أعرف إزاى اضحك على ولا لأ من السمكرى والميكانيكى

[lobna_yaseen]

أنا اشتريت عربيه 27 نصر ووديتها ميكانيكا وسمكره ودوكو والراجل اللى خدها منى مقاوله المفروض انه شيخ وبيعرف ربنا وكمان هو معرفه بس الحقيقه كنت عاوزه حد من المنتدى يقولى على شوية حاجات خبيثه كده أعرف بيها هو اشتغلنى ولا كان بيتقى الله فعلا فى العربيه هو عمل البارومه فى العربيه وغير الكاوتش الأمامى وجاب باكيتات جديده وعمل الدوكو وغير لون العربيه وغير المساعدين الأماميين عموما تغيير شامل أنا ماأعرفش المساعدين اتغيروا إزاى شكلهم الجديد بيبقى إزاى ولو قدام أعرف برضه اتغيروا إزاى ,أصل أنا كنت عايزاه يغير الفوانيس اللى قدام زينون بس لاقيته مش مغيرها فقالى أصل أنا لاقيتها هتاخد من البطاريه قولتله يبقى كده السعر هينقص قاللى لأ ماأنا حاسبت الرجل على تمنهم بس ماخدتش بالى وأنا بركب شوفتوا التناقض علشان كده شكيت فيه وقلت من يساعدنى غير اخواتى حبايبى فى المنتدى فأى حاجه أى ملاحظات ياريت كل اللى يدخل يقولى وجزاكم الله خيرا

[sniperfox]

بلنسبه للمسعدين دوس على العربيه من اى جمب ول نفترض الى اودام يمين لو لقيت المساعد ناشف يبقا جديد لو بياخد ويدى او العربيه بتعلى وطوطه يبقا بايظ او مستعمل وبالنسبه للزينون متحسيبش على حاجه مركبتش عندك منهه للى جاب منه الحاجه,,,, غلط انك تدى العربيه مقوله لحد مفيش حد بيخاف على المال اكتر من اصحابه ان عربيتى لو بغيرلها زيت بقف على ايد الراجل وهو بيغير ولم بيخلص باخد منه مفتاح الطبه واتاكد انها مربوطه كويس

[lobna_yaseen]

بلنسبه للمسعدين دوس على العربيه من اى جمب ول نفترض الى اودام يمين لو لقيت المساعد ناشف يبقا جديد لو بياخد ويدى او العربيه بتعلى وطوطه يبقا بايظ او مستعمل وبالنسبه للزينون متحسيبش على حاجه مركبتش عندك منهه للى جاب منه الحاجه,,,, غلط انك تدى العربيه مقوله لحد مفيش حد بيخاف على المال اكتر من اصحابه ان عربيتى لو بغيرلها زيت بقف على ايد الراجل وهو بيغير ولم بيخلص باخد منه مفتاح الطبه واتاكد انها مربوطه كويس

علم يافندم وسينفذ بس كنت عايزه أسأل كمان على الكاوتش أعرف منين انه كويس وشكرا ليك على الرد
ايه ياجماعه 11 مشاهده وماحدش بيعرفش يقفش الميكانيكى أو السمكرى الحرامى إزاى ؟؟!!!!!!! ده أنا قلت أسأل أهل الخبره هلاقى كذا نقطه أعرف العربيه اتعمل فيها ايه ومااتعملش فيها ايه وبيضحك على فيها عموما خلينى صبوره ومستنيه الردود اللى على ودنه

[A.Saad]

شوفى تاريخ انتاج الكاوتش
نقشته موجودة ولا لا
وااسهل حاجة
توديها لاى بتاع كاوتش

[أبو إياد]

الموضوع هايكلفك 10ج
اى بنزينه او مركز ظبط زوايا
هاترفعى العربيه وهو هايقولك المساعدين جداد ولا مستعملين بمجرد رؤيتهم وباردو هايقدر يعرف حاله الكاوتش بمجرد انه يمشى ايده عليه وبالمره هايشوف الباروما اللى فى العربيه

ونصيحه اخويه الناس كلها كويسه وكلها عندهم ضمير بس ماتثقيش فى اى شخص

[mr_sameh]

الموضوع هايكلفك 10ج
اى بنزينه او مركز ظبط زوايا
هاترفعى العربيه وهو هايقولك المساعدين جداد ولا مستعملين بمجرد رؤيتهم وباردو هايقدر يعرف حاله الكاوتش بمجرد انه يمشى ايده عليه وبالمره هايشوف الباروما اللى فى العربيه

ونصيحه اخويه الناس كلها كويسه وكلها عندهم ضمير بس ماتثقيش فى اى شخص

ده احسن حاجه

[lido_pink2000]

انا اللى اعرفة انى لسة رشة عربيتى فرن من الخارج ماعدا السقف ب 700 جنيه

[wghazi]

انا اللى اعرفة انى لسة رشة عربيتى فرن من الخارج ماعدا السقف ب 700 جنيه

ممكن اعرف رشيت العربيه فين؟

انا شايف ان السعر معقول

انا عايز ارش الكبوت بس والناس بتقولى 300
ياريت لو مكان او تليفون اللى رش لك العربيه لو سمحت

[adhamhossam]

نفس اللي حصل معايا
انا حاليا عربيتي عند السمكري ولسه ماخلصتش من يوم 1 مارس حتي الأن العربية عنده يعني بقالها 24 يوم دة غير لسة البوهيجي
الموضوع في الأول إتاخد مقاولة وانا كنت مش عارف اي حاجة في اي حاجة
يشاء ربنا سبحانه وتعالي إني أعرف كل هفوة عن السمكرة والدوكو و كمان الأسعار ووقفت الشغل و قمت بإعادة حساب المقاولة بالتفصيل لغاية لما نزلت 1000 جنية من السعر المطلوب
إدعولي أخلص من العربية علي خير وأخدها من الصنايعية النصابين إللي انا واقع معاهم

[mohamed9999]

انا اللى اعرفة انى لسة رشة عربيتى فرن من الخارج ماعدا السقف ب 700 جنيه

انا رشتها من الخارج بس فرن ب700جنيه برضو فيات 128 ماعدا السقف

[lobna_yaseen]

أنا بشكركم على تفاعلكم معايا بس أنا بقى رشيت العربيه غيرت لونها من الأبيض للفيوليت الفاتح (اللون ده موجود فى أغلب العربيات الحديثه ) بس سعره كان كالتالى
100جنيه حجز الكابينه
280جنيه كيلو ونص بوية فرن
195جنيه خامات دوكو
900جنيه دهان
كده بقى حرامى ولا لأ أنا حاسه انه حرامى وفى الآخر دى 27 ولا إيه رأيكم

[أبو إياد]

أنا بشكركم على تفاعلكم معايا بس أنا بقى رشيت العربيه غيرت لونها من الأبيض للفيوليت الفاتح (اللون ده موجود فى أغلب العربيات الحديثه ) بس سعره كان كالتالى
100جنيه حجز الكابينه
280جنيه كيلو ونص بوية فرن
195جنيه خامات دوكو
900جنيه دهان
كده بقى حرامى ولا لأ أنا حاسه انه حرامى وفى الآخر دى 27 ولا إيه رأيكم:zb_sor1[1]:

هو كده متقل ايده فى المصنعيه شويه
المعدل الطبيعى 500ج مش 900
والخامات اسعارها كويسه وطبعا اكيد البويه اوميجا
والكابينه بـ80ج

[mmwwaassffyy]

الاخوة الافاضل -طبعا احنا مش عايزين نظلم احد بالنسبة لاجر الصنايعى فى الدكو نسبى انا شايف لو هو شغله كويس يبقى الاجر معقول -- انا رشيت حزام لعربية شا هين ما عدا السقف 1500جنيه نضافة --وعندى واحد ثانى يعمل العربية كاملة ب1000جنيه بس شغله مش اد كده -- هذه الاسعار شاملة المون --وبجوارى مركز صيانة بيعمل السيارة بالقطعة يعنى كل باب 250جنيه وكذلك الرفارف وهكذا فالموضوع نسبى

[أبو إياد]

الاخوة الافاضل -طبعا احنا مش عايزين نظلم احد بالنسبة لاجر الصنايعى فى الدكو نسبى انا شايف لو هو شغله كويس يبقى الاجر معقول -- انا رشيت حزام لعربية شا هين ما عدا السقف 1500جنيه نضافة --وعندى واحد ثانى يعمل العربية كاملة ب1000جنيه بس شغله مش اد كده -- هذه الاسعار شاملة المون --وبجوارى مركز صيانة بيعمل السيارة بالقطعة يعنى كل باب 250جنيه وكذلك الرفارف وهكذا فالموضوع نسبى

بما ان مافيش حد قال اسعار غيرى يبقا الكلام موجه ليا
اولا انا كاتب المعدل الطبيعى ماقولتش كلمه هو المفروض
وبعدين العربيه 127 وانا شايف كمان ان كيلو ونص بويه كتير عليها اساسا
انا ممكن ادفع 900ج مصنعيه بس فى نوع بويه يستاهل انما ماكونش جايب بويه تمن الكيلو منها 180ج وادفع كل المصنعيه دى
العربيه مش هاتعدى 6 ايام شغل ياعنى لو اخد 400ج يبقا اخد حقه

[mmwwaassffyy]

الى الاخ الفاضل عفوا كلامى عام ليس فيه اى تقليل من رايك او اراء الاخرين -- هو لو شغله كويس والفنش كويس -- يعنى جردها على الصاج وطلع شغل ممتاز مش هتفرق 100فوق او تحت ده راى وشكرا