عايز اسقط مكينه

[M_Nabil]

ربنا يوفقك في الأمتحانات بس ماتنساش الحاجه الساقعة لما النتيجة تتطلع :)

أنا مش بخوفك منها من ناحية الأداء هيا بتجرى وكل حاجه بس متقارنهش بالمانيوال بتاعها اللى بيسقط المكنه دى المفروض عشان هو بيحب وليه في الجرى وأصلاً %80 من المكن ده بيكون فتيس مانيوال و %20 منه أوتو، مكن الـ Vtec كثير اللى كان قصدى عليها بس بتكون كامة واحدة Sohc مش كامتين Dohc زى الـ SiR وبتكون في حدود 130 حصان و سعرها في حدود 3500 تقريباً بس قولى المكنه اللى راكبه عندك 1.5 ولا 1.6 وكام حصان؟ او لو تعرف تجيب كود المكنه يكون أفضل

[sgra6]

معرفتش اجيب الكود قلبت المكينه ومطلعش معايه حاقه >_<
بس هي 1.6 سي سي

[M_Nabil]

هتلقى عندك في مكان المربع الأحمر زى اللى في الصورة دى شمال فرن الشكمان بس المكان ده لو عليه شوية زيت مش هيبان أمسح الزيت الأول

[sgra6]

اها حصلت مكتوب d16y6

[khaled_rafea]

الموتور ده نزل للشرق الاوسط بس, حضرتك تعرف هو فى تك ولا لأ, هو انجكشن ولا كارب, ومكان غطا الزيت ناحية وش العربية ولا ناحيه التابلوه زى اللى فى الصورة اللى بعاتها استاذ نبيل ؟

[khaled_rafea]

بص لو هو فى تك يبقى دى مواصفاته بالظبط
Displacemnt : 1590cc
Bore and Stroke : 75 × 90 mm (3.0 × 3.5 in)
Rod Length : 137 MM
Rod/Stroke : 1.52
Compression : 9.6:1
Valvetrain : SOHC VTEC 4 valves per cylinder
Power : 127 hp (94.7 kW, 129 ps) 6600 @ rpm
Torque : 111 ft·lbf (145.1 N.m) 5500@ rpm
Head Code : P2J
VTEC Switchover : 5500 rpm
Piston Code : P2P
Redline 6900 rpm
Rev Limited To 7200 rpm
ECU Code : P2P

وعلى فكرة ده موتور محترم جدا

[M_Nabil]

أيو الماتور ده Vtec كامه واحدة زى ما قال خالد باشا ونفس المواصفات اللى فوق فعلاً وهو بينزل هنا في السيفيك الـ Vti، و هو نفس ماتور D16y8 اللى بينزل بره في الـ Ex الماتور ده كويس جداً لو حالته حلوة هو و الفتيس وخسارة تغيرة

[sgra6]

شكرا على الرد ياشباب

بس العربيه موديل 97 فالهور بور الي كانو فيها فيهم الي مات والي اتعاق
هي الحمد لله مشيه معايا تمام

بس انا معملتش حاقه فيه غير الفلتر وخايف اعمل حاقه وتخرب عشانها تقريبا مشيه 300 الف >_<

[M_Nabil]

هو الماتور ماشى كام ألف مش مقياس عن الحالة بتاعته ممكن تروح تعمل كبس ماتور الأول في البنزينة وتشوف حالتة كام في % وبعدها تقرر، وكمان هاقولك على حاجه جامدة لو الماتور طلع تعبان وعاوز توفر قرشين ممكن تنزل بورسعيد تجيب بلوكه فاضيه نفس الماتور بتاعك تعمل في حدود 1800 أو 2000 جنية

[homos99]

هو الماتور ماشى كام ألف مش مقياس عن الحالة بتاعته ممكن تروح تعمل كبس ماتور الأول في البنزينة وتشوف حالتة كام في % وبعدها تقرر، وكمان هاقولك على حاجه جامدة لو الماتور طلع تعبان وعاوز توفر قرشين ممكن تنزل بورسعيد تجيب بلوكه فاضيه نفس الماتور بتاعك تعمل في حدود 1800 أو 2000 جنية :s_thum1[1]:

معلش بعد اذنك يعني ايه ( يجيب بلوكه فاضية ) وفايدتها أيه ؟؟؟

[M_Nabil]

معلش بعد اذنك يعني ايه ( يجيب بلوكه فاضية ) وفايدتها أيه ؟؟؟

يعنى بلوكة الماتور + وش الماتور فقط بدون اى مشتملات أخرى

زى الصورة دى كدة