تعبت من انواع الزيوت

[احمد عتمان bm]

انا خلاص زهقت من كتر انواع الزييت و كل واحد ينصحني بحااااجه وانا دلوقتي محتار بين castrol eage ... ....l ultra .... liqui moly ..... valvoline

فياريت بجد لو حد بيستخدم حاجه فيهم و متعود عليه و مريحه يقولي
و لو حد جرب حاجه منهم و لقا فيه عيب او فيه حاجه وحشه و مريحهوش برده يقول
:)

[S O P H O S]

كراي فقط
....l ultra

[نينو]

بيتهيالي يا احمد البي ام احسن حاجة ليها كاسترول انا بستخدمو و زي الفل في البي ام

[Ahmed salamaa]

بلااااش فالفولين حطيطو و لفيتة نقص و نزلتة علي ال2000 محروووق و ضايع زي الماية
كاسترول لسة حطة و زيت حلو و بيهدي صوت الماتور في الجري و بيستحمل الحرق علية
ليكوي مولي انشاء الله هجربة بعد ما انزل الكاسترول ياريت حد يقولنا اية نظامة

[i1egypt]

ممكن تكتبو انواع العربيات الى بيتجرب عليها الزيت ونوع الزيت الى حطيته من الشركة ايه
وانا عن تجربتى في ابيزا 2000 سعه 1000cc للكوى مولى 10w-40 كان جامد جدا

[kareemafifi]

سكودا اوكتفيا a4 2003 كاسترول ايدج للمرة التانية علي التوالي و بسم الله ماشاء الله عليه بجد انصحك بيه

[nab!l]

شل الاصفر تمام معايا
موبيل زبااااااااااااااااااله

[zocor742]

لسة مجرب الفيسكو اللى بيمشى 5000ك فى نوبيرا 1500 ومشيت بية حوالى 500ك فيهم طالعة الاسكندرية القاهرة صد رد
بجد زيت محترم جداهدى صوت المتور فى السلانسية المكنة يكاد يكون صوتها مش مسموع فى المشى الطبيعى اللى هو انقل على 2.5 ل 3 اربى ام ومشى هادى
تجربتة مع القرص او حرق صوت المكنة بقى انعم بكتيييير مقارنة بالشيل الاصفر اللى كنت بستخدمة بقالى فا بالتالى عارف صوت واداء العربية بالشيل الاصفر ,بالنسبة للاداء بجد المكنة اختلفت تماما حاسس انها اتصعرت بقت تاخد الغيار تشب سحب وتجميع افضل بكتير عن شيل

من وجهة نظرى ممتاز ولسة تحت الاختبار وشكلى هستقر علية لو لقيتة مكمل كدة
الفيسكو منة مصرى ومنة تبة امراتى
ال5000ك اللى استخدمتة تعبئة امراتى وال10000ك تعبئة امراتى
اقل من 5000ك تعبئة مصرى طبعا الكلام دة كلام العامل واتأكد بنفسى بصيت على ال10000 و5000 ك مكتوب تعبئة امراتى الباقى تعبئة مصرى
اللى خلانى اجربة واحد صحبى بيستخدم ال10000ك فى فنتازيا وشكرلى فية جدا بعد ما كان بيحط شيل هيلكس
واللى ادانى ثقة اكتر ان محمد ممدوح باشا اعرف انة بيستخدمة من اول ما عرفت المنتدى وكان بيشكر فية وطبعا ممدوح باشا مصدر ثقة بس الله اعلم ان كان لسة بيستخدمة ولا غير
اسف انى طولت بس بجد زيت يستاهل

[احمد عتمان bm]

الف شكر علا النصيحه يا رجاله عامتا انا دلوقتي حاطط شيل الترا بس عيبه بيبقا وحش لما المكنه تسخن و تحس انها خشنه وانا من تجربتي فعلا يا نينو كاسترول هايل للبي ام

[akmm]

وفى النهايه حيره فعلا ..............

[i_Am_Legend]

انا كنت بستخدم شيل الاصفر ل اللانشيا..وبعدها ليكوي مولي..وبعدها شيل الاصفر تااني...ومافيش فرق..كلهم زي بعض اصلا...والمرة الجاية هاجرب توتاال بالمرة...ههههههه

[m_elhasafy]

أنا جربت ليكوى مولى 10w-40 (نصف تخليقى و الجركن لونه لبنى) ونزلته بعد 6 ألاف و كان زى الفل
و دلوقتى حاطط 5w-40 (تخليقى و الجركن لونه موف) و بقاله حوالى 3 ألاف و الحمد لله زى الفل مع العلم إن النوع ده هو أطول الزيوت عمراً فى المحرك لإن مستوى خدمته sn و أعلى زيت معروف فى مصر sm
و ده فى الدول الأوروبيه بيقعدوه لغاية 30 ألف يعنى عندنا فى مصر ممكن تقعده 15 ألف و أنت مطمن

[elpasha1]

فيسكو ممتااااااااز

[ahmed_h_g]

فالفولين نقص معايا جامد ولونه أسود
بلاش منه 5w40

[المنسي]

طيب اخبار الليكوى مولى ايه عايز اغير من شل الاصفر وقلقان