حرق الزيت

[Dr_Smart]

طيب كنت حطيط نوع كويس مش مشهور أنه بينقص عمتاً انت تابعه فى أول 5 ألاف كيلو وإن شاء الله خير

موبيل 1 انا مغيره بعد 11 الف كم ومانقصش عالمقاس ولا مللي

[Dr. Halawa]

طيب يبقى ايه سبب تنتيش العربية أصلا؟ بما انه لسة مستمر بعد تغيير الزيت

[yoko]

أنا إعتقادي إن الزيت بيسرب جوه الموتور بطريقة ما (جوان أويل سيل أي حاجة) وهو السبب في الموضوع ده
ومش شرط الجوان يسرب مياه ممكن يسرب زيت بس (بس حالة نادرة)

[Dr. Halawa]

عشان بس أفهم كل ده معناه ان الموتور يتفتح صح؟
أغير كاوتشات و جوانات؟
بيتهيألى بدرى عليه اوى نفسى افهم من ايه
و لا أصبر على التنتيشة ديه طول ما العربية ماشية بس للأسف بتزيد يعنى زادت أكتر من ساعة ما كنت فى التوكيل بس لحد دلوقت مش محسوسة للى قاعد جنبى لازم تكون رجلك على الدواسة و عينك على عداد الrpm عشان تشوفها و تحسها

[Adham]

طالما غيرت زيت و فلتر يبقى اصبر علية شوية و تابعه لصفة دورية

و ليكن كل اسبوع مثلا

و لو لقيت انة نقص جامد يبقى غيرة لزيت معدني و غير فلتر و تابع تاني لفترة

لكن حرام انك تفتح الموتور و مافيش سبب قوي و الموتور ماشي كويس

التنتيش دة اكيد مش بسبب الزيت

و جوان وش السلندر يسرب مياة مايسربش زيت

لانة بيحكم الوش بالبلوك و قمصان التبريد بتبقى حوالين الشمايز و الزيت بيبقى في مجاري راسية بين الش و البلوك

[Dr. Halawa]

mobil 5000 مثلا؟
أمال التنتيش من ايه علما بأن العربية قارية حساس شكمان غيرته و غيرت بوجيهات و سلوكها و بوابة و سيور و برده ما فيش فايدة التنتيشة موجودة و برده قارية حساس الشكمان اللى قبا الcatalytic converter؟
قصدى ان غالبا فى فعلا دخان طالع بس العلبة بتفلتره ممكن يكون ايه تانى؟

[Adham]

اااه قول كدة بقي

بص يا سيدي

العربيات ممكن تقرا ايرور حساس شكمان مش بسبب ان الحساس بايظ

ممكن حساس الشكمان لما يقرا قرايات خطأ بسبب زيادة نسبة بخار الماء او البنزين الني في العادم يدي ايرور

و مهما تغيرة برضة يدي ايرور

لغاية ما يتم علاج سبب هذا الا تجانس في حريق السيارة

انت لازم تكشف عالسيارة في التوكيل و يشوفوا نسب الهواء و البنزين في الموتور

انا عملت كدة معايا و جننتني لفترة و كان حساس حرارة الهواء الداخل (الان تيك) بيدي قرائة خاطئة و بناء علية كان حريق السيارة غير مضبوط و احتاج الحساس لمجرد تنظيف

نصيحتي لك

ودي السيارة لياسين اللي قبل السندباد

هما اللي حلولي مشكلة شبيهه بدي لما جننتني شهور و كانت العربية بسببها بتاكل بنزين و بتهبب في الشكمان و ساعات تدي ايرور حساس شكمان و ساعات يروح

[Dr. Halawa]

و هل ده كمان ممكن يخلى العربية تحرق زيت
هاروحلهم ان شاء الله هم بيشتغلوا فى فيات؟

[Adham]

لا دة ممكن سبب التنتيشة بس اكيد مش سبب ان العربية اكل زيت تحت اي ظرف من الظروف

انت بتلاقي هباب في الشكمان ؟؟؟

سواء هباب بنزين ني او هباب زيت

(هباب اسود لو ملزق يبقى زيت و لو ناشف يبقى بنزين ني)

[yoko]

و هل ده كمان ممكن يخلى العربية تحرق زيت
هاروحلهم ان شاء الله هم بيشتغلوا فى فيات؟

لأ شيفروليه وأوبل بس

[Adham]

انا شفت هناك ايبيزا و مازدا 3 و هيونداي وعربيات مختلفة كتير


نمرة ياسين 26213765

و شغالين دلوقتي فترة مسائية من 8 ل 12 نصف الليل

اتصل بيهم و شوف ان كانوا شغالين في البونتو

ماتقولش فيات لايفتكروها 128 و للا 124 هههههههههههه

غالبا حاتسيبها عندهم كذا يوم يتكشف عليها كلها و يتعالج سبب التنتيش و سبب أكل الزيت

هما في الميكانيكا ممتازين و ماسك الورشة مهندس محترم قوي

و اسعارهم رخيصة مووووت

انا مجربهم و مرتاح معاهم جدا ولا وش منصور

[Dr. Halawa]

باكلمهم بس سايبين answer machine مش سامع منه حاجة ها حاول بكرة الصبح و اشوف و لا ايه رأيك يا يوكو مادام بيات ببيات اوديها للتوكيل السفاحين بعد ما قالولى سليمة و طلعونى مجنون و لو رحت اقولهم ايه؟

[yoko]

باكلمهم بس سايبين answer machine مش سامع منه حاجة ها حاول بكرة الصبح و اشوف و لا ايه رأيك يا يوكو مادام بيات ببيات اوديها للتوكيل السفاحين بعد ما قالولى سليمة و طلعونى مجنون و لو رحت اقولهم ايه؟

قلهم الي حصل مع الزيت وقولهم أخبار الحساسات إيه وياسين مبيشتغلوش في فيات (عارفهم واحد واحد هناك)

[Dr. Halawa]

خلاص هاروح لهم ان شاء الله بعد العيد بس سؤال لأدهم باشا هو حساس حرارة الهواء الداخل ده (الان تيك) هو حساس الشكمان؟

[yoko]

خلاص هاروح لهم ان شاء الله بعد العيد بس سؤال لأدهم باشا هو حساس حرارة الهواء الداخل ده (الان تيك) هو حساس الشكمان؟

لأ ده حساس الmaf
وأنا رايح التوكيل إن شاء الله خلال الإسبوع ده هسألهم وأرد عليك