عملت اختبار قياس كبس الماتور وعاوز اعرف دلالات النتائج

[samirayad]

فاظن لو حسبتها بالنسب وكده هتكون كده قربت من انها تعمل 300 الف كيلو

يعنى ده رقم كبير برضه والعربيه داخله على سبعه وعشرون سنه ( فكتر ألف خيرها )
ومش عاوز أقولك أعمل روديه وكاوتش صباب وخلاص
وطالما حتحل رأس السلندر فخليها بالمره
وعلشان تريح نفسك
غير طقم شنبر وأعمل روديه وغير كاوتش الصباب
علشان تحيى الموتور .....وده أفضل حفاظا على بلوك المكنه وفتحاته
ودايما فيه قاعده كويسه

ممكن تخسر قليل فى البدايه ....بدلا من أن تخسر كثير فى النهايه

[michohat]

مش عندى مانع من الصرف ونفسى اعملها بس اللى مسبب ليا القلق انها مش ترجع كويسة لاى سبب واكتر سبب موسوس منه قطع الغيار ( باعتبار ان الميكانيكى مشهود له بالكفاءه)
ان عرفت حد عنده قطع اصلية هتوكل على الله وهبدء فى الشغل

[tabeb]

مش عندى مانع من الصرف ونفسى اعملها بس اللى مسبب ليا القلق انها مش ترجع كويسة لاى سبب واكتر سبب موسوس منه قطع الغيار ( باعتبار ان الميكانيكى مشهود له بالكفاءه)
ان عرفت حد عنده قطع اصلية هتوكل على الله وهبدء فى الشغل

مين الي عنده قطع غيار اصلي؟

[michohat]

من هنا فى المنتدى سمعت ان فيه واحد فى القاهرة اسمه الكيلانى وانه المستورد رقم واحد لقطع الغيار بس مش عارف ده عنده اصلى ولا كل القطع اللى فى السوق واحد

[samirayad]

دوس هنا

للتعرف على معنى الروديه
وماهى الأصلاحات التى تتم لرأس السلندر لضمان حبك الصبابات مع رأس السلندر من تحت والقضاء على ظاهرة التفويت من خلال أقراص الصبابات
يعنى عملية رفع كفاءة حبك الرأس نفسها....وضمان عدم التفويت من الرأس

[tabeb]

انا كنت سمعت عن هشام لهيطة في وسط البلد تعرفه؟ وفين الكيلاني ده؟

[michohat]

دوس هنا

للتعرف على معنى الروديه
وماهى الأصلاحات التى تتم لرأس السلندر لضمان حبك الصبابات مع رأس السلندر من تحت والقضاء على ظاهرة التفويت من خلال أقراص الصبابات
يعنى عملية رفع كفاءة حبك الرأس نفسها....وضمان عدم التفويت من الرأس

الف شكر يا مهندس سمير:b4_388:
مواضيع لازم ازاكرها كويس الايام دى لان الامتحان بتاعى قرب

[michohat]

الفكرة اللى كونتها من خلال المنتدى هنا ان الكيلانى لقطع غيار الماتور والكهرباء وهشام لهيطه للمساعدين و العفشة

[MMamdouh]

بغض النظر عن تكنيك الأختبار يا أستاذ : مجدى
فطالما ده ال drop فى عدد اللفات
فأنا شايف أن أسوأ أسطوانه عندك هى رقم 3 ثم 2 ثم 1 ثم 4
ومن الوضع العام كده
الميكانيكى عنده حق فى أحتياجك لطقم شنبر وحتعمل روديه بالمره لرفع كفاءة حبك غرف الحريق
ولو عاوز تطمن تانى
أعمل أختباركبس تانى بالنظام العادى من خلال فتحات البوجيهات للأطمئنان على الحاله مره تانيه

العكس هو الصحيح... احسن اسطوانة هى رقم 3 ثم 2 ثم 1 ثم 4

كل ما كان الهبوط فى اللفات اكبر كل ما دا اشار الى ان السلندر اللى توقف عن العمل كان شغال بكفائة عالية

تخيل لو عربية شغالة 3 سلندر فى الاختبار دة و فصلت البوجية بتاعها.. التغير فى اللفات حيبقى صفر

MMamdouh

[ahmed_h_g]

متابع .....

[michohat]

الاستاذ محمد ممدوح كان نصحني انى اعمل اختبار كبس موتور بطريقة تانيه اللى هيا فى حاجات بتتوصل بمكان البوجيهات او كده هل في حد يعرف مكان فى مدينه نصر او الزقازيق اعمل فيه الاختبار ده

[essamenen]

اتفرج على الفيديو ده بس انا مش عارف لو المحرك كبسه كويس المفروض يوصل الضغط الى كام بار
YouTube - Compression Testing and What You Can Learn From It

[MMamdouh]

اتفرج على الفيديو ده بس انا مش عارف لو المحرك كبسه كويس المفروض يوصل الضغط الى كام بار
YouTube - Compression Testing and What You Can Learn From It

very nice video

دة بيلخص كل الكلام اللى قولناه سابقا

MMamdouh

[wael6]

السلام عليكم
اللهم أمن مصر واهدى شعبها للخير والرشاد
عربيتى اكسيل مو 95
فى تاجر عربيات جارى قالى العربيه طالما مبتكلش زيت يبقي المكنه كويسه وممكن يكون العيب فى الزيت حيث أبدي اعتراضه على الشل الاحمر اللى حطيته وقالى حط اسو الرصاصي وهتلاقي الوضع اختلف ودخنة الشكمان راحت ( دخان ابيض مزرق بخفه ) لان ممكن يكون زيت قديم فى الشكمان وفي بخره بتطلع من خرطوم الفايص ع الازاز ادامى وانا سايق هل هذا منطقي ؟؟ ولا لا مفر من فتح المكنه وعمل العمره ؟؟؟
هل يوجد اختبار للمكنه يؤكد حالتها تماما ؟؟
طيب ولو غيرت الزيت احط برده علبة شنبر ولا مش مهم للحكم على الزيت لوحده ؟
الفتيس قالى انه طبيعي فى الاكسيل كده ؟؟ وصوت الوجوجه والنحره دى ممكن بلية دينامو او بلية دبرياج او الدبرياج واطى وعاوز يعلى يقوم يخفف نقلات الفتيس ؟؟
ارجو النصيحه والافاده (( افتح المكنه واكشف ع الفتيس )) ولا (( اصلح بلى الدبرياج والفتيس واترك المكنه حاليا واشوف فى فرق ولا لأ ))
اسف للاطاله وارجو التوضيح بالتفصيل
ولكم جزيل الشكر والامتنان