عاوز حد يفيدني

[cooldjstuff]

مع احترامى الكامل لكل الى ادو رايهم فى الموضوع و فى الاخر وصلتو لحل المشكله تقريبا يا جماعه الفولفو عربيه ليها نظام مختلف تماما عن اى عربيه تانيه العيب ده لو اتعرض على اى حد متخصص فى الفلفو هيقول انه طلمبه البنزين التانيه الى بره التنك و دى اولا علامات انها تقطع بتشتغل كويس و العربيه بارده لاكن فى الحر بتقطع و بيتعمل ليها اختبار بسيط جدا انها تتفصل عن العربيه و يتجرب الضغط بتعها فى جركن
نصيحتى متشتريش جديد لان كل الى فى السوق مضروب عن تجربيه و النصيحه الاهم اشترى طلمبه مرسيدس هتركب عندك فى نفس المكان هيا شكلها شبه البوبينه و لونها فضى زيها و تمنها استيراد 200 جنيه و فى منها جديد اصلى تمنها من 550 الى 600 جنيه
و اهم حاجه فى الفولفو انك تغير فلتر البنزين بالكتير كل 20 الف كيلو لانه لما بيتسد بيبوظ طلمبه البنزيم و على فكره فى 2 متخصصين فى الفولفو اولا الصباحى و ده فى الهرم عنده قطع غيار الاستيراد و ورشه لتركيبها و بيكون مسؤل عنها و التركيب طبعا عنده يعنى مش هتروح مشاوير كتير و فى واحد تانى اسمه سعيد ده عند خزان الميه الى فى ميدان الكيت كات دول احسن ناس فى الفولفو

[samirayad]

مع احترامى الكامل لكل الى ادو رايهم فى الموضوع و فى الاخر وصلتو لحل المشكله تقريبا يا جماعه الفولفو عربيه ليها نظام مختلف تماما عن اى عربيه تانيه العيب ده لو اتعرض على اى حد متخصص فى الفلفو هيقول انه طلمبه البنزين التانيه الى بره التنك و دى اولا علامات انها تقطع بتشتغل كويس و العربيه بارده لاكن فى الحر بتقطع و بيتعمل ليها اختبار بسيط جدا انها تتفصل عن العربيه و يتجرب الضغط بتعها فى جركن

.....لا أحنا مش عاوزين متخصص .....ياريت تساعد أنت أخونا صاحب السؤال ......وقوله على الحل ( ينوبك صواب )........لأن أنت عارف المتخصصين وحركاتهم ......وعلى الأقل كلنا حنتابع معاك ونستفيد من النقاش الفنى ..................وياريت برضه تشرحلنا دورة البنزين فى الفولفو ......ومكوناتها ( لأن واضح أنك عارفها كويس ).......جايز يكون تصميمها مختلف عن دورات البنزين اللى نعرفها عندنا فى عربياتنا

[naser_1978]

انا بشكركم جميعاً علي مشاركتكم في الموضوع ،، و رأيكم اللي افدتونا بيه ،، حضرتك كلامك مظبوط هو اتضح بأن العطل بطلمبة البنزين اللي بره و مكانها بيكون بجسم السيارة و تحت كرسي السائق و يستحسن يتغير معاها الفلتر و احسن حل ليها ان تركب طلمبة مرسيدس جفالي اصلي و بتكون زيها و احسن في الاداء

[samirayad]

ألف مبروك يا أخ : ناصر ............وكده يتضح لنا أن دورة البنزين عندك فيها طلمبتين بنزين .......................

.. الأولى فى التنك لسحب البنزين من التنك وأرساله الى خط سحب الطلمبه التانيه (اللى تحت الكرسى )..........لكى يتم رفع ضغط البنزين فى الدوره .......وده بنسميه توصيل الطلمبات على التوالى هندسيا ......علشان يتم رفع الضغط على مرحلتين