استهلاك البنزين عندي عالي كل 100 كيلو 14 لتر

[kemks]

شكرا علي الرد
قبل الزيت التخليقي كنت حاطط موبيل Xhp و كان بيقعد 3000 كيلو و مش بيقل خالص و كان بيقعد 3000 كيلو و مش بذوده خالص

حاليا انا رجعت لزيت معدني تاني و لغايه دلوقتي مفيش اي نقص في الزيت الحمد لله بس برضه انا لسه مكملتش 1000 كيلو و يارب ميقلش عشان مكنش داخل علي عمره

و كان البنزين في نفس المعدل و اللي خلاني اغير لزين تخليقي اني قريت في المنتدي انه بيقلل استهلاك البنزين

ان شاء الله هروح اقيس الكبس بتاع الماتور و هقول علي القريات بتاعته و ربنا يسهل

[samirayad]

طيب كان لون الxhp بيستمر معقول ومبيسودش تقريبا....................بعد فترة تشغيل مش طويله

[kemks]

اه كان بيستمر بس اللون بينزل اسود شويه

هوا الكبس بتاع الماتور مفروض يبقي القياس بتاعه كام

[samirayad]

هو المفروض ضغط الكبس لأى أسطوانه ميقلش عن 100 رطل/بوصه المربعه....(يعنى 6.89 بار)

[dr_walid]

معلش لنا عندى نفس المشكلة انا معايا اكسنت 1500 99 نفسى اعرف هيا فيها حساسات و لأ و اية سبب استهلاك البنزين الزيادة

[samirayad]

معلش لنا عندى نفس المشكلة انا معايا اكسنت 1500 99 نفسى اعرف هيا فيها حساسات و لأ و اية سبب استهلاك البنزين الزيادة

ماهو لازم حضرتك تبين موقف أستهلاك الزيت عندك ....وأيه ملاحظاتك على آداء العربيه وأيه الصيانه اللى عملتها أخيرا وهكذا........

_ ومعروف أن الأكسنت ال1500 حقن ألكترونى وبالتالى فيها جميع أنواع الحساسات اللازمه لعملية التحكم ....حساسات حراره - حساس أكسجين - حساس وضع الخانق- حساس كرنك - حساس ماب وهكذا......وياريت تقولنا على موقف البوجيهات وأسلاكها وبرضه ممكن تروح تكشف على الرشاشات لأن موضوع أستهلاك البنزين ده ليه أسباب كتير قوى.....بس لو كانت العربيه بتاكل زيت كتير عندك (حيكون ضعف الكبس أول سبب محتمل )

[dr_walid]

شكرا اولا علي الرد
معلش انا لسة جديد في السواقة و مرفش يعنى اية استهلاك الزيت
بس انا لسة عامل صيانة ال 100000 في التوكيل ولشة مغير البوجيهات
و نفسى اعرف هيا فين مكان الحساسات دى و ازاى اعرف ان فيهم مشكلة و الرشاشات ازاى ا نظفهم و فين
و شكرا مرة اخري على اهتمامك

[samirayad]

معلش انا لسة جديد في السواقة و مرفش يعنى اية استهلاك الزيت

ده حيبان معاك لمل تتابع مقاس الزيت على عصاية المقاس وتشوف حتزود زيت ولا لا

و نفسى اعرف هيا فين مكان الحساسات دى

حساسات وضع الخانق (البوابه ) والماب وبلف الأيدل تقريبا فى منطقه وحده (وراء بكرة الأكسراتير اللى عليها السلك اللى بيفتح ويقفل بوابة الهواء).........وحساس الكرنك على البلوك من فوق تحت مجمع الهواء(المانيفولد)....وحساس الهواء(بعد فلتر الهواء وقبل منطقة البوابه ).....وعلى فكره أنا عامل مواضيع عن جميع أنواع الحساسات فى المنتدى التعليمى (لو أردت الأطلاع )

الرشاشات ازاى ا نظفهم و فين

الرشاشات بتتنظف على جهاز أسمه الألترا سونيك (وممكن تبدأ الأول بأستخدام منظف رشاشات ) كنوع من المحاوله قبل حل الرشاشات وهو منتج بيباع فى البنزينات المحترمه وبيضاف على البنزين وعليه طريقة الأستخدام (ممكن تجربه الأول )

شكرا مرة اخري على اهتمامك

أحنا كلنا تحت أمرك يا أخى فى أى مشكله تواجهك للمشوره......وربنا يوفقك وكله بيجى بالتدريب

[dr_walid]

شكرا مرة اخرى
ومعلش لو سالتك تانى و جزاك الله خيرا

[samirayad]

دا أنت تأمر فى أى وقت....وأنا اللى حزعل لو ما سألتش........أمال أحنا فى المنتدى ليه......

[dr_walid]

الستاذ kemkes
قال انة كشف بالكمبيوتر
دة ممكن اعملة فين
و شكرا مرة اخرة

[kemks]

الستاذ kemkes
قال انة كشف بالكمبيوتر
دة ممكن اعملة فين
و شكرا مرة اخرة

لو لمبه الاعطال منوره عندك روح اكشف او الاعضاء ممكن يشوفوا اقرب واحد ليك فين و يدلوك عليه بس حرام تروح تدفع 50 جنيه و انت اصلا اللمبه عندك مش منوره
علي العموم في واحد في شارع ضياء ممكن ابقي اجيبلك اسمه بيكشف

بس برضه حلاام تدفع فلوس في الهواء

عشان نص اللي بيكشفوا كل اللي يقدروا يعملوه لو اللمبه منوره يقولك العيب دا ايه

بس لو عيب خبيث بقي ممكن يلبسك في قطار زي العيب اللي عندي كل واحد بيقولي حاجه اخر لما زهقت جبت ارقام العيوب و دخلت علي هيونداي وشوفت العيوب دي ايه لقيت حاجات تانيه خالص غير اللي هما قالوهالي

و الله الموفق

[dr_walid]

لو لمبه الاعطال منوره عندك روح اكشف او الاعضاء ممكن يشوفوا اقرب واحد ليك فين و يدلوك عليه بس حرام تروح تدفع 50 جنيه و انت اصلا اللمبه عندك مش منوره
علي العموم في واحد في شارع ضياء ممكن ابقي اجيبلك اسمه بيكشف

بس برضه حلاام تدفع فلوس في الهواء

عشان نص اللي بيكشفوا كل اللي يقدروا يعملوه لو اللمبه منوره يقولك العيب دا ايه

بس لو عيب خبيث بقي ممكن يلبسك في قطار زي العيب اللي عندي كل واحد بيقولي حاجه اخر لما زهقت جبت ارقام العيوب و دخلت علي هيونداي وشوفت العيوب دي ايه لقيت حاجات تانيه خالص غير اللي هما قالوهالي

و الله الموفق

معلش هيا لمبة الاعطال موجودة فين فى العربية

[samirayad]

معلش هيا لمبة الاعطال موجودة فين فى العربية

موجوده فى التابلوه اللى قدامك وبيكون مكتوب عليها فى الغالب كلمة CHECK .....يعنى أفحص العيب اللى عندك فى دايرة التحكم ....وبتفضل منوره على طول وأنت متحرك بالسباره

[kemks]

معلش انا اتأخرت كتير بس المشكله ان الواحد شغال الصبح و بليل و الاجازه جمعه و كل الميكانيكيه قافلين طبعا عندنا في بورسعيد بهوات بقي

بس نعمل ايه حقهم في اجازه برضه

علي العموم روحت عشان اشوف كبس المحرك ولفيت تمام بس ملقيتش غير واحد بس في بورسعيد و عاوز 80 جنيه عشان بس يشوف كبس المحرك طبعا سبته و مشيت عشان حاسس انه بيستهبل و الواحد مش بيحب حد يستهبله بس لو السعر كده تمام يبقي اروح اعمله و امري لله

علي فكره انا رجعت ل بنزين 92 و بس معدش بحط 80 علي 90
وغيرت فلتر الهواء وفلتر البنزين لسه مكملش 5000 كيلو

و زيت توتال 5000 اه بقاله فوق 300 كيلو ومنزلش المنسوب بتاعه كان ازيد من max بحاجه بسيطه و دلوقتي مظبوط بالظبط علي الماكس و بتهيقلي دا عادي عشان قريت في المنتدي ان الزياده بتتحرق في غرفه الحريق لغايه لما الزيت يبقي في المعدل الطبيعي

بس المشكله ان صوت التصقيف خنقني جدا و مع التفويله الجايه لو التصقيف مرحش انا هرجع ل 80 علي ال 90

عشان انا اصلا شاكك ان 92 بيغشوه ب 80 يبقي اغشه انا بنفسي و انا اولي بالفرق

شكرا ليك يا بشمهندس سمير علي الاهتمام