تشخيص اعطال بالكمبيوترموضوع جامد جداا جدا جدا ادخل وجرب بنفسك؟؟!!!

[hborsa]

الاخوه الاعزاء
انا في خدمة اي حد عنده جهاز تشخيص اعطال السيارات الحديثه بالكمبيوتر لأن انا كمان عندي واحد وبشتغل بيه

للستفسار عن اي شي من اكواد اعطال او اي اعطال او مشاكل او قياسات
انا في خدمة اي حد
ويا ريت الموضوع يبقي فيه تفاعل علشان الكل يستفاد يعني اللي عنده رأي يقوله بس يكون صح
او اقرب الي الصح

لأن الموضوع دا مهم جدا

[MMamdouh]

تعرف حد من الناس دى؟

محمد السيد
خالد الجوهرى
ناصر بتاع بنها

MMamdouh

[hborsa]

تعرف حد من الناس دى؟

محمد السيد
خالد الجوهرى
ناصر بتاع بنها

MMamdouh

طبعا خالد جوهري حبيب قلبي اكيد يعني اعرفه لسه كنا مع بعض في المعرض

ناصر دا اللي معاه لانش ؟؟ صح

محمد السيد لأ مش عارف
ا

[MMamdouh]

مش عارف موضوع اللانش ايه لكن ناصر هو اللى معرفتى بخالد... ادينا طلعنا معرفة :D

MMamdouh

[original]

منين أجيب كابل لفولكس بولو موديل 98

[noni67]

الاول تقول معاك اسكانر ابه
او معاك سوفت وير ايه على الكمبيوتر وبعدين اقولك تجيب الكابل منين ولو شاطر فى الالكترونيات اقولك تعمله ازاى بايدك

[hborsa]

الاول تقول معاك اسكانر ابه
او معاك سوفت وير ايه على الكمبيوتر وبعدين اقولك تجيب الكابل منين ولو شاطر فى الالكترونيات اقولك تعمله ازاى بايدك

يا جماعه موضوع السوفت والكابل والقصص دي انا مش برجحها خالص مين يعمل كدا
ما تشتري جهاز وخلاص لكل الملاكي
يقدر يقيس اللي انت عاوزه
لكن الكابل والسوفت ممكن يبقي محدود جدا

[dr.ayman]

طب يا جماعه محد يعرفنا الجهاز ده بيشتغل ازاى و بيتول ازاى بالعربيه و بكام يعنى حبه معلومات عنه
و شكرا

[KarimAbulEla]

ماهو فيه برامج منتشرة على الانترنت تناسب قياس نسبة كبيرة من السيارات
و ممكن تشترى جهاز يوصل الكمبيوتر اللاب توب او الموبايل البوكت بى سى بالسيارة بحاولى 50 دولار و تستخدم البرامج المجانية .

او تشترى الجهاز نفسه اللى فيه كل حاجة و فيه شاشة داخلية

المسألة تعتمد على الشخص نفسه و على ما ينوى استخدامه فيه و على الناحية الفنية التى يتمتع بها
و السعر الذى ينوى الشراء فى حدوده و كدة يعنى

[Khalid_Mostafa]

البرامج علي الإنترنت فعلاً زي ما قال كريم وفيه منها مجموعه ببلاش كمان وبالنسبة للدائرة فيه كذا دائرة ومش حتكلف عملها اكتر من 10 الي 20 جنيه والي عايز مخطط الدوائر دي يقولي وانا ابعتهولوا و الناس مجرباها .المشكلة الوحيده ان الموضوع ده محتاج لابتوب وعلي فكره البرامج دي مش بتدي اكواد اعطال السيارات بس ..لأ دي ممكن كمان تديك قراءة حية ...يعني تمشي بالعربية حتقولك السنسورز بتعتك بتعمل ايه و وسرعتك و عدد لفات الموتور و كل حاجه

[mohamed el hussien]

هو يا جماعة مش الجهاز دة اللي بيكون في التوكيل
اللي بيشخص عيوب العربية

ولو هو دة اللي اعرفة ان تمنة غالي اووي اوووي
ازاي يكون عندك

واية موضوع الوصلات والكابلات والنت والكلام الكبير دة

احنا بشمهندسين برضة :)

[Khalid_Mostafa]

هو يا جماعة مش الجهاز دة اللي بيكون في التوكيل
اللي بيشخص عيوب العربية

ولو هو دة اللي اعرفة ان تمنة غالي اووي اوووي
ازاي يكون عندك

واية موضوع الوصلات والكابلات والنت والكلام الكبير دة

احنا بشمهندسين برضة :)

يا باشا ده انتا شيخ المهندسين كمان و علي راسنا من فوق :)
الجهاز الي في التوكيل ده ما هو إلا جهاز بيتوصل علي كومبيوتر السيارة ويعمل معاه إتصال تمام كده زي ما ممكن توصل الموبيل بتاعك علي الكومبيوتر وممكن تنزل نغمات وصور وتغير في الأسامي
كل ما في الأمر ان الأستاندرد بتاع اغلب العربيات واحد بل ان شكل الكونيكتور في كل العربيات واحد إلا بعد سيارات 96 و ما قبلها
المهم البروتوكول بناع الإتصال ..في اغلب السيارات واحد ويشذ عنهم جينرال موتورز وبعض الماركات الأخري اما اغلب السيارت الأسياوية و اليابانية و الأوروبية فبتعمل بنفس البروتوكول
راجع اللنك ده :

http://www.nilemotors.net/Nile/showthread.php?t=14563

وده :

http://www.nilemotors.net/Nile/showthread.php?t=14796

[Khalid_Mostafa]

إضفة للي مهتم من الناحية الفنية :

دي دوائر التوصيل (الكابل)
السهلة :


الصعبة شويه :



قائمة ببعض البرامج (بعضها مجاني) :

http://en.wikipedia.org/wiki/List_of_OBD-II_Cables_&_Scanning_Software

قائمة ببروتوكول اغلب السيارات :

http://www.myscantool.com/vehicles.html#hyundai

[m10_10]

طب ما ياجماعه ماتقولولنا ازاي بيتم التوصيل واكيد ده هايريحنا جدا...

انا المشكله ان الجهاز اللي بيوصل علي عربيتي من القدام ( بونتو ٦٠ موديل ٩٥ )

روحت لكذا واحد عنه سكان كمبيوتر بس بيقولولي مش عندهم الموديل القديم دة...

[m10_10]

وكمان ايه اللي هايبانلي عالاب توب وايه البرنامج اللي لازم يكون عندي..

ماهو هاتبقي زي الموبايل لازم برنامج عالكمبيوتر يحس ان الكمبيوتر اتوصل بالموبايل؟؟

ولا اييييييه ؟؟