ليه لازم اكارك بنزين

[aliyehia]

بعد السلام عليكم
انا معايا عربيتين فيات واحده ١٢٧ ايطالى و الثانيه ١٢٤ سبور
المشكله الملحوظه لى انى لما باركن واحده منهم لمده اكتر من يومين تلاته و ارجع استخدمها العربيه ما ترضاش تدور الا بعد ما اقعد اكارك بدواسه البنزين كتير و بكده تلقط و تدور عادى و طول فتره الاستعمال ما فيش اى مشكله فالتدوير
حد عنده فكره عن السبب علما انى حاطط ايدى فى العربيتين و كل حاجه متغيره جديده فى طقم الكهرباء بل الكربيراتير متغير زيرو فى الاتنين
و شكرا

[the_master848]

متابع

[amrelsaqqa]

ده الطبيعى في اي عربية كربراتير طالما طرمبة البنزين مش كهربا ( رداخ عادى )

بيبقى في طرمبة صغيرة جوة الكربراتير بتبقى مليانة بنزين وبقية الكربراتير ناشف تماما ، والخراطيم مش بتجيب بنزين الا لما الموتور يدور لان الرداخ مش بيشتغل الا بحركة الموتور

فلما بتكارك بتكارك على الطرمبة الصغيرة اللى جوة الكربراتير ودى اللى بتديك بنزين يدور العربية وبعد كدة الرداخ يشتغل والخراطيم تسحب براحتها

لو قعدت فترة طويلة جدا اكتر من كدة ، الكربراتير بينشف تماما حتى الطرمبة الصغيرة دى وفي الحالة دى لازم العربية يتحضرلها بنزين يدوى في الكربراتير عشان تدور
وفي حاجة كمان ان التدوير على البارد بيحتاج بنزين زيادة عشان السلندرات بتبقى باردة والبنزين بيسيل عليها ومش بيرضى يتحرق بسهولة في اول الدوارة فبتبحتاج كمية بنزين اكبر

العربيات الانجكشن بتعمل الموضوع ده لوحدها وطبعا الطرمبة بتبقى كهربة فعلى طول بتحضر لنفسها بنزين

اللى ممكن تكشف عليه عندك هو الشفاط بتاع الكربراتير ده وظيفته انه بوابة بتخنق الهوا شوية عشان نسبة البنزين تزيد فتخليك تدور على البارد بسهولة ، وفي منه يدوى واوتوماتيك حسب نوع العربية

[juba8]

ده الطبيعى في اي عربية كربراتير طالما طرمبة البنزين مش كهربا ( رداخ عادى )

بيبقى في طرمبة صغيرة جوة الكربراتير بتبقى مليانة بنزين وبقية الكربراتير ناشف تماما ، والخراطيم مش بتجيب بنزين الا لما الموتور يدور لان الرداخ مش بيشتغل الا بحركة الموتور

فلما بتكارك بتكارك على الطرمبة الصغيرة اللى جوة الكربراتير ودى اللى بتديك بنزين يدور العربية وبعد كدة الرداخ يشتغل والخراطيم تسحب براحتها

لو قعدت فترة طويلة جدا اكتر من كدة ، الكربراتير بينشف تماما حتى الطرمبة الصغيرة دى وفي الحالة دى لازم العربية يتحضرلها بنزين يدوى في الكربراتير عشان تدور
وفي حاجة كمان ان التدوير على البارد بيحتاج بنزين زيادة عشان السلندرات بتبقى باردة والبنزين بيسيل عليها ومش بيرضى يتحرق بسهولة في اول الدوارة فبتبحتاج كمية بنزين اكبر

العربيات الانجكشن بتعمل الموضوع ده لوحدها وطبعا الطرمبة بتبقى كهربة فعلى طول بتحضر لنفسها بنزين

اللى ممكن تكشف عليه عندك هو الشفاط بتاع الكربراتير ده وظيفته انه بوابة بتخنق الهوا شوية عشان نسبة البنزين تزيد فتخليك تدور على البارد بسهولة ، وفي منه يدوى واوتوماتيك حسب نوع العربية

الكلام ده فى البيجو 504 برضو ؟؟؟؟؟؟

[amrelsaqqa]

ايوة

[aliyehia]

طيب نظريا هل ممكن تركيب طرمبه بنزين كهرباء على كربيراتير عادى و لا ده مستحيل

[amrelsaqqa]

طيب نظريا هل ممكن تركيب طرمبه بنزين كهرباء على كربيراتير عادى و لا ده مستحيل

لا ممكن جدا بتتوصل مع الكونتاكت و توصل الخراطيم عليها عادى جدا وتلغى الرداخ القديم
في انواع صينى في السوق وكويسة مش وحشة بس انا بقالى فترة مش متابع لانى بعت العربية القديمة

[aliyehia]

معلش سوال اخير
هل الطرمبه الكهرباء فى الحاله دى بتبقى داخل تانك البنزين و لا بتبقى خارجه
و شكرا للتواصل

[محمود السيد]

متابع معاكو

[amrelsaqqa]

معلش سوال اخير
هل الطرمبه الكهرباء فى الحاله دى بتبقى داخل تانك البنزين و لا بتبقى خارجه
و شكرا للتواصل

خارجه

العفو ولا يهمك :)
راجع الموضوع ده بكل مشاركاته وان شاء الله يفيدك ;)

http://www.nilemotors.net/Nile/206572-a.html

[juba8]

ايوة

طيب مش ممكن نغير طرمبه البنزين اللى جوه الكاربراتير دى او نغير الرداخ

[amrelsaqqa]

شوف الرد اللى بعده ، هتلاقي في موضوع بيتكلم عن تركيب طرمبة بنزين كهربة

[juba8]

شوف الرد اللى بعده ، هتلاقي في موضوع بيتكلم عن تركيب طرمبة بنزين كهربة

انا قصدى زى اللى موجوده لكن جديده ..

[amrelsaqqa]

ماهى مش هتفرق في حاجة ، هى فكرة عملها كدة سواء جديدة او قديمة

الموتور محتاج بنزين عشان يدور ، والرداخ محتاج الموتور يدور عشان يدي بنزين ! فالحل اننا نركب الطرمبة الكهربة اللى بتشتغل قبل الموتور عشان تديله البنزين
ده الحل الجوهري ومش محتاج تعدل حاجة في الكربراتير لو ظبطت الحتة دى

[juba8]

ايه احسن نوع طرمبه بنزين تتوافق مع البيجو 504