مشكلة تقطيع بعد سرعة 100

[mohamed777]

ياباش مهندس انا نظفت الكربيراتير بالاسبراى بنفسى وحسيت ان سحب العربية بقى احسن بس فى حاجه ماكانتش موجوده ظهرت
وهى انى مثلا لما ابقى ماشى على التانى وازود بنزين وبدل ما انقل على التالت اهدى السرعة واخف رجلى من على البنزين العربية تضرب مدافع وفرقعات من الشكمان

اية الحكاية دى بقى؟

[mohamed777]

ياباش مهندس انا نظفت الكربيراتير بالاسبراى بنفسى وحسيت ان سحب العربية بقى احسن بس فى حاجه ماكانتش موجوده ظهرت
وهى انى مثلا لما ابقى ماشى على التانى وازود بنزين وبدل ما انقل على التالت اهدى السرعة واخف رجلى من على البنزين العربية تضرب مدافع وفرقعات من الشكمان

اية الحكاية دى بقى؟

لا خلاص المشكلة دى كانت ظبط هواء والحمد لله راحت

المرة دى بقى بعد ما الميكانيكى ظبطلى الهواء قولتلة اركب معايا نشوف اخرها هتجيب كام على الطريق
اتضح لى انى انا بخاف ادوس فى العربية.......جابت معايا 120 /كم وبرضة خفت ادوس اكتر من كده لان العربية ثباتها وحش جداً
والظاهر انها عاوزة ترصيص لان الدركسيون كان هيتخلع من الهزهزة فى ايدى
ولو انى كان نفسى تجيب اكتر من كده .........بس برضة الحمد لله على كل حال

اغير برضة الدسك ولا بلاش....... انا محتار......الحاجات دى غالية برضة

[samirayad]

اغير برضة الدسك ولا بلاش....... انا محتار......الحاجات دى غالية برضة

طالما الأمور أتظبطت والعربيه بتجيب ال 120
يبقى كبر الليله وكفايه 120 ( سرعه كويسه ) مش وحشه
وأبقى أعمل ترصيص .....وبلاش تزود عن كده ....أمانا ليك
ومتنساش أن الكاوتش عندك رفيع برضه ....يعنى لا يفضل السرعه العاليه
لأن رفع الكاوتش ضد الثبات مع السرعه

[mohamed777]

ياباش مهندس حمد الله ع السلامة
اخويا وهو بيجدد الرخصة عمل الفحص البيئى وادولو ورقة مطبوعة بالكمبيوتر وفيها الارقام دى

%hc =25 ppm

co = 0.06%

co2 = 0.08%

o2 = 5.75%

lambda = 0.00

afr = 0.00

tach = 0 rpm

temp = 49.37 c

يعنى اية بقى الكلام ده

[samirayad]

ياباش مهندس حمد الله ع السلامة

الله يسلمك يا أبو حميد

اخويا وهو بيجدد الرخصة عمل الفحص البيئى وادولو ورقة مطبوعة بالكمبيوتر وفيها الارقام دى

هى عربيته نوعها أيه ......وواضح أن دى ورقه فقط مع المستندات بتاعة الترخيص ....مش بتاعة نتائج تحاليل عادم يعنى ....وتلاقيه سلمها فاضيه ....وعلى قدر ما أستطيع حفكر معاك

%hc =25 ppm

ده مكون من مكونات العادم ....وهى نسبة الهيدروكربونات بالجزىء فى الدقيقه على ما أعتقد وجايه من التعبير ده particle per minuite يعنى جزىء فى الدقيقه

co = 0.06%

دى نسبة أول أكسيد الكربون بالنسبه لحجم العادم ....ككميه حيحللها الجهاز

co2 = 0.08%

o2 = 5.75%

نفس الوضع بتاع أول أكسيد الكربون .....ولكن هنا لثانى أكسيد الكربون والأكسجين كنسب لعينة عادم

lambda = 0.00

ده اللى أنا مش متعمق فيه أوى ....بس ده بيرمز للعالم لامبادا ومنحناه الخاص بقياس نسب الحريق الصحيح ....وفيه منحنى بيانى على الموضوع ده ...وأسمه منحنى لمبادا .....بحيث حساس الأكسجين فى محركات الحقن الأللكترونى بيلعب حول النسب الصحيحه للحريق 14.7 الى 1 دى فكره تقريبيه عن المعنى ده

afr = 0.00

دى جايه من كلمة air to fuel ratio ....علشان يعرف الحرق مظبوط وحوالين 14.7 الى 1 ولا لا

tach = 0 rpm

ده التاكوميتر ( يعنى عداد السرعه بتاع المكنه ) علشان نعرف عدد اللفات ....وطبعا ده معناه أن التحاليل اللى فوق ...بتعبر عن محتوى الشكمان من الغازات والمكنه واقفه طبعا بعد التبطيل مثلا

temp = 49.37 c

ودى درجة الحراره للعادم جوه الشكمان فى الظروف دى
بس هل هو عمل الأختبار ده ....ولا ورق كده وخلاص

[mohamed777]

دى المازدا اللي عملتلها العمرة....عربية العيلة
هو فعلاً عمل الاختبار امامه والورقة دى طالعه من الجهاز اللي بيحلل الغازات
والورقة دى بعيدة عن مستندات الرخصة ....يعنى خدها من غير ما توضع فى الملف بتاعها

انا وريت البيانات دى لدكتور فى كلية هندسة قسم سيارات جرانى فى العمارة.....قالى انه بيشك فى قراءة الجهاز لان النسب دى يعنى الموتور ممتاز وقالى انه المواتير الجديده فى العربيات الحديثة ما تطلعش نسب كده
وقالى ان درجة الحرارة واطية شوية عن الطبيعة

اية رأى حضرتك فى الكلام ده.....ومن وجهة نظر حضرتك البيانات دى تدل على اية

[samirayad]

طيب سؤال كده على الماشى
هو عمل الأختبار ده والمكنه شغاله ....ولا مبطله
أنا معملتش الأختبار ده قبل كده ......
بس بأسألك لهدف فى نفس يعقوب وحقولك عليه
بعد ماتجاوبنى على سؤالى
شغل محامين .....بقه يامتر
هههههههههههههههههههه
ماهو مش المحامين بس اللى بيعرفوا يقررا الناس برضه
هههههههههههههه

[mohamed777]

هو اقلى انه عملة الاول على السلانسية وبعدين قالة زود بنزين
وخلاص على كده

[samirayad]

أذا أنا أاويد الكلام ده بتاع الدكتور جارك

انا وريت البيانات دى لدكتور فى كلية هندسة قسم سيارات جرانى فى العمارة.....قالى انه بيشك فى قراءة الجهاز لان النسب دى يعنى الموتور ممتاز وقالى انه المواتير الجديده فى العربيات الحديثة ما تطلعش نسب كده

والجهاز فعلا بايظ ....ومجرد كلام خرط بدليل الحته دى

ده التاكوميتر ( يعنى عداد السرعه بتاع المكنه ) علشان نعرف عدد اللفات ....وطبعا ده معناه أن التحاليل اللى فوق ...بتعبر عن محتوى الشكمان من الغازات والمكنه واقفه طبعا بعد التبطيل مثلا

وأنت بتقول أن التحليل أداله نتائج عند عدد لفات

tach = 0 rpm

يعنى المكنه مبطله
وكلامك الأخير على النقيض من ذلك

هو اقلى انه عملة الاول على السلانسية وبعدين قالة زود بنزين

يعنى عداد الrpm شغال
يبقى تيجى أزاى !!!!!!!!!!!!!!!!!!!!!
شفت شغل المحاميين بقه ....يا مـــــــــــــــــــــتر
ههههههههههههههه

[mohamed777]

بس انا شوفت قبل كده فيديو عن ظبط نسبة الهواء والبنزين كان من شركة تويوتا.....كان بجهاز يشبة الجهاز بتاع الفحص البيئي بتاع المرور.........وكان فية خرطوم طالع من الجهاز واخرة سلك رفيع والراجل فى الفديو وضعة فى الشكمان زى بالظبط ما بتاع المرور عنده وبيضعة فى الشكمان

بس فى الفديو كان فى اسلاك ووصلات تانية بتتوصل بالوتور نفسة.......حوالى سلكين تانيين.......بس مش فاكر فين بالظبط فى الموتور

طبعاً بتاع المرور مش بيحط غير السلك اللي فى الشكمان ومافيش حاجه بيوصلها بالموتور

مش يكمن يكون الوصلات التانية هى اللي بتدى قراءة عداد الموتور وعلى شان كده فية قراءات عاملة صفر؟
زى rpm ولمبادا

[mohamed777]

السلام عليكم ياباش مهندس سمير
وكل سنة وحضرتك طيب

انا زى ماقولت لحضرتك قبل كده انى فى العمرة ماغيرتش سير الكاتينة ولا الديسك حتى هذة اللحظة
وبفضل الله العربية كويسة معايا بس فيها حاجة وكنت قولت لحضرتك عليها قبل كده وهى ان سحبها بالنسبة لصوت الموتور بيختلف مرة عن التانية
ينى مرة الاقى السحب كويس وصوت الموتور مرتاح ومن اقل لمسة بنزين بتسحب وساة بتكون عكس كده

والحكاية دى ملحوظة اوى وبتتكرر كزا مرة

ولو وصف ادق من كده
مثلا لو لسة طالع بالعربية وبسحب سحب هادىء يعنى من غير ماقرص وبوصل لسرعة 80 وبعدين فى حاجة قدامة اضطر انى اهدى السرعة شوية....فى الحتة دى بقى بالذات لما اجى اسحب تانى بتسحب جامد اوى باقل صوت ودوسة بنزين
بعكس لو كنت ماشى على 80 وحبيت ازود من غير ما اهدى السرعة

فده ممكن يكون من سير الكاتينة بداء يبوش وبيلخبط ولا من الاسبيراتير ساعة يكون مظبوط وساعة يبرجل؟

دى حاجة
الحاجة التانية بخصوص نوع البوجيهات المستخدمة ....من زمان وبستعمل ngk سن تخين.... ومن فترة قبل العمرة ميكانيكى قالى هات سن رفيع هيفرق معايا.... وفعلا فرق معايا جداً بشكل ملحوظ وحصوصاً فى استهلاك البنزين

بس ساعتها ما كملوش اسبوعين ونتشوا جامد ...روحت للميكانيكى وغيرتهم بسن تخين...وساعتها الميكانيكى قالى دة من الزيت اللي بينزل عليهم بيبوظهم بدرى
الكلام ده كان قبل العمرة وحالياً بستعمل سن تخين العادى

حالياً بقى بعد العمرة استعمل سن رفيع ولا الافضل السن التخين؟

سامحنى ان كنت طولت بس بحب اشرح المشكلة بالتفصيل على شان الصورة تكون واضحة ونوصل لحل سليم

[samirayad]

حالياً بقى بعد العمرة استعمل سن رفيع ولا الافضل السن التخين؟

جرب أبوسن رفيع ....لأن أنت دلوقتى معنكش المشكله دى

...وساعتها الميكانيكى قالى دة من الزيت اللي بينزل عليهم بيبوظهم بدرى

وبما أنك بتقول

ومن فترة قبل العمرة ميكانيكى قالى هات سن رفيع هيفرق معايا.... وفعلا فرق معايا جداً بشكل ملحوظ وحصوصاً فى استهلاك البنزين

يبقى أكيد دى حتديك آداء أفضل
وبعدين بيقولك أسأل العليل ....ولا تسأل التحاليل
ههههههههههههههه
فطالما السن الرفيع معاك أفضل ....توكل على الله
وكل سنه وأنت طيب يا أبوحميد ......ورمضان كريم

[mohamed777]

معليش ياباش مهندس الجزئيه دى

انا زى ماقولت لحضرتك قبل كده انى فى العمرة ماغيرتش سير الكاتينة ولا الديسك حتى هذة اللحظة
وبفضل الله العربية كويسة معايا بس فيها حاجة وكنت قولت لحضرتك عليها قبل كده وهى ان سحبها بالنسبة لصوت الموتور بيختلف مرة عن التانية
ينى مرة الاقى السحب كويس وصوت الموتور مرتاح ومن اقل لمسة بنزين بتسحب وساة بتكون عكس كده

والحكاية دى ملحوظة اوى وبتتكرر كزا مرة

ولو وصف ادق من كده
مثلا لو لسة طالع بالعربية وبسحب سحب هادىء يعنى من غير ماقرص وبوصل لسرعة 80 وبعدين فى حاجة قدامة اضطر انى اهدى السرعة شوية....فى الحتة دى بقى بالذات لما اجى اسحب تانى بتسحب جامد اوى باقل صوت ودوسة بنزين
بعكس لو كنت ماشى على 80 وحبيت ازود من غير ما اهدى السرعة

فده ممكن يكون من سير الكاتينة بداء يبوش وبيلخبط ولا من الاسبيراتير ساعة يكون مظبوط وساعة يبرجل؟

[samirayad]

ما أنا شايفها .
وعدتها يامتر
وقلت على ماتشوف النظام مع البوجيهات اللى أنت بتشكر فيها
وقولت أخش للقضيه من زاوية البوجيهات
يمكن الحكم بعد كده يعجبك
وبدل ماتبقى مدنى وتاخدلها عشر سنين
يمكن ربنا يسهل مع البوجيهات
وتاخد حكم من أول مره .....وهو ده بيت القصيد
ههههههههههههههه

[mohamed777]

لية ياباشمهندس دايماً بتفكرنى بالمحاكم و القضايا دانا ما بصدق انسى شوية...ههههههههههه