مشكلة التنتيش في عربيتي ال 128

[Piowood]

السلام عليكم ورحمة الله ..

انا معايا عربية 128 موديل 78 وصادفني من حوالي شهر تنتيش وانا ماشي مرة بعد ماجبت ال 90 قولت دة عيب كاربراتير روحت نضفضة وتمام وبعدين بعدي بيها 100 بعدها برضو نتشت مني وبعدين العربية بطلت مع العلم اني أيضا غيرت فلتر البنزين ومش فاهم العيب من اية ومن ساعتها

انا دلوقتي ماشي بيها عادي جدا .. لكن لو جبت بالعربية 90 أو 100 تبتدي تزعل مني وتنتش وتبطل كالعادة يعني مابزودتش عن ال 80 حاليا ...

أرجو المساعدة من أصحاب الخبرة ويقولولي يا ترى العيب من اية ؟؟؟

جزاكم الله خيرا ...

[sweetheart_]

بص انا مش معايا 128 بس بتهيالى ان ال 128 فى عيب انها لما بتسخن بتفصل وقريت قبل كدا انها لما تعمل كدا تقريبا بيلفوا قماشه مبلوله مش عارف فين بالظبط ولما الجزء دا يبرد بتمشى تانى فممكن تكون هى المشكله دى اللى عندك .
اعمل بحث فى المنتدى واستنى اراء الاعضاء

[Piowood]

شكرا لك اخي الكريم .. الشيئ اللي بيلفو بية القماشة اللي بتقول عليها هي الموبينة بس مش دي المشكلة اللي عندي برضو لأن العربية بتكون مش سخنة لما بتنتش ..

وشكرا لك

[misoalex]

انت متأكد ان الكربراتير عندك مظبوط 10 على 10 والكهربا سليمه بوجيهات واسبراتير

اصلى انا شاكك فى الكربراتير مش عارف ليه

[Piowood]

انت متأكد ان الكربراتير عندك مظبوط 10 على 10 والكهربا سليمه بوجيهات واسبراتير

اصلى انا شاكك فى الكربراتير مش عارف ليه

بص يا باشا .. هو انا شاكك في طرومبة البنزين لأن اكتر من واحد قالي ممكن يكون العيب منها ..

وشكرا لك ..

[sherif_habeb]

شوف رداخ البنزين انا كان عندى نفس المشكله وغيرت رداخ البنزين ومشيك كويس وتحس كده ان العربيه فاقت
جلى حد يكشفلك عليها ولو انت فى اسكندريه هاقولك على واحد كويس

[م.محمد علاء]

بص يا باشا .. هو انا شاكك في طرومبة البنزين لأن اكتر من واحد قالي ممكن يكون العيب منها ..

وشكرا لك ..

بص..أنا حقولك على حاااجه..
قبل متغير فلتر البنزين..أو الرداخ حتى..
بس حشوفلك كام موضوع قديم..
لأن كانت فيه حوالي خمس مواضيع نفس شكوى حضرتك..و طلع العيب من حاجه واحده لا تخطر على بال حد...

[م.محمد علاء]

شوف كده يا أفندم الموضوع ده...
على فكره هو العيب ده شائع جدا فى ال 128..لو طلع فعلا نفس العيب...

http://www.nilemotors.net/Nile/151153-a.html

إقرا الموضوع ده بتأني..و ركز فيه لو نفس العيب..
ولو مش نفس العيب..تغيير الخرطوم مش حيكلفك أكتر من 10 جنيه...

[mohamed9999]

متابع........

[mahmoud5777]

بص ياباشا طرمبة البنزين هى اللى دايما تعمل كدة ودى حلها انك تطلع البنز اللى تحت الطرمبة اللى بيشغلها وتزوده حوالى 3 مللى نحاس وهى ها تتظبط إنشاء الله لأن فى الحالة دى بيكون البنزين اللى طالع من الطرمبة موش مكفى المكنة ده غير ان الطرمبة بتبقى سخنة (لاحظ أنها راكبة على جسم الموتور على طول) يعنى ممكن تحس ان العربية بارده ومؤشر الحرارة معليش بس الحرارة اللى فى المتور تكفى ان الطرمبة كفائتها تقل انا بقولك كدة علشان متروحش لميكانيكى يجربهالك وهى باردة ويقولك تمام ياباشا
وفى حل تانى منصحكش بيه انو تركب طرمبة كهرباء بس دى لو قطعت شكرا فى حين الطرمبة الميكانيكا بيبقى ليها صرفة

[northy]

ازيك يا eng mohammed
عامل ايه يا باشمهندس
لسه فاكر خرطوم الفايظ بتاع التانك بتاعى
لصاحب المشكلة عاوز اقوله حاجة
العيب اللى حضرتك بتوصفه ده عيب بنزين دور عليه
بمعنى ان البنزين اللى بيوصل للمكنه غير كاف مع زيادة استهلاك البنزين مع السرعات العالية او مطالع الكبارى
فبتكون النتيجة تقطيع المكنه
ومن خبرتى البسيطة فى الموضوع ده دور على الاسباب دى بالترتيب
1-خرطوم فايظ التانك تاكد انه مش مسدود زى ما قالك الباشمهندس محمد الله يكرمه اللى نبهنى للعيب ده فى موضوعى
2-عوامة البنزين اتاكد ان الشبكة بتاعتها مش مسدودة ومعاها طبعا فلتر البنزين
3- رداخ البنزين
انا اميل شخصيا لموضوع شبكة العوامة دى جرب كده وقولى

[Adham]

وفى حل تانى منصحكش بيه انو تركب طرمبة كهرباء بس دى لو قطعت شكرا فى حين الطرمبة الميكانيكا بيبقى ليها صرفة

ياباشا مع كل احترامي كل العربيات الجديدة تقريبا بتبقى طلمبة بنزين كهرباء و محدش بيحصل معاه كدة الا نادرا

لان الطلمبة بتضعف الاول و يقل الضغط لما تستهلك و دة لية اعراض تنتيش و خنقة في السحب و السرعه

و ساعتها بيغير الطلمبة

زيها زي الاسبراتير الالكتروني زمان كان الميكانيكية يقولك لا شيل و ركب اسبراتير ابلاتين و كوندنسر علشان لو قطع بيك في طريق سفر - نصايح قديمة من ميكانيكية عتيقة عفى علها الزمن