ده انته مقتنع 150% بلقرضبة تاعب نفسك وعامل موضوع ليه ده لو واحد قعد من هنا لبكرة يقلك مميزات فى السيراتو برده هتجيب قرضبة يبقى ليه طيب ؟؟؟؟

4- يا باشا الاسعار اللي هو كاتبها دي هي الحاجات الاستهلاكية اللي في العربية تقدر تقولي هافكر اغير مساعد او علبة دريكسيون في الكوردوبا بعد كام سنة و في السيراتو بعد كام سنة و لما اركبه الي هايتركب ده هايعيش معايا اد ايه ولا حضرتك شايف ان الالماني عمره نفس عمر الكوري ؟؟؟؟؟؟؟
5- يا بشا برده سعر البيع نتكلم فييه بعد كام سنة ان شاء الله و برده فكر لما تجيب عربية كوري هاتركبها كام سنة علي ما تفكر تبيعها و لما تركب الماني هاتركبها كاااااااااااااااااااااام سنة علي ما تفكر تبيعها برده
7- تشك ليه بس و حضرتك ماجربتوش انا جربت ده و جربت ده تكييف الكوردوبا احسن بيبرد افضل و اسرع و اقوي اما السيراتو هواه بيطلع اقوي لكن التكيف الأحسن هو اللي يبرد اكتر مش اللي يطلع هوا اشد و لو علي الهوا بس يبقي اجيب مروحة احسن

اما موضوع الفابيا و الالنترا كده احنا بنتكلم عن الكوردوبا و السيراتو وانا قلت انا علي استعداد اطلع معاك و نشوف و الطريق يثبت ان ال 105 حصان دول علي الطريق و السرعة هايعملوا ايه
9- اعتقد ان في طريقة للرد افضل من كده

اما بالنسبة لموضوع انه مقتنع و ليه تاعب نفسه و عامل موضوع هو حر يكتب في اللي هو عايزه و برده حضرتك حر ترد او لأ لكن متقولوش يكتب او مايكتبش
و باقي النقط ماردتش عليها لأنه سبق الرد عليها

[mr_shims_49]

صيانتها ارخص من السيات

حضرتك قلت الكلام ده علي اساس ايه حضرتك روحت عملت صيانة للسيات و شوفتها اغلي
هاقولك معلومة ممكن تصدم ناس كتيير هنا
انا روحت مع واحد صاحبي نعمل صيانة الالف كيلو للسيراتو و اتكلفت 430 جنيه

روحت انا بقي اعمل صيانة الخمس تلاف عشان دي اول صيانة عندي اتكلفت 390 جنيه مقابل تغيير زيت موبيل وان و تغير فلتر زيت و وضع السيارة علي الجهاز و تربيط عفشة و ظبط زوايا و مراجعة دورة التبريد كاملة يبقي مين ارخص ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟

[mr_shims_49]

مش عارف ليه ممكن حد بدفع 115 الف فى عربية عاملة كدة



و يسيب دى



انا عارف ان الموضوع ازواق .. بس الكوردوبا شكلها بقى قديم قويييييييي..

انما السيراتو شكلها لسه نازل السنة دى و فيها كماليات اكتر كتير ..

توكيلها احسن كتير ..

ضمانها اكبر بكتير ..

سعر اعادة بيعها طبعا افضل ..


ليه بقا اسيب كل دة عشان ابقا اسمى راكب المانى الفى الحالة دى لا يتفوق فى اى حاجة

الماني ايه يا باشا اللي لا يتفوق في حاجة اصل معروف من زمان يعني ان الالماني هو الافضل علي الاطلاق و ياتي بعد منه حاجت تانية يعني يجي بعده بقيت الاوربي بعده الياباني و بعده الكوري

و توكيلها مش احسن بكتير ولا حاجة حضرتك مااعتقدش انك اتعاملت مع توكيل سيات طالما قلت كده جرب و بعدين قولي رأيك
و بعدين حضرتك بتقول ليه ادفع 115 في عربية شكلها كده افتح الكبوت بتاع دي و بتاع دي و قولي ليه ادفع في ده 127 و هي كوري و ليه اسيب موتور و فتيس جيتا و هي ب 115
و بعدين ما التويتا شكلها بالنسبالي مش حلو و مادفعش فيها السعر ده اللي عايز اقوله انها مسألة اذواق فقط بالنسبة للشكل لكن الاداء فا هو حاجة معروفة عن طريق التجارب السابقة

[mr_shims_49]

مش فاهم انت مصعب الموضوع ليه وبتقول المعادلة صعبة وبتاع الموضوع بسيط جدا العربيتين محترمين جدا
لكن ماينفعش انى اقارن المانى بكورى مهما كان لأن دى حاجة ودى حاجة تانية خالص ولو حتى فى تشابه كتير فى الإمكانيات بس بردو عايز تقارن الكورى قارنه باليابانى مثلا او الماليزى او او وعايز تقارن الألمانى قارن بالفرنساوى او الأمريكى او الإيطالى لكن كده المعادلة مقلوبة

بالظبط كده

[mr_shims_49]

احنا قلنا لحضرتك اسباب كتييييير تخليك تختار السيراتو بس حضرتك بتبص على حاجات غريبة شوية فى العربية و دة حقك ..

يعنى انا اول مرة اشوف حد مش همه اعادة البيع و قطع الغيار و الشكل و الكماليات و قوة الموتور .. كل دى حاجات تتفوق فيها السيراتو و حضرتك بتقول محدش قال حاجة مقنعة ؟؟!!!

لأ هو مش همه اعادة البيع عشان عارف ان العربية هاتعمر معاه اوي ان شاء الله

و قطع الغيار احنا قلنا ارخص بدليل ان الصيانة الاولي للكوردوبا ارخص من صيانة السيراتو و بعض قطع الغيار كمان ارخص فانوس الكوردوبا الامامي ب 770 جنيه و فانوس السيراتو ب 970 جنيه و الموتور انا قلت مستعد ان الكوردوبا تطلع من السيراتو علي السرعة العالية

[mr_shims_49]

اعادة البيع بتبان

اشتري قرطبة النهاردة و بيعها بكره

و اشتري سيراتو النهارده و بيعها بكرة

و انت تشوف


اما الفانوس الأمامي في السيراتو بـ970

انا مش مع حضرتك يا دوكتور انها بتبان في يوم لأن يوم ده يعني مامشتش بالعربية و اعتقد الخسارة هاتكون متقاربة و برده الكلام مش اكيد لأن لسه ماحدش جرب يجيب دي و يبعها بعد يوم او يجيب دي و يبعها بعد يوم

و شوفت بقي يا دكتور الفانوس في الكوردوبا ارخص و قطع غيار تانية كتيير و الصيانة الاولي برده ارخص

[Samah AbdAllah]

لو اختلاف الاراء لبارت السلع
بس انا تعجبنى السيراتو رغم تحيزى للسيارات الاوروبى

[akram2010]

للعلم فقط صديق لنا داخ على فانوس ومرايه سائق يمين حلفى للسيراتو لم يجدة فى جمهوريه مصر العربيه والحمد لله والموضوع مش اسعار قطع غيار وانما قطع مش موجودة دة فانوس فما بالك اى حاجه اخرى ولا حادث لاقدر الله محتاج قطع وتفاصيل قد لاتجدها بالتآكيد او انتظرنا يا اخونا احنا نستوردها لك وجايه وخليك منتظر شهور . وبعدين مساعدين السيارة تعبانه ولم تتعدى 4000 كم استخدام وتخبيط فى العفشه هذة هى كيا سيراتو وقلنا مليون مرة احكموا على السيارات بعد سنه استخدام تعرفوا خيرها من شرها

[Tayer]

بجد مستر شيمز دا مستر
ها هو الوقت قد جاء
النصر للسياتويه
و قد سكت الجميع
و لم يرد احد على هذا الرجل
و ده لأنه كل كلامه صحيح 100%
و العنده كلام تانى يقوله
المانى و كمان ارخص 12 الف جنيه و احسن فى حاجات كتير
و كمان طلع قطع غياره ارخص و كمان صيانتو
يا خيبت امل السيراتويه يا حزنك يا كيا
بيتهيالى كده الموضوع خلص و اتحسم لصالح الالمانى المتنكر فى الزى الاسبانى و انا عن نفسى اصبحت مقتنع بيها 100%
و اعتقد مش انا لوحدى الكل اصبح مقتنع
والليع رأى تانى يراجع نفسه
الى القاء فى مقارنه اخرى

[kareemhisham]

الماني ايه يا باشا اللي لا يتفوق في حاجة اصل معروف من زمان يعني ان الالماني هو الافضل علي الاطلاق و ياتي بعد منه حاجت تانية يعني يجي بعده بقيت الاوربي بعده الياباني و بعده الكوري :e_braces[1]:

و توكيلها مش احسن بكتير ولا حاجة حضرتك مااعتقدش انك اتعاملت مع توكيل سيات طالما قلت كده جرب و بعدين قولي رأيك
و بعدين حضرتك بتقول ليه ادفع 115 في عربية شكلها كده افتح الكبوت بتاع دي و بتاع دي و قولي ليه ادفع في ده 127 و هي كوري و ليه اسيب موتور و فتيس جيتا و هي ب 115
و بعدين ما التويتا شكلها بالنسبالي مش حلو و مادفعش فيها السعر ده اللي عايز اقوله انها مسألة اذواق فقط بالنسبة للشكل لكن الاداء فا هو حاجة معروفة عن طريق التجارب السابقة

انا قلت الالمانى فى "الحالة دى" لا يتفوق .. شوف العربية دى تكولوجيا سنة كام و دى تكنولوجيا سنة كام ..

و انا مقلتش ان العربية شكلها وحش انا بقول ان شكلها قدييييييييييم ..

و من الواضح ان حضرتك متحيز شوية لان حضرتك فى كل نقطة بتقول دى المانى .. و انا مش شايف ان دة سبب كافى غير فى الbmw و المرسيدي و انت طالع ..

بالنسبة لاعادة البيع فحضرتك لو اشتريت سيراتو دلوقتى ممكن تبعها و تكسب فيها و الله العظيم ..

و اسعار قطع الغيار .. فحضرتك كنت عامل موضوع عن اسعار اكسسوارات فى التوكيل كانت اسعار خيالية بصراحة

[Ibrahim88]

المقارنة غير موضوعية الا من حيث تقارب الاسعار و لكن فئات مختلفة،،الكوردوبا عبارة عن ابيزا سيدان و الابيزا فئة السوبر مينى زى ال 207 و فورد فيستا و سيتروين سي 3،،و الابيزا سيارة العام لعام 2003 لمجلةwhat car و أفضل سوبر مينى 3 سنين متتالية , و واخدة 4 نجوم و دة تقييم ليها (تقييم محترم و موضوعى مش بالشكل)
Used Seat Ibiza Hatchback Car Review - Summary - What Car?
و طبعا كلنا عارفين ان العربية ليها شكل جديد بس مش مهم مقابل 1600 سى سى vw و فتيس 6 سرعات، و بالنسبة للجرى مش هقول اكتر من ان الابيزا 94 كانت حاجة و ستين حصان على ما اتذكر و كانت بتقطّع اى حد و ثبات لا يقارن !!!

[Tayer]

انا قلت الالمانى فى "الحالة دى" لا يتفوق .. شوف العربية دى تكولوجيا سنة كام و دى تكنولوجيا سنة كام ..

و انا مقلتش ان العربية شكلها وحش انا بقول ان شكلها قدييييييييييم ..

و من الواضح ان حضرتك متحيز شوية لان حضرتك فى كل نقطة بتقول دى المانى .. و انا مش شايف ان دة سبب كافى غير فى الbmw و المرسيدي و انت طالع ..

بالنسبة لاعادة البيع فحضرتك لو اشتريت سيراتو دلوقتى ممكن تبعها و تكسب فيها و الله العظيم ..

و اسعار قطع الغيار .. فحضرتك كنت عامل موضوع عن اسعار اكسسوارات فى التوكيل كانت اسعار خيالية بصراحة

تانى هنكرر ان دى ازواق
هذا ليس تحيز انما ده عن تجااااااااااااااااارب
ياعم انا بدور على الركوبه مش المكسب
الاسعار كلها قريبه من الكورى و يمكن اقل فى اشياء كثيره

[Tayer]

نسيت موضوع التكنولوجيا سورى
فهى نفس متور و فتيس الجتا و عفشه الأودى

[أحمد كمال]

للعلم فقط صديق لنا داخ على فانوس ومرايه سائق يمين حلفى للسيراتو لم يجدة فى جمهوريه مصر العربيه والحمد لله والموضوع مش اسعار قطع غيار وانما قطع مش موجودة دة فانوس فما بالك اى حاجه اخرى ولا حادث لاقدر الله محتاج قطع وتفاصيل قد لاتجدها بالتآكيد او انتظرنا يا اخونا احنا نستوردها لك وجايه وخليك منتظر شهور . وبعدين مساعدين السيارة تعبانه ولم تتعدى 4000 كم استخدام وتخبيط فى العفشه هذة هى كيا سيراتو وقلنا مليون مرة احكموا على السيارات بعد سنه استخدام تعرفوا خيرها من شرها

افتي يا مفتي الديار الغبورية