العربيه بتتخنق لما تسخن هوندا اكورد 82

[ads]

اسف للمقاطعة بس انت بتروح لميكانيكي متخصص هوندا و لا واحد عادي علشان موضوع انه مش عارف يغير وضع الدواسة ده مخليني حاسس انه كوفتجي شوية

المفروض انه كويس وعلاطول بلاقى عنده عربيات هونا بكل انوعها وسمعته كويسه جداُ من حيث الامانه والشطاره بس انتى عارف ان احياناً بيبقى فى مشاكل غريبه شويه ومتشبها مع حاجات تانيه فربنا يسهل ان شاء الله

[aYaBooY]

معلش في السؤال لما تكون الدنيا واقفة فترة طويلة يعني العربية دايرة و واقفة الموضوع بتاع الخنقة بيقل ولا يزيد

[ads]

معلش في السؤال لما تكون الدنيا واقفة فترة طويلة يعني العربية دايرة و واقفة الموضوع بتاع الخنقة بيقل ولا يزيد

انا اسف لسه شايف ردك دلوقت الى لاحظته انى ان الخنقه تظهر بعد ما امشى بالعربيه شويه مش اقل من ربع ساعه لاكن مهما تكون العربيه سخنه وهيه واقفه مش بيظهر موضوع الخنقه ده يعنى انا جربت انى ادور العربيه وسبها حوالى نصف ساعه فى الشمس لحد ما الماتور سخن اوى وجربت ومشيت لاقيت العربيه كويسه وشويه لاقتها اتخنقت تانى

هوه فى ملحوظه مش عارف ليها علاقه ولا لاء اول امبارح وانا بمون لما جيت افتح غطا التنك لاقيت ضغط هواء قوى جداً طالع من التنك زى مايكون التنك كان مليان بكمسه هواء كتير ولما فتحت طلع كل الهواء الى جوه وملحوظه تانيه الصبح او لما ادور خرطوم البنزين الى داخل على الكبرياتير بيجيب بنزين كتير وبينقط بنزين لاكن اول لما اتحرك بيمنع بنزين طول النهار حتى لما ابطل ودور تانى مابلقيش اى بنزين نازل الا الصبح بس فمش عارف الكلام ده ليه علاقه بالخنقه الى بحس بيها ولا ايه وبالذات موضوع كميه الهواء الى بتطلع من التنك لما اجى امون انا اعرف ان فيه راجع من الكبرياتير علشان البنزين الى مابيتحرقش هل الراجع ده بيدخل هواء للتنك وبالتالى بيأثر على معدل خروج البنزين من التنك ولا ايه

[mood_8210]

ياريت يا باشا تقولنا عملت اية فى موضوع الخنفة دة لان عندى نفس المشكلة اللى انت حكيت عليها بالتفصيل و مش لاقيلها تفسير منطقى مع العلم ان عربيتى مش هوندا دى بيجو 504 يعنى الموضوع دة مش متعلق بالهوندا فقط

[ads]

ياريت يا باشا تقولنا عملت اية فى موضوع الخنفة دة لان عندى نفس المشكلة اللى انت حكيت عليها بالتفصيل و مش لاقيلها تفسير منطقى مع العلم ان عربيتى مش هوندا دى بيجو 504 يعنى الموضوع دة مش متعلق بالهوندا فقط

والله لغاية دلوقت معرفتش ايه المشكله ناس تقولى تكهات ولى يقولى اسبراتير او مشط الاسبراتير ولى يقولى اسطوانه دبرياش للاسف يا اخى لغايه دلوقت معرفتش السبب لا من المنتدى ولا من الميكانيكه والحمد لله

[tarek_yusry]

مع احترامي لكل من وضع ردا سيدي من الاخر روح البنزينه ونظف دايره المياه جيدا ثم اشتري ترومستات وركبه وظبط التاكيهات وادعيلي

[ads]

مع احترامي لكل من وضع ردا سيدي من الاخر روح البنزينه ونظف دايره المياه جيدا ثم اشتري ترومستات وركبه وظبط التاكيهات وادعيلي

بس مؤشر الحراره ما بيعديش اكتر من النص ومجرد ما امش فى طريق مفتوح المؤشر بينزل بشكل ملحوظ وبالنسبه للترموستات المراوح بتشتغل طبيعى جداً وبالنسبه للتاكيهات انا فعلاً ظبطها بس محستيش باى فرق حصل لا فى السحب ولا فى صوت الماتور

[mood_8210]

عندى نفس المشكلة متابع باهتمام

[tarek_yusry]

يا استاذي انت بتقول لما العربيه بتسخن ما بتسحبش يعني الحراره مخرفه وبعدين تقول مفيش مشكله في الحراره يبقي تكشف علي دايرة كهرباء الماتور تتاءكد من سلوك البوجيهات ووش الاسبراتير وتتاءكد من البوجيهات ممكن يكونو مرطبين وخلي الميكانيكي يحلهم امامك وشوفهم البوجيه المكربن تعرف ان هناك تسريب من الماتور او مشكله في الكربراتير ارجو ان اكون وضحت الصوره

[ads]

يا استاذي انت بتقول لما العربيه بتسخن ما بتسحبش يعني الحراره مخرفه وبعدين تقول مفيش مشكله في الحراره يبقي تكشف علي دايرة كهرباء الماتور تتاءكد من سلوك البوجيهات ووش الاسبراتير وتتاءكد من البوجيهات ممكن يكونو مرطبين وخلي الميكانيكي يحلهم امامك وشوفهم البوجيه المكربن تعرف ان هناك تسريب من الماتور او مشكله في الكربراتير ارجو ان اكون وضحت الصوره

شكراً ليك يا استاذ طارق ان شاء الله هراجع على الحاجات الى قولتلى عليها بس بالنسبه لمؤشر الحراره ممكن فعلا يكون مخرف وما بيعكسش درجة الحراره الفعليه بس المراوح بتشتغل بصوره طبيعيه

[alpatshino]

والله ياجماعة انا عندي نفس المشكلة دي في المازدا 323 ولسة مظبط الكاربراتير بس انا عندي بوجية بيعرق زيت يعني عاوز طقم شنبر وبيتهيألي ممكن يكون ده اللى بيعمل المشكلة .
بمعنى ( وده في رأيي المتواضع ) ان زيادة درجة حرارة الموتور بتأثر على كفائة البوجيهات لو هي مش مضبوطة او بمعنى أصح لو الجوانات مش سليمة .
على العموم انا مهتم جداا بالوصول الى سبب .
والله الموفق.

[mohamed777]

اعتقد هتحتاج ضبط تكيهات

[ads]

اعتقد هتحتاج ضبط تكيهات

ظبطها مرتين لغاية دلوقت

[mood_8210]

كان فى موضوع بيشرح نفس المشكلة دى و اللى فهمتو ان مع الحرارة تحت الكبوت طلمبة البنزين بتسخن و البنزين اللى جواها بيتبخر و مبتضخش زى الطبيعى بتاعها و المشكلة دى موجودة فى كل العربيات القديمة اللى الطرمبة بتاعتها ميكانيكا يعنى واصلة على الموتور لكن كل العربيات الجديدة الطرمبة بتبقى فى التنك و بتبقى طرمبة كهرباء
و فى طريقة عشان تتاكد و هى ان اول ما العربية تتخنق تقف و تكب مية على طرمبة البنزين او تحط عليها فوطة مبلولة و شوف الفرق و الله اعلم

[ads]

كان فى موضوع بيشرح نفس المشكلة دى و اللى فهمتو ان مع الحرارة تحت الكبوت طلمبة البنزين بتسخن و البنزين اللى جواها بيتبخر و مبتضخش زى الطبيعى بتاعها و المشكلة دى موجودة فى كل العربيات القديمة اللى الطرمبة بتاعتها ميكانيكا يعنى واصلة على الموتور لكن كل العربيات الجديدة الطرمبة بتبقى فى التنك و بتبقى طرمبة كهرباء
و فى طريقة عشان تتاكد و هى ان اول ما العربية تتخنق تقف و تكب مية على طرمبة البنزين او تحط عليها فوطة مبلولة و شوف الفرق و الله اعلم

استاذ mood الطلمبه عندى كهرباء جنب التانك من بره يعنى المفروض انها ما بتسخنش لان الهوا على طول بيبردها طول مالعربيه ماشيه