مشكلة فى التويوتا الجديدة 2014 إحتار فيها الجميع

[Sherif Khalifa]

السيارة ليها حرمة مثل حرمة البيت
يعنى سلف الصاحب بيخسر
و ربنا يعوض عليك و يهون عليك المشكلة
نصيحة لحضرتك انك ترجع كل حاجة لأصلها و تروح بيها التوكيل
و اعتقد كمان مشكلة حضرتك ممكن يكون ليها علاقة كبير بال ideal control او ال acceleration sensor الى بيكون موجود خلف بكرة بدال البنزين و كل دا بيكون موجود فى المنافولد (انا معرفش تحديدا فين فى التويوتا ) بس معظم تصميم المواتير متشابه نوعا ما
و الله اعلم

و ممكن لو انت جنب الدقى تعدى على محمد السيد هوا شاطر اوى فى الحاجات دى
و ربنا يوفقك للخير بمسيئتة

[Mustafa_Zain]

المشكلة ببساطة في إن صاحب العربية على الرغم انها موديل جديد راح يصلحها عند ميكانيكي وده شيء غريب في حد ذاته. مينفعش أصلا ألعب في عربية برده التوكيل وهي لسه ماكملتش 10000 ناهيك إنها أصلا موديل لسه جديد....

[amirz]

المشكلة ببساطة في إن صاحب العربية على الرغم انها موديل جديد راح يصلحها عند ميكانيكي وده شيء غريب في حد ذاته. مينفعش أصلا ألعب في عربية برده التوكيل وهي لسه ماكملتش 10000 ناهيك إنها أصلا موديل لسه جديد....

كلامك مظبوط، اذا كان التوكيل احيانا بيحتار فى الاعطال مابالك بقى بالميكانيكية والفتى بتاعهم

[basuoney]

ببساطه المشكله تكمن فى طلمبه البنزين وصمام عدم الرجوع الى موجود على الموتور ما بيعمل كنترول على البنزين كل ضغط الطلمبه البنزين بيدخل على الموتور وما بيرجع الباقى على التنك فى رداغ هو الى مسئول عن ذللك

[drhima]

السلام عليكم ورحمة الله وبركاته
الاخ الكريم المشكلة حسب الكشف في دواسة البنزين وحساس البوابة وده بيترجم حركة غلط للبوابة بمعني انها ممكن تكون بتعلق او محشور جواها حاجة من اثر الخبطة ده اقتراح ويارب ينفع حاول تفك الثروتل وتنضفة وتعمل relearning للكمبيوتر بتاع العربية وان شاء الله تبقي زي الفل

[tareksharaka]

المشكلة تحديدا فى حساس acceleration-deceleration sensor و حساس yaw rate sensor كما مدون فى الجهاز ولكن ظهر مشكلة عدم معرفة أماكنهم فى العربية و بعدين أنا روحت التوكيل قالوا إن أول ميعاد ليا فى نص شهر عشرة يعني مضطر أستنى الوقت ده كله علشان أعملها فى التوكيل ! الأعطال اللى ظهرت فى الجهاز آخر مرة كود رقم p1585 و p1585 الخاص ب acceleration sensor circuit & acceleration sensor mulfunction

[tareksharaka]

شكرا لكل من شارك فى حل هذه المشكلة
الحمدلله بعد معاناة و فحص لكل ذرة فى العربية تم التوصل للسبب التأخير فى الدوارة بعيدا عن الحساسات الخاصة الإتزان المتصلة بكونترول اﻹيرباج حيث تبين أن السوفت وير الذى تم إستخدامه لتشغيل الكنترول غير متوافق مما أدى لظهور أكواد الحساسات. أما مشكلة إدارة المحرك فكان السبب من طقم الرشاشات و عند تغييرها إختفى العرض و الحمدلله و كانت مفاجأة سعيدة و صادمة فى نفس الوقت بعد ما شهرين من البحث و التنقيب فى كل جزء والحمدلله على كل شيء وأخيرا العيد هيبقى ليه طعم وكل عام وحضراتكم بخير.