إعـــــــلان

**mr_shims_49** · 25-09-2009, 02:31 AM

المشاركة الأصلية كتبت بواسطة emadhamdy مشاهدة المشاركة

انا معاك جدا في كلام

وبسال اصحاب الخبره قصدي اصحاب الانحياز ههههههه:e_braces[1]:
لا بجد العربيه عيبها ايه دي الماني يا جماعه وعربيه محترمه ومعمره جدا خلوا الكلام معقول بقي
بلاش الانحياز الكامل ده
تحياتي للجميع واحترامي:f_eyeb1[1]:

مش هاقدر ارد علي حضرتك لأنك داخل تتريق

**Tayer** · 25-09-2009, 02:34 AM

انا قصدى على الجيتا و الاوكتافيا كمثال .. طبعا دى عربيات ممتازة ..

بس مينفعش لما اجى اقارنها بسيفيك او كورولا تقولى طبعا المقارنة منتهية فى صالح الالمانى ؟؟

برده انت بتقارن ألمانى بيبانى

و ده ممكن بس مش بكورى يا باشا

**mr_shims_49** · 25-09-2009, 02:40 AM

المشاركة الأصلية كتبت بواسطة kareemhisham مشاهدة المشاركة

و مش شايفين قدامهم غير المانى المانى .. كأنها عربيات صاروخية ..

و انا شايف ان مميزات الالمانى الحضرتك بتكلم عليها مش بتبان غير فى المرسيديس و البى ام و انت طالع .. انما الحاجات الاقل من كدة .. ليهم منافسين اقوية جدا و يتغلبوا عليهم من اليابان و كوريا ..

لأ يا باشا الناس شايفين العربيات التانية برده بس في نفس الوقت عارفين ان العربيات الالماني هي الافضل

انا رديت علي النقطة دي قبل كده و مستني رد حضرتك فيها

المشاركة الأصلية كتبت بواسطة kareemhisham مشاهدة المشاركة

انا انسحبت لانى مش عارف اتغلب على عقدة الالمانى العند ناس كتير .. و المش بيعترفوا بالكورى و مقللين من شأن اليابانى .. مع انهم العربيات البتبيع دلوقتى و عربيات اعتمادية جدا ..

هو فعلا الالماني عامل عقدة بس مش للناس بس ده كمان عامل عقدة للعربيات الكوري و الياباني و الماليزي :pointi~2[2]:

**mr_shims_49** · 25-09-2009, 02:46 AM

المشاركة الأصلية كتبت بواسطة beihoo مشاهدة المشاركة

الكوردوبا و السيراتو عربيتين حلوين و الفروق حاليا طفيفة .. هايبان كمان كام سنة الفروق الجوهرية .. كل واحد حر في ذوقه .. في واحد بيهمه سعر إعادة البيع و فيه واحد بيهمه قطع الغيار الرخيصة و في واحد بيهمه الشكل و في واحد بيهمه الكماليات و فيه واحد بيهمه أساسيات العربية و فيه واحد بيهمه السعر و ......

فيه بس شوية ملاحظات عاوز أقولها ..

الملاحظة الأولى .. سعر إعادة البيع لا يمكن الحكم عليه الأن و لا حتى ببيع السيارة في الوقت الحالي .. بالتأكيد إعادة البيع الحالي في كلا السيارتين سيخسر من قيمتها و لكن قد تكون السيراتو (أسرع) في إعادة البيع .. عموما هذه النقطة -البيع حاليا- لا يجب أن تؤخذ في الاعتبار إلا لو كنت ناوي تحرق العربية.

الملاحظة التانية .. العربية سلعة معمرة و خاصة في مصر بظروفها الاقتصادية يعني من أهم الأشياء التي يجب النظر إليها هي أساسيات العربية من موتور و فتيس و عفشة و صاج لأن دول هما اللي بيأثروا على العمر الافتراضي للعربية و بالنسبة للصاج فدا اللي بيأثر على إحتفاظ السيارة بشكل و رونقها لأطول فترة ممكنة.

الملاحظة الثالثة .. اللي بيقول أسعار الأوروبي نار و أغلى أعتقد بيقول على السمع مش عن معرفة أو تجربة و انا ليا أكتر من تجربة في الموضوع ده لما كنت بدور في الفابيا سبورت قالولي قطع الغيار غالية و لما قارنتها باللانسر لقيتها أرخص .. دا غير إن مش معنى إن قطع الغيار غالية إنها غير موفرة .. ليا صديق كان عنده لانوس و شاهين كان فيه قطعة في الكهرباء على ما أتذكر في الشاهين سعرها 100 جنيه و في اللاتوس ب 250 جنيه لكن في الشاهين كل سنة كان بيغيرها تقريبا و اللانوس لغاية ما باعها (بعد 7 سنين) ما غيرها و لا مرة .. مش هاتكلم بقى عن قطع الغيار الاماني و لا غيره .. لكن مش دايما سعر قطعة الغيار الارخص أفضل لأن المهم كمان العمر الافتراضي لقطع الغيار .. دا كفاية رزالة المشوار للميكانيكي و العطلة.

الملاحظة الرابعة .. أسعار الأوروبي هاتبدأ في الانخفاض بداية من العام القادم -كمان 3 شهور- و سيستتبع ده إنخفاض مماثل في أسعار قطع الغيار في حين إن مفيش أخبار عن إنخفاض مماثل في أسعار الكوري أو الياباني.

الملاحظة الخامسة .. ليه في بعض الحاجات بنتكلم عن خبرة سابقة و في البعض الأخر بنرفض نفس الكلام .. يعني لما بنتكلم عن الأوروبي بنقول عليها غالي مقارنة بالياباني و الكوري و الكلام ده تقريبا من السبعينيات لكن لما بنقول الالماني أعتمادية أعلى و عمر إفتراضي أطول بنرفض الكلام ده؟

الملاحظة السادسة .. في العربيتين مش ممكن تلاقي كل حاجة كويسة إنت عاوزها و بالاسعار دي .. يعني الاعتمادية العالية و كفاءة التصنيع و الأمان و جودة الخامات و كثرة الكالماليات و الاتساع الداخلي و الشكل الخارجي و اسعار قطع الغيار و توافرها و خدمة ما بعد البيع كل دي لا يمكن تلاقيها في عربية واحدة و في الفئة دي.

اخر حاجة .. طريقة القياس هنا مش واحدة للجميع و مش ثابتة و يداخلها الهوى من كل واحد فينا و أنا أولكم إلا من رحم ربي .. فالافضل دائما إن اللي هايشتري يحط لنفسه معايير الاختيار و يدي لكل معيار منهم وزن أو درجة و يطبق المعايير دي على العربيتين و اللي تجيب درجة أعلى يبقى يتوكل على الله و ياخد القرار و يستخير ربنا و بإذن الله ربنا يبارك له فيها.

تحياتي ليك يا استاذ محمد علي رد حضرتك المحترم جدا جدا

**Tayer** · 25-09-2009, 03:49 AM

و فى النهايه أتضح ان الكوردوبا هى الأفضل و أتفق الجميع على ذلك.
و نتأسف للسياتويين لمقارنتهم بعربيه كورى
و أخيرا انا اسف لجميع لجميع السياتويين لأنى كنت السبب فى مقارنتهم بالسيراتويين ,و كان ذلك بسبب حبى و أحترامى للسيراتو
بس فى النهايه تفوق تفوق كاسح للكوردوبا

**beihoo** · 25-09-2009, 03:56 AM

المشاركة الأصلية كتبت بواسطة tayer مشاهدة المشاركة

و فى النهايه أتضح ان الكوردوبا هى الأفضل و أتفق الجميع على ذلك.
و نتأسف للسياتويين لمقارنتهم بعربيه كورى
و أخيرا انا اسف لجميع لجميع السياتويين لأنى كنت السبب فى مقارنتهم بالسيراتويين ,و كان ذلك بسبب حبى و أحترامى للسيراتو
بس فى النهايه تفوق تفوق كاسح للكوردوبا

يا أستاذي الفاضل ما ينفعش يكون الكلام بالشكل ده

السيراتو عربية محترمة و معظم الناس هنا كانت داخلة توضح المميزات و العيوب لكل عربية عشان يساعدوك في إتخاذ القرار .. مفيش حاجة لإسمها تفوق كاسح لعربية على التانية .. لو إنت إقتنعت بالكوردوبا يبقى تشكر مؤيدي الكوردوبا على المجهود بتاعهم و من الواجب أيضا شكر كل من تكلم على السيراتو لأنه على الأقل لم يبخل عليك بالرأي.

الموضوع مش مستاهل عصبية و غمز و لمز و ربنا يبارك للجميع فيما رزقهم.

**mr_shims_49** · 25-09-2009, 04:08 AM

براحة يا استاذ محمد علي طارق باشا الراجل لسه عريس جديد و بعدين هو مبسوط ان العربية اللي كان معجب بيها اقنعناه بيها اكتر و أثبتنالوا انها كويسة لكن هو مش قصده يغلط في حد

انا برده احب اشكر كل الناس اللي شاركت برأيها سواء كان متفق مع رأيي او مختلف معاه و بعتذر لو اي حد زعل مني اثناء المقارنة و كل عام و انتم بخير

تحياتي للجميع

سامح محمد السيد

**kareemhisham** · 25-09-2009, 04:09 AM

المشاركة الأصلية كتبت بواسطة beihoo مشاهدة المشاركة

يا أستاذي الفاضل ما ينفعش يكون الكلام بالشكل ده

السيراتو عربية محترمة و معظم الناس هنا كانت داخلة توضح المميزات و العيوب لكل عربية عشان يساعدوك في إتخاذ القرار .. مفيش حاجة لإسمها تفوق كاسح لعربية على التانية .. لو إنت إقتنعت بالكوردوبا يبقى تشكر مؤيدي الكوردوبا على المجهود بتاعهم و من الواجب أيضا شكر كل من تكلم على السيراتو لأنه على الأقل لم يبخل عليك بالرأي.

الموضوع مش مستاهل عصبية و غمز و لمز و ربنا يبارك للجميع فيما رزقهم.

الله يكرمك ..

بارك الله فيك

**emadhamdy** · 25-09-2009, 04:18 AM

المشاركة الأصلية كتبت بواسطة mr_shims_49 مشاهدة المشاركة

مش هاقدر ارد علي حضرتك لأنك داخل تتريق

انت ليه فهمت كلامي كده
انا مقدرشي اتريق علي حد لاني بحترم كل الموجودين
وبجد حقك عليا لو كنت فهمت كلامي غلط
تحياتي للجميع

**bishoy02010** · 25-09-2009, 05:43 AM

[QUOTE=mr_shims_49;3872010441]

لأ طبعا مش هاتعد في الشنطة الا اذا كنت عايز تعد فيها بس اللي بقوله ان السيراتو كنبتها اوسع لكن الكوردوبا شنطتها اوسع يعني تشيل حاجات اكتر و الفرق بينهم في الكنبة السيراتو اكبر 5 سم تقريبا هل في بني ادام هايعد في ال 5 سم دول؟؟؟

لأ طبعا ال 5 سم دول تخلى الناس تكون قاعدة مرتاحة دول بيبقوا نفسهم فى سم وهوة قاعدين ورا

ياباشا بتأكدلي ده علي اساس ايه تاكيدك ده يارييت تفهمني حضرتك روحت اشتريتهم او سألت عليهم قبل كده و بعدين مانا قلتلك شوف المساعدين و علبة الدركسيون هاتغيرهم بعد كااااااااااااام سنة في الكوردوبا لأنهم الماني و شوف بتوع السيراتو الكوري هاتغيرهم بعد اد ايه و لا حضرتك شايف ان الحاجات الالماني و الكوري عمرهم واحد ؟؟

قلت لحضرتك مش عمرهم واحد موضوع بأكدلك ده على اساس إيه على اساس بسيط قوى بقارن أسعار قطع غيار عربيتى بأسعار قطع غيار العربيات اللى نفس الموديل بتاعها بلاقى انى بمنتهى البساطة بدفع حوالى 5 أضعاف الحاجة :)

ما هو الباش مهندس ايهاب قالك اهو واحد خسر في سيراتو 12 الف جنيه في شهر واحد

وانا مازلت عند رأيي مانحكمش علي اعادة بيع دلوقت لسه شوية

اول حاجة العربية اللى بيتكلم عليها ديه الهاى لين يعنى اعلى فئة فيها كماليات ومعروف اصلا ان الكماليات فى إعادة البيع فى اى عربية فى الدنيا عادتا مبتفرقش فى سعر العربية لكن بتفرق فى سرعة بيع العربية ديه وانا لما قلت سعر انه ممكن يبيع العربية ويكسب فيها انا كنت كاتب لو جابها النهاردة وباعها وبكرة وبرده فى الحالتين انا متأكد ان سعر إعادة البيع احسن للسيراتوا والموضوع ده مش محتاج نقاش أصلا

هههههههههههههه ماتقوليش حاجة قةلي ايه الاوبشنز الفظيعة اللي في السيراتو

لأ انا هقلك حاجة تانية إيه الأوبشنز اللى حضرتك محتاج انهم يزودوها فى السيراتو ؟؟؟!!!

اولا لعلم حضرتك لو ماكنتش عارف يعني الابيزا و الكوردولا حاجة واحدة الفرق الوحيد ان دي سيدان و دي هاتش باك مفيش اي فرق تاني
يا باشا انت اللي تنور هات انت بس السيراتو و قولي

عارف حضرتك بس احنا كاتبين فوق قرضبة والنترا انا معرفش حد معاه سيراتوا دلوقتى بصراحة بس تانى لو حضرتك عايز تجرب بالإبيزا تنور :) هوة حضرتك منين ؟؟؟

لأ انا برد عليك انت اصل انت كل كلامك بتقول اكيد فانا مش عارف انت بتاكد علي اساس ايه و انت مجربتش و بعدين موضوع الضمان ده قلنا علي حسب استخدام كل واحد يعني افرض واحد بيعمل 200 الف كيلو في السنة يبقي ضمان الكوردوبا احسنله طبعا و لو واحد تاني بيعمل 20 الف كيلو بس في السنة يبقي ضمان السيراتو احسنله

كلام سليم 100% مختلفناش عليه بس احنا كنا بنتكلم فى النقطة ديه على الضمان مش على أكيد عشان كده انا كنت بسأل هوة ده كان إجابة إيه

ياباشا انا والله ما بتكلمش في انك حسبتها او كده انا بتكلم في ان واحد صاحبي معاه السيراتو و بيشتكي ان استهلاك البنزين عالي وانا الابيزا معايا ما شاء الله بشكر فيها مش بشتكي منها ياريت يكون قصدي وصلك
و تابع باقي الردود

محنا كده مختلفناش بردة منا مقلتش انها بتاخد بنزين ققل بس ادينا حسبناها :)
وانا متابع باقى الردود اهوه

**bishoy02010** · 25-09-2009, 05:48 AM

[QUOTE=mr_shims_49;3872010463]

كلام حضرتك هو اللي قال لحضرتي كده
انا قلت اسعار الحاجات اللي اعرفها و طلعت ارخص اهيه و حتي لو كلام حضرتك صح ان في قطع اغلي زي المساعدين او كده انا احسنلي اشتري حاجة اغلي 200 او 300 جنيه و تعيش معايا 10 سنين افضل من اني اشتري نفس الحاجة مرتين في نفس الفترة دي و بكده هتلاقي برده علي المدي الطويل ان الالماني ارخص

انا بتفق معاك 200% فى الكلام اللى حضرتك قلتة ده بس عشان كده انا كنت بسأل فى كذا مشاركة على اسعارهم حضرتك لو بتتكلم فى 200 او 300 جنية والحاجة هتكون المانى يبقى انا غلطان وحقك عليا فى موضوع قطع الغيار ده بس ياريت تقلنا الأسعار كاااااام عشان هوة ده المهم ومتطلعش الأسعار بالأضعاف

و في ناس اكتر بتغير العربية لما تبدأ تفتح بؤها زي ما بيقولوا و اعتقد دول اكتر من اللي بيغيروا لمجرد التحديث

مختلفناش فى كده وفى كده وفى برده بيغيروا الألمانى عشان فتح بقة زى محضرتك قلت

انا مجرب مش شايف بس انا مجرب و متاكد من اللي بقوله الحمد لله و تنورني لو تحب تيجي تجربه بنفسك

ياريت بجد لأن بجد ديه هتبقى حاجة بجد تفرح صدقنى انا اول واحد هكون فرحان من الموضوع ده بس متنساش ان لو قوة المروحة مش ادد كده مع تكيف تلاجة مثلا يبقى ملوش لزمة لأنى مش هحس بيه :) يبقى مستفدتش حاجة صح ولا انا غلطان ؟؟؟

**bishoy02010** · 25-09-2009, 05:49 AM

المشاركة الأصلية كتبت بواسطة mr_shims_49 مشاهدة المشاركة

ان شاء الله لو قدرت اجيبه هاجيبه
و العفو يا باشا علي ايه

ياريت بجد تبقى خدمتنا كلنا لأن فعلا مفيش حد يعرف اى حاجة عن المواضيع ديه ولا فيه اى حاجة فى المنتدى فى قسم سيات بتوضح الكلام ده زى بقيت الأقسام

**bishoy02010** · 25-09-2009, 05:49 AM

المشاركة الأصلية كتبت بواسطة beihoo مشاهدة المشاركة

يا أستاذي الفاضل ما ينفعش يكون الكلام بالشكل ده

السيراتو عربية محترمة و معظم الناس هنا كانت داخلة توضح المميزات و العيوب لكل عربية عشان يساعدوك في إتخاذ القرار .. مفيش حاجة لإسمها تفوق كاسح لعربية على التانية .. لو إنت إقتنعت بالكوردوبا يبقى تشكر مؤيدي الكوردوبا على المجهود بتاعهم و من الواجب أيضا شكر كل من تكلم على السيراتو لأنه على الأقل لم يبخل عليك بالرأي.

الموضوع مش مستاهل عصبية و غمز و لمز و ربنا يبارك للجميع فيما رزقهم.

+11111111

**beihoo** · 25-09-2009, 12:48 PM