صوت الموتور و السحب

[romany2010]

السلام عليكم
انا معايا مازدا 323 مو 82 و كانت ممتازه في السحب و صوت الموتور كان ناعم جداجدا بس من اسبوع لاحظت ان صوت الماتور ابتدي يعلي و سحب العربيه بردو قل بس مش كتير
يعني و معلش لو كان كلامي مش عملي اصلي اخوكم مبتديء عربيات
كان التاني معايا لاغايه ال 50 كم/ساعه كان مش بسمعله صوت و ابتدي اغير علي التالت بعد ال 60 و نفس الكلام التالت بردو مش بالحق و ادي الرابع يعني من الاحر عشان اتجنب الصوت بقيت اجيب الرابع علي 50 كم / ساعه
و كمان ده مقلل سحب العربيه بس في حاجه لو حاولت اتقل علي الغيار العربيه بتدي معايا يعني المشكله في علو الصوت بس و الحاجه التانيه كنت بجيب ال 140 كم/س و لسه في كمان سرعه في العربيه دلوقتي حاسس ان العربيه بعد 100 بتخنق جامد و ماتسجبشي و اخرها 110 و طبعا ده مش طبيعي
طبعا روحت لكذا واحد ميكانيكي و الحمد لله كلهم اشتغلوني و مفيش فايده و كل لما برجع لهم بيقولولي ان ده طبيعي و و العربيه ذي الفل مش عارف ازاي كاني اول مره اركبها و بصراحه كرهوني في العربيه رغم اني كنت مقتنع بيها جدا جدا منهم للخ
مستني ردودكم الحلوه
اخوكم

[FLYINGPEUGEOT]

اظبط تاكيهات وادعيلى...وبس

[FLYINGPEUGEOT]

وممكن تكون الاسطوانه تعبت...فبالتالى انت بتحمل اكتر على الغيار...فا صوت الموتور بيعلى طبعا عن الطبيعى

[romany2010]

بصراحه مش عارف اقول ايه كاني برسالك علي الماسينجر ايه سرعه الرد دي تسلم يا باشا و مش عارف اشكرك ازاي
بس يا باشا اولا موضوع التاكيهات ده نا هندي صوت تكتكه =في العربيه بس ده من زماااان يعتي العربيه كانت كويسه و صوت التكتكه ده موجود وز كل الناس قالت ان ده تاكيهات و بالاش تظبطها عشان الصيف داخل و العربيه هتسخن و قولت ماشي انت ايه رائيك
تاتي حاجه كل الميكانيكيه اللي ريكبوا العربيه قالو ان الديسك كويس و العربيه كويسه المشكله انهم ماشافوهاش الاول بجد في فرق كبير جدا

[FLYINGPEUGEOT]

العفو يارومانى باشا احنا اخوات بص ياباشا ومن الآخر

اولا سيبك من تخريف الميكانيكيا الكفتجيه
التاكيهات لااااااازم تتظبط...مفتوحه او محممله

1-التاكيه المفتوح...زى عندك

بمعنى ان نسبة الخلوص بين الكامه والصباب اكبر من اللازم

مش بتأثر على السحب...لكن

1- نسبة استهلاك البنزين هتذيد
2- صوت الموتور اللى يسد النفس

ولو اهملتها.
..هتبوظلك الكامه
..عرفت بقه انها لازم تظبطها ليه
............................................

2-التاكيه المحممل...نسبة الخلوص بتكون اقل من الاول...فبيحصل ضغط على الصباب

1-تاخر غلق وفتح الصباب

مش هتسمع صوت لكن

-الحراره بترتفع
-السحب بيقل

وطبعا لازم يتظبط

يعنى حضرتك لازم تظبط التاكيهات فى جميع الحالات

دا فيما يخص التاكيهات
.................................................. .......................

بالنسبه لكفاءة العربيه اللى قللت..فدا بيرجع ياباشا لعوامل كتتتير اوى


بس اعراض عربيتك بتدل على انها اسطوانه ثم اسطوانه ثم اسطوانه


ومش شرط العربيه ترعش وتطلع ريحه عشان نغير الاسطوانه سيبك من الميكانيكيه

وياريت اى سندويتش عا الماشى

نسيت اسألك
اخبار العادم عندك ايه؟؟؟؟؟؟؟؟
اخبار الزيت ايه؟؟؟؟؟؟؟؟؟؟

[romany2010]

موضوع الزيت ده انا لسه مغيره و العادم عادي يعني مفهوش حاجه
بس في مشكله ان العربيه بتسخنالايام دي عن الاول يعني المروحه بتدور اكتر من الاول و بسرعه ومش عارف يمكن ده من سخونه الجو الايام دي
عموما مش اعارف بس اعرف ازاي ان ده اسطوانه و مخليش حد يشتغلني بعني مفيش حاجه تبين انها اسطوانه
و انا سمعت انها بتتملي ده احسن و لا اجيبها جديده
معلش يا باشا اسئلتي كترت و اهو تعمل بلوقمتك طالما فيها سندويتشات :)

بس الحلو حليك يا حلو

[M.Al-Hefnawy]

انا متفق مع الأخ اللي بيقولك أسطوانة طالما إنك مش ملاحظ خروج عادم بلون مش طبيعي من العربية وبردو الأسطوانة لو فيها حاجة بتسخن العربية.

[MEDO80]

بلاش موضوع الملو دا تجيب اسطوانة و ديسك من مكان محترم علشان البضاعة المضروبة احسن انا مره جبتهم نوع مش مطبوط ما كملوش سنة معايا في الاونو و ما دام الموتور مش بياكل زيت و لا دخان و العادم كويس يبقي الموتور سليم باذن الله

[bluegene]

أنا عندى نفس المشكله ( صوت الموتور عالى و السحب قليل عن الأول شويتين و بنزين زيادة) كنت فاكرأن الصوت طالع من الشكمان بس طلع سليم ...و عندي العادم و الزيت مظبوتين هى بس الصوت بقى عالي أوي على rpm كبير. بس العربية
opel vectra 2.0 95
automatic
full injection

[FLYINGPEUGEOT]

موضوع الزيت ده انا لسه مغيره و العادم عادي يعني مفهوش حاجه
بس في مشكله ان العربيه بتسخنالايام دي عن الاول يعني المروحه بتدور اكتر من الاول و بسرعه ومش عارف يمكن ده من سخونه الجو الايام دي
عموما مش اعارف بس اعرف ازاي ان ده اسطوانه و مخليش حد يشتغلني بعني مفيش حاجه تبين انها اسطوانه
و انا سمعت انها بتتملي ده احسن و لا اجيبها جديده
معلش يا باشا اسئلتي كترت و اهو تعمل بلوقمتك طالما فيها سندويتشات :)

بس الحلو حليك يا حلو

ههههههههههههههههههههههههههههههه
اعمل بلقمتى هههههههههههه ماشى ياهم رومانى والله موتنى من الضحك
وكمان الحلو عليا
امرى لله...بص ياباشا

هى مش مسألة سخونة الجوولا حاجه...طبيعى الاسطوانه لما بيحصل فيها تآكل او تفويت....مبتقدرش تتفاعل مع المحرك بالشكل المناسب...فالبتالى انت بتحممل عبى المحرك اكتر...على الفاضى...فاطبيعى الحراره بتزيد عشان بيحصل power reserve

بيتهيألى الاسطوانه عند حضرتك مش غاليه...يبقى تشتريها جديده وتريح دماغك...اممال انا اعمل ايه اللى عندى الاسطوانه بس 1600 حنيه


بالنسبه لملى الاسطوانه ...

1-ساعات بيؤثر سلبيا على الديسك نفسه...وجود رتوش او زوائد فى تيل الاسطوانه
ممكن ما ترحش مع التطبيع....وتفضل تاكل فى قرص الديسك نفسه


2-احيانا بتقل نسبة الخلوص بين الديسك والاسطوانه (محممله)
مما يؤثر سلبا على كفاءة الموتور والسحب


3-لردائة المواد المستخدمه فى عمل تيل الاسطوانه...احيانا واثناء عملية التطبيع
يتتآكل الاسطوانه بطرقه غير مستويه...مما يؤدى لحدوث رعشه اثناء البدء فى التحرك

عشان كده انا بنصحك انك تروح تملى الاسطوانه اللى عندك (بهزر طبعا)

روح ركب اسطوانه جديده ياباشا ..وان شاء الله كللو هيبقى تمام

وماتنساش السندويتش
اخوك هانى محمد

[Ahmad Allawy]

شوف يا باشا..
طالما انت معاك مازدا 323 يبقي عليك و علي استا> و كبير العربية دي في القاهرة..
اسمه نبيل في القلعة ورا دار المحفوظات..
الراجل ده محترف بمعني الكلمة.. حافظ كل مسمار في العربية دي و مش بيشتغل حتي في موديلات تانية من المازدا.. هي دي بس..
جرب تروحله و بصراحة عنده ضمير جدا و زي الفل..
وبرضه خلي الكلام اللي الكبير فلاينج قالهولك في دماغك عشان تبقي عارف في ايه..
و ان شاء الله مش هتندم.. الراجل ده في واحد صاحبي بيتعامل معاه من سنين طويلة.. و العربية زي الفل..
مفتحش الموتور لغاية حوالي 350 الف كم.. و لما بدأ يخف غيره بواحد استيراد هو برضه اللي جايبهوله و تقريبا زيرو..

انا مفيش بيني و بين الراجل مصلحة ولا اي حاجة,, انا حتي مش باتعامل معاه.. بس النصيحة لوجه الله و ان شاء الله تطلع بسيطة و ترجع زي الفل.. و ربنا يكون في عونك علي القلق ده..

[engahmed29]

سؤال لخبراء السيارات ،

دلوقتى يا جماعة فى عربية كيا بيكاتو على الزيرو ، و ناعمة و ظريفة و كل حاجة ، بس فيها مشكلة ان العربية بترجرج على سرعة 70 كم تقريبا و كمان عصاية الفتيس بتترجرج هى كمان يمين و شمال جامد ، و العربية بتتظبط بعد سرعة 80 كدة و بتبقى تمام ، انا قولت ان دى مشكلة ترصيص زى ما الاخوة هنا قالوا ، بس هل من الممكن ان تكون المشكلة اكبر من كدة زى عيب فى الجيربوكس مثلا او حاجة ؟ و هل الضمان بتاع التوكيل يغطيها ؟

شكرا ليكم جميعا

[جمال]

سؤال لخبراء السيارات ،

دلوقتى يا جماعة فى عربية كيا بيكاتو على الزيرو ، و ناعمة و ظريفة و كل حاجة ، بس فيها مشكلة ان العربية بترجرج على سرعة 70 كم تقريبا و كمان عصاية الفتيس بتترجرج هى كمان يمين و شمال جامد ، و العربية بتتظبط بعد سرعة 80 كدة و بتبقى تمام ، انا قولت ان دى مشكلة ترصيص زى ما الاخوة هنا قالوا ، بس هل من الممكن ان تكون المشكلة اكبر من كدة زى عيب فى الجيربوكس مثلا او حاجة ؟ و هل الضمان بتاع التوكيل يغطيها ؟

شكرا ليكم جميعا

طبعا ضمان التوكيل يغطيعا - عليك و على التوكيل فورا

[romany2010]

شكرا شباب علي الردود الحميله و التعليقات و النصايح و اسق لعدم الرد و ربنا يعلم كنت مشغول ازاي في حاجات كتير و طبعا اوولها العربيه تقريبا كده فتحت بقها و من غير مناسبه
الموضوع اتطور خالص ماص بقي ماتور و عفشه و الحمد لله
المهم شكرا جدا و ده النتوقع نت المنتدي الاول للسيارات
شكر خاص للاخ للعزيز هاني محمد
يا تري انت اكلت و لسه مستني :)

[FLYINGPEUGEOT]

العفو يا حبى
بس ايه اللى حصل تانى ؟؟؟؟؟!!!!! فى العربيه
ومالو الموتور كمان..اوعى تقوللى شمبر اوصبابات او الكلام الفاضى دا..انت قولت العادم والزيت تمام !!!!

وعلى فكره انا لسه مكلتش من ساعتها :(

:)