إيه رأيكم فى تركيب تكييف لل131؟؟

[SeiffoZ]

إيه رأيكم فى تركيب تكييف لل131؟؟؟ 1300 سى سى موديل 81 ؟؟
تكون التكلفة إيه؟؟ و إيه تأثيره على الموتور؟؟ و إيه تأثيرة على السحب؟؟ و إيه تأثير على أداء العربية؟؟ و هل التكييف فعلا هيكيف ولا بعد ما يتركب هيكون تعبان و خسرت فلوسك على الفاضى؟؟
أصل أنا بفكر أركب تكييف فى ال131 للواد نظرا لأنه شكله مش هيغير قريب

[tut4tour]

أحسن تشترى عربية مكيفة- الأكسنت كويسة

[SeiffoZ]

أحسن تشترى عربية مكيفة- الأكسنت كويسة

لأ أصلى حاليا متمسك بال131 ...
هل طيب فى مشاكل فى تركيب التكييف لل131؟؟

[tmedhat]

التكييف حياثر كتيرقوى على سحب العربية
و مش ممكن حيكون زى التكييف الاصلى ابداا

[SeiffoZ]

التكييف حياثر كتيرقوى على سحب العربية
و مش ممكن حيكون زى التكييف الاصلى ابداا

رأى حضرتك أصرف نظر عن الموضوع ده؟؟

[shoudy2005]

ركب تكييف عادى جدآ انا عندى صديقى عنده 132 و ركبلها تكييف بس خلى بالك غير كوتش الباب و تانى حاجة الهواء مش هيطلع من هوايات المروحة هو هيركب وخده بتطلع هواء زى تاكييف البيت

[maka]

ركب تكييف عادى جدآ انا عندى صديقى عنده 132 و ركبلها تكييف بس خلى بالك غير كوتش الباب و تانى حاجة الهواء مش هيطلع من هوايات المروحة هو هيركب وخده بتطلع هواء زى تاكييف البيت

+1111111111

اصلا ان سمعت ان فيه موديلات من 131 بتنزل بتكييف

توكل على الله وركب عند حد نظيف ويكون صنايعى فاهم

[sab3aawy]

لو تابلوه العربية سليم وموتورها كويس يركب عليها التكييف اللى بريكب للشاهين ويمكن استخدام هواياتها الأصلية

والموضوع ده هيفيدك جدا

http://www.nilemotors.net/Nile/showthread.php?t=1343

لو تابلوه العربية متهالك ممكن تركب لها التكييف ووحدة تهوية تحت التابلوه

لو تموتور العربية تعبان شيل فكرة التكيف من دماغك نهائيا لحن اجراء عمرة او تغيير الموتور

[Tam]

يركب عادي..بس رأيي الشخصي فقط لا غير إن تكييف على مكنة 1300 131 هيبقى حمل على الموتور وفي نفس الوقت مش هيديك إلي إنت متوقعه..
لو مكنة 1600 أو 2000 كنت قلتلك هاته بلا تردد
زدة رأيي الشخصي زي ماقلت يحتمل الخطأ والصواب

[KIA_SEPHIA_2001_K]

فعلا لو عندك 1600 او 2000 كنت تجيبوا وش لكن 1300 هيضعف من قوه الماتور

[analyzer]

فى نوع من التكييفات مش فاكر اسمة مخصص للمواتير الصغيرة ممكن تسئل عليه
ده هيكون حمله على الموتور خفيف

[mrghost]

انا ركبت واحد فى الشاهين 1400 سىسى بس بيأثر على السحب
عموما ده عنوان المركز
بالنسبة للتكييف كلفنى بالظبط 2700 جنيه ومكان التركيب فى المهندسين وافضل الانواع هى اليابانى نوع اسمه (ساندن) متركبش غيره
وتركيبه بياخد حوالى 8 ساعات يعنى اعمل حسابك تكون عند المركز بدرى علشان تلحق تخلصه قبل الضلمه
وبيبقى معاه ضمان سنه
بس خلى بالك لازم تسلك الردياتير قبل ماتركبه وتحط مياه ملونه بعد ما تركبه علشان العربيه ماتسخنش منك فى الصيف وده العنوان اهو
41 ش المدينة المنوره فى المهندسين بالجيزة
تليفونات 37614591
33387154
واى استفسار تانى انا تحت امرك

[SeiffoZ]

انا ركبت واحد فى الشاهين 1400 سىسى بس بيأثر على السحب
عموما ده عنوان المركز
بالنسبة للتكييف كلفنى بالظبط 2700 جنيه ومكان التركيب فى المهندسين وافضل الانواع هى اليابانى نوع اسمه (ساندن) متركبش غيره
وتركيبه بياخد حوالى 8 ساعات يعنى اعمل حسابك تكون عند المركز بدرى علشان تلحق تخلصه قبل الضلمه
وبيبقى معاه ضمان سنه
بس خلى بالك لازم تسلك الردياتير قبل ماتركبه وتحط مياه ملونه بعد ما تركبه علشان العربيه ماتسخنش منك فى الصيف وده العنوان اهو
41 ش المدينة المنوره فى المهندسين بالجيزة
تليفونات 37614591
33387154
واى استفسار تانى انا تحت امرك

عارف انا الرجل ده تحت بيتى!! ...

[SeiffoZ]

سؤال أخر ..
أنا عندى فلوليردا بردوا و جاية فيها تاكييف فابريكا بس تكييفها بايز من يوم ماجبناها و عايز أجيبلها تكييف جديد هل هيكون كويس ولا إيه؟؟؟
و هى 1400 سى سى ..

[MohabSaeed]

انا بفكر فى نفس الفكره تركيب تكيف لل 131 , بس الموتور 1600 2 كامه , مع العلم ان ازاز عربيتى الاصلى ملون " اخضر فاتح " .
بس قلقان ادخل فى متاهات و اصرف كتير و النتيجه تكون سيئه .
طيب يا جماعه بالنسبه للناس الى ركبت تكيف فى الشاهين او ال131 . هل التكيف مؤثر ؟
يعنى فى ايام الحر هل التكيف حيسقع العربه بدرجه جيده " انا عارف انه مستحيل يكون ممتاز " بس على الاقل لو شغلت التكيف ححس ببروده داخل العربيه و درجه الحراره منخفضه ؟
لانى سمعت من ناس كتير ان التكيفات فى الشاهين و ال131 " ملهاش قيمه " .