العربيه بتتخنق لما تسخن هوندا اكورد 82

[ads]

العربيه لما بتسخن بتتخنق قوى ايه الى ممكن يكون السبب لانى سمعت كلام كتير
الى قالى الموبينه والى قال سولوك البوجهات والى قال طرمبه البنزين مع العلم طول مالعربيه بارده بتبقى زى الفل ملحوظه كمان دواسه الاكسلاتير بتتقل وتخشن ساعة لما بحس بالخنقه وبرده بيبقى سلس وناعم وهيه بارده ياريت حد يفسرلى الى بيحصل وشكراً مقدماً ( العربيه كبرياتير )

[aYaBooY]

بدام العيب مع درجة حرارة عالية اعتقد انها الموبينة و انتظر رد عاشق الهوندا ممكن يفيدك اكتر
و موضوع سلوك البوجيهات عندي بيسبب نتشة و سحب اقل من العادي

[ads]

بدام العيب مع درجة حرارة عالية اعتقد انها الموبينة و انتظر رد عاشق الهوندا ممكن يفيدك اكتر
و موضوع سلوك البوجيهات عندي بيسبب نتشة و سحب اقل من العادي

وسحب اقل من العادى والعربيه بارده وسخنه ولا لما بتسخن بس

[aYaBooY]

لا في كل الاحوال علشان فيه كمية كهرباء بتهرب منها و بالتالي مش كل الشحنة رايحة للبوجيه

[ads]

لا في كل الاحوال علشان فيه كمية كهرباء بتهرب منها و بالتالي مش كل الشحنة رايحة للبوجيه

يعنى معنى كده انى استبعد سولك البوجوهات لان الخنقه عندى لما العربيه بتسخن لاكن وهيه بارده بتبقى طبيعيه جداً

[samirayad]

ملحوظه كمان دواسه الاكسلاتير بتتقل وتخشن ساعة لما بحس بالخنقه وبرده بيبقى سلس وناعم وهيه بارده ياريت حد يفسرلى الى بيحصل

ياريت توضح النقطه دى بشىء من التفصيل........لأن ممكن تكون المشكله بسبب سلك الأكسراتير أو البكره والياى بتاع البكره بتاعة الأكسراتير ......علشان كده مستنى ردك

[ads]

ياريت توضح النقطه دى بشىء من التفصيل........لأن ممكن تكون المشكله بسبب سلك الأكسراتير أو البكره والياى بتاع البكره بتاعة الأكسراتير ......علشان كده مستنى ردك

اذيك يا باشمهندس سمير اسف على التاخير فى الرد

العربيه كبرياتير والاسبراتير الاكترونى يعنى معنديش ابلاتين ولا كوندنسر والموبينا عاديه مش الكترونى وغيرت البوجوهات ngk والسلوك وجربت موبينا تانيه برده نفس المشكله وهى ضعف فى الاداء بموجرد مالعربيه تسخن وبالذات فى الزحمه والاشارات الطويله الاقى السحب قل حتى الطلعه بتبقى ضعيفه يعنى مثلاً مينفعش اطلع امريكانى مثلا عكس لما تكون برده اقدر اطلع بيها امريكانى لان العربيه بتبقى فايقه وحضره تحت رجليك على عكس لما تكون سخنه بعد مشوار مع العلم انى بسمع صوت كهرباء على خفيف اثناء الخنقه بردو ما بسمعهاش والعربيه بارده وفى حاجه تانيه لما بقف حوالى 5 دقايق اشترى حاجه او بمون مثلاً الاقى فى تحسن حصل والعربيه فاقت شويه لاكن بموجرد امشى شويه فى الزحمه الاقى المشكله رجعت تانى

رحت امبارح لميكانيكى تانى وطلع جرب العربيه قلى الدبرياش عندك عالى قوى وممكن يكون هوه الى عامل المشكله دى لان كده انى محمل على الاسطوانه ومع الوقت بتسخن وبتضعف قولته خلاص وطيه رجعنا للورشه علشان يوطيه قالى مافيش رجلاش خالص فى الدراع بتاع البليه قالى ده مش صح كده فى حاجه غلط فى طقم الدبرياش لان لازم يكون فى رجلاش اعلى منه او اوطى الدبرياش وقالى علشان كده انتى لما بتبطل العربيه شويه الاسطوانه بتبرد شويه وبتحس ان الاداء احس لاكن بموجرد لما بتمشى بتحمل تانى على الاسطوانه وبترجع تضعف منك تانى ورجع تانى قالى الفلتر اخباره ايه بتاع البنزين قولتلو لسه مغيره بص عليه قالى فعلاً جديد ومش مسدود ورجع سائلنى على طرمبه البنزين اخبرها ايه قوتلو ما عرفش بس بمع صوتها لما تيجى تحضر وبعد كده قالى انا عندى موبينا بتاعتها خده جرب بيها بكره طول النهار وشوف ايه الى هيحصل وفعلا ركبها وجيت بيها الصبح بس نفس المشكله موجوده حت الدائرى كام زحمه الصبح وكانت نفس المشكله موجوده فمش عارف اعمل ايه يا باشمهندس انا اسف لانى طولت قوى لاكن انا حبيت اقولك على كل حاجه يمكن حضرتك تتوقع المشكله فين وشكراً لاهتما حضرتك ومساعدتك ليا

[samirayad]

ولو أنك ماجوبتش على سؤالى الأساسى بخصوص وضع بكرة الأكسراتير اللى على جنب الكربوراتير....وهل السلك كويس عندها ومش مهروش ولا حاجه..........ياريت تطمن برضه على اللى قولته ده................................................ .........

*** وعاوز أسألك سؤال تانى ......أيه أخبار الزيت عندك ( يعنى العربيه بتأكل زيت والمقاس بيقل شويه ).......فلو بتزود زيت ياريت تطلع البوجيهات تانى برضه ....وتشوف عليها زيت بيلمع ( وده طبعا بعد ماتسخن العربيه كويس )......وأنا معاك يمكن نصل للعيب ( وأن شاء الله حيكون فيه خير ).......وياريت ماتنساش الحته بتاعة البكره اللى قولتك عليها برضه (كنوع من التشييك )................

*** عاوزك برضه تطمن على الفرامل للفرد الأربعه ......على أساس ماتكونش فرده حرارتها عاليه زياده عن اللازم برضه ....يعنى الوضع عادى

[ads]

ولو أنك ماجوبتش على سؤالى الأساسى بخصوص وضع بكرة الأكسراتير اللى على جنب الكربوراتير....وهل السلك كويس عندها ومش مهروش ولا حاجه..........ياريت تطمن برضه على اللى قولته ده................................................ .........

*** وعاوز أسألك سؤال تانى ......أيه أخبار الزيت عندك ( يعنى العربيه بتأكل زيت والمقاس بيقل شويه ).......فلو بتزود زيت ياريت تطلع البوجيهات تانى برضه ....وتشوف عليها زيت بيلمع ( وده طبعا بعد ماتسخن العربيه كويس )......وأنا معاك يمكن نصل للعيب ( وأن شاء الله حيكون فيه خير ).......وياريت ماتنساش الحته بتاعة البكره اللى قولتك عليها برضه (كنوع من التشييك )................

*** عاوزك برضه تطمن على الفرامل للفرد الأربعه ......على أساس ماتكونش فرده حرارتها عاليه زياده عن اللازم برضه ....يعنى الوضع عادى

الملحوظه الى على دواسه البنزين انها بتخشن برده بعد ماالعربيه بتسخن والميكانيكى قالى السلك هو الى وحش فغيرت السلك بواحد جديد لاكن نفس المشكله موجوده والميكانيكى قالى السلك الجديد برده هوه الى وحش لاكن انا مابصتش على البكره الى راكب عليها السلك

بالنسبه للزيت الحمد لله مابينقصش خالص ولسه مغيره من اسبوع والبوجوهات لما غيرتاها لاقيت القديمه معلاهاش اى زيت بس كانت مهببه وعلشان كده انا روحت لبتاع كبرياتير علشان ينضفه كويس وقلت يمكن يكون الخنقه دى من الكبراياتير لاكن للاسف المشكله زى ماهيه
بالنسبه للعجل مش عارف ايه وضعه بس كلام حضرتك لفت نظرى ان ممكن يكون بلى يقفش لما بسخن وخاصه انى بحس بخشانه برده لما تسخن او بعد مشوار فمش عارف هل لو فيه بلى بايظ ممكن يخنق العربيه بالشكل ده

وياريت يا باشمهندس سمير تقولى ايه رايك فى كلام الميكانيكى بخصوص طقم الدبرياش وعلو الدبرياش وانه محمل على الاسطوانه ومع السخونيه بتقل كفائتها وشكرأ لحضرتك

[samirayad]

وياريت يا باشمهندس سمير تقولى ايه رايك فى كلام الميكانيكى بخصوص طقم الدبرياش وعلو الدبرياش وانه محمل على الاسطوانه ومع السخونيه بتقل كفائتها وشكرأ لحضرتك

لا ده أنا مش مقتنع بيه ( لأن أساسا الدبرياش بيعمل على نظرية نقل الحركه بقوة الأحتكاك ....اللى بتولد سخونه عاليه جدا ).......أنما ممكن تكون مشكلة دبرياش ....لو صوت المكنه بيعلى معاك ومفيش سحب (فى الحاله دى بيحصل أنزلاق للأوجه الأحتكاكيه على بعضها ...وكده مبيبقاش فيه سحب كويس وتتخنق العربيه .....بس لازم تلاحظ أن المكنه صوتها بيعلى خالص فى الحاله دى )[quote][ فمش عارف هل لو فيه بلى بايظ ممكن يخنق العربيه بالشكل ده
/quote] طبعا لو فيه بلى بايظ حيخنق العربيه وبالذات بعد توضيحك لحتة الخشانه دى ( وعلى العموم يجب تروح عند حد بتاع ترصيص ......وهو رافع الفرد واحده واحده بيبان وضع البلى )

[ads]

طب وموضوع انه مافيش رجلاش وان البليه او دراع البليه مشدود ومفهوش بوش علشان يظبط الدواسه منه الميكانيكى بيقولى ان الوضع ده مش صح ومش هيخلى اداء الاسطوانه مظبوط

[samirayad]

أحتمال يكون عندك بوش الدواسه وضبطها بيكون من ورا الدواسه ......عندنا فى الدايو بيـاخد البوش من عند الدواسه .....وأعتقد ده بيكون لما الدبرياش بيكون شغال على زيت مش واير ......والصراحه مش عارف أضيف أكتر من كده فى نقطة الرجلاش

رحت امبارح لميكانيكى تانى وطلع جرب العربيه قلى الدبرياش عندك عالى قوى وممكن يكون هوه الى عامل المشكله دى لان كده انى محمل على الاسطوانه ومع الوقت بتسخن وبتضعف قولته خلاص وطيه

برضه كلامه فى الحته دى غير مقنع ....لأن وطيان الدواسه هو اللى بيخليك محمل على الأسطوانه.....مش العلو.......بدليل لما بيقولولنا ماتحملش على الدبرياش وأنت فى أشاره مثلا (ياعنى مادوسشى عليه ....علشان ماتوطاش الدواسه ).....

[ads]

أحتمال يكون عندك بوش الدواسه وضبطها بيكون من ورا الدواسه ......عندنا فى الدايو بيـاخد البوش من عند الدواسه .....وأعتقد ده بيكون لما الدبرياش بيكون شغال على زيت مش واير ......والصراحه مش عارف أضيف أكتر من كده فى نقطة الرجلاش برضه كلامه فى الحته دى غير مقنع ....لأن وطيان الدواسه هو اللى بيخليك محمل على الأسطوانه.....مش العلو.......بدليل لما بيقولولنا ماتحملش على الدبرياش وأنت فى أشاره مثلا (ياعنى مادوسشى عليه ....علشان ماتوطاش الدواسه ).....

انا كده مابقتش عارف اعمل ايه انا هشوف موضوع البلى وحاول اتاكد من العجل انه مابيقفش لما بيسخن وربنا يسهل ومتشكر ليك يا م/ سمير وعلى مجودك معايا

[samirayad]

فى أنتظارك للأطمئنان عليك بعد أختبار البلى ( ويارب يكون فيه الشفاء ).........على فكره حيحسن معاك أستهلاك البنزين برضه

[aYaBooY]

اسف للمقاطعة بس انت بتروح لميكانيكي متخصص هوندا و لا واحد عادي علشان موضوع انه مش عارف يغير وضع الدواسة ده مخليني حاسس انه كوفتجي شوية