أشترى نيسان صنى واللا رينو لوجان

[Egyzizo]

أنا ماكنتش فاكر نفسى من النوع المتردد قوى كده ..
قرار العربية ده أطول قرار آخده فى حياتى ، طول عمرى قراراتى ما بتاخدش وقت.
أنا طول الأسبوع اللى فات كل يوم برأى .. يوم لوجان وخلاص أروح المعرض واتفق على كل حاجة ..
وأنام واصحى ألاقى الصنى مزقزقة فى نافوخى ..
واليوم اللى بعده لوجان .. واليوم اللى بعده صنى ..

أنا عارف طبعاً ان الصنى تكسب لأن المقارنة ظالمة
عشان ما ينفعش واحد وزن الريشة يلعب ملاكمة مع واحد وزن الديك
بس أنا باعمل المقارنة تبعاً لظروفى ، واللى دخل اللوجان الحلبة ان فيها 30 ألف جنيه وفر ، أوفر فى البنزين، أوسع بكتير من الصنى ، وعفشتها أنعم وأنسب من الصنى .
بس أرجع وأقول يا واد يا زيزو المفروض تجيب عربية عالية على قد ماتقدر لأن الغالى تمنه فيه ، ومش هتجيب عربية كل يوم، وكفاية ان توكيل الصنى تحت بيتك

شكلى كده هاعمل قرعة ..

[MoHaMed HaMeD]

هقولك حاجه كويسه صلى صلاه استخاره والله الموفق ان شاء الله

[blazer]

أنا ماكنتش فاكر نفسى من النوع المتردد قوى كده ..
قرار العربية ده أطول قرار آخده فى حياتى ، طول عمرى قراراتى ما بتاخدش وقت.
أنا طول الأسبوع اللى فات كل يوم برأى .. يوم لوجان وخلاص أروح المعرض واتفق على كل حاجة ..
وأنام واصحى ألاقى الصنى مزقزقة فى نافوخى ..
واليوم اللى بعده لوجان .. واليوم اللى بعده صنى ..

أنا عارف طبعاً ان الصنى تكسب لأن المقارنة ظالمة
عشان ما ينفعش واحد وزن الريشة يلعب ملاكمة مع واحد وزن الديك
بس أنا باعمل المقارنة تبعاً لظروفى ، واللى دخل اللوجان الحلبة ان فيها 30 ألف جنيه وفر ، أوفر فى البنزين، أوسع بكتير من الصنى ، وعفشتها أنعم وأنسب من الصنى .
بس أرجع وأقول يا واد يا زيزو المفروض تجيب عربية عالية على قد ماتقدر لأن الغالى تمنه فيه ، ومش هتجيب عربية كل يوم، وكفاية ان توكيل الصنى تحت بيتك

شكلى كده هاعمل قرعة ..

انت احتياجاتك مادام متوفره فى اللوجان
يبقى زى ما انت بتقول -30 الف جنيه وفر- ودول مش مبلغ قليل !
على الاقل اللوجان مينقصهاش اى حاجه عن الصنى غير يمكن ان الصنى شكلها برستيج شويه
انما اللوجان اقل بكتيييييير فى استهلاك البنزين
توكيل قوى
سعر مناسب
واااااااسعه
فيها الكماليات اللى انت محتاجها
وصلى استخاره اكتر من مره

[a_elbosaty]

بصراحة أنا لو مكانك هاجيب لانسر بدون تفكير.
طالما الامكانيات توصل ل100 ألف
لكن لو 80 فما تحت يبقى اللوجان بدون تفكير ايضا

[ahmad--ezzat]

يا جماعه الموضوع غريب جدا....الصنى ب 88 واللوجان ب 70 اظن يعنى فرق تقريبا 18 اللف....واللى مستغربله ان فى اعضاء بيرشحوا السيراتو والموتسوبيشى...اللى هما فوق ال 100 اللف
هو ايه بالظبط رينج الاسعار اللى عامل حسابك عليها...
على العموم انا معايا الصنى عربيه كويسه جدا وثابته وشيك

[engziada]

انا عندي كلمة عاوز أقولها للأعضاء اللي بيقولوا لازم تقارن اللوجان بعربية في فئتها السعرية علشان ما ينفعش تقارن وزن الريشة بوزن الديك ....
أولا اللوجان سعرها الرسمي 67,900 يعني تقريبا 68000 بس ده بعد ما إتفاقية أغادير شالت من جمارك العربية تقريبا 40% من تمنها (الضريبة) و بالتالي لو دخلت العربية بالجمارك زي أي عربية تانية ( زي الصني مثلا) هيبقى تمنها 84000 وده السعر اللي ممكن تبدأ تقارن منه...
آخر حاجه عاوز أقولها ..
عفشن اللوجان هي نفسها عفشة النيسان مع بعض النعومة ...
و بعدين في شراكة بين رينو و نيسان لو تعرف.
حاجة تانية أنا كنت واقع في نفس حيرتك ...
اللوجان - الصني - الياريس - البروتون ( واجا - جين2 - بيرسونا)
و مع الأخذ في الإعتبار فرق السعر قررت إنه اللوجان إنشاء الله ..
و على فكرة رينو ليه مركز خدمة عملاء ممكن تتصل بيه تسأله عن أي حاجة بما فيها سعر العربية دلوقتي و سعر قطع الغيار 16202.
و بالتوفيق إن شاء الله.

[Eng.GEMI]

انا عندي كلمة عاوز أقولها للأعضاء اللي بيقولوا لازم تقارن اللوجان بعربية في فئتها السعرية علشان ما ينفعش تقارن وزن الريشة بوزن الديك ....
أولا اللوجان سعرها الرسمي 67,900 يعني تقريبا 68000 بس ده بعد ما إتفاقية أغادير شالت من جمارك العربية تقريبا 40% من تمنها (الضريبة) و بالتالي لو دخلت العربية بالجمارك زي أي عربية تانية ( زي الصني مثلا) هيبقى تمنها 84000 وده السعر اللي ممكن تبدأ تقارن منه...
آخر حاجه عاوز أقولها ..
عفشن اللوجان هي نفسها عفشة النيسان مع بعض النعومة ...
و بعدين في شراكة بين رينو و نيسان لو تعرف.
حاجة تانية أنا كنت واقع في نفس حيرتك ...
اللوجان - الصني - الياريس - البروتون ( واجا - جين2 - بيرسونا)
و مع الأخذ في الإعتبار فرق السعر قررت إنه اللوجان إنشاء الله ..
و على فكرة رينو ليه مركز خدمة عملاء ممكن تتصل بيه تسأله عن أي حاجة بما فيها سعر العربية دلوقتي و سعر قطع الغيار 16202.
و بالتوفيق إنشاء الله.

+11111111
كلام مظبوط..فعلا فى شراكة بين رينو و نيسان...و سمعت فعلا أن العربية مبنية على شاسيه صنى...وتبقوا بتظلموها لو قللتوا من قيمتها أمام الصنى...متنسوش انها معفاة من الجمارك..و كمان أحب أضيف ان توكيل رينو سمعته ممتازة...

[sab3aawy]

بعض الانطباعات العامة فى صدد المقارنة بين لوجان وصنى:

1- بالفعل اللوجان مبنيه على شاسيه صنى لكنه ليس شاسيه صنى الحالية وانما صنى موديلات التسعينات وهو الشاسيه المعروف باسم b12 اما شاسيه الصنى الحاليه فهو احدث تصميما واسمه n16

2- هناك اسلوبين تتبعهما الشركات لتقديم سيارة اقتصادية تناسب ميزانيات متوسطى الدخل او الدول متوسطة الدخل عموما، احد هذين الأسلوبين هو القيام بعمل تصميم جديد اقتصادى من البداية مبنى على بعض التفاصيل الموجودة لدى الشركة بالفعل، يعنى مثلا تصميم جديد يعتمد على شاسيه قديم ومحرك قديم وشكل خارجى جديد بالكامل وخامات داخلية معقولة ومناسبه لكنها تفتقر للفخامة، اما الأسلوب الآخر فهو تبنى سيارة لها عدة سنوات على خطوط الانتاج وتم طرح ما هو احدث منها، ونقل خطوط انتاج هذة السيارة الى دول ذات عمالة غير مكلفة ، وبالتالى توفير تكاليف التصميم والتطوير لأن السيارة موجودة بالفعل ولا تحتاج لتصميم، وكذلك خفض تكاليف الانتاج، اللوجان تنتمى للنوع الأول، والصنى تنتمى للنوع الثانى

3- فيما يتعلق بالمحرك فمحرك الصنى بلا جدال احدث واقوى من محرك اللوجان(هناك فرق حوالى 20 حصان بين المحركين بفضل وجود 2 كامة و16 صباب للنيسان، لكنه ربما يكون اكثر ضجيجا

4- فيما يتعلق بالعفشة عفشة اللوجان اكثر نعومة من عفشة الصنى

5- الثبات ممتاز فى السيارتين بفضل العفشة ذات الطابع الرياضى للنيسان وقاعدة العجلات العريضة جدا لللوجان

6- المظهر الداخلى للصنى متميز جدا وانيق جدا بالمقارنة بالمظهر "الأقتصادى" البسيط للوجان

7-ادوات الصنى اقرب لليد ،مثلا ازرار الزجاج الكهربائى

8- صالون السيارتين مريح للركاب الأماميين لكن صالون اللوجان اوسع للراكب الخلفى

9- التحكم فى اللوجان يعيبه الى حد ما عرض السيارة الكبير التحكم فى الصنى يعيبه الى حد ما طول الجزء الأمامى من السيارة، لكن يبدو ان تحكم اللوجان اسهل قليلا

10- بالنسبة لتوفر قطع الغيار من مختلف المستويات(من أول الصينى لحد الأصلى مرورا بالتايوانى والتايلاندى والكورى واليابانى ) وتوافر مراكز الصيانة وسهولة العمل فى السيارة فستتفوق الصنى بلا منازع حتى الآن، وهذا يعطيها ميزة سعرية عند اعادة البيع

11- برغم ان مساحة صالون السيارتين واحدة تقريبا لكن السوق يعتبر الصنى سيارة من فئة حجمية اعلى

رأييى المتواضع ان بنود المقارنة فى التى صالح الصنى اكثر من البنود التى فى صالح اللوجان، وفى النهاية الاختيار لك

[Samah AbdAllah]

كالعادة طبعا يا استاذ سبعاوى

[Abo.Mayyam]

المهندس سبعاوى جاب الخلاصة.

إستخير و توكل على الله وجيب الصنى

وربنا يعملك اللى فيه الخير إن شاء الله

[mohamed_rhem]

بعض الانطباعات العامة فى صدد المقارنة بين لوجان وصنى:

1- بالفعل اللوجان مبنيه على شاسيه صنى لكنه ليس شاسيه صنى الحالية وانما صنى موديلات التسعينات وهو الشاسيه المعروف باسم b12 اما شاسيه الصنى الحاليه فهو احدث تصميما واسمه n16

2- هناك اسلوبين تتبعهما الشركات لتقديم سيارة اقتصادية تناسب ميزانيات متوسطى الدخل او الدول متوسطة الدخل عموما، احد هذين الأسلوبين هو القيام بعمل[gdwl] تصميم جديد اقتصادى من البداية[/gdwl] مبنى على بعض التفاصيل الموجودة لدى الشركة بالفعل، يعنى مثلا تصميم جديد يعتمد على شاسيه قديم ومحرك قديم وشكل خارجى جديد بالكامل وخامات داخلية معقولة ومناسبه لكنها تفتقر للفخامة، اما الأسلوب الآخر فهو تبنى سيارة لها عدة سنوات على خطوط الانتاج وتم طرح ما هو احدث منها، ونقل خطوط انتاج هذة السيارة الى دول ذات عمالة غير مكلفة ، وبالتالى توفير تكاليف التصميم والتطوير لأن السيارة موجودة بالفعل ولا تحتاج لتصميم، وكذلك خفض تكاليف الانتاج، اللوجان تنتمى للنوع الأول، والصنى تنتمى للنوع الثانى

3- فيما يتعلق بالمحرك فمحرك الصنى بلا جدال احدث واقوى من محرك اللوجان(هناك فرق حوالى 20 حصان بين المحركين بفضل وجود 2 كامة و16 صباب[gdwl] للنيسان، لكنه ربما يكون اكثر ضجيجا[/gdwl]

4- فيما يتعلق بالعفشة [gdwl]عفشة اللوجان اكثر نعومة [/gdwl]من عفشة الصنى

5- [gdwl]الثبات ممتاز فى السيارتين[/gdwl] بفضل العفشة ذات الطابع الرياضى للنيسان وقاعدة العجلات العريضة جدا لللوجان

6- المظهر الداخلى للصنى متميز جدا وانيق جدا بالمقارنة بالمظهر "الأقتصادى" البسيط للوجان

7-ادوات الصنى اقرب لليد ،مثلا ازرار الزجاج الكهربائى

8- صالون السيارتين مريح للركاب الأماميين لكن [gdwl]صالون اللوجان اوسع للراكب الخلفى[/gdwl]

9- التحكم فى اللوجان يعيبه الى حد ما عرض السيارة الكبير التحكم فى الصنى يعيبه الى حد ما طول الجزء الأمامى من السيارة، لكن يبدو ان [gdwl]تحكم اللوجان اسهل قليلا[/gdwl]

10-[gdwl] بالنسبة لتوفر قطع الغيار[/gdwl] من مختلف المستويات(من أول الصينى لحد الأصلى مرورا بالتايوانى والتايلاندى والكورى واليابانى ) وتوافر مراكز الصيانة وسهولة العمل فى السيارة فستتفوق الصنى بلا منازع حتى الآن، وهذا يعطيها ميزة سعرية عند اعادة البيع

11- برغم ان مساحة صالون السيارتين واحدة تقريبا لكن السوق يعتبر الصنى سيارة من فئة حجمية اعلى

رأييى المتواضع ان بنود المقارنة فى التى صالح الصنى اكثر من البنود التى فى صالح اللوجان، وفى النهاية الاختيار لك

تمام يا باشمهندس خالد

ولكن اذا اخذنا في الاعتبار
ان 1- تصميم اللوجان احدث من النيسان اللي استمرت علي شكلها لاكثر من 5 سنوات
2-اللوجان صوت موتورها اهدء من النيسان واستهلاك وقودها اقل
3-الثبات متساوي
4- توافر قطع غيار الرينو عموما خارج التوكيل وبالتحديد لسيارة ينتظر ان تكون بشعبية الانوس
ويبدأ سعرها 56 الف وتخفيض الوكيل للاسعار قطع غيارها ينتظرها رخص لا مثيل له

ده رايي المتواضع مع وضع فارق السعر الكبير

[M.ABDEEN]

الصني قوة وثبات واكتر انتشار

[Egyzizo]

I AM CONFUSED

[mohamed_rhem]

الصني [gdwl]قوة [/gdwl]و[gdwl]ثبات[/gdwl] و[gdwl]اكتر انتشار[/gdwl]

النيسان فعلا اقوي ولكن

صوت موتورها اعلي

صيانه الموتور مكلفة مقارنة باللوجان

موتور اللوجان هو نفسه موتور ميجان 1 90 حصان عند 5000 لفة للدقيقه ونسبة انضغاط للبساتم 12 حاصل ضرب 2*6

وسهولة صيانة خارج التوكيل لانه موتور تقليدي

رأي الخبراء في الثبات ان الثبات تقريبا متساوي لان قاعدة عجلات اللوجان هي نفسها النيسان القديمة (الفئة الاوسع)

اما ما يخص الانتشار فلا يمكن مقارنه سيارة متواجدة من 5 سنوات بأخري منذ 5 شهور

[Egyzizo]

شكــراً لكم جميعاً على المساعدة
وشكر خاص للمهندس سبعاوى على التحليل التكنيكى

هو فعلاً الكفة عندى مالت بقوة ناحيةالصنى وقمت بخطوة أخيرة قبل الشراء وهى معاينة السيارة على الطبيعة مع صديق لى شاريها من كام شهر .. بس صدمتى كانت قوية لما لقيت إن ما ينفعش أساساً حد يقعد ورايا وأنا سايق لأنى طويل وبارجع الكرسى لورا .. إلا اذا كان طفل لا يزيد عمره عن 5 سنوات.
الكنبة الخلفية فعلاً تخنق لو كان اللى قاعدين قدام طوال وده كان سبب كافى أنى أجيب ورا بالنسبة للصنى مع احترامى الشديد لها .. لأنها فعلاً عربية محترمة ..

يبقى لوجان ، على بركة الله ولو إن الأوتوماتيك هيصعب عليا .. لكن راحة ست الكل بالدنيــــا :)