ساعدوني في سخونة البيكانتو!!

[NaderNabil]

شباب نايل موتورز...اتمني تكونوا بخير..

عندي مشكلة عويصة في البيكانتو و محتاج مساعدتكم فيها

احكيلكم شوية تاريخ الاول.... العربية قعدت فترة متبرجلة و بتسخن جامد و من كتر ما كانت بتسخن و المياة بتتبخر... كانت بتوصل انها تقف و ماترضاش تدور

المهم علشان ماطولش.... وديناها لميكانيكي و غيرنا لها طرمبة المياة و اتظبطت بعدها زي الفل

الاسبوع اللي فات عامل بيها بتاع ٥٠٠ كيلو بالتكيف و الحر و الوقفة في الزحمة بدون اي مشاكل ...بعد كدة ركنتها اسبوع و استخدمتها النهاردة...

في نص المشوار فجاة لقيت التكييف بيطلع هوا عادي و بعدها الاقي لمبة الحرارة الحمرا بتنور ... قمت ركنت و فتحت الكبوت لاقيت صوت المياة بتغلي!!!مع ملاحظة ان المروحة شغالة عادي

المهم سبتها تبرد شوية و زودت مياة و اتحركت تاني مفيش دقيقة و اللمبة نورت تاني.... فعلطول روحتها البيت و ركنتها لحد ما اعرف اتصرف ازاي

تفتكروا العيب يكون منين؟!؟ مع ملاحظة انها عاملة ٩٥٠٠٠ كم دلوقتي

شكرا مقدماً علي الردود

[A.Saad]

ازيك يا نادر
شوف تنفيس غطا الردياتير لو فيه تنفيس هيخللى المياة تسخن
وشوف الكوعة برده

http://www.nilemotors.net/Nile/229216-a.html

http://www.nilemotors.net/Nile/229218-a.html

والمياه عندك نوعها ايه وبقالها قد ايه فى العربية

[A.Saad]

http://www.nilemotors.net/Nile/117410-auto-repair-dummies.html

[NaderNabil]

جزيل الشكر يا أحمد بك...عاش من شافك :)

بعد قراءة الموضوع ده...اعتقد كده ان السبب من السير المرتبط بطرمبة المياة و كومبرسور التكييف و ده يفسر ان التكييف قطع الهواء الساقع

هاشوف كده و ابلغكم الأخبار