مشكلة تقطيع بعد سرعة 100

[ahmed1981]

المشكلة بدأت من فترة حوالي 7 أشهر

لو شديت بالعربية جامد ووصلت سرعة عالية
وفضلت ثابت على السرعة لفترة معينة
يحصل تقطيع بسيط
ولو شلت رجلي من على البنزين تبطل
وهذه الأعراض لمدة عدة ثواني ثم تزول

وبعدها حدث أن أصاب الأسبيراتير والموبينة عطب
وقمت بتغيير الأسبيراتير والموبينة والمشط

والكربيراتير كان به مشاكل فقمت بتغيير الكربيراتير

والمشكلة إختفت بعد ذلك لفترة
ثم ظهرت مرة أخرى
وبدأت تتكرر في المشوار أكثر من مرة
وأحياناً على سرعات تحت ال 100

وبصورة جديدة
عندما أسحب بالسيارة وأتسارع وأصل لسرعة ثابتة غالباً فوق ال 100 بحاجة بسيطة
فجأة يحدث تقصير في العزم والسرعة تتناقص
ولو رفعت رجلي من على البنزين أو مورت الفتيس العربية تبطل
ولازم أنتظر بعدها حوالي دقيقة وأدور الموتور ليدور مرة أخرى
ولو دورت قبلها لا تدور

وفلتر البنزين نظيف وليس مسدود
ومسارات البنزين سالكة
والكهرباء كلها جديدة
قمت بتغيير طرمبة البنزين ولكن بلا جدوى


ما هي المشكلة ؟؟ وما هو الحل ؟؟
السيارة جولف2 مو90 1300 CC

[samirayad]

بتزود زيت يابشمهندس.......وأيه أخبار العادم وأستهلاك البنزين فى الأيام الأخيره

[ahmed1981]

بتزود زيت يابشمهندس.......وأيه أخبار العادم وأستهلاك البنزين فى الأيام الأخيره

الزيت بينقص عندي بسبب كوتش صباب
ولكن أنا متابعه ودائماً على المستوى المطلوب

إستهلاك البنزين ممتاز والعادم لا يوجد به أي مشكلة

[samirayad]

الزيت بينقص عندي بسبب كوتش صباب

هو ده السبب فى اللى بيحصل عندك.......والمفروض تغير كاوتش الصباب.......وتشوف الرأس عاوزه روديه ولا لا بالمره........وأنا سألتك على الزيت علشان الحته دى بتاعة كاوتش الصباب

[SeiffoZ]

هو ده السبب فى اللى بيحصل عندك.......والمفروض تغير كاوتش الصباب.......وتشوف الرأس عاوزه روديه ولا لا بالمره........وأنا سألتك على الزيت علشان الحته دى بتاعة كاوتش الصباب

ممكن حضرتك تشرحلى عشان مش فاهم؟؟؟

[samirayad]

_ سيل أو كاوتش الصباب بيكون راكب على دليل الصباب ومحضن على الصباب بسوسته..علشان يمنع نزول زيت من عند التاكيهات لغرف الحريق أثناء حركة البلوف التردديه فى شوطى الفتح والغلق.

_لما بيبدأ يتلف لأى سبب من الأسباب (عمر أفتراضى بسبب السخونه _ تفويت كبس من البلوف _ تلف الدلايل وبداية أتساعها وهكذا )........بيبدأ ينزل زيت من عند التاكيهات للغرف........وبكده الزيت بيندع على البوجيهات.......

_ لما الزيت يجىء على البوجيهات بيبوظ الشراره وبكده المكنه ممكن تنتش وتبطل كمان .......

_ العطب ده بيبقى على حسب مرحلة تأثر سيل الصباب......

_لاحظ أن المشكله موجوده من زمان (من سبعة أشهر )......والسيلات حالتها مستمره فى التدهور.....الى أن وصلنا للوضع الحالى...........

[SeiffoZ]

_ سيل أو كاوتش الصباب بيكون راكب على دليل الصباب ومحضن على الصباب بسوسته..علشان يمنع نزول زيت من عند التاكيهات لغرف الحريق أثناء حركة البلوف التردديه فى شوطى الفتح والغلق.

_لما بيبدأ يتلف لأى سبب من الأسباب (عمر أفتراضى بسبب السخونه _ تفويت كبس من البلوف _ تلف الدلايل وبداية أتساعها وهكذا )........بيبدأ ينزل زيت من عند التاكيهات للغرف........وبكده الزيت بيندع على البوجيهات.......

_ لما الزيت يجىء على البوجيهات بيبوظ الشراره وبكده المكنه ممكن تنتش وتبطل كمان .......

_ العطب ده بيبقى على حسب مرحلة تأثر سيل الصباب......

_لاحظ أن المشكله موجوده من زمان (من سبعة أشهر )......والسيلات حالتها مستمره فى التدهور.....الى أن وصلنا للوضع الحالى...........

حصلت مرة معايا من يوم كده حسيت إن العربية قطعت على سرعة 80 ...
هو الموضوع ده بيأثر على السحب؟؟
و إيه هى التاكيهات و وظيفتها إيه و شكلها إيه؟

[samirayad]

هو الموضوع ده بيأثر على السحب؟؟

طبعا ويخللى العربيه تستهلك بنزين وممكن تبطل منك كمان......................

و إيه هى التاكيهات و وظيفتها إيه و شكلها إيه؟

علشان الموضوع بتاع التاكيهات ليه تصميمات كتير ......حبسطلك الأمور............................................ ............

_ التاكيه rockler arm

بيعتبر الوسيله الميكانيكيه اللى بتحول الحركه الدورانيه لأى عمود كامه الى حركه خطيه لازمه لعمل فتح وغلق لصبابات السحب والطرد فى أى محرك............

_ وشاع لدى كل الصنايعيه تسمية الوسيله دى تاكيه................

_ فيه منه أنواع بيتم ضبطها يدويا بواسطة مسمار رجلاش (لضبط الخلوص بين كامات عمود الكامه وبين نهاية الصبابات من فوق ).......وده اللى الصنايعيه بيلعبوا فيه......وأدى شكل متاح قدامى دلوقتى لنوع زى ده

التاكيه هو اللون البرتقالى فى الصوره............................................ .....

_ فيه نوع تانى بيتم ضبطه آليا داخل المحرك بواسطة ضغط الزيت ( وعلميا ده أسمه تابع الكامه cam follower

وفيه ناس بتسميه كستبان ....علشان شبه الكستبان اللى بيحطه الخياط فى صباع السبابة لأيده الشمال ...علشان الأبره ماتشكوش وهو بيخيط أو بيركب زرار مثلا وبأتكلم بجد ).......وأدى صوره ليه وموجود عندنا فى محركات الدايو والأوبل كمان وأكيد موجود فى بعض أنواع السيارات التانيه )...........وأدى صوره لتابع كامه وهو جوه رأس السلندر فوق

على فكره المحرك ده بكامتين (والجزء اللى بيلمع فى الجنبين ده هو اللى بنتكلم عليه وبيتظبط لوحده بدون تدخل أى صنايعى .....ولما بيبوظ وجسمه يبوظ بيتغير على طول وجواه سسته علشان يترد تانى لما تروح من عليه خبطة الكامه وهكذا )...................وأدى رسمته الهندسيه على ورق............................

والخلوص باين وأسمه tappet clearance ......والtappet هو التابع بتاع الكامه زى ماقولنا cam follwer

[samirayad]

برضه للأمانه فى النقل السوسته اللى بترده بتاعة الصباب وواضحه فى الصوره......مش سوسته لوحدها لكى لا أفهم خطأ......ولكن واضح أن جواه لينه shim ممكن تغييرها بواحده أسمك لما نحب نقلل الخلوص بين الكامه وبينه أو تتكسر أو السوسته تضعف وهكذا........ودى بتتم بالقياسات ساعة العمرات لسمك اللينه وقوة السوسته وهكذا........وأعتقد الكلام ده مابيتمش عندنا .....ولكن بيقولك غير نص على طول..........

[sab3aawy]

_ سيل أو كاوتش الصباب بيكون راكب على دليل الصباب ومحضن على الصباب بسوسته..علشان يمنع نزول زيت من عند التاكيهات لغرف الحريق أثناء حركة البلوف التردديه فى شوطى الفتح والغلق.

_لما بيبدأ يتلف لأى سبب من الأسباب (عمر أفتراضى بسبب السخونه _ تفويت كبس من البلوف _ تلف الدلايل وبداية أتساعها وهكذا )........بيبدأ ينزل زيت من عند التاكيهات للغرف........وبكده الزيت بيندع على البوجيهات.......

_ لما الزيت يجىء على البوجيهات بيبوظ الشراره وبكده المكنه ممكن تنتش وتبطل كمان .......

_ العطب ده بيبقى على حسب مرحلة تأثر سيل الصباب......

_لاحظ أن المشكله موجوده من زمان (من سبعة أشهر )......والسيلات حالتها مستمره فى التدهور.....الى أن وصلنا للوضع الحالى...........

كلام منطقى جدا

أويد مهندس سمير فى فكرة انك تغير كاوتش الصباب الأول

وبما انك علشان تصلحه فى كل الحالات هتفك وش السلندر يبقى لو لقيت الصبات تعبانه غيرها هى والدليل والقاعدة بتوعها، لو سليمة اعمل لها روديه

ملحوظة اخرى بسيطة: عملية اضافة او ازالة لينات من التاكيهات من النوع ذو الطبق(الأنواع القديمة التى لا تقوم بضبط خلوصها اوتوماتيكيا بواسطة ضغط زيت المحرك)،او حتى تغيير الاطباق نفسها لضبط خلوص التاكيه عملية بسيطة يتم اجرائها فى نص ساعة عند متخصص التاكيهات ولا تستلزم سوى فك غطاء وش التاكيهات وتتكلف من 20-30 جنيه ولا تحتاج لانتظار العمرات

[samirayad]

ملحوظة اخرى بسيطة: عملية اضافة او ازالة لينات من التاكيهات من النوع ذو الطبق(الأنواع القديمة التى لا تقوم بضبط خلوصها اوتوماتيكا بواسطة ضغط زيت المحرك)،او حتى تغيير الاطباق نفسها لضبط خلوص التاكيه عملية بسيطة يتم اجرائها فى نص ساعة عند متخصص التاكيهات ولا تستلزم سوى فك غطاء وش التاكيهات وتتكلف من 20-30 جنيه ولا تحتاج لانتظار العمرات

طبعا بأشكرك على الأضافه......وبكده يبقى النوع الثالث (اللى بيتم ضبطه آليا بضغط الزيت زى الأوبل وخلافه )......فعلا بيكون جواه سست صغيره (مشكلا مجموعه تابع الكامه...لعمل المنظومه زى ماكنت بأقول الأول ).......وياريت تقوللى بصفة أنك أحتكيت بالأنواع دى .......النوع أبو لينات ده موجود حاليا فى أى سيارات وكذلك النوع الميكانيكى...........لأننى حقيقى لأعرف الا النوع المركب عندى فى الدايو حاليا وكان راكب برضه فى الأوبل الأولى معى اللى بيعتمد على منظومه هيدروليكيه لعمله بستم +غرفه مشكله داخل الرأس وياي لرد البستم................) شكرا أخى الفاضل : مهندس / خالد

_ وزى ما أنت عارف ومن خلال قراءاتى فيه كمان النوع المركب فى الV TEC

....والتاكيهات عامة تصاميمها كتير

[ahmed1981]

أولاً أشكركم جميعاً على ردودكم ونصائحكم

هو ده السبب فى اللى بيحصل عندك.......والمفروض تغير كاوتش الصباب.......وتشوف الرأس عاوزه روديه ولا لا بالمره........وأنا سألتك على الزيت علشان الحته دى بتاعة كاوتش الصباب

هو كوتش الصباب مشكلته حدثت مؤخراً
يعني المشكلة التي أتحدث عنها من قبل حدوث أي مشكلة في كوتش الصباب

ولازم أوضح حاجة كمان
المشكلة في كوتش الصباب عندي بسيطة لدرجة إن مفيش دخنة زرقاء بتخرج من الشكمان إلا نادر جداً لو دست بنزين جامد جداً فقط

وللعلم فالجولف 2 عندي الصبابات بنظام ضغط الزيت

ما رأيكم

[samirayad]

هو كوتش الصباب مشكلته حدثت مؤخراً
يعني المشكلة التي أتحدث عنها من قبل حدوث أي مشكلة في كوتش الصباب

ماهى لسه بسيطه وفى أولها وحاليا الكاوتش فى طريقه للأنتهاء.......علشان كده بدات تظهر معاك مع السرعه العاليه .......وممكن يكون كمان خلوص الدلايل بدأ يزيد......ومع سرعة فتح وغلق الصبابات بيزيد معدل نزول الزيت للغرف.......ومع السرعه المنخفضه مش حتحس بالتأثير كتير لأن الأجهاد اللى ناتج من حركة البلوف على السيل بيكون أقل من السرعه العاليه.................................

_ ولو معدل الزيت مش مسببلك مشكله حاليا ممكن تحل البوجيهات وتعمل كراسى تعليه للبوجيهات(كان ليه معارف بيعملوا الموضوع ده )......علشان يأجلوا موضوع تغيير الكاوتش ......ولكن حيتعمل حينعمل مع التقادم......

المشكلة في كوتش الصباب عندي بسيطة لدرجة إن مفيش دخنة زرقاء بتخرج من الشكمان إلا نادر جداً لو دست بنزين جامد جداً فقط

.

أعتقد السبب وتحليله باين من قبل (أن عادى جدا أن يكون الكاوتش معدل تلفه قليل وممكن يبان معاك فقط مع السرعه )

وللعلم فالجولف 2 عندي الصبابات بنظام ضغط الزيت

النقطه دى ملهاش دخل بموضوعنا وده تصميم من التصميمات لضبط خلوص التاكيهات أثناء عمل المحرك

[ahmed1981]

ماهى لسه بسيطه وفى أولها وحاليا الكاوتش فى طريقه للأنتهاء.......علشان كده بدات تظهر معاك مع السرعه العاليه .......وممكن يكون كمان خلوص الدلايل بدأ يزيد......ومع سرعة فتح وغلق الصبابات بيزيد معدل نزول الزيت للغرف.......ومع السرعه المنخفضه مش حتحس بالتأثير كتير لأن الأجهاد اللى ناتج من حركة البلوف على السيل بيكون أقل من السرعه العاليه

شكراً لحضرتك

المفروض طالما نقص الزيت بسيط من المستحيل أن يتسبب في إطفاء البوجيهات الأربعة لدرجة أن تنطفئ السيارة
هذا الكلام ممكن أن يحدث في حال سيارة كوتش الصباب فيها ضارب كله في حالة يرثى لها

والمفروض أيضاً لو إفترضنا أن الزيت هو سبب التقطيع والإنطفاء
ففي هذه الحالة لو فكيت البوجيهات لازم تكون معكوكة زيت
وهذا لم يحدث والبوجيهات خارجة زي الفل

كأنها فزورة
الآن تفكيري بدأ في الذهاب لأن المتهم هو الكربيراتير
وبإذن الله قريباً أوافيكم بالنتيجة

[ahmed1981]

تم حل المشكلة
والسبب كان وجود إنسداد بخرطوم البنزين وتم تنظيفه
وتم تجربة السيارة حتى سرعة 150 كلم/س بدون أي مشكلة

وختاماً جزاكم الله خيراً على تعاونكم
والشكر الجزيل لكل من ساهم في الموضوع وقدم النصيحة