سخونه بونتو 2002

[eng_ahesham]

لا لا لا بقولك ايه
انا مبحبش حد يزعل مني
استني هنا وانا بكلمك
انا بسئلك عادي والله مش قصدي تنطيط ولا تقليل من معلوماتك
لكن فعلا الفيتاويه عارفين موضوع البونتو بالذات واصلي عمر كمان ما لاقيت حد هنا في المنتدي ظبطلها تاكيهات
وبعدبن احنا كده يا مصريين بقينا ناخد كل حاجه بحساسيه وعلي صدرنا علي طول
بس فعلا متزعلش مش ده خااااالص مغزي كلامي

[beshomilan]

لا يافندم مفيش حاجة وانا مش زعلان
انا بنصحك بدون ما استنى منك حاجة مش زى الميكانيكى بيقولك نجرب عشان ياخد
اللى انا قلتهولك ده ميتكلفش كله 100 جنيه وكده كده مفيد للعربية
وانا يافندم مقلتش لحضرتك تعمل كل النقط..حضرتك بتعمل اللى يناسب عربية حضرتك وبس
ولما تروح للميكانيكى تساله وتقوله ينفع نبص على كذا هيقولك اه ولا لا
وصدقنى انا اهدى مما تتخيل وعارف ان مفيش تنطيط ولا حاجة وانا معلوماتى على قدى وبحاول اساعد على قد مابعرف وعمرى ما بفتى
ربنا يعينك ومفيش زعل

[eng_ahesham]

ربنا يديم المعروف ما بينا يا رب

[kampa_elhaggar]

معلش اتاخرت عليك يا باشا لسه جاي من بره اصلي حالا علي كل حال ده رقمي 0112242262 كلمني وانا تحت امرك و حكايه ان الفيات غريبه فا هي فعلا رخمه بس يعني فرقها عن الاكسيل انها بيتاخدلها هوا الكسيل مش عارف فيها الحوار ده ولا لا بس معتقدش

[egitto]

اخي HotRide
بعد السلام والتحية لشخصك الكريم
بص ياباشا انا عندي عربية اكسيل مشتريها بقالي سنتين تقريباً العربية موديل 96 كانت فابيرقة بمعني الكلمة ولله الحمد العداد كان عامل 50 الف كيلو ساعة ما اشتريتها دلوقتي هي عاملة 80 الف كيلو الحمد لله انا كنت متابعة في السيرفيس وكل شئ ومن اسبوعين تقريباً عملتها تغير لكل السيور يعني ماطولش عليك العربية مكنتش بتشكي من اي حاجة مطلقاً
المهم بعد ماعملت السيفرس الاخير ليها دا ركنتها اسبوع كنت مسافر ورجعت اول امبارح
روحت الشغل بتاعي حوالي 20 كيلو رايح وذيهم راجع
اللي حصل ان وانا راجع سمعت زي صوت تسقيف طالع من الحوض وكاني مدي للعربية غيار اعلي من المطلوب ... فشكيت اني رجلي تكون مظبوطة علي دواسة البنزين المهم من الزحمة وصوت العربيات والتلكسات الي في بلدنا العزيزة مقدرتش اميز صوت العربية لفترة معينة وانا ماشي المهم بعد ما مشيت حوالي نصف ساعة من سماعي للتسقيف دا ببص علي عداد الحرارة لقيته للاسف علي الاحمر .... انا شوفت المنظر دا روحت واقف مكاني بطلت العربية وفتحت الكبوت لقيت زي بخار طالع من الحوض من ناحية الماتور ...طبعاً قلبي وقف روحت ماسك الطفاية وهاتك رش ناحية الماتور كلمت الميكانيكي قالي اصبر عليها علي الاقل ساعة لما تبرد خالص وبعد كدة شوف مية الرداتير وشوف المروحة والكلام دا ... المهم انا مصبرتش للاسف وجبت ميكانكي من جنب المنطقة دي كانت تقريباً عند مركز شباب عين الصيرة في مربع ورش هناك امام بنزينة موبيل ..... المهم جه شغل العربية ووزدد مية في الرداتير مكنش فيه طبعاً نقطة مية من السخونة اللي حصلت دي......... واحنا مستنين لما المروحة تشتغل فجاة لقيت المية نازلة تور من تحت ...... رحت قافل الكابوت واستنيت علي العربية ساعة لما بردت علي الاخر وقررت نفس الحكاية والمرة دي المية منزلتش زي الاول بس كانت بتنقط خفيف
اسف جداً ان كنت طولت عليك بس بحب اسرد الموضوع كاملا
دلوقت طبعاً بعد اللي حصل دا كشفت علي الماتور بايدي حتي يضمئن قلبي وفعلت الاتي
1- مقاس الزيت الحمد لله كان نظيف ولا يوجد به فقعات مياه ... وهذا دليل علي ما اعتقد ان الجوان سليم .... الحمد لله
2- الشكمان ورا ضغط عليه بكفة ايدي ولاحظت انه ليس به ايه زيوت ناتجة عنه ولا اي دخان مهما كان لونه .... الحمد لله

دلوقتي انا مازلت قلقان جداً علي اللي حصل دا وهل كان ليه تاثير علي البساتم ولا لا
وايه اللي سبب السخونة دي توصل لاقصي درجة كما حدث بدون سابق انظار وبدون اعضاء لي انزار علي الاقل كما كنت اتوقع في حدوث مثل ذلك
ايه المفروض واللي تنصحني اني اعمله ....
اروح التوكيل يبص علي الموضوع دا كله
ولا اروح للمكانيكي
ولا اروح لواحد بتاع ريداتير يكون محترم يبصلنا علي الدنيا دي
ولو كدة ياريت يكون في ردك نمرة واحد بتاع ريداتير عن تجربة منك
........ خوفي حالياً الوحيد علي الماتور ان يكون اتاثر من الموضوع دا
ولك مني جزيل الشكر

[HotRide]

معلش مش فاهم الميه جيه من تحت منين ازاي يعني ؟
وضحلي اكتر قصدك

[dandm]

من فضلكم ياأهل الخبرة

السيارة معى بونتو 1300ccمديل 2002 مش عارف الموتور كربراتير ولا انجكشن