مشكله بعد عمل عمره للموتور

[SHNORY]

السلام عليكم ورحمه الله وبركاته
من فتره العربيه كانت بتجيب زيت علي الميه وبتطلع دخنه خفيفه من الفايظ اللي قدام
فقولت اعمل عمره موتور
الميكانيكي فك الموتور وعمل نص عمره وغيرلي صبابين كانو مكسورين وكله تمام
بدات امشي بالعربيه
لقيت ان لمبه الزيت بتنور لما العربيه تسخن وتطفي لما ادوس بنزين
وكل ما العربيه تسخن تحتاج اني ادوس بنزين اكتر علشان تطفي لحد ما وصلت اني كنت ماشي 90 واللمبه منوره
روحت للميكانيكي
غير ساعه الزيت كذا مره وطرمبه الزيت ونفس العيب
كلمت محمد بيك ممددوح ربنا يخليه قالي دا الكرنك
قولت للميكانيكي قالي لا ملهاش دعوه بالكرنك
المهم سيبتله العربيه وعمل كونصولتو دكاتره عليه
لحد ما اجتمعوا علي انه الكرنك
خرط الكرنك 020 وعمله سبيكه وكله تمام
طلعت اجرب لقيت اللمبه بتاعه الزيت مش بتنور غير لما الحراره توصل 90 وتقعد ترعش
بس لما ادوس شعره بنزين اللمبه تطفي
روحت عملتله فيلم كبير ودخلت ناس تحكم
قالوا خلاص احنا نغير نص موتور
راح جاب نص موتور واخدت العربيه
ماشي بيها تمام وزي الفل
وفجئه لقين ان لمبه الزيت برضه بترعش لما العربيه تسخن
بس بتطفي لما ادوس بنزين
ومش عارف العيب من ايه
ومازال العيب موجود
علما باني
غيرت زيت وفلتر 4 مرات وكل مره نوع غير التاني (مصر للبترول -شل -امارات )
غيرنا حوالي 10 ساعات زيت
3 طرمبات زيت
وطبعا كل دول اتغيراو قبل ما اركب النص الجديد
غير كده حاسس ان عزم العربيه ضعيف والسحب تعبان
العربيه بتجيب 80 بالعافيه
وانا لسه مظبطتش تاكيهات ومشيت 900 كيلوا بس تليين
فارجوا الافاده من الخبراء

[thedeveloper87]

أكيد كلفتك كتير....
قدر الله وماشاء فعل...
كان الأفضل إنك تجيب موتور استيراد افضل من العمرة...
يللا الحمدلله...

[ahmedsamir79]

لا حول ولا قوه إلا بالله
انا مش عاوز افتي: بس بيتهيئ لي ده عيب طرمبة زيت

[mrsailor]

السلام عليكم ورحمه الله وبركاته
من فتره العربيه كانت بتجيب زيت علي الميه وبتطلع دخنه خفيفه من الفايظ اللي قدام
فقولت اعمل عمره موتور
الميكانيكي فك الموتور وعمل نص عمره وغيرلي صبابين كانو مكسورين وكله تمام
بدات امشي بالعربيه
لقيت ان لمبه الزيت بتنور لما العربيه تسخن وتطفي لما ادوس بنزين
وكل ما العربيه تسخن تحتاج اني ادوس بنزين اكتر علشان تطفي لحد ما وصلت اني كنت ماشي 90 واللمبه منوره
روحت للميكانيكي
غير ساعه الزيت كذا مره وطرمبه الزيت ونفس العيب
كلمت محمد بيك ممددوح ربنا يخليه قالي دا الكرنك
قولت للميكانيكي قالي لا ملهاش دعوه بالكرنك
المهم سيبتله العربيه وعمل كونصولتو دكاتره عليه
لحد ما اجتمعوا علي انه الكرنك
خرط الكرنك 020 وعمله سبيكه وكله تمام
طلعت اجرب لقيت اللمبه بتاعه الزيت مش بتنور غير لما الحراره توصل 90 وتقعد ترعش
بس لما ادوس شعره بنزين اللمبه تطفي
روحت عملتله فيلم كبير ودخلت ناس تحكم
قالوا خلاص احنا نغير نص موتور
راح جاب نص موتور واخدت العربيه
ماشي بيها تمام وزي الفل
وفجئه لقين ان لمبه الزيت برضه بترعش لما العربيه تسخن
بس بتطفي لما ادوس بنزين
ومش عارف العيب من ايه
ومازال العيب موجود
علما باني
غيرت زيت وفلتر 4 مرات وكل مره نوع غير التاني (مصر للبترول -شل -امارات )
غيرنا حوالي 10 ساعات زيت
3 طرمبات زيت
وطبعا كل دول اتغيراو قبل ما اركب النص الجديد
غير كده حاسس ان عزم العربيه ضعيف والسحب تعبان
العربيه بتجيب 80 بالعافيه
وانا لسه مظبطتش تاكيهات ومشيت 900 كيلوا بس تليين
فارجوا الافاده من الخبراء

بعد مساء الخير .. فى ميكانيكى كويس فى الاسكندرية تروحله و هو حايقولك فيها ايه .. اول شارع الليجاتيه من عند نقطة الابراهيمية بعد ما تعدى السبكى الجزار .. حتلاقى شارع فرعى صغير على اليسار موازى لشارع الاجيتيه و عليه يافطة ممنوع الدخول .. تدخل الشارع ده و تسأل على ورشة وائل طه .. ولد محترم و حايظبتها لك ... و ابقى طمنا

[SHNORY]

أكيد كلفتك كتير....
قدر الله وماشاء فعل...
كان الأفضل إنك تجيب موتور استيراد افضل من العمرة...
يللا الحمدلله...

هي كلفتني 950 جنيه اللي هو نص العمره اللي اتعمل اول مره قبل ظهور العيب
ورفضت ادفع اي حاجه تانيه غير لما العيب يتصلح
لانها غلطه من الميكانيكي مش مني انا
يصلح غلطته واخد عربيتي زي الفل وبعدها نتحاسب
وبعد ما غير النص التحتاني بتاع الموتور العيب متصلحش يبقي دي غلطته وانا مش ملزم اني ادفعله حاجه
لاني مش ححاسب علي غلطات غيري
وبالنسبه للموتور الاستيراد انا قولت اجدد موتوري لاني ممكن اجيب واحد استيراد ولازم يتعمله شنبر برضه

لا حول ولا قوه إلا بالله
انا مش عاوز افتي: بس بيتهيئ لي ده عيب طرمبة زيت

3 طرمبات زيت متغيرين يا باشا
وانا طرمبتي كانت شغاله زي الفل قبل العمره وعمرها ما عملت حاجه معايا

بعد مساء الخير .. فى ميكانيكى كويس فى الاسكندرية تروحله و هو حايقولك فيها ايه .. اول شارع الليجاتيه من عند نقطة الابراهيمية بعد ما تعدى السبكى الجزار .. حتلاقى شارع فرعى صغير على اليسار موازى لشارع الاجيتيه و عليه يافطة ممنوع الدخول .. تدخل الشارع ده و تسأل على ورشة وائل طه .. ولد محترم و حايظبتها لك ... و ابقى طمنا

اللي مخليني مش عاوز اروح لحد تاني علي الاقل دلوقتي
ان الميكانيكي الجديد حيبدا من الاول ويعملي فيها فتح ونصب
ويصلح غلطه غيره علي حسابي وانا ادفع زي الباشا
انا معا التاني للاخر
لحد ما يصلحلي العيب يا اما اخد منه اللي دفعته كله وساعتها ابقي اروح لغيره

[thedeveloper87]

المشكلة ياباشا ممكن الميكانيكي القديم يعك في الموتور أكتر.

لو حضرتك من القاهرة ممكن أدلك على ميكانيكي زي الفل. عمل لي عمرة للعربية بتاعتي بس الموتور بعدها بسم الله ما شاء الله زي الفل.

[SHNORY]

المشكلة ياباشا ممكن الميكانيكي القديم يعك في الموتور أكتر.

لو حضرتك من القاهرة ممكن أدلك على ميكانيكي زي الفل. عمل لي عمرة للعربية بتاعتي بس الموتور بعدها بسم الله ما شاء الله زي الفل.

ماهو لو عك حيبان
وساعتها حغرمه موتور كامل فمن مصلحته انه ميعكش علشان ميخسرش اكتر من كده
وفيه ناس انا سالتهم امبارح بالليل قالوا ان العيب من الشمبر
يعني العيب من اول مره هو اشتغل فيها
بس انا سايبه اليومين دول لحد ما يروق علشان كان تعبان وحوديله العربيه تاني
من اتلف شيئ عليه اصلاحه

[bassem.naguib]

أنا مش عاوز أفتي .. بس مقدر الحيرة اللي حضرتك فيها .. حضرتك موضحتش إذا كان الزيت بينقص ولا مستواه تمام .. وقصه السحب دي ممكن تكون ظبط سير كاتينه أو كهرباء .

حضرتك ممكن تبص برضه التابلوه بتاع العربية .. ممكن يكون فيه سلك بيلمس ويخلي لمبة الزيت تنور على خفيف .. أو حاجة كمان السليكونات بتاعة الدينامو .. ممكن تخلي لمبة الزيت والدينامو تنور على خفيف ولما تزود بنزين تختفي .. وابقى طمنا

[thedeveloper87]

من اتلف شيئ عليه اصلاحه

حضرتك راجل 10 / 10. أنا نفسي أكون زيك كده والله.
قبل كده كان لمبه الدينامو ما كانتش شغالة بس الدينامو بيشحن (الوصلة بس محتاجة تتركب)
رحت لكهربائي (الله يسامحه) علشان يعملهالي قال لي مين اللي ركب لك ومين اللي عملك .... وبعد كده مشيت من عنده لقيت النور ضعف والدينامو باظ والعربية وقفت بي في مكان مش كويس خااالص.
غيرت الدينامو على حسابي ودفعت 150 جنيه .

حسبي الله ونعم الوكيل في الكفتجية.


بص ياباشا بالنسبة للسحب. طبيعي إن العربية أثناء فترة التليين سحبها ضعيف شوية وانت المفروض ما تجيبش 80 أصلا خليك من 60 ل 70 لحد ماتخلص 1000 كيلو. بعد كده سحب العربية المفروض يتحسن معاك.

[SHNORY]

أنا مش عاوز أفتي .. بس مقدر الحيرة اللي حضرتك فيها .. حضرتك موضحتش إذا كان الزيت بينقص ولا مستواه تمام .. وقصه السحب دي ممكن تكون ظبط سير كاتينه أو كهرباء .

حضرتك ممكن تبص برضه التابلوه بتاع العربية .. ممكن يكون فيه سلك بيلمس ويخلي لمبة الزيت تنور على خفيف .. أو حاجة كمان السليكونات بتاعة الدينامو .. ممكن تخلي لمبة الزيت والدينامو تنور على خفيف ولما تزود بنزين تختفي .. وابقى طمنا

الزيت مستواه تمام مش بينقص يا باشا
وحتي من قبل العمره وهو مش بينقص بس انا قولت اريح دماغي وكده ولا كده حعملها
بالنسبه للتابلوه فانا لسه مغير تابلوه بطقم عدادات اوريجنال جديد وزي الفل
والدينامو عندي كان بيشحن عالي قبل كده (اثناء المشكله قبل خراطه الكرنك)
والكهربائي ظبطه وفكه وكشف علي كل حاجه فيه وبقي تمام وزي الفل
وضفيره العربيه اتكشف عليها واتظبطت لاني كنت عامل عمره كامله للعربيه سمكره ودوكو وكهربا وسروجي للعربيه قبل ما اتهبل في عقلي واعمل عمره الموتور
وبالنسبه للسحب ففيه ناس بتقولي لما تظبط تاكيهات السحب حيتظبط معاك

[SHNORY]

حضرتك راجل 10 / 10. أنا نفسي أكون زيك كده والله.
قبل كده كان لمبه الدينامو ما كانتش شغالة بس الدينامو بيشحن (الوصلة بس محتاجة تتركب)
رحت لكهربائي (الله يسامحه) علشان يعملهالي قال لي مين اللي ركب لك ومين اللي عملك .... وبعد كده مشيت من عنده لقيت النور ضعف والدينامو باظ والعربية وقفت بي في مكان مش كويس خااالص:_alshmokh08[1]:.
غيرت الدينامو على حسابي ودفعت 150 جنيه .

حسبي الله ونعم الوكيل في الكفتجية.


بص ياباشا بالنسبة للسحب. طبيعي إن العربية أثناء فترة التليين سحبها ضعيف شوية وانت المفروض ما تجيبش 80 أصلا خليك من 60 ل 70 لحد ماتخلص 1000 كيلو. بعد كده سحب العربية المفروض يتحسن معاك.

والله يا باشا مش موضوع اني 100/100
الموضوع انه ده الميكانيكي اللي علطول بروحله
ومرضيتش اعمل العمره في مركز الصيانه اللي كنت موديله العربيه علشان ميزعلش ويسترزق هو كمان
ومش بفاصل معاه في حاجه
وهو قالي حجيب نص موتور وتدفع 600 جنيه وانا حدفع الباقي قولت وماله مفيش مشاكل وصلتهم 400 وادفعهم بعد التجربه مش قبلها
بس لما لقيت ان الحوار فاشل والعيب زي ماهو
يبقي ساعتها مفيش ولا صاحبي ولا معرفه
وهي لو كانت جت في حاجه بسيطه مكنتش اتكلمت وكنت عملتها بره
انما انا لو روحت بيها لحد تاني اول حاجه ورسم دخول 200 جنيه فك الموتور وتركيبه
وانت ورزقك بقي في اللي حيقولهولك بعد كده
يعني ممكن الاقي نفسي دافع 1000 جنيه تانيين

[bassem.naguib]

الزيت مستواه تمام مش بينقص يا باشا
وحتي من قبل العمره وهو مش بينقص بس انا قولت اريح دماغي وكده ولا كده حعملها
بالنسبه للتابلوه فانا لسه مغير تابلوه بطقم عدادات اوريجنال جديد وزي الفل
والدينامو عندي كان بيشحن عالي قبل كده (اثناء المشكله قبل خراطه الكرنك)
والكهربائي ظبطه وفكه وكشف علي كل حاجه فيه وبقي تمام وزي الفل
وضفيره العربيه اتكشف عليها واتظبطت لاني كنت عامل عمره كامله للعربيه سمكره ودوكو وكهربا وسروجي للعربيه قبل ما اتهبل في عقلي واعمل عمره الموتور
وبالنسبه للسحب ففيه ناس بتقولي لما تظبط تاكيهات السحب حيتظبط معاك

مش عارف ليه عندي احساس أن المشكلة دي من كهربة العربية (مش عارف ليه متسألنيش) بس فيه دلائل لكدة .. أن الزيت مستواه مش بينزل .. نبتدي بقى نحلل الموضوع واحدة واحدة ونشوف ايه المتغيرات اللي طرأت قبل وبعد العمرة :
1) حضرتك غيرت نص ماتور
2) حضرتك غيرت عدادات العربية وعملت تشك على الضفيرة ..

بجانب أعمال السمكرة والدوكو (اللي هي ملهاش علاقة بالموضوع)

وبعد ما كشف الميكانيكي على شغله .. وعمل كونسولتو مع ناس تانية (حتى لو هو مش بيفهم .. أكيد فيه حد تاني بيفهم) .

حضرتك شيكت على أعمال الكهرباء مرة واحدة فقط .. ممكن يكون طقم العدادات فيه العيب ده .. أو سلك ملمس مش باين أو خطأ في تركيبه بشكل صحيح .. والنسبة للدينامو كتير من الصنايعية مش بيهتموا بموضوع السليكونات ده اللي بيبقى موجود في الدينامو .

علشان كدة أنا أنصحك أنك تشوف كهربائي تاني يكون موثوق فيه .. وتحكيله المشكلة .. ويشوف الحل ممكن يكون بعد مراجعة العدادات والسليكونات بتاعة الدينامو .. ومش حتخسر كتير في القصة دي .. يعني حسبة من 30 إلى 50 جنية بالكتير (من جملة المصاريف .. بس علشان تريح دماغك) .

إلا إذا كان فيه حاجة تانية أنا على غير علم بيها .. وفيه حد تاني ممكن يفيدك بالرأي .

[SHNORY]

مش عارف ليه عندي احساس أن المشكلة دي من كهربة العربية (مش عارف ليه متسألنيش) بس فيه دلائل لكدة .. أن الزيت مستواه مش بينزل .. نبتدي بقى نحلل الموضوع واحدة واحدة ونشوف ايه المتغيرات اللي طرأت قبل وبعد العمرة :
1) حضرتك غيرت نص ماتور
2) حضرتك غيرت عدادات العربية وعملت تشك على الضفيرة ..

بجانب أعمال السمكرة والدوكو (اللي هي ملهاش علاقة بالموضوع)

وبعد ما كشف الميكانيكي على شغله .. وعمل كونسولتو مع ناس تانية (حتى لو هو مش بيفهم .. أكيد فيه حد تاني بيفهم) .

حضرتك شيكت على أعمال الكهرباء مرة واحدة فقط .. ممكن يكون طقم العدادات فيه العيب ده .. أو سلك ملمس مش باين أو خطأ في تركيبه بشكل صحيح .. والنسبة للدينامو كتير من الصنايعية مش بيهتموا بموضوع السليكونات ده اللي بيبقى موجود في الدينامو .

علشان كدة أنا أنصحك أنك تشوف كهربائي تاني يكون موثوق فيه .. وتحكيله المشكلة .. ويشوف الحل ممكن يكون بعد مراجعة العدادات والسليكونات بتاعة الدينامو .. ومش حتخسر كتير في القصة دي .. يعني حسبة من 30 إلى 50 جنية بالكتير (من جملة المصاريف .. بس علشان تريح دماغك) .

إلا إذا كان فيه حاجة تانية أنا على غير علم بيها .. وفيه حد تاني ممكن يفيدك بالرأي .

والله يا باشا بعد ما واحد قالي امبارح انه ممكن يكون عيب شمبر فانا حستني لما اشوف اخرتها مع الميكانيكي ده ايه
ولو كده قبل ما اغيره حروح لكهربائي تاني
بس هي المشكله ان اللمبه مش بتنور غير لما امبير الحراره ييجي علي 80 او 90
لو فيه اسلاك ملمسه كان حيكون العيب مستمر

[bassem.naguib]

والله يا باشا بعد ما واحد قالي امبارح انه ممكن يكون عيب شمبر فانا حستني لما اشوف اخرتها مع الميكانيكي ده ايه
ولو كده قبل ما اغيره حروح لكهربائي تاني
بس هي المشكله ان اللمبه مش بتنور غير لما امبير الحراره ييجي علي 80 او 90
لو فيه اسلاك ملمسه كان حيكون العيب مستمر

أحنا نفكر مع بعض بصوت عالي .. ويا ريت بمشاركة الأخوة في المنتدى .. على ما أعتقد أن اللمبة لما تنور ده يبقى مش عيب شمبر خالص .. لو الميكانيكي في العمرة اللي عملها ركب طقم شمبر جديد بشكل خاطئ حتلاقي دخان خفيف من خرطوم الفايظ اللي طالع من الماتور (دليل أن الماتور خفيف والشمبر مش حاكم في البستم كويس أو متركب بشكل خاطئ) .

وظيفة لمبة الزيت .. أن مستوى الزيت لو نقص في الماتور بتنور .. وحضرك وضحت أن مستوى الزيت مبينقصش بعد الشغلانة اللي عملهالك الميكانيكي .

بمعنى أخر ان اللمبة دي مبتنورش إلا في حالتين لا ثالث لهم (على حد علمي .. وممكن يكون فيه أسباب تانية أنا مش عارفها .. لو حد من الأخوة الخبراء في المنتدى عنده فكرة يا ريت يوضحها) أولهم أن مستوى الزيت نقص في الماتور نتيجة تسريب .. وثانيهم أن فيه سبب له علاقة بكهربة السيارة بيخلي اللمبة تنور عند وصول مؤشر الحرارة لدرجة معينة .

ولتوضيح الفكرة (على سبيل المثال) عند وصول مؤشر الحرارة إلى درجة 90 درجة حركة مؤشر الحرارة بيعمل خلل في الدائرة الكهربائية بتاعة العدادات وبيخلي اللمبة تنور "مجرد تخمين" .. وممكن يكون سبب بعيد خالص عن اللي بنتكلم فيه .. زي مثلاً ترموستات الحرارة أو السلك الموصل ليها .

وبكرر لحضرتك مرة تانية أن دي مجرد اجتهادات شخصية لإيجاد حل أو تفكير بصوت عالي مع بعض للوصول لحل للمشكلة وليست فتوى لحل المشكلة .. ويا ريت تطمنا عملت أيه .

[mohamed777]

ممكن تكون مشكلة فى الكهربة