دوارة الفيرنا ؟

[sherifatar]

يا كبير دورة التبريد متشغلش بالك بالتكلفة وبعدين المياة الخضراء عندي بس انا بشتغل بالسعودي انما لو انت عاوز تجيب المياة معاك معندناش مشكلة وبالنسبة لعلبة الشكمان موجودة متشغلش بالك شوف حضرتك عاوزتيجي امتي تشرفني بس ياريت تكلمني قبلها علشان اتشرف بمقابلتك

[wael6]

الشرف لينا يا بشمهندس

السعودى مضمونه
انا كنت بحط ايادا الاسبانى ومظبطتش بعد فتره

بالنسبه للدوارة انا هجرب بكره الصبح ان شاء الله واقول لحضرتك

متشكر جدا لاهتمامكم

[sherifatar]

هنتظر تليفونك بكرة ان شاء الله وياريت لو فاضي بكرة تشرفني شوية هكشف تاني علي السيارة واخلي الفتنيين يشيكوا عليها
تاني

[wael6]

هنتظر تليفونك بكرة ان شاء الله وياريت لو فاضي بكرة تشرفني شوية هكشف تاني علي السيارة واخلي الفتنيين يشيكوا عليها
تاني

الحمد لله يا بشمهندس العربيه دارت من او ل مره لوحدها
يمكن عشان البطارية كانت جديده كانت محتاجه تتطبع مع الدينامو

باذن الله لما اجهز ماديا هكلم حضرتك عشان الشكمان والتبريد


وشكرا جزيلا

[wael6]

للاسف الشديد العربية رجعت تغيب فى الدوارة من تانى مره او تالت مره وهى بارده
لكن وهى سخنه الحمد لله من اول مره علطول ؟
يا ترى ايه السبب بعد كل اللى انا عملته ؟


متابع
وشكرا

[sherifatar]

ياباشا هنتظرك يوم السبت وان شاء الله مش هتمشي الا لما نحل المشكلة دي من جزورها وهنخلي الميكانيكي يبص علي العربية ونكشف تاني والكهربائي كمان متقلقش بسيطة ان شاء الله

[wael6]

ياباشا هنتظرك يوم السبت وان شاء الله مش هتمشي الا لما نحل المشكلة دي من جزورها وهنخلي الميكانيكي يبص علي العربية ونكشف تاني والكهربائي كمان متقلقش بسيطة ان شاء الله

شكرا لاهتمامك يا بشمهندس

باذن الله هاجى لحضرتك
بس يمكن السبت لا لأنى رايح ان شاء الله للبوهيجي يكمل شغل قديم كان بيعمله
وربنا ييسر ع الاحد باذن الله

وانا ان كنت بكرر استفساراتى فده للاستفاده مش اكتر
وشكرا جزيلا

[dipole_moment]

للاسف الشديد العربية رجعت تغيب فى الدوارة من تانى مره او تالت مره وهى بارده
لكن وهى سخنه الحمد لله من اول مره علطول ؟
يا ترى ايه السبب بعد كل اللى انا عملته ؟


متابع
وشكرا

اعتقد المشكلة هنا إما من البوجيهات او ان العربية ممكن تكون بتدور غاز مش بنزين و يكون فيه مشكلة فى الجهاز اللى بيقلبها من غاز الى بنزين

[wael6]

اعتقد المشكلة هنا إما من البوجيهات او ان العربية ممكن تكون بتدور غاز مش بنزين و يكون فيه مشكلة فى الجهاز اللى بيقلبها من غاز الى بنزين

البوجيهات جديده
ومشكلة غياب الدوارة دى ع البنزين مش الغاز
لانى بدور بنزين وبطفى بنزين
ومفيش مشكله الحمد لله ع الغاز خالص

اعتقد ان لها علاقة بظبطة السلانسيه
لان حتى لو دارت علطول او من تانى مره بين فيه رجه وهبوط فى الار بي ام مع عدم تبطيل العربيه وبيعلي لوحده وده لمدة ثوانى بسيطه وبعد كده العربيه ترجع طبيعية وتسخن عادى

شكرا لاهتمامكم

[sherifatar]

انا زعلان جداااااا منك يا وائل ومنتظرك بكرة

[wael6]

تم مراجعة السيارة
ووجد ان حساس الايدل به مشكله وتم تنظيفه واشتغل كويس
ولكن على فترات بيعلق
يعنى كل مثلا 3 او 4 مرات دوارة من اول مره تعلق وتدور من تانى او تالت مره خصوصا وهى بارده
هل كده يلزم تغيير الحساس ولا ايه ؟
ممكن اعرف سعره جديد او استيراد وايه الافضل ؟
وشكرا

[sherifatar]

خمش هقولك سعرة يا وائل

[wael6]

الحمد لله طلع العيب من طلمبة البنزين وتم تغييرها
كورى اصلي ب 165 ج + فلتر بنزين موبيس الاصلي ب 55 ج
وتغيير البوجيهات

والموضوع بعيد عن الحساس خالص

تقبلوا تحياتى
وشكرا جزيلا

[sherifatar]

يارب يا وائل المشكلة تكون اتحلت مترضش تاني لان احنا لما كشفنا بالجهاز طلع فعلا ضعف في البنزين راجع لو تفتكر لكن بعد قياس الراجع بالجهاز ثبت كفائتة وممكن الممكن ان يكون العيب من الايديل لسة بدليل اننا لما غيرنا الايديل العربية ظبطت ولكن ال ار بي ام كان عالي فلو العيب من الطرنبة مكنش الايديل ضبط من الاساس لان العيب كان سيظل كما هو اذا كان العيب من الطرنبة مش الايديل
عموما يارب يكون طرنبة فعلا وتتحل المشكلى

[wael6]

يارب يا وائل المشكلة تكون اتحلت مترضش تاني لان احنا لما كشفنا بالجهاز طلع فعلا ضعف في البنزين راجع لو تفتكر لكن بعد قياس الراجع بالجهاز ثبت كفائتة وممكن الممكن ان يكون العيب من الايديل لسة بدليل اننا لما غيرنا الايديل العربية ظبطت ولكن ال ار بي ام كان عالي فلو العيب من الطرنبة مكنش الايديل ضبط من الاساس لان العيب كان سيظل كما هو اذا كان العيب من الطرنبة مش الايديل
عموما يارب يكون طرنبة فعلا وتتحل المشكلى

يارب