جنط 16 ؟؟؟

[Mohsabrys]

الموضوع مش محتاج كل دة

mmamdouh

ازاي الموضوع مش محتاج كل ده ؟؟؟
ياريت تفهمني ليه مش محتاج ؟؟؟؟

[sha2e]

انا شايف ان كلام الاساذ محمد ممدوح سليم لانك بالابعاد الل قالك عليها القطر الخارجى للعجله ( الجنط + الكفرات ) هبقى هوا نفسه القطر الجارجى للعجل اللى راكب عندك دلؤتى لو التزمت بالمقاسات دى

الاختلاف الوحيد الى هيكون موجود هوا ثقل الجنط عشان كده حاول تجيبه مش تقيل ويكون وزنه قريب من وزن الحديد اللى راكب عندك دلؤتى بس حاول ميكونش صينى

[mando_07]

الموضوع مش محتاج كل دة

MMamdouh

والله يا باشا أنا متأكد أنك عندك دراية بالحاجات دى عنى لكن دى عربية نازلة بعجل 13 يعني أقل حاجة أنه هيركب صدادات والحاجات التانية د ممكن تكون مش fatal في الجنوط لكن هي كدة كدة هتفيده في ثبات العربية وأنا مستني ردك للافادة وشكراً لمرورك

[mando_07]

ازاي الموضوع مش محتاج كل ده ؟؟؟
ياريت تفهمني ليه مش محتاج ؟؟؟؟

استنى ومتشتريش حاجة من اللي أنا قولتهالك الى لما mmamdouh يرد عشان الرجل ده أصلاً professional ويعرف كتير أوي في الحاجات دي

[mando_07]

والله يا ماندو عندك حق كل واحد بيموت في عربيته بس اصله المبلغ المدفوع مش قليل و 16 كبير علي الافيو في رايي

أنا معاك أن المبلغ مش هيبقى صغير لكن هما هيرحوا فين ماهو في عربيته ده أنا مرة شفت عربية 128 في on the run مصروف عليها أكتر من تمنها أنا مش متخيل هو ازاي جالو قلب يعمل فيها كدة ده أنا معرفتش أنها 128 ألا وهو بيتكلم مع واحد صاحبه وبيقوله بس أتكلفت كتير حبتين 30 ألف جنيه!!!!!

[mando_07]

انا شايف ان كلام الاساذ محمد ممدوح سليم لانك بالابعاد الل قالك عليها القطر الخارجى للعجله ( الجنط + الكفرات ) هبقى هوا نفسه القطر الجارجى للعجل اللى راكب عندك دلؤتى لو التزمت بالمقاسات دى

الاختلاف الوحيد الى هيكون موجود هوا ثقل الجنط عشان كده حاول تجيبه مش تقيل ويكون وزنه قريب من وزن الحديد اللى راكب عندك دلؤتى بس حاول ميكونش صينى

من كلام الرجل هو عايز يجيب طقم جنوط محترم ازاي بقى هيبقى نفس وزن الاصلي ال-13

[sha2e]

الجنط الاصلى الفراغات اللى فيها بتكون قليله وبتكون الخامه بتعته من الحديد علشان كده بيكون ثقيل الوزن
لكن الجنط الرياضي بتكون الفراغات فيه كبيره وبيتكون من خامات قوية ومتينه فى نفس الوقت علشان كده بيكون أخف فى الوزن واغلى فى السعر

تحياتى

[Mohsabrys]

ستني ردك يا استاذ محمد ممدوح ويارييت تفهمني القصه دي عشان انا سمعت كلاام كتير ةتقولي اعمل ايه بالزبط ...... وشكرا مفدما

[Mohsabrys]

المقاس الاصح هو 205/40/16

mmamdouh

مستني يا باشمهندس محمد تقولي اعمل ايه بالزبط ....

[Mohsabrys]

??????????

[Hosam_Optrawy]

انا اللى اعرفه ان الافيو بتنزل بجنوط 14

ومقاس الكاوتش 185/60

فانا رأيى تجيبب جنوط 15

وكاوتش 195/50

بلاش تزود عن كدا

وال 15 مناسب جدا وصدقنى هيفرق معاك جدا وهيحسن الثبات

انما 16 ملوش لازمه

انما معايا اوبترا ولما اجيب جنوط مش هازود عن 15

[Mohsabrys]

16 مالوش لازمه ليه ؟؟

[Hosam_Optrawy]

16 مالوش لازمه ليه ؟؟

هاقولك ملوش لازمه ليه

لانك كل ماتكبر الجنط

لازم تقلل سمك الكاوتش

عشان يبقى فى النهاية القطر هو هو ويديك نفس الارتفاع ونفس قراية العداد

فلو عايز جنوط 16

الكاوتش هيبقى 205 ( العرض ) / 40 ( سمك الكاوتش )

والسمك ده هو اللى بيمتص الصدمات والمطبات

فكل ما تقلله قدرة امتصاصه للصدمات والمطبات هاتقل

وبالتالى هيأثر على العفشه

فبلاش 16

ولو عايز تعرض ممكن تعرض بالجنوط ال 15 مش لازم 16

ممكن تجيب مقاس الكاوتش 205 / 50 ( وده هيعلى العربيه 8.5 مللى يعنى حوالى 1 سم )

وممكن تجيب مقاس كاوتش 205 / 45 ( وده هيوطى العربيه 1.2 سم )

والاتنين هيدوك قراية عداد مختلفه عن الأصلى

فزى ما قولتلك خليك فى ال 15 أفضل

195 / 50

[MMamdouh]

ازاي الموضوع مش محتاج كل ده ؟؟؟
ياريت تفهمني ليه مش محتاج ؟؟؟؟

حسب ما افتكر انى شوفت فى كتالوج الافيو انها بتنزل ب جنط 15 مع كاوتش 185/55/15
بالتالى من الطبيعى ان يركبلها جنط 15

الفرق بين ال15 و ال16 مش كبير... و على اللانوس بيركب الجنط ال 15 عادى جدا و بالتالى ال16 مش صعب تركيبة ولا حاجة

لو جبت جنط بoffset صح و ركبت علية كاوتش بمقاس مناسب مش حيبقى عنك مشاكل فى الحك مع الرفارف... على العكس من الحل اللى انت اقترحتة بتركيب سوست رياضية و دى حتقلل ارتفاع العربية و تقرب الرفرف اكتر للكاوتش

و انا مشمعتش عن حوار الصدادات دة ولا اعرف ايه لزمة... و كان ليا واحد صاحبى حاطت 16 فى عربيتة اللانوس و حاليا ايهاب بوب حاطت 16 فى الجوليت بتاعتة و محدش فيهم مركب صدادات... حتى ايهاب لما ركب السوست الابكس محتاجش صدادات ولا غير مساعدين

اذا تركيب جنط 16 مش محتاج تغيير العفشة بالكامل... صحيح التعديلات اللى قولتها كويسة و مفيدة و حتغير من اداء العربية لكن هى مش ضرورى لما تركب جنط 16

MMamdouh

[MMamdouh]

والله يا باشا أنا متأكد أنك عندك دراية بالحاجات دى عنى لكن دى عربية نازلة بعجل 13 يعني أقل حاجة أنه هيركب صدادات والحاجات التانية د ممكن تكون مش fatal في الجنوط لكن هي كدة كدة هتفيده في ثبات العربية وأنا مستني ردك للافادة وشكراً لمرورك

العربية بتنزل بجنط 13 فى السعودية و 14 فى مصر و كتالوجها بيقول انها بتنزل بجنط 15 كمان بس معرفش فى اى بلد

اذا النقلة من 15 الى 16 مش قصة... وانا عندى صور للافيو بجنوط 17 لو تحب تشوفها

MMamdouh