تأثير الديفيل

[M.Ayman]

السلام عليكم و رحمه الله
ناس بتقول ده جميل و بيفرق فى سحب العربيه و مش مضر و ناس بتقول دا بيهلك الموتور.
النهارده واحد صاحبى عند الميكانيكى بيقولو هركب ديفيل قالله لا اوعى تركبه و هيقللك عمر المكنه و هيتعبها . نفضنالو و روحنا لبتاع الشاكمانات نركبه قاللو خد بالك ده غلط برضه ... انا اصلا بثق فى كلامهم بس فى نفس الوقت اكيد مش الديفيل موجود فى السوق علشان يبوظ العربيات و عايز اعرف من الناس الخبره يفهمونى ايه اضراره بالظبط

مش غلط ،،، غير لو انت ركبت حجم غلط ،،،، ببساطه ال muffler او الديفل ده علبه بتخرج منها عادم العربيه و ليها حجم ،،، ممكن تركب علبه صغيره عنها تكتم الموتور و تعلي الحراره و ممكن تركب علبه كبييره قوي تقلل العزم شويه ده غير طبعا انك هتعمل شوية لحامات علشان تخلي العلبه تركب علي حجم مواسير العادم بتاعت العربيه و في رأيي لو عايز تركب علبه يبقي تجيبها حجم مناسب لموتور عربيتك ،،،، و هتحسن الاداء بس بشكل مش ملحوظ و بالعكس هتريح الموتور ،،،، اللي بيبوظ المواتير بقي ده ال backfire و ده حوار تاني بقي ملكش دعوه بيه خالص و ياريت تبعد عنه ،،،،،،،،، و لو عايز اداء بقي يبقي تعمل exhaust system كامل بقي (muffler , header , downpipe ) و ده عباره عن بديل عن فرن العربيه بهيدر رياضي و تعديل لمواسير العادم باكبر شويه -طبعا لازم يبقي حد فاهم زياده قد ايه بالظبط علشان السحب ميضعش خالص بدل ما يزيد - و اخير الديفل المناسب ،،،، ده بيزيد اداء العربيه حوالي 10% عن ادائها القديم

[M.Ayman]

القطر الواسع على العكس تماما بيقلل الباك بريشر على الماتور...
وهو اساسا مطلوب يكون في باك بريشر بشكل معين لو قل عنه (بتوسيع القطر) السحب بيتأثر ولو زاد عنه (بتضييق القطر) العربية هتتكتم وتسخن....
باكد تاني كل ما زاد القطر قل الضغط والعكس كلما قل القطر زاد الضغط....
تحياتي

Sent from my SE Arc S using Forum Runner

كلامك مظبوط القطر الواسع بيقلل ال back pressure و ده طبعا بيضيع العزم و القط الصغير بيزود ال back pressure و ده بيخنق الموتور و يزود درجة حرارته

[steelvoice]

انا مركب ديفيل thunder " high performance Evolution بقالو سنه ومعملش اى مشاكل فى العربيه ولا فى الموتور
و بالعكس الحراره قلت لما ركبته
اهم حاجة تركب ديفيل اصلى مش صينى
وتركبه عند حد فاهم مش اى حد وخلاص

[sno7y]

معلومات حلوه جدا

[smsm_nabawy]

احسسن حاجة أن من أول مركبت العلبة الي عندي.. لما باجي أمشي بيها و العربية لسه بدري.. صباااااح التقطيع الي بيتعمله العلبة و الصوت رووووعة!!

تسخن .. التقطيع بيقل...

و لما بشد شوف أحلى باكات من ورا!! :)))

بس بردو الغرض واحد .. هو الصوت .. مفيش أي أداء على العربية بالسلب او ألأيجاب!! :

[BODAAA]

madaxman
الباك فير دة جيبو منين و بكام لوسمحت