عايز اعدل الشاهين

[ahmedbasto]

دلوقتى انا احتمال اخد الشاهين بعد شهرين او 3 المهم انا عايز اعدل الموتور ومش عايز أسقط مواتير للعلم العربية 1400 حقن2007 فايه التعديلات اللى ممكن اعملها فيها

[M_Nabil]

عاوز تركب فلتر رياضى وسلوك بوجيهات يعنى؟ ولا تربو؟ ممكن توضيح أكثر والميزانية كام

[ahmedbasto]

الميزانية 2000 جنيه وفى دماغى الأول فلتر وسلوك بوجيهات اول حاجة تنصحنى بأيه يا باشا

[blazer]

هو معلومه صغيره
السلوك والبوجيهات مش هتزود ليك اى اداء للعربيه
الحاجت دى معموله عشان لو هتركب تربو او ماتور كبير محتاج انك تقوى الشراره اللى واصله للسلندر
والفلتر هيزود الاداء بس مش بشكل كبير خصوصا ان ماتور الشاهين ال 1400 ال horse power بتاعه مش كبير
مثلا ال bmw أل m5 لما بيتركبلها 2فلتر رياضى k&n بتزيد 22 hp
لو عاوز تعلى الاداء فعلا لازم تسقط ماتور اكبر او تركب تربو

[ahmedbasto]

انا فى دماغى تيربو بس نبدأ حاجة حاجة

[magyver]

مثلا ال bmw أل m5 لما بيتركبلها 2فلتر رياضى k&n بتزيد 22 hp

انا عايز اعرف الفلترين بيركبوا ازااي

[ahmedbasto]

أصل هى العربية اساسا موتورها ليه فلترين مش فلتر واحد

[د.محمود صلاح]

خد شاهين 1600 افضل لك حيث ان بها باور وتكييف ,,
وعدل فيها بانك تركب زجاج كهرباء بزراير في المقبض ( هتحتاج تغيير فرش الأبواب الأمامية ) وتغير طقم الصوت وبس

هي دي أفضل تعديلات من موجهة نظري

[ahmedbasto]

لا يا دكتور انا عايز تعديل فى الموتور

[MohaMed_Refaat]

وهل موتور الشاهين يتحمل تربو ؟؟؟
لانة ممكن تحتاج تغير حجات كتير فية ؟؟
مش عارف بس انا مشوفتش ابدا ولا سمعت ان حد مغير او مسقط مكنة فى الشاهين قبل كدة .
وخلى باللك الشاسية بتاعها ضعيف شوية ....

[MohaMed_Refaat]

أصل هى العربية اساسا موتورها ليه فلترين مش فلتر واحد

+1111111111

[a_tharwat]

لو فعلا عاوز تعدل في الموتور, حوش لحد ميبقى معاك 5000 جنيه و ادخل على التربو على طول.

لو مش عاوز, يبقى ابدأ البداية التقليدية, فلتر سبور, هيدرز و شكمان 2.25 بوصة وعلبة شكمان كويسة

(ارجوووووك بلاش العلبة الهبلة الصناعة المحلية اللي متسمية كدبا ديفل و كل الناس بتركبها وتخلينا مش عارفين ننام)

[ahmedbasto]

لو فعلا عاوز تعدل في الموتور, حوش لحد ميبقى معاك 5000 جنيه و ادخل على التربو على طول.

لو مش عاوز, يبقى ابدأ البداية التقليدية, فلتر سبور, هيدرز و شكمان 2.25 بوصة وعلبة شكمان كويسة

(ارجوووووك بلاش العلبة الهبلة الصناعة المحلية اللي متسمية كدبا ديفل و كل الناس بتركبها وتخلينا مش عارفين ننام)

بص يا باشا الفلوس مش فارقة ممكن تزيد بس المشكلة هل الموتور يستحمل

[a_tharwat]

هو نظريا اه يستحمل, انما عمليا لازم يتجرب لاني مسمعتش عن حد جرب تربو في شاهين قبل كده.

في عضو على المنتدى اسمه محمد ممدوح عنده خبرة سابقة في الموضوع ده تقدر تتابع معاه.

[ahmedbasto]

فعلا استاذ محمد ممدوح استاذ بس هو فين على فكرة موتورها يستحمل وكل حاجة انا بجيب بيها على الأول 45 من غير ما تفصل والتانى 70 على 4000 لفة يعنى الموتور جامد لانه فيات دى كفاية