ليه لازم اكارك بنزين

[aliyehia]

انا قريت الموضوع القديم عن تركيب الطرمبه الكهرباء لكن فيه سوالين مش لاقيلهم اجابه
اولا هل تركيب طرمبه كهرباء على نفس خرطوم البنزين الى داخل على الكربيراتير معناه ان الطرمبه حتفضل تدخل بنزين طول ما الموتور داير و ده معناه انى لما ادوس بنزين جامد الطرمبه الميكانيكيه بتسحب بنزين اكتر فهل الطرمبه الكهرباء بتزود كميه البنزين الى بتمر من خلالها فى الوقت نفسه و لا ممكن تسبب منطقه خنق لسريان البنزين
ثانيا انا اعرف ان الطرمبه الكهرباء بتكون جوه التانك علشان التبريد و التزييت يكون من الوقود نفسه فهل عادى يكون فيه طرمبه بنزين كهرباء خارجيه و تبريدها بيكون ازاى
و شكرا

[ahmed_eng2001]

انا قريت الموضوع القديم عن تركيب الطرمبه الكهرباء لكن فيه سوالين مش لاقيلهم اجابه
اولا هل تركيب طرمبه كهرباء على نفس خرطوم البنزين الى داخل على الكربيراتير معناه ان الطرمبه حتفضل تدخل بنزين طول ما الموتور داير و ده معناه انى لما ادوس بنزين جامد الطرمبه الميكانيكيه بتسحب بنزين اكتر فهل الطرمبه الكهرباء بتزود كميه البنزين الى بتمر من خلالها فى الوقت نفسه و لا ممكن تسبب منطقه خنق لسريان البنزين
ثانيا انا اعرف ان الطرمبه الكهرباء بتكون جوه التانك علشان التبريد و التزييت يكون من الوقود نفسه فهل عادى يكون فيه طرمبه بنزين كهرباء خارجيه و تبريدها بيكون ازاى
و شكرا

للاجابة على سؤال حضرتك الاول ..... مش حينفع غير التجربة الواقعية للحكم على هذا الموضوع
انا كنت مشغل الطرمبة البنزين على عربيتى ال 8 سلندر و كانت مكفياه بنزين من غير مشاكل
فيه نقطة تانية .... الطرمبة الكهرباء ... بتكون طرمبة ازاحة فى الاساس .... يعنى ... تدى كمية وقود كبيرة ... بس مش ضغط كبير ... و كمية الوقود الى بتضغطها بيكون ثابت ... و لما عوامة الردياتير بتقفل الطريق امامها ... الطرمبة بتفصل لوحدها ..... و ترجع تشتغل تانى لما الضغط يقل امامها


الطرمبة الغاطسة دى بتكون فى اغلب انظمة الحقن ... لأن نظام الحقن بيحتاج ضغط وقود كبير شوية و بالفعل الطرمبة بتحتاج للتبريد علشان كدة بتكون غاطسة فى البنزين

الطرمبة الى بنحكى عنها بتكون خارجية و بتتركب قريب من الكاربراتير ... و لا تحتاج لوسيلة تبريد

و انا سمعت ان حرارة الموتور فى الحوض بتبوظها .... بس فيه ناس كتير بيقولوا انهم مركبينها فى الحوض و شغالة كويس و مفيش مشاكل

[aliyehia]

امبارح رحت للميكانيكى بتاعى و شرحت له المشكله قام جرب طرمبه البنزين لقاها كويسه
و قال لى ان المشكله مش فيها و ارجع السبب ان الكربيراتير فيه من الجنب جلده مربعه بتتربط باربعه مسامير (مش فاكر اسمها) و قال انها لما بتنشف و تشقق. بتسبب بخر البنزين الى بيكون موجود جوه الكربيراتير لاداره المحرك
و قال لى ان لما العربيه بتركن فتره طويله يومين مثلا الجلده الناشفه دى بتخلى الكربيراتير يفضى شويه البنزين الى جواه
المهم غيرها و سعرها ٢٠ جنيه و لسه حاشوف النهارده بالليل ايه النتيجه

[aliyehia]

النهارده مر حوالى ٥ ايام من ساعه ما الميكانيكى غير الكاوتشه
الملاحظ ان العربيه ما باقتش تحتاج تكريك علشان تدور و ان كان ساعات تدور لثانيتين و بعدين تطفى و اديها دوستين بنزين فقط( الاول كان ممكن اكارك حوالى ٥٠ مره) و تدور زي الفل
انا كده متقبل الوضعو الحمد لله

[ahmed_eng2001]

الحمد لله عبى تصليح العيب ....

الكاوتشة الى غيرها الميكانيكى دى بيسموها رداخ