إعـــــــلان

Collapse

.

,
See more
See less

عاوز تعدل فرامل ال 128 الخلفيه لديسكات اتفضل معانا هنا

Collapse
X
 
  • Filter
  • الوقت
  • Show
Clear All
new posts

  • #46

    مساء الخير ..معلهش اتاخرت في الرد ..بس حاولت اني اصور الفرامل اللي معدلها في الكوروما بس للاسف الوقت كان تأخر والدنيا ضلمت بس حاحاول انزل الصور بالتفصيل يوم الجمعة ان شاء الله
    المهم وانا باراجع علي المقاسات فية فرق فعلا لان المسافة بين مسمارين الكاليبر بالضبط 88.9مم وبالتالي يبقي ابعاد الفلانشة بعد اضافة 10مم كقطر لكل مسمار 17 اللي بيثبت الكاليبر في الفلانشة واضافة 8مم للحفاظ علي جسائة الفلانشة لكل جانب بعد خرم المسمار يبقي اجمالي العرض 125 مم او12.5 سم وبالنسبة للطول قطر الدرم او طبلة الفرامل الخلفية لل28 205مم او 20.5مم ..لكن قطر قرص طنبور الفرامل للتمبرا252مم او 25.2 سم وبالتالي اكبر ب5سم تقريبا بيقسم علي 2 علشان اخد مساحة التشغيل للفلانشة +مساحة تشغيل اماكن المسامير في الشمعدان يبقي طول الضلع 50مم تقريبا
    يبقي ابعاد الفلانشن من الاخر 125*50 *25 مم طول *عرض *سمك وكلها بالمم
    كنت بتسأل لية ماخدناش ديسكات ال25 علي طول بدل وجع الدماغ ده والسبب ان عمق الديسك في 25 قليل لان التجهيز دة علي محور الكورونا والاكسات ليست بعيدة عن شفة جسم الكورونا لكن عندك فية مسافة اكبر لحجم طبلة الفرامل وبالتالي بتحتاج لديسك اعمق وكمان بيركب علية سبيسر اوفلانشة بنفس القطر للقرص الداخلي وطبقا للمسافة الحرة التي تمنع احتكاكة بالكاليبر والتيل
    طبعا فية فرق عن الابعاد السابقة لاني كنت حسبت علي الفرامل الامامية وهي بتختلف
    شكلي حاجيلك ونعدل الفرامل عندك وبعدين تنزل الصور في المنتدي علشان الكل يستفيد
    وبعدين انت نت الاسكندرية وعندك الفراهدة وقطع الفيات عندك ببلاش بالمقارنة للحرامية عندنا هنا وعندك اطنان من القطع البديلة واكيد هتلاقي قطمة ريتمو130 خلفي جاهزه علي طول بس شكلك انت عايز تعمل التعديل بايدك ودي حاجة كويسة جدا ربنا يوفقك
    ههههههههههههههه يا باشا تشرف وتنور اسكندريه والله
    ولو انا عارف ان حضرتك فاضى كنت جيت لحضرتك واتشرفت بمعرفتك وكنت عملت التعديل ده كله فى القاهره

    وانا معايا نمره حضرتك كنت اخدتها من هنا من المنتدى بس اتحرجت اكلم حضرتك اسألك على الحاجات اللى مش فاهمها
    وفعلا الفراهده فيها اطنان حاجات للفيات بس غالين فعلا اكتر من القاهره او يمكن عشان انا مش بعرف اتعامل معاهم وافاصل وادور وكده

    وتفتكر لو لقيت قطمه ريتمو كامله حتنفع تركب عندى على طووول ياريت حتى الاقى الحته بتاعه الفلانشه بسسسسسسس هناك وانا اكمل التعديل

    انا حعمل الرسمه بتاعه الفلانشه على المقاسات اللى حضرتك حطيتها و تقوللى الصوره صح ولا غلط
    مع العلم ان حضرتك كاتب (يبقي ابعاد الفلانشن من الاخر 125*50 *25 مم طول *عرض *سمك وكلها بالمم )
    فكده المفروض يبقى الابعاد بالسمم
    12.5 سم * 5 سم * 2.5 سم

    صح ولا انا غلطان
    [CENTER][SIZE=5][COLOR=sienna]القطه بتاكل اولادها ........ ياترا الدور على مين ؟[/COLOR][/SIZE][/CENTER]
    [CENTER][SIZE=6][FONT=Courier New][COLOR=#ff8c00]الحمد لله[/COLOR][/FONT][/SIZE][/CENTER]
    [CENTER][SIZE=4][COLOR=#ff8c00][URL="http://www.qorankarim.com/"]القرأن الكريم كامل[/URL][/COLOR][/SIZE][/CENTER]

    Comment


    • #47
      طيب خامة الفلانشة دى هتبقة اية؟؟

      و كمان عايزين رسمة تفصيلية للفلانشة دى عشان نفهم و نفهم الخراط.

      و كمان فى فلصورة فلانشتين واحدة عرفنا ابعدها و استخدامها انها بتمسك الكالبرات و التانية محدش جاب سيرتهة ولا حتى عرفنى السمك بتاعها اية ولا لزمتها اية.

      Comment


      • #48
        المشاركة الأصلية كتبت بواسطة kaza مشاهدة المشاركة
        كل التعديل في الخراطيم بيكون بشراء خراطيم فرامل خلفية للريجاتا وممكن الكروما لانهم اطول من خراطيم ال28 وبيركبوا علي طول بدون اه مشاكل
        ياريت توضح عملت اية بالضبط في الفرامل علشان اعرف اردعليك
        حضرتك انا اعانى من سوء الفرامل من شراء السياره حتى الان وطبعن رحت لاكتر من عفشجى واحد غيرلى الطنابير الخلفيه بالتيل وطبعن بالزيت اكتر من مره وكل مره بنوع ومفيش فيده امشي من عنده وفى فرامل حلوه تانى يوم مفيش الفرامل تنزل لاخر العريه تحت خالص وضعيبفه جدا جدا رحت واحد تانى ده بقى الى غير كل حاجه هههههههههههه غيرت خزنه عموميه واول ما امشي فرامل جمده اول ما استعمل الهند فى اى تخميسه نبوض الفرامل نهائى ارجعنه نغير خزن وره نفس الحكايه ارجعله نغير حاجه زى فنيت كده فى الخزن الاماميه ونفس المشكله والن اعانى من فرامل سيء جدا جدا وبتعوم العربيه جامد اوى اوى لمل بدوس فرامل جامد وانا يأست جدا جدا منها والان مش عارف الحل فين علما بان كل التيل امامى وخلفى تمام وطنابير وجزن كله يا جديد يا بحاله جيده لا وكما عجله تفرمل وعجله لا وده يأثر على الفرامل والعربيه كمان تحدف انا بجد تعبت من الفرامل دى اريد حلاااااا اسف للاطاله
        [SIGPIC][/SIGPIC]

        Comment


        • #49
          وتفتكر لو لقيت قطمه ريتمو كامله حتنفع تركب عندى على طووول ياريت حتى الاقى الحته بتاعه الفلانشه بسسسسسسس هناك وانا اكمل التعديل

          انا حعمل الرسمه بتاعه الفلانشه على المقاسات اللى حضرتك حطيتها و تقوللى الصوره صح ولا غلط
          مع العلم ان حضرتك كاتب (يبقي ابعاد الفلانشن من الاخر 125*50 *25 مم طول *عرض *سمك وكلها بالمم )
          فكده المفروض يبقى الابعاد بالسمم
          12.5 سم * 5 سم * 2.5 سم

          صح ولا انا غلطان[/color][/size][/QUOTE]

          تمام لو لقيت حاجة الريتمو هنركب علي طول من غير اي مشاكل نهائي ومقاسات الفلانشة هية كدة تمام ومستني تحميلك للرسمة وطالما معاك نمرة التليفون كلمني ومش حافتح عليك بس علشان تبقي التفاصيل واضحة بدون نقاش

          Comment


          • #50
            المشاركة الأصلية كتبت بواسطة omar128 مشاهدة المشاركة
            طيب خامة الفلانشة دى هتبقة اية؟؟

            و كمان عايزين رسمة تفصيلية للفلانشة دى عشان نفهم و نفهم الخراط.

            و كمان فى فلصورة فلانشتين واحدة عرفنا ابعدها و استخدامها انها بتمسك الكالبرات و التانية محدش جاب سيرتهة ولا حتى عرفنى السمك بتاعها اية ولا لزمتها اية.
            مساء الخير ياسيد عمر ..بالتاكيد خامة الفلانشات حديد عادي مش صلب او زهر وابعاد الفلانشة واضحة بالتفصيل بس اقرأ المكتوب
            بالنسبة للفلانشة التانية دي سبيسر بتتحط قبل الديسك علي الهب بتاع العجل ودي بتستخدم لضبط الديسك في منتصف الكاليبر بالضبط علشان مايحكش اويكون تاثير الفرامل مش مضبوط ..لكن في حالتنا لغيت الموضوع دة خالص واستتبدلتة بورد 17 لغاية ما نضبط الديسك في مكانة ونشوف سمك الورد اد اية وكام وردة محتاجين بعدها نقول مقاسات السبيسر

            Comment


            • #51
              المشاركة الأصلية كتبت بواسطة yuyu0000yuyu مشاهدة المشاركة
              حضرتك انا اعانى من سوء الفرامل من شراء السياره حتى الان وطبعن رحت لاكتر من عفشجى واحد غيرلى الطنابير الخلفيه بالتيل وطبعن بالزيت اكتر من مره وكل مره بنوع ومفيش فيده امشي من عنده وفى فرامل حلوه تانى يوم مفيش الفرامل تنزل لاخر العريه تحت خالص وضعيبفه جدا جدا رحت واحد تانى ده بقى الى غير كل حاجه هههههههههههه غيرت خزنه عموميه واول ما امشي فرامل جمده اول ما استعمل الهند فى اى تخميسه نبوض الفرامل نهائى ارجعنه نغير خزن وره نفس الحكايه ارجعله نغير حاجه زى فنيت كده فى الخزن الاماميه ونفس المشكله والن اعانى من فرامل سيء جدا جدا وبتعوم العربيه جامد اوى اوى لمل بدوس فرامل جامد وانا يأست جدا جدا منها والان مش عارف الحل فين علما بان كل التيل امامى وخلفى تمام وطنابير وجزن كله يا جديد يا بحاله جيده لا وكما عجله تفرمل وعجله لا وده يأثر على الفرامل والعربيه كمان تحدف انا بجد تعبت من الفرامل دى اريد حلاااااا اسف للاطاله
              بالاعراض دي عندك تنفيس في الفرامل راجع علي مواسير وخراطيم الدورة بالكامل وشوف اذا كان فية تعريق في اي مكان كذلك مساتر العجل والماستر الرئيسي ووصلات اللواكير ومسامير الهواء كل دة لازم يتبص علية ولما الميكانيكي ياخد الهواء طبعا بالتكريك علي الدواسة بالضغط بسرعة وللاخر ونسيب البدال ببطئ والهوا يتاخد من العجلة الاقرب للماستر الرئيسي فالابعد اوبمعني اخر العجلة الامامية الشمال (ناحية السائق) حتي ينعدم خروج الهواء تماما ثم الامامية اليمني ثم الخلفية الشمال فاليمين

              Comment


              • #52
                المشاركة الأصلية كتبت بواسطة yuyu0000yuyu مشاهدة المشاركة
                حضرتك انا اعانى من سوء الفرامل من شراء السياره حتى الان وطبعن رحت لاكتر من عفشجى .. عفشجي!! وأيه اللي دخل العفشجي في الفرامل المفروض الميكانيكي هو اللي يشتغل في الفرامل واحد غيرلى الطنابير الخلفيه بالتيل وطبعن بالزيت اكتر من مره وكل مره بنوع ومفيش فيده امشي من عنده وفى فرامل حلوه تانى يوم مفيش الفرامل تنزل لاخر العريه تحت خالص وضعيبفه جدا جدا رحت واحد تانى ده بقى الى غير كل حاجه هههههههههههه غيرت خزنه عموميه واول ما امشي فرامل جمده اول ما استعمل الهند فى اى تخميسه نبوض الفرامل نهائى ارجعنه نغير خزن وره نفس الحكايه ارجعله نغير حاجه زى فنيت كده فى الخزن الاماميه ونفس المشكله والن اعانى من فرامل سيء جدا جدا وبتعوم العربيه جامد اوى اوى لمل بدوس فرامل جامد عومان العربية ممكن يكون بسبب فرد الكاوتش أو بسبب جلب مقصات أو كاوتش ميزان وانا يأست جدا جدا منها والان مش عارف الحل فين علما بان كل التيل امامى وخلفى تمام وطنابير وجزن كله يا جديد يا بحاله جيده لا وكما عجله تفرمل وعجله لا كدة يبقى في تسريب في أحد الخراطيم الواصلة للعجل وده يأثر على الفرامل والعربيه كمان تحدف انا بجد تعبت من الفرامل دى اريد حلاااااا اسف للاطاله
                مفيش ولا واحد من دول زي ما قالك أستاذ/ Kaza راجع على دورة الفرامل إذا كان فيها تسريب ولا لآه !!!!

                هل راكب عندك ماستر "ضفدعة" لو موجود ورغم أهميته النسبية يفضل أنك تشيله علشان بيضعف الفرامل إلى حد ما .

                هل كشفت على السيرفو والطاقية بتاعته ؟

                وأخيراً متهيألي تغير كل الصنايعية اللي اشتغلوا في العربية وتسأل على واحد تاني كويس .
                [B][FONT=Comic Sans MS][SIZE=5][COLOR=Green]

                [SIGPIC][/SIGPIC]


                Life's too Short for the Wrong Job[/COLOR][/SIZE][/FONT][/B]
                ziabassem سابقا

                Comment


                • #53
                  المشاركة الأصلية كتبت بواسطة kaza مشاهدة المشاركة
                  بالاعراض دي عندك تنفيس في الفرامل راجع علي مواسير وخراطيم الدورة بالكامل وشوف اذا كان فية تعريق في اي مكان كذلك مساتر العجل والماستر الرئيسي ووصلات اللواكير ومسامير الهواء كل دة لازم يتبص علية ولما الميكانيكي ياخد الهواء طبعا بالتكريك علي الدواسة بالضغط بسرعة وللاخر ونسيب البدال ببطئ والهوا يتاخد من العجلة الاقرب للماستر الرئيسي فالابعد اوبمعني اخر العجلة الامامية الشمال (ناحية السائق) حتي ينعدم خروج الهواء تماما ثم الامامية اليمني ثم الخلفية الشمال فاليمين
                  شكرا جدا يا باش مهندس kaza وبازن الله هعمل كده وهقول لحضرتك الاخبار
                  [SIGPIC][/SIGPIC]

                  Comment


                  • #54
                    المشاركة الأصلية كتبت بواسطة ziabassem مشاهدة المشاركة
                    مفيش ولا واحد من دول زي ما قالك أستاذ/ kaza راجع على دورة الفرامل إذا كان فيها تسريب ولا لآه !!!!

                    هل راكب عندك ماستر "ضفدعة" لو موجود ورغم أهميته النسبية يفضل أنك تشيله علشان بيضعف الفرامل إلى حد ما .

                    هل كشفت على السيرفو والطاقية بتاعته ؟

                    وأخيراً متهيألي تغير كل الصنايعية اللي اشتغلوا في العربية وتسأل على واحد تاني كويس .
                    شكرا على الاهتمام بس ايه الضفدعه دى وشكله اليه وبتكون فين والسرفو بيكون الكشف عليه ازاى
                    [SIGPIC][/SIGPIC]

                    Comment


                    • #55
                      المشاركة الأصلية كتبت بواسطة yuyu0000yuyu مشاهدة المشاركة
                      شكرا على الاهتمام بس ايه الضفدعه دى وشكله اليه وبتكون فين والسرفو بيكون الكشف عليه ازاى
                      ماستر الضفدعة بيكون موجود قبل الماسترين الفرعيين للعجل الخلفي أسفل السيارة من ناحية الشنطة تقريباً .. ووظيفته هي تأخير وصول زيت الباكم (مش بشكل كبير) عند الدوس على الفرامل للعجل الخلفي .. والفائدة من كدة هي جعل العجل الأمامي يفرمل قبل الخلفي لتقليل الانحراف للسيارة عند الفرملة المفاجأة (الحادة) .. وعيبه أنه بيقلل قوة الفرامل بصفة عامة إلى حد ما .

                      وبالنسبة للسيرفو بيكون الكشف عليه عند واحد متخصص في السيرفو .. ولو هو بايظ تماماً
                      العربية بتبطل عند الضغط على الفرامل .. ولو فيه عيب بسيط بتختلف الأعراض ما بين تحجير الفرامل أو ضعفها .

                      معلش اعذرني في الشرح لأنه مش بشكل علمي ويفتقد الدقة .. لأن نابع من خبرة تعامل مع الميكانيكية وليس دراسة وممارسة عملية .
                      [B][FONT=Comic Sans MS][SIZE=5][COLOR=Green]

                      [SIGPIC][/SIGPIC]


                      Life's too Short for the Wrong Job[/COLOR][/SIZE][/FONT][/B]
                      ziabassem سابقا

                      Comment


                      • #56
                        اية يا جماعة هو الموضوع مات ولا اية؟؟!!

                        Comment


                        • #57
                          ماستر الضفدعة بيكون موجود قبل الماسترين الفرعيين للعجل الخلفي أسفل السيارة من ناحية الشنطة تقريباً .. ووظيفته هي تأخير وصول زيت الباكم (مش بشكل كبير) عند الدوس على الفرامل للعجل الخلفي .. والفائدة من كدة هي جعل العجل الأمامي يفرمل قبل الخلفي لتقليل الانحراف للسيارة عند الفرملة المفاجأة (الحادة) .. وعيبه أنه بيقلل قوة الفرامل بصفة عامة إلى حد ما .

                          الكلام دة قريب من وظيفة الضفدعة وهاشرح وظيفتها بالتفصيل
                          فية نوعين من الحاجات بيطلق عليهم اخونا الميكانيكيون مجازا ضفدعة
                          الاولي عبارة عن مشترك تجهز به بعض السيارات من ذوات الماستر الرئيسي الثنائي المخارج وبيتم من خلال المشترك دة توزيع زيت الباكم الي ال4عجلات زي المازدا323 والباسات القديم والجولف وبيكون مكانها في الغلب بجوار ماستر الفرامل الامامي وهي مناسبة للاستخدام في غرف المحرك المزدحمة والتي يتعذر فيها عمل توصيلات مستقلة لكل عجلة علي حدا
                          اما النوع الثاني فهو ببساطة عبارة عن منظم لضغط دورة الفرامل الخلفية والغرض منه تخفيف ضغط الزيت عن العجل الخلفي اثناء الفرامل الفجائية حتي لا يتم قفش العجل الخلفي وانزلاقة وبالتالي فقدان السيطرة علي المركبةعلي ان يتم تفعيل الضغط بوجود اوزان علي المحور الخلفي (ركاب علي الكنبة+شنط) لكي تتفاعل الفرامل الخلفية بقوة اكبر متزامنة مع قوة كبح الفرامل الامامية
                          ومن هنا نجد ان المنظم دة مفيد جدا في اتزان دور الفرامل تحت ظروف الكبح المفاجئ مما يساعد علي التحكم بالسيارة بشكل افضل ..اما في حالة الغاؤه بيبقي الضغط مباشر للعجل الخلفي وممكن يتسبب في حوادث خطيرة لفقد القدرة علي التحكم في انحراف السيارة تحت تاثير انزلاق العجل الخلفي وبالاخص في الطرق المبتلة والمتربة او الملفات الحادة

                          وبالنسبة للسيرفو بيكون الكشف عليه عند واحد متخصص في السيرفو .. ولو هو بايظ تماماً[/b][/color][/size] العربية بتبطل عند الضغط على الفرامل .. ولو فيه عيب بسيط بتختلف الأعراض ما بين تحجير الفرامل أو ضعفها .

                          معلش اعذرني في الشرح لأنه مش بشكل علمي ويفتقد الدقة .. لأن نابع من خبرة تعامل مع الميكانيكية وليس دراسة وممارسة عملية .
                          [/QUOTE]

                          Comment


                          • #58
                            لسه سائل على الحاجات المطلوبه استعمال دلوقتى ودى الاسعار

                            2 جهاز فرامل استعمال 125 كاملين ومعاهم نهايات فرامل اليد كمان ب 200 جنيه (وفيه ناس قالتلى اسعار اغلى كمان )

                            2 تيل خلفى استعمال 20 جنيه طبعا اكيد مش حلوين والجديد ب تقريبا 70 جنيه
                            طنابير التمبرا متوسط سعرها استعمال 150 جنيه فيه اقل وفيه اغلى حسب الحاله والمكان

                            طبعا وجوز الفلانشه حيعملو عند الخراط تقريبا 100 جنيه
                            غير الفلانشات اللى ورا الطنابير تقريبا 50 جنيه بعد الخراطه حسب السمك المطلوب
                            يعنى كده الحسبه تقريبا
                            200+70+150+100+50 =570 جنيه غير المصنعيه بتاعه المكانيكى والزيت والخراطيم وخلافه

                            فاضل صوره الفلانشه بس دى فضلت معملهاش غير لما اشوف جهاز الفرامل على الطبيعه ووجدت ان 12.5 سم دول مش كفايه بالمره خاااااااالص ده الفرق بين المسمارين بتوع الجهاز تقريبا 18 سمم وممكن اكتر ياريت كان معايا مسطره كنت قيستها على الحقيقه

                            وفيه واحد بتاع قطع غيار قاللى جهاز الفرامل ورا بتاع ال 125 مينفعش يركب عليه طنابير امامى تمبرا قاللى المقاسات مختلفه خالص والطنابير كبيره على الفرامل
                            بس سيبته ومشيت لان ده كان عاوز يحسب طنابير التمبرا ب 300 قبل الفصال وجهازين الفرامل 250 وكان بيطلع الكلام بالعافيه كأن الكلام بفلوس وانتو عارفين بتوع الاستعمال لما يتنكو على الزبون مع ان الراجل ده كنت على طول بشترى منه مش عارف ايه اللى جراله انهارده كان عاوز 30 جزمه
                            تقريبا كان عارف انى بسأل ومش حشترى هههههههههههههههههه


                            كده انا دماغى لفت على الاخر ومش عارف هى الاسعار كده مبالغ فيها ولالا
                            وبرضه موضوع مقاس الفلانشه ده لخبطنى لان جهاز الفرامل حجمه كبير فعلا عن الفلانشه بكتير تقريبا الضعف
                            [CENTER][SIZE=5][COLOR=sienna]القطه بتاكل اولادها ........ ياترا الدور على مين ؟[/COLOR][/SIZE][/CENTER]
                            [CENTER][SIZE=6][FONT=Courier New][COLOR=#ff8c00]الحمد لله[/COLOR][/FONT][/SIZE][/CENTER]
                            [CENTER][SIZE=4][COLOR=#ff8c00][URL="http://www.qorankarim.com/"]القرأن الكريم كامل[/URL][/COLOR][/SIZE][/CENTER]

                            Comment


                            • #59
                              حاجه تانيه يا جماعه فضلت انى اكتبها فى مشاركه لوحدها


                              ياريت يا جماعه نتعاون مع بعض اكتر من كده انا شايف ان كل اللى فى الموضوع متابعين مفيش غير انا واستاز kaza واستاز هشام زكى اللى اتكلمنا فى التعديلات وحطينا افكار

                              انا سبت الموضوع كام يوم لانشغالى ملقتش اى حد اضاف اى جديد ولا حتى سأل على الحاجات او اسعارها وافدنا بمعلومه
                              [CENTER][SIZE=5][COLOR=sienna]القطه بتاكل اولادها ........ ياترا الدور على مين ؟[/COLOR][/SIZE][/CENTER]
                              [CENTER][SIZE=6][FONT=Courier New][COLOR=#ff8c00]الحمد لله[/COLOR][/FONT][/SIZE][/CENTER]
                              [CENTER][SIZE=4][COLOR=#ff8c00][URL="http://www.qorankarim.com/"]القرأن الكريم كامل[/URL][/COLOR][/SIZE][/CENTER]

                              Comment


                              • #60
                                يا ميزو باشا الليلة كلها فى الفلانشة و المشكلة اللى اكتشفتها انك لازم تجيب كل حاجة و تركبها و بعدين تاخد مقاس الفلانشة بدقة جدا لان السنتى هيفرق و بعدين ترسمها على ورقة ب اسكال و تحط كل المقاسات على الورقة و تروح بالورقة للخراط عشان يعملك الفلانشة بنفس الشكل الى مرسوم فى الورقة .


                                Comment

                                Working...
                                X