تأثير الديفيل

[_Ahmed_casper_]

السلام عليكم و رحمه الله
ناس بتقول ده جميل و بيفرق فى سحب العربيه و مش مضر و ناس بتقول دا بيهلك الموتور.
النهارده واحد صاحبى عند الميكانيكى بيقولو هركب ديفيل قالله لا اوعى تركبه و هيقللك عمر المكنه و هيتعبها . نفضنالو و روحنا لبتاع الشاكمانات نركبه قاللو خد بالك ده غلط برضه ... انا اصلا بثق فى كلامهم بس فى نفس الوقت اكيد مش الديفيل موجود فى السوق علشان يبوظ العربيات و عايز اعرف من الناس الخبره يفهمونى ايه اضراره بالظبط

[totaman]

نفس الكلام اللى اتقالى انه بيهلك الماتور

وكنت هركبه على عربيتى اللادا 2011 بس قلقت من الكلام ياريت حد فعلا يفيدنا

[Ahmod]

الناس اللى بتقول انه غلط ده طبعا فتي واي كلام في اي حتة !!

لان ده عادم خارج خلاص من الماتور !!

هو الديفل - علبة الشكمان - مجرد تغييرها هيعمل صوت بس مش هياثر على الاداء نهائيا لا بالسلب ولا بالايجاب

لو حضرتك عايز تحسن الاداء يبقى لازم تعدل نظام خروج العادم بالكامل - Exhaust System -

الموضوع ده هيفيدك

http://www.nilemotors.net/Nile/235931-a.html

[madaxman]

هيا كل الفكره ان الواحد من دول قصده انك طول مانتا مركب ديفيل هتقرص علي المكنه وتشد ع طول وكدا ف لما المكنه تجيب اخرها بع فتره قليله بيرجعو سبب كدا انه من الديفيل ولكن دا بيكون من القرص الجامد علي المكنه مش الديفيل والله اعلم

[_Ahmed_casper_]

يعنى العلبه لوحدها ملهاش تأثير على السحب؟
اصل انا مش عايز العب فى الهيدرز و المواسير و الكلام ده الحاجات دى كلها بتاعه بلادها و 2010 يعنى حرام اغير كل الكلام ده و كمان هصرف جامد علشان كده قلت اغير العلبه بس بعلبه نضيفه hks aw jasma

[lanos2004]

انته عاوز تركب ديفل وتصحى االشارع وتسخن العربيات عليك

[_Ahmed_casper_]

لا مش عايز اركب ديفيل علشان اصحى الناس و اسخن العربيه عليك

[lanos2004]

لا مش عايز اركب ديفيل علشان اصحى الناس و اسخن العربيه عليك

على فكرة انا ركبت ديفيل واثر بالسلب على السحب وموت العربيه
بس بيدلك احساس انك بتجرى بسبب الصوت

[madaxman]

على فكرة انا ركبت ديفيل واثر بالسلب على السحب وموت العربيه
بس بيدلك احساس انك بتجرى بسبب الصوت

يبقا حضرتك ركبت علبه اصغر من ال كانت عندك

[Ahmod]

يعنى العلبه لوحدها ملهاش تأثير على السحب؟
اصل انا مش عايز العب فى الهيدرز و المواسير و الكلام ده الحاجات دى كلها بتاعه بلادها و 2010 يعنى حرام اغير كل الكلام ده و كمان هصرف جامد علشان كده قلت اغير العلبه بس بعلبه نضيفه hks aw jasma

لا العلبة لوحدها مش هتاثر على السحب نهائيا

ياتغير النظام بالكامل ياما هتركب علبة تعملك صوت كويس وشكل كويس للعربية

لكن بدون زيادة في الاداء

[_Ahmed_casper_]

مممم يبقا كده ملهاش لازمه بقا

[abdullah_2050]

بمناسبة الديفل ............. في حد عنده معلومات عن العمة الديفل ...... ( عمة مش علبة ) بتركب مكان العمة اللي في العربية .............

طبعا الكلام دا في العربيات القديمة ... زي 127 ..

فيريت لو حد يقدر يفيدنا بالمميزات والعيوب ...... يبقى جزاه الله خيرا

[ahmedeihab]

الكلام ده غير مؤثر نهائيا على العربيه

بس لو اتركب بقطر اقل هيسخن العربيه

ولو بقطر اوسع كتييييير هيعمل باك بريشر على المكنه

خير الامور الوسط يعنى انت قطر مواسيرك مثلا 2 بوصه يبقى الشكمان كبيرك 2.5 بوصه

3 بوصه هتعمل باك بريشر على الموتور اللى هو الضغط العكسى على الموتور

اهم من كل ده

العلبه اللى انت تشتريها لازم تبقى اصلى

يعنى الصينى ام 200 جنيه دى ولا ليها اى لزمه لان الديفل مش صوت و خلاص

^_^

[smsm_nabawy]

علبة ديفيل = صوت فقط

و يمكن أن تأثر بالسلب على الموتور لو مش واخد بالك من قطر الدخول و الخروج بتاع العلبة و القطر الداخلي..ممكن تكتملك الموتور

لكنها للللللللن تحسن من أدائه!!

ألا بعديل عادم كامل!!

فقط صوت

[dr.hazem]

الكلام ده غير مؤثر نهائيا على العربيه

بس لو اتركب بقطر اقل هيسخن العربيه

ولو بقطر اوسع كتييييير هيعمل باك بريشر على المكنه

خير الامور الوسط يعنى انت قطر مواسيرك مثلا 2 بوصه يبقى الشكمان كبيرك 2.5 بوصه

3 بوصه هتعمل باك بريشر على الموتور اللى هو الضغط العكسى على الموتور

اهم من كل ده

العلبه اللى انت تشتريها لازم تبقى اصلى

يعنى الصينى ام 200 جنيه دى ولا ليها اى لزمه لان الديفل مش صوت و خلاص

^_^

القطر الواسع على العكس تماما بيقلل الباك بريشر على الماتور...
وهو اساسا مطلوب يكون في باك بريشر بشكل معين لو قل عنه (بتوسيع القطر) السحب بيتأثر ولو زاد عنه (بتضييق القطر) العربية هتتكتم وتسخن....
باكد تاني كل ما زاد القطر قل الضغط والعكس كلما قل القطر زاد الضغط....
تحياتي

Sent from my SE Arc S using Forum Runner