الفلاش بوظ الموتور ايه الحل؟

[Dr. Halawa]

كنت غيرت زيت فى امارات و العامل الفالح عمللى البحر طحينة و حطللى فلاش و من ساعتها العربية بتنتش و عداد الrpm بيرقص غيرت كل حاجة (بوجيهات, سلوك بوجيهات, حساس شكمان, بوابة بحساسها و سيور كمان) و لسة العربية زى ما هى التوكيل مش عارفين ايه المشكلة ممكن اعمل ايه تانى؟

[ahmedyehia515]

أنا مش فاهم قصد حضرتك بالفلاش، بس لو ليع علاقة بالزيت يبقى Oil Flush ، انا اعرف انو فى حاجة زى الزيت بتحطا قبل ما تنزل الزيت القديم و المفروض بتعمل زى غسيل و بتنزل كل البلاوى اللى جوا الموتور قبل تغيير الزيت أو بتنزل الزيت القديم و بتحط الزيت ده و بتسيب العربية سلانسيه 20 دقيقة و بعدين تنزله و تحط الزيت الجديد و المفروض انو الحاجات ده بتساعد على الحفاظ على الموتور فى اغلب الحالات.

الموضوع ده حصل لما ابن الحلال حطلى زيت غلط و العربية ركبها ميت عفريت روحت جبت حوالى 7 لتر زيت موبيل اللى هوا كل 5000 و فضيت الزيت الغلط و بعدين سيبت الطبة مفتوحة و دورت العربية سلانسية و انا بزود زيت و المقصود انو الزيت كان بينضف آثار الزيت القديم و و بينزله و بعدين قفلت الطبة و غيرت الفلتر و حطيت زيت موبيل 5000 و غيرته بعد 2000 و بعدين غيرت الفلتر و حطيت موبيل وان اللى كل 10000 و الموضوع سليم و عدا على خير، كل الناس قالتاى مجنون عشان كل الزيت اللى اترمه ده بس بصراحة الزيت ده من أهم الحاجات اللى بتحافظ على موتور العربية و انا مكنتش عايز اخاطر بالموتور كله قصاد انى ادفع 300 جنيه زيادة

ممكن تعمل كده لو المشكلة عندك انو فى زيت غلط بس فى حالتى الزيت الغلط ممشتش بيه اكتر من 25 كم فمكنش مأثر على حاجة تانية، بس لو حضرتك مشيت بيه كتير متهيألى الموضوع هيحتاج أكتر من مجرد تغيير البوجيهات.

ان شاء الله تطلع حاجة بسيطة

[yoko]

د.حلاوة مقلتليش إنت إستخدمت الفلش إزاي؟

[Dr. Halawa]

زى ما الزميل بيقول اتحط و بعديها ربع ساعة سلانسيه و نزل و اتحط الزيت الجديد
فى أمل؟
المهم ان انا قلتلهم الكلام ده فى التوكيل!!
ربنا يشفيك ان شاء الله و يطلع خير لو طلبوا منك رسم عضلات او توصيل عصب ابقى قللى

[yoko]

إن شاء الله ميكونش حصل حاجة بدام إتعمل صح بس هل متأكد إن البرجلة الي في العربيه دي من ساعتها يعني قبلها العربيه كانت مظبوطة

[Dr. Halawa]

لو جت على تغيير زيت يبقى خير

[Dr. Halawa]

إن شاء الله ميكونش حصل حاجة بدام إتعمل صح بس هل متأكد إن البرجلة الي في العربيه دي من ساعتها يعني قبلها العربيه كانت مظبوطة

ايوة كانت سليمة تماما

[yoko]

طب حاول تفحس الكاوتش (الجراطيم والجوانات وخلافه) شوف هل فيه تسريب

[Dr. Halawa]

ازاى و فين؟

[yoko]

هي بتعتمد على النظر بالعين المجرده لو فيه أي تسريب لزيت لإن الضرر الوحيد من الفلش على الكاوتش الي بتمر بيه دورة الزيت

[Dr. Halawa]

و الله الموتور كان عليه زيت كتير قالولى ده عرق زيت و غسلته برة بعد ما التوكيل غسلهولى بالفوم و العمة راكبة (يعنى الموتور فضل زى ما هو)

[Dr. Halawa]

لو كدة ايه الحل وش سلندر؟

[yoko]

لو كدة ايه الحل وش سلندر؟

معرفش الأستاذ سمير عياد يفيدك أكتر مني

[Dr. Halawa]

فى انتظار الباشمهندس سمير

[samirayad]

كنت غيرت زيت فى امارات و العامل الفالح عمللى البحر طحينة و حطللى فلاش و من ساعتها العربية بتنتش و عداد الrpm بيرقص غيرت كل حاجة (بوجيهات, سلوك بوجيهات, حساس شكمان, بوابة بحساسها و سيور كمان) و لسة العربية زى ما هى التوكيل مش عارفين ايه المشكلة ممكن اعمل ايه تانى؟

بس مفيش علاقه بين التنتيش للمكنه والفلش أويل

أو زيت التزييت بمعنى أدق

فوظيفة الزيت بالمكنه

التزييت والتبريد

فأكيد فيه حاجه تانيه أدت الى حدوث ظاهرة التنتيش

إلا أذا

كان أستعمال الفلش بطريقة الأستعمال الخطأ ( لأنك بتقول سبته ربع ساعه ....وأعتقد ده زمن كبير على أستعمال الفلش أويل )

والمواد الكيماويه داخل الفلش أثرت على خامة جوان وش السلندر مثلا

وفيه ميه بتنزل على البوجيهات

فهل كشفت على البوجيهات ........وهل مية التبريد بتقل ولا لا ................؟

الصح حاليا ( نكشف على البوجيهات )

ونشوفها ملوثه بزيت مكنه أو مصديه من أثر ميه هربانه إليها من جوان الوش

وده فعلا إللى ممكن يعمل تنتيش حريق