أبعد عن ال struts العمولة و غنيلها

[smsm_nabawy]

السلام عليكم !!

انا آسف لعدم تواجدي معاكم كتير .. ظروف كلية و امتحانات !!

الموضوع

نصيحة مني ليكم !! محدش ينخبل في عقله و يعمل سترات بار عمولة ... خاااااااااااالص !!!


التجربة كانت في عربية 128 يتاعت واحد صاحبي !! عمل سترات بار عمولة !!!

مكملش معاه 120 جنيه !!

و ركبه !! من 5 أيام تقريباً أتصل بيا صاحبي بيقولي يا حسام ألحقني ،، البار الي عملته أتكسر !!!

أنا عموماً كنت معارض لفكرة السترات بار معاه !!لأسباب معينة

منها أن العربية مش متعدلة أوي ،، و مهماً كانت فهي 128 !!! و علشان تبقى وحش لازم تبقى متعدلة أكثر من كده بكثير !!
و ان سواقته غشيمة أصلاً !!! و بيهلك العفشة معاه !! و بيجري في أي حاجة !!!

أكتشفت بعد كده أنه كان في طسن ،، بيتعلم الدريفتات !! في حته كده فاضية ناحية طسن !! و المعمورة !!

و بياخد دريفت ،، و بيكمله !! دخل في حته من الشارع مكسرة ... لأن الشارع فيه تعديلات لأمداد الغاز الطبيعي في المنطقة !!

في حتت مكسرة و حتت سليمة ،، و طبعاً الشارع مرمل و مغري جداً للدريفتات !!
و الباشا لسه بيتعلم ،، و معرفش يظبط عربيته صح !! و دخل بسرعته في المدقات دي و الحتت المكسرة دي !!

و كمل بسرعته عااادي !!

طظ في العفشة !! و في الجنوط ،، و في أي حاجة !! فجاة سمع صوت حاجة بتعمل "طك" !! و الكبود فيه تحتيه صوت هزة جامدة !!!

ركن و بيفتح الكبود ،، لاقى السترات بار العمولة ده ،، مقطوم !!!

و متسألنيش ازااااي !! :)))

راح زي الشاطر دفع 120 جنيه كمان علشان يعمل واحد تاني ... انا عموماً شتمته !! :)))
هوا كده دافع 240 !! و ال 240 دول يجيبوله حاجة أصلي أستعمال من برو تينورز ولا ماينز ولا أي حد من دول !!

دنا كنت سائل للشاهين ،، الي هي أعرض بكثر من ال 128 !! و كانت في حدود الأسعار دي !!

المهم أحترسو منها يا شباب !!

[aymn6666]

طب فين الاماكن الي ممكن الواحد يجيب منها البارات الاصليه
وهل بتبقي جديده ولا استعمال
وممكن نلاقي للفيرنا وبكام

[michohat]

حضرتك انا كنت بسئل علي بارات تقوية لل فيات 131 هل العربيه ليها بارات ؟

[smsm_nabawy]

طب فين الاماكن الي ممكن الواحد يجيب منها البارات الاصليه
وهل بتبقي جديده ولا استعمال
وممكن نلاقي للفيرنا وبكام

طبعاً في للفيرنا !! :)
لو أنت من الأسكندرية ،،، انا ممكن اتقابل معاك و نروح سوا لناس رحتلهم علشان العربية بتاعتي .. بس لسه لحد دلوقتي مجمعتش الفلوس !! :)))

حضرتك انا كنت بسئل علي بارات تقوية لل فيات 131 هل العربيه ليها بارات ؟

أيوا ليها !!

ولو مش ليها !! في حركة جميلة اوي بتتعمل !!

هوا بيدور في البسترات بارز الي عنده !! و بياخد الطول بين المساعدين القدام !! و يشوف في حاجة عنده بنفس الطول ده ولا ؟؟
ولو مفيش ،، بيجيبلك حاجة أصلية ،، و يقص هوا الحطرفين بتوعها !! و يعملك طرفين عمولة على مقاس الفلانجات بتوع المساعد بتوعك !! علشان بتختلف طبعاً :)

[michohat]

حضرتك ممكن لو في حد عنده البارات دي ممكن حضرتك تدلنا عليه ولو له موقع ياريت اللنك
انا بقصد جميع البارات اللى ممكن تتركب علي الفيات منها البار اللى بين البطاحتين من فوق وهل ف من تحت برضه وكان فيه بعض الاسماء وجدتها لانواع بارات

strut bar
lower arm bar


fender bar

side lower bar

sway bar / anti-rollbar

[zonfuly]

كان بيدرفت فين في طوسن انا من هناك والاماكن عندنا زي الفل للحاجات دي كلها

[smsm_nabawy]

حضرتك ممكن لو في حد عنده البارات دي ممكن حضرتك تدلنا عليه ولو له موقع ياريت اللنك
انا بقصد جميع البارات اللى ممكن تتركب علي الفيات منها البار اللى بين البطاحتين من فوق وهل ف من تحت برضه وكان فيه بعض الاسماء وجدتها لانواع بارات

strut bar
lower arm bar


fender bar

side lower bar

sway bar / anti-rollbar

على فكرة أنا مطنشتكش ،، انا لسه مخلص أمتحانات النهارده والله و حقابله بكره أو بعده بالكثير و أسأله أن شاء الله

كان بيدرفت فين في طوسن انا من هناك والاماكن عندنا زي الفل للحاجات دي كلها

ناحية مرور طسن !!!
من وراا !!

بس لبس بقا و يستاهل !!

لن الحته هناك فعلاً متناسبش الجو ده !!

أنا آخر مرة نظلت دريفتات من سنة تقريباً هناك !! حولين عمارة القضاه !! الي ورا مرور طسن !! أحييييييه على ده شارع !! عايز اقولك وقفنا الدنيا ،، كانت الساعة 11 او 10 باليل ،، و بعد كده جينا تاني الساعة 3 و نصف و الناس كانت بتطلع من البلكونات تشتمنا والله !!

لن الشارع ماشاء الله واسع و فيه رملة و دخلة أكثر من شارع في بعض !!

بس ده كان مرة و مكملناش 15 دقيقة على بعض أو 10 دقايق بس الي اعرفه دلقويت أن حتى المنطقة دي بقت لا تصلح لكده :(

[zonfuly]

لا انا من مساكن الظباط وروحت هناك مرة انا وواحد تاني المنطقه كلها نزلت ووقفوا العربيات ونزلت ناس بالفانلات تتخانق وكانت ليله حلوة اوي بس الصراحه الشارع هناك كان روعه جدا بس احنا عندنا في مساكن الظباط اماكن فاضيه كتير بس الاسفلت مش ناعم بس اهالي المنطقه حافظين اماكن الحفر والحتت البايظه وبيعيشوا برضه انا تحت بيتي كل يوم انزل الاقي مكان خمسات في الباركن بس الصراحه صاحبك حرام يخش يتعلم كده يعني واللي يتعلم يتعلم علي سرعات واطيه ويعلي واحده واحده عشان ما يتأذيش

[smsm_nabawy]

هو اتغابا بيني و بينك !!

بس احنا مش بنغلب !!! :))) بنوجد أماكن و حياتك !! :)))

شوف ده

http://www.youtube.com/watch?v=RIyhELJehPE&feature=youtu.be

و ده

http://www.youtube.com/watch?v=hHQdJrbgeg4

http://www.youtube.com/watch?v=LDfIFMT2BTo&feature=relmfu

http://www.youtube.com/watch?v=bvc7GWeAbuM&feature=plcp


اتفرج و عيش بقا ،، ولو ليك في النزلات دي ،، قولي و لما نيجي ننزل أقولك نتسلى مع بعض :))

و الله الواحد بفرح أوووووووي لما يلاثي حد من الأسكندرية و بيحب الحاجات دي زيه !! :))))

نياهاهاهاههاااااااا =)))

[Amr Axel]

البارات يا باشا ممكن تبقي عمولة كويسة جدااا لكن بتعتمد ع الصنايعي لأنها محتاجة واحد ايديه تتلف في حرير و ليها مقاسات معينة بالملم و طبعا اهم حاجة الخامة

و اللي بيجيبوا الاطقم دي و نوعها الترا ريسينج عادل وجدي في الحرفيين و ارابكوم

و انا قايل المقاسات في الموضوع هنا بس مش فاكر في انهي صفحة

http://www.nilemotors.net/Nile/193151-a.html

[Amro_ON]

عندي سؤال مهم ... هل لو جبت ال strut bar
لوحده بس هحس بفرق ولا ملوش لازمه من غير المجموعه كلها

[smsm_nabawy]

لا حتحس بفرق الصراحة !!

[smsm_nabawy]

البارات يا باشا ممكن تبقي عمولة كويسة جدااا لكن بتعتمد ع الصنايعي لأنها محتاجة واحد ايديه تتلف في حرير و ليها مقاسات معينة بالملم و طبعا اهم حاجة الخامة

و اللي بيجيبوا الاطقم دي و نوعها الترا ريسينج عادل وجدي في الحرفيين و ارابكوم

و انا قايل المقاسات في الموضوع هنا بس مش فاكر في انهي صفحة

http://www.nilemotors.net/nile/193151-a.html

نوررررت !! :)))


انا قريت موضوعك قبل كده !! بصراحة زهلت !! موضوع جامد أوي و شرح واااافي واااااافي

[Amr Axel]

عندي سؤال مهم ... هل لو جبت ال strut bar
لوحده بس هحس بفرق ولا ملوش لازمه من غير المجموعه كلها

بص يا باشا كل بار من دول ليه وظيفة معينة عشان توصل للمطلوب لازم الطقم كله لأنها كلها حاجات بتكمل بعضها اللي يسند مع مطبات الهوا و اللي يسند في الملفات و المناورات و اللي يسند في الاراضي الغير متساوية و بالتالي هتاخد أفضل اداء و ثبات يمكن الوصول اليها بالاضافة ان البارات ديه في حالة لا قدر الله حادث بتدعم المنطقة الراكبة فيها بشكل كويس
و لو حسيت بفرق هيكون فرق بسيط مش المطلوب يعني و هيكون في منطقته الراكبة بس

و الموضوع ده هيوضحلك وظيفة كل بار فيهم و اماكن تركبيهم

http://www.nilemotors.net/Nile/193151-a.html

[Amr Axel]

نوررررت !! :)))


انا قريت موضوعك قبل كده !! بصراحة زهلت !! موضوع جامد أوي و شرح واااافي واااااافي

الله يخليك يا سمسم باشا ده نورك انت يا باشا :)