تعبت من انواع الزيوت

[dandashx]

ليكوي مولي 5w40 كان معايا زي الفل ونزلته على 8000

حطيت توتال كوارتز 8000 5w40 من بنزينة توتال، ماشي بيه لحد دلوقتي 800 كيلو وبصراحة زفت الزفت، وبافكر أنزله عالأرض وارجع تاني لليكوي

[sfgtrehk]

ياريت حد يتطوع باسعار ما سبق ذكره كله من انواع
اسم الزيت
ومنين
وسعره
تحت بعض لنستفاد جميعا

[hossamsmsm]

طيب يا جماعه تنصحونى بأيه ؟؟؟
عربيه لانسر بومه 2006
1600 cc
انا كنت بحط فى الالنترا شل الاصفر 5000

[Mohab555]

لكوى مولى توب تك 5w40 ممتاز عت تجربه فى عربيات العائلة اكسنت و النترا و ميتسوبيشى
نزلته اكتر من مره على اكترمن 10000 كم و كان لسه محتفظ بالزوجة ,, جركن 4 لتر ب 260 جنية

[Mohab555]

طيب يا جماعه تنصحونى بأيه ؟؟؟
عربيه لانسر بومه 2006
1600 cc
انا كنت بحط فى الالنترا شل الاصفر 5000

لو العربية مش ماشية اكتر من 100 الف كم
حط لكوى مولى توب تك بيقعد 10000 كم و زيت تخليقى محترم و ب 260 جنية الجركن ... حرام تحط فى عربيتك زيت معدنى ... لو اكتر من 100 الف كم حط لكوى مولى 10w40 و ده بيقد 7 الاف كم و الجركن ب 190 جنية ..

[هيثم الدسوقى]

انا عربيتى أوبل كورسا وبحط له موبيل

بس بافكر احط شيل ايه رأيكم

العربية عاملة 100100 كيلو ومشاويرها صغيرة وجو المدينة

[sfgtrehk]

اللى عايز
كاوتش
الماركة اللى عايزها اى ماركة خاصة برجستون فرنساوى والمقاس والمقاس البديل له
يراسلنى عالخاص مع احلى واجب
بس للاعضاء بنايل موتورز فقط

و ممكن

البطاريات كمان الماركات
الالمانى
الاسبانى
التركى

الموضوع دا خدمة منى ليك

عسى الله يجازينا جميعأ خيرا

[sno7y]

الكسترول مجنيت 10w40 جامد جدا مصف تخليقى

[rabso88]

حطيت زيت امارات مصر الى هو 5000 كيلو و صوت الموتور احسن من موبيل xhp انا مشيت بيه حوالى 500 كيلو و لسه تحت المتابعه

[AWAM]

ياريت كمان تجرب زيت بارو تاكسى من امارات مصر عرقه تقيل واللذوجه واحد بعد انتهاء الصلاحيه بيعمل 3000 كيلو سعر 76 جنيه وممتاز والله جدا وصوت الماتور واطى انا معايا كرسيدا موديل 83 قوه الماتور 2000 سى سى وفى الحر والحرق ممتاز

[borio1704]

الحكم على أنواع الزيوت من غير ما نعرف شوية معلومات زيادة عن طريقة تصنيف الزيوت بيخلي الناس تايهة ومش عارفة تفرق ما بين الكويس والوحش


أولا.. درجة اللزوجة مش هي الحاجة الأساسية اللي بنحكم بيها على الزيت إذا كان كويس ولا لأ

ثانيا.. لو عربيتك قديمة أو التكنولوجيا فيها قديمة شوية... يبقى كل الزيوت هتبقى زي الفل معاك

ثالثا.. كل الناس اللي قالت رأيها في الزيوت محدش فيهم قال العربية نفسها عايزة إيه
ماهو مش معقول تأكل الأرنب برسيم وهو ما بياكلش غير جزر وخس


القاعدة الذهبية بتقول: "ارجع لكتالوج العربية"


لو مشيت على اللي الكتالوج بيقوله .. هتستريح ومش هيبقى عندك أي مشاكل

لو عايز تفهم إيه الفرق بين أنواع الزيوت وازاي تختار زيت الموتور.. ادخل على الموضوع ده:
القواعد الذهبية لاختيار زيت العربية.... موسوعة مبسطة لأساسيات زيوت المحركات



...