رائحة عادم قادمة من المحرك

[thedeveloper87]

السلام عليكم ورحمة الله وبركاته
لما بحرق جامد على الموتور أو بعدي ال 110 بشم رائحة عادم جاية من قدام. علما بأن عربيتي مازدا 323 موديل 1982

[aymansaad]

يمكن ان يكون شرخ فى فرن الشكمان

[thedeveloper87]

شكرا على سرعة ردك
يعني أتوكل على الله واروح لبتاع شكمانات؟

[samirayad]

وممكن يكون الفرن عاوز جوان بس ....أو جاويط مكسور ....أو عاوز يتربط كويس .....والعادم بيهرب من خلوص الفرن مع السرعه وطبعا الريحه بتاعة العادم حتظهر مع السرعه

[thedeveloper87]

شكرا على رد حضرتك يا باش مهندس سمير
أنا لسة مبتدئ في العربيات ومعلوماتي تقريبا صفر.
أروح للميكانيكي ولا بتاع شكمانات. والعملية دي ممكن تكلف كتير؟

[samirayad]

روح لميكانيكى الأول ....وأعرض عليه كلامنا ....وخليه يراجع على رباطات الفرن .....أحتمال يكون فيه حاجه مش مظبوطه فى الجوايط ....أو صاموله عاوزه تتربط .....حتكون حاجه بسيطه أن شاء الله ......ومش حتتكلف كتير ....لو حيربط ( بكتيره 10 ج ) .....ولو حيغيرلك جوان ( مش حتعدى 50 ج جوان ومصنعيه بالتقريب يعنى )

[thedeveloper87]

جزاك الله خيرا

[mohamed777]

احتمال يكون زيت على الشكمان بيتحرق مع سخونة الشكمان
وممكن يكون الزيت بينزل على الشكمان مع تغيير الفلتر

[thedeveloper87]

هو أنا فعلا لسة مغير فلتر الزيت.

[mohamed777]

انا غيرت الشكمان كلة بسبب الحكاية دى وسبب ان الشكمان انسد شوية من الزيت اللي بيتفوت من الموتور
والحمد لله راحت الريحة حتى وانا معدى 120 كم\ساعة ومافيش ريحة خالص

[thedeveloper87]

غيرته بكام؟

[mohamed777]

غيرتة كلة 240 جنية
بدون المشترك

[thedeveloper87]

أنا رحت للميكانيكي قلت له يشيك على فرن الشكمان. قال لي الفرن زي الفل - وقال لي أنا ظبط لك مسمار الهواء والريحة هتختفي إن شاء الله. وأنا مروح من عنده برضه لسة في ريحة مع السرعة العالية أو الحرق على الموتور!!!!! (هي الريحة عبارة عن ريحة عادم + زيت). الزيت عندي تقريبا مابينقصش (بينقص خفيف جدا).
قبل ما غير زيت آخر مرة (من أسبوعين). حطيت زيت موبيل 5000 وللأسف اكتشفت من خلال هذا المنتدى إن زيت موبيل سيئ جدا جدا. وكان بينقص عندي وكنت مركب ساعتها فلتر زيت ميتسوبيشي (تقريبا كان بيسرب زيت) وجوان غطاء التاكيهات كان بيسرب زيت برضه. طبعا ما استنتش غيرت الجوان وغيرت الزيت بزيت شل الأصفر وحطيت فلتر زيت مازدا. أنا لاحظت إن العربية كانت بتسخن جامد مع الزيت القديم بس لما غيرت الزيت الجديد + الفلتر مابقتش تسخن والزيت مبقاش ينقص الحمدلله. بس ايه حل موضوع الريحة دي؟؟؟؟ آسف على الإطالة وشكرا

[thedeveloper87]

الريحة بيتهيائلي مدية على زيت محروق.

[mohamed777]

طيب اخبار لون العادم اية؟
زود واقرص عليها وهى واقفه فى مكانها وشوف العادم لونة اية