مشكلة فى التويوتا الجديدة 2014 إحتار فيها الجميع

[tarek sharaka]

أعزائى الأعضاء الكرام
كما تعودت على مدار 4 سنوات قراءة مشاركتكم العملية و الفعالة على مناقشة مشاكل الأعضاء و قيام مجددا بتسجيل عضوية جديدة لتعذر تنشيط العضوية القديمة حتى يتسنى لى بالمشاركة و الإستعانة بحضراتكم فى المساهمة لإيجاد حلول حقيقية لمشكلتى و هى :
عندى تويوتا كورولا الجديدة 2014 إشتريتها من الزيرو وقام أحد أصدقائى بصدمها من الأمام مما نتج عنه كسر فى مانيوفولد الموتور و بعد أعمال السمكرة قمت بشراء واحد
إستعمال ودارت السيارة بدون مشاكل والحمدلله و لكن بعد يومين تلاحظ تأخير فى الدوران و ذبذبة فى ال rbm ,وكنت أقوم أثناء بداية الأدارة بالضغط على دواسة البنزين كثيرا حتى يدور المحرك و لذلك قمت بتغيير الأتى:
- تغيير المانيوفولد بآخر (الميكانيكى قال إنه فيه تنفيس هواء ولكن كلامه كان غير صحيح
- تغيير البوجيهات و تنظيف القديم
- تم تغيير فلتر البنزين بآخر جديد ( مع إن السيارة لم يحل عليها صيانة ال10000ك لسة جديدة)
-تغيير البوابة بواحدة إستعمال ولكن المشكلة رجعت تانى
الملاحظات:
أثناء الإدارة يلاحظ رائحة بنزين نىء وأحيانا ظهور دخان أسود من الشكمان
فى حالة إطفاء المحرك و تشغيله فى مدة لا تزيد عن عدة دقائق فإن المحرك يدور فورا بدون مشاكل !!!
وجود رسالة throttle sensor , accelerator pedal فى جهاز كشف الأعطال فى معظم المرات (خمس مرات كشف بالجهاز)
الأداءات و إستهلاك البنزين عل السرعات العالية طبيعى جدا
أحيانا اثتاء تشغيل التكييف فى وقت الذروة يقل الrpm فجأة ثم يعلو مرة تانية
إعذرونى للإطالة و لكن حتى تتوافر لحضراتكم المعلومات المطلوبة لتسهيل التشخيص
وفى النهاية لكم منى كل إحترام وتقدير وفقكم الله لما يحب و يرضى
مهندس / طارق شراقة

[a zahran]

ممكن يا باشمهندس رقم العطل اللى بان على الجهاز

[ah-elgendy]

هى العربيه لحق نزل ليها قطع غيار استعمااااااااااااااال ؟ وكمان ميكانيكى بيشتغل فيهم ؟

[tareksharaka]

رقم المشكلة

بصراحة أنا مش رقم الكود بس أنا عارف الرسالة اللى ظهرت فى الجهاز اللى ذكرتها فى أول رسالة
ولكم جزيل الشكر على مشاركتكم

[tareksharaka]

على فكرة أنا لاحظت حاجة لما سافرت سبت العربية مكرونة لمدة أسبوع ولما دورتها دارت على طول بشكل طبيعى جدا . وتانى يوم يشغلها لقيتها رجعت تأخر فى الإدارة تانى زى ماكانت مش عارف فيه إيه بالضبط .
هى مشكلة سوفت وير ولا حساسات ولا إيه بصراحة أنا متلخبط.
أفيدونى لو تكرمتم.

[mido_soliman]

هى العربيه لحق نزل ليها قطع غيار استعمااااااااااااااال ؟ وكمان ميكانيكى بيشتغل فيهم ؟

الموتور موجود من 2008 و 09 و 10 الجنوب افريقي

[AlGazar2]

اعتقد دى مشكلة رشاشات او حساس شكمان و التعليقة و البرجلة من البوابة ممكن يكون حصل فى الاسلاك بتاعتها حاجة

[pioneerahmed]

حساس دوارة او حساس تكييف او ايدل
واحد من ال 3 دول ان شاء الله

[mac os]

كنت خدتها على التوكيل ياباشا على طول وحرام قطع غيار مستعمله فى عربيه لسه زيرو

[tareksharaka]

فيه واحد من التوكيل قال إن العيب ممكن يكون من المانيفولد

فيه واحد من التوكيل قال إن العيب ممكن يكون من المانيفولد ﻷن اللى راكب فيه إستيراد موديل 2013 و ده كان بيحصل فى عربيات كانت بتيجى التوكيل لنفس السبب وكانوا بيجربوا حاجات كتير و فى اﻵخر بيكتشفوا إن العيب فى المانيوفلد حتى لو كان متطابق من الخارج بس بيكون فيه إختلاف من الداخل وده ممكن ينطبق عليا وخاصة إن الحاجة الوحيدة اللى إتغيرت فعلا فى العربية هو المانيوفلد بعد ما إتكسر فى الحادثة.
وهو فعلا ممكن العيب زى ما حضرتك ما قلت يكون فى واحد من الحساسات التلاتة دول؟
وهما مكانهم فين بالضبط؟

[tareksharaka]

فيه واحد من التوكيل قال إن العيب ممكن يكون من المانيفولد

فيه واحد من التوكيل قال إن العيب ممكن يكون من المانيفولد ﻷن اللى راكب فيه إستيراد موديل 2013 و ده كان بيحصل فى عربيات كانت بتيجى التوكيل لنفس السبب وكانوا بيجربوا حاجات كتير و فى اﻵخر بيكتشفوا إن العيب فى المانيوفلد حتى لو كان متطابق من الخارج بس بيكون فيه إختلاف من الداخل وده ممكن ينطبق عليا وخاصة إن الحاجة الوحيدة اللى إتغيرت فعلا فى العربية هو المانيوفلد بعد ما إتكسر فى الحادثة.
وهو فعلا ممكن العيب زى ما حضرتك ما قلت يكون فى واحد من الحساسات التلاتة دول؟
وهما مكانهم فين بالضبط؟
بس أنا أعتقد إنه مش عيب حساس أيدل ﻷنى فكيته لقيته حالتها ممتازة وجديد فعلا.
أما حساس الدوارة فأنا بستبعده ﻷن العربية بتدور بعد ما أدوس كذا مرة على دواسة البنزين كأنى بأحفز البوابه إنها تفتح و تخلى العربية تدور.
أما بالنسبة لحساس التكييف فأنا مش عارف هو وظيفته إيه بالضبط.
أنا حطيت منظف رشاشات ﻷنى شكيت إن الرشاشات ممكن تكون محتاجة تنظيف بس مفيش فرق ملحوظ
و الضفيرة و الفيش بتاعة الحساسات مش لاقى فيها حاجة مش مضبوطة ظاهريا ﻷن ببساطة يا جماعة العربية لسة بتقفيلة الفابريكة وكل حاجة بحالتها وجديدة زى ماهى !!

[walid hosny]

العيب ظهر في الجاز throttle sensor ياريت تغير الحساس ده

[tareksharaka]

رقم الكود لأعطال : 1185
ويخص حساس acceleration-deceleration sensor ويفترض وجوده فى كتاب الصيانة فى أسفل منتصف السيارة و يطلق عليه أيضا G-sensor

[georgedada82]

ريح بالك وروح التوكيل وهتتحل اكيد يعني بدل العك ده كله دي عربية جديدة حرام عليك تبهدلها عند ميكانيكي مش فاهم حاجة لانه باين انه مش فاهم حاجة زي ما حضرتك كاتب كده

[Ahmed Talha]

والله يا باشا معلش سامحني انت غلطان في انك جايب العربية دي ورحت لميكانيكي وما روحش للتوكيل :)
شخصيا شايف المشكلة مشكلة حساس