موتور العربيات الانجكشن

[hobby10]

انا ياجماعة عربتى لوجان كاملة 2009 .... العربية بدأت على 3500 كيلو كده يبقى فى هزة فى جسم العربية على السلانسيه ده بالاضافة لهزة الفتيس اللى انا شايفة انها زايدة عندى شوية عن ما باقى زمايلنا ملاك العربية ما بيوصفو

فى صيانة ال 5000 قولت للمهندس عليها وانى متهيقلى ان الموتور عاوز يعلى فكان رده الاتى :
العربيات الانجكشن مينفعش انى اعلى او اوطى الموتور بتاعها ... لان الكمبيوتر بتاع العربية هو اللى بيظبطها اوتماتيك ؟؟؟؟؟؟؟ .... انا بصراحة مش مقتنعة بالقصة دى

وعموما انا اللى حاسة انه مسبب الهزة دى هو ... اما بوجيهات او اسلاك البوجيهات او ان الموتور عاوز يعلى شوية ككهربة يعنى .... وفى صيانة ال 5000 برضه اكتشفوا ان عندى بوجيه اسود ... وقاللولى انهم غيروه ... الله اعلم هم غيروه فعلا ولا لأ .... السؤال بقى ايه اللى يخلى البوجيه الفابريكة كمان يسود على ال 5000 بالرغم انه المفروض يتغير على ال 20000 ... وكمان حتى لو غيروا البوجيه مش ده المهم الاهم ايه السبب وهل حلو السبب ده ولا لأ ؟؟؟؟؟؟ .... كل الاسئلة دى للأسف انا مش عارفة اجابتها .......... كمان انا عاوزة اعرف حل الهزتين دول ايه لان بالذات هزة جسم العربية دى مضيقانى ........ اسفة على الاطالة .... شكرا

[Ignition-Kid]

انا ياجماعة عربتى لوجان كاملة 2009 .... العربية بدأت على 3500 كيلو كده يبقى فى هزة فى جسم العربية على السلانسيه ده بالاضافة لهزة الفتيس اللى انا شايفة انها زايدة عندى شوية عن ما باقى زمايلنا ملاك العربية ما بيوصفو

فى صيانة ال 5000 قولت للمهندس عليها وانى متهيقلى ان الموتور عاوز يعلى فكان رده الاتى :
العربيات الانجكشن مينفعش انى اعلى او اوطى الموتور بتاعها ... لان الكمبيوتر بتاع العربية هو اللى بيظبطها اوتماتيك ؟؟؟؟؟؟؟ .... انا بصراحة مش مقتنعة بالقصة دى

وعموما انا اللى حاسة انه مسبب الهزة دى هو ... اما بوجيهات او اسلاك البوجيهات او ان الموتور عاوز يعلى شوية ككهربة يعنى .... وفى صيانة ال 5000 برضه اكتشفوا ان عندى بوجيه اسود ... وقاللولى انهم غيروه ... الله اعلم هم غيروه فعلا ولا لأ .... السؤال بقى ايه اللى يخلى البوجيه الفابريكة كمان يسود على ال 5000 بالرغم انه المفروض يتغير على ال 20000 ... وكمان حتى لو غيروا البوجيه مش ده المهم الاهم ايه السبب وهل حلو السبب ده ولا لأ ؟؟؟؟؟؟ .... كل الاسئلة دى للأسف انا مش عارفة اجابتها .......... كمان انا عاوزة اعرف حل الهزتين دول ايه لان بالذات هزة جسم العربية دى مضيقانى ........ اسفة على الاطالة .... شكرا

شوفى حضرتك انا هارد على الجزء اللى انا متأكد منه,

العربيات ال Electronic Fuel injection الجديده فعلا الكهربا ماينفعش يتلعب فيها خالص لأن فيه ECU ( Engine Control unit ) او الكمبيزتر بتاع العربيه هو اللى بيتحكم فى كل حاجه ( غير القديم اللى كان فى اسبراتير والكلام ده ) يعنى كلام مهندس التوكيل صح فااستبعدى موضوع تعديلات الكهربا دى خالص.

بالنسبه لموضوع البوجيهات فالتجربه خير دليل, جربى كده تمشى بالعربيه فتره, ممكن يكون البوجيه كان فيه حاجه فـ مش بيشتغل صح ( يعنى مش بيشعل مخلوط الهواء والبنزين بدرجه كافيه فـ بيتكون عليه ترسبات كربونيه هى اللى بتتدى اللون الاسود ده ) .

الموقع ده كويس قوى حاولى تبصى فيه

Spark Plug Diagnosis

[reamoz]

ممكن يكون سلك البوجيه ده فاصل أو توصيله مش كويس فبيخليه يقطع وميشتغلش بإنتظام وفي الحالة دي البستم ده بيكون شبه معطل كأن العربية شغاله بـ3 بساتم بس وعلشان كدة البنزين مش بيتحرق في السلندر ده وعلشان كدة العربية بتترج على السلانسيه
للتأكد إنزعي سلك البوجيه اللي كانو قالولك إنهم لاقوه مسود وهي العربية دايرة لو ماحسيتيش بفرق يبقى فعلا البوجيه ده مش شغال وهما بقه يشوفو العيب من السلك ولا من ايه ويصلحوه
ولو مش عارفه أنهي بوجيه جربي سلك سلك كل واحد تفكيه هتلاقي العربية بقت تترج أكتر ركبيه تاني وفكي اللي بعده لحد ماتوصلي للبوجيه المذكور

[SAMEH_FOUAD]

مش شرط تكون بوجيهات على فكرة
ممكن يكون حاجة عندك مسدودة سواء فى حساس الايدل او حساس الmap لما بيتسدوا بيعملوا كدة وممكن تنظفيهم وحاولى بعد كدة تبقى تنظفى فلتر الهواء باستمرار وتواظبى على تغير فلتر البنزين فى مواعيدة
وتمونى من بنزينة موثوق منها اهم حاجة وتمونى 92 مش اقل من كدة
لان لو فية بوجية قاطع هتلاقى العربية متلتة وبدور بالعافية ,وصوتها عالى ,ومافيش سحب ,وبتنتش ,كل دية عيوب العربية لما بتكون متلتة او شغالة على ثلاثة بوجيهات فقط بدل من اربعة
وفعلا مافيش كهرباء بتتظبط لان الاسبراتير اللى موجود اليكترونى بيتظبط تلقائيا حسب اشارات وحدة الecu
اللى ممكن بس يحصل ان حضرتك تعلى كمية الهواء اللى داخلة للماتور ودة عن طريق حاجة اسمها مسمار الفاكيوم ودة بيبقى موجود تحت البوابة فى اغلب السيارات معرفش هيبقى عندك فين ودة لما بيعلى مافيش منة مشكلة بس دة اخر حاجة تعمليها بعد تنظيف الحساسات

[samirayad]

ممكن يكون سلك البوجيه ده فاصل أو توصيله مش كويس فبيخليه يقطع وميشتغلش بإنتظام وفي الحالة دي البستم ده بيكون شبه معطل كأن العربية شغاله بـ3 بساتم بس وعلشان كدة البنزين مش بيتحرق في السلندر ده وعلشان كدة العربية بتترج على السلانسيه
للتأكد إنزعي سلك البوجيه اللي كانو قالولك إنهم لاقوه مسود وهي العربية دايرة لو ماحسيتيش بفرق يبقى فعلا البوجيه ده مش شغال وهما بقه يشوفو العيب من السلك ولا من ايه ويصلحوه
ولو مش عارفه أنهي بوجيه جربي سلك سلك كل واحد تفكيه هتلاقي العربية بقت تترج أكتر ركبيه تاني وفكي اللي بعده لحد ماتوصلي للبوجيه المذكور

+1

[hobby10]

مش شرط تكون بوجيهات على فكرة
ممكن يكون حاجة عندك مسدودة سواء فى حساس الايدل او حساس الmap لما بيتسدوا بيعملوا كدة وممكن تنظفيهم وحاولى بعد كدة تبقى تنظفى فلتر الهواء باستمرار وتواظبى على تغير فلتر البنزين فى مواعيدة
وتمونى من بنزينة موثوق منها اهم حاجة وتمونى 92 مش اقل من كدة
لان لو فية بوجية قاطع هتلاقى العربية متلتة وبدور بالعافية ,وصوتها عالى ,ومافيش سحب ,وبتنتش ,كل دية عيوب العربية لما بتكون متلتة او شغالة على ثلاثة بوجيهات فقط بدل من اربعة
وفعلا مافيش كهرباء بتتظبط لان الاسبراتير اللى موجود اليكترونى بيتظبط تلقائيا حسب اشارات وحدة الecu
اللى ممكن بس يحصل ان حضرتك تعلى كمية الهواء اللى داخلة للماتور ودة عن طريق حاجة اسمها مسمار الفاكيوم ودة بيبقى موجود تحت البوابة فى اغلب السيارات معرفش هيبقى عندك فين ودة لما بيعلى مافيش منة مشكلة بس دة اخر حاجة تعمليها بعد تنظيف الحساسات

شكرا بجد ياجماعة على اهتمامكم وردودكم .... انا حجرب ان شاء الله موضوع انى اشيل بوجيه بوجيه واجرب ... بس هو الحقيقة انا مش بشتكى الا من موضوع الرجة دى لكن مفيش اى حاجة من (صعوبة فى الدوران او نتشة او قلة السحب ...) ؟!! ..... وبالنسبة للبنزين ففعلا بحط 92 من بنزينة كويسة

متشكرة جدا على تأكيد معلومة ان الكهربة بتتظبط اوتوماتيك فى العربيات الانجكشن

المهم انا عندى نقطتين ..
- ايه السبب اللى خلى البوجيه يسود ... وهل هم اكيد حيكونوا عالجوا السبب اللى خلاه يحصله كده ولا لأ ؟؟

- انا دلوقتى علشان اعمل اي حاجة فى العربية اللى حيعملها التوكيل وانا طبعا لسه فى الضمان ... انا بقلهم على المشكلة لكن اللى بيحصل انهم بيقولوا ده طبيعى ومبيحلوهاش ... ايه بقى اللى قوله ليهم علشان اخليهم يحلوا المشكلة دى ؟؟؟ .... اعملهم بنفسى يعنى تجربة البوجيهات دى لو عملتها وطلعت هى فعلا السبب ولا اتصرف معاهم ازاى ؟؟؟ .....
هى بالمناسبة الرجة اللى فى جسم العربية دى لو فى عربية قديمة حتبقى طبيعية لكن انا بتكلم انها مفتكرش انها طبيعية فى عربية زيرو

شكرااااااااا

[samirayad]

وفى صيانة ال 5000 برضه اكتشفوا ان عندى بوجيه اسود ... وقاللولى انهم غيروه ... الله اعلم هم غيروه فعلا ولا لأ

ممكن يكونوا غيروه وممكن لا
المهم
تطلبى منهم يغيروا البوجيهات
وتتابعى لون البوجيه ده
لأن ممكن كمان يكون فيه مشكله فى رشاش الغرفه دى
الرشاش ده بالذات بيسيل وبالتالى البوجيه بيهبب أو بيسود
وده أحتمال وارد برضه
لو كانوا بالفعل غيروا البوجيه ده المره اللى فاتت فى صيانة ال 5000

وأنا شاكك فى النقطه دى برضه

[hobby10]

ممكن يكونوا غيروه وممكن لا
المهم
تطلبى منهم يغيروا البوجيهات
وتتابعى لون البوجيه ده
لأن ممكن كمان يكون فيه مشكله فى رشاش الغرفه دى
الرشاش ده بالذات بيسيل وبالتالى البوجيه بيهبب أو بيسود
وده أحتمال وارد برضه
لو كانوا بالفعل غيروا البوجيه ده المره اللى فاتت فى صيانة ال 5000

وأنا شاكك فى النقطه دى برضه

انا تقريبا كده حضطر اروح للميكانيكى يشوف البوجيهات ولو حصل ولاقينا واحد بايظ ... يبقى كده وضحت ويبقى هم فى التوكيل بيستظرفوا ... عموما ربنا يعمل اللى فيه الخير وشكرا لاهتمام حضرتك

[SAMEH_FOUAD]

اعتقد لو هيبقى فى مشكلة فى الرشاشات العربية مش هتبقى طبيعة خالص وهيبقى فية مشكلة فى الدوارة مع ملاحظة وجود بنزين على الرشاشات لو بتسيل
لو انتى بس بتحسى برعشة على السلانسية واول لما بتدوسى بنزين او بتتحركى بالعربية كل حاجة بتروح يبقى حضرتك بس محتاجة تعلية نسبة الهواء اللى داخل للماتور عشان يظبط معاكى سلانسية العربية ودة هما بيظبطوة عن طريق مسمار الفاكيوم ,او بيقوم بتعلية الاربى ام بتاع العربية سنة صغيرة ,فى حالة التاكد من نظافة الحساسات ,وخصوصا حساس الmap والايدل وان شاء الله مافيهاش غير كدة
وبالنسبة للبوجية اللى طالع اسود دة بيكون نتيجة عدم الاحتراق الكامل للبنزين فبيؤدى الى وجود ترسيبات على سن البوجية ,يعنى بردة تتاكدى ان البوجيهات دية بتعمل بكفاءة كويسة او ممكن ودة احتمال
ان يكون نوع البوجيهات مش نظيفة او راكبة وهية واخدة رطوبة فامكملتش 5000 كيلو ودة امر طبيعى

[samirayad]

اعتقد لو هيبقى فى مشكلة فى الرشاشات العربية مش هتبقى طبيعة خالص وهيبقى فية مشكلة فى الدوارة مع ملاحظة وجود بنزين على الرشاشات لو بتسيل

أنا بأقول رشاش
وليس رشاشات

فيه فرق بين المفرد والجمع

[SAMEH_FOUAD]

ولا يهمك ياباشا
واكيد طبعا احنا بنتعلم من حضرتك وانا ماختش بالى ان حضرتك بتتكلم على رشاش معين

[samirayad]

ياباشا
الله يخليك
ومش القصد والله
وأنت البركه
وأنا شايفك عامل كل واجب مع الأخوه
بس حبيت أنوه
أن الرشاش لما يسيل
عادى جدا أنه يهبب البوجيه

طيب ليه الكلام ده بيحصل

كمية البنزين اللى نازله من الرشاش ( لأنه بايظ )
بتبقى كتير ومش مزرره ( فى صورة زرات دقيقه )
هنا بأه ....البنزين الزياده بيجى على البوجيه ويخليه يهبب
وفيه حريق موجود برضه جوه نفس الغرفه

أنت عارف اللمبه السهارى بتاعة زمان ( اللمبه بتاعة الجاز )

ليه كانوا بيقولوا
وطى اللمبه شويه علشان الأزازه متهببش

علشان نفس الفكره

شريط اللمبه لما بيبقى طويل لفوق المكنه بتاعة سحب الشريط
بيبقى واخد جاز كتير
ولكن الهواء جوه الأزازه بسيط
ده بيخللى اللمبه الأزاز تهبب

نفس الفكره مع فارق التشبيه

[hobby10]

اعتقد لو هيبقى فى مشكلة فى الرشاشات العربية مش هتبقى طبيعة خالص وهيبقى فية مشكلة فى الدوارة مع ملاحظة وجود بنزين على الرشاشات لو بتسيل
لو انتى بس بتحسى برعشة على السلانسية واول لما بتدوسى بنزين او بتتحركى بالعربية كل حاجة بتروح يبقى حضرتك بس محتاجة تعلية نسبة الهواء اللى داخل للماتور عشان يظبط معاكى سلانسية العربية ودة هما بيظبطوة عن طريق مسمار الفاكيوم ,او بيقوم بتعلية الاربى ام بتاع العربية سنة صغيرة ,فى حالة التاكد من نظافة الحساسات ,وخصوصا حساس الmap والايدل وان شاء الله مافيهاش غير كدة
وبالنسبة للبوجية اللى طالع اسود دة بيكون نتيجة عدم الاحتراق الكامل للبنزين فبيؤدى الى وجود ترسيبات على سن البوجية ,يعنى بردة تتاكدى ان البوجيهات دية بتعمل بكفاءة كويسة او ممكن ودة احتمال
ان يكون نوع البوجيهات مش نظيفة او راكبة وهية واخدة رطوبة فامكملتش 5000 كيلو ودة امر طبيعى

شكرا جدا ياجماعة على المعلومات القيمة والاهتمام من الجميع ....

اللى فهمته انى محتاجة اتأكد من الاتى وبالترتيب :

1- التاكد من نظافة الحساسات ,وخصوصا حساس الmap والايدل
2- تعلية نسبة الهواء اللى داخل للماتور عشان يظبط معاكى سلانسية العربية ودة هما بيظبطوة عن طريق مسمار الفاكيوم ,او بيقوم بتعلية الاربى ام بتاع العربية سنة صغيرة (مع العلم ان العربية بتبقى على السلانسيه ال rpm على 0.6 تقريبا)
3 - البوجيهات بتعمل بكفاءة كويسة (وده حتأكد منه فى جميع الاحوال)

تمااااااام كده ولا فى حاجة نقصانى ؟؟؟

[SAMEH_FOUAD]

(مع العلم ان العربية بتبقى على السلانسيه ال rpm على 0.6 تقريبا)


المفروض ان الاربى ام يكون على 850 لفة او 900 لفة بالكتير اقل من كدة الماتور هايكون مش مظبوط فى السلانسية وهتحسى برعشة

[SAMEH_FOUAD]

ياباشا
الله يخليك
ومش القصد والله
وأنت البركه
وأنا شايفك عامل كل واجب مع الأخوه
بس حبيت أنوه
أن الرشاش لما يسيل
عادى جدا أنه يهبب البوجيه

طيب ليه الكلام ده بيحصل

كمية البنزين اللى نازله من الرشاش ( لأنه بايظ )
بتبقى كتير ومش مزرره ( فى صورة زرات دقيقه )
هنا بأه ....البنزين الزياده بيجى على البوجيه ويخليه يهبب
وفيه حريق موجود برضه جوه نفس الغرفه

أنت عارف اللمبه السهارى بتاعة زمان ( اللمبه بتاعة الجاز )

ليه كانوا بيقولوا
وطى اللمبه شويه علشان الأزازه متهببش

علشان نفس الفكره

شريط اللمبه لما بيبقى طويل لفوق المكنه بتاعة سحب الشريط
بيبقى واخد جاز كتير
ولكن الهواء جوه الأزازه بسيط
ده بيخللى اللمبه الأزاز تهبب

نفس الفكره مع فارق التشبيه

دايما تشبيهاتك جامدة