أعرف إزاى اضحك على ولا لأ من السمكرى والميكانيكى

[lobna_yaseen]

والموضوع اتكلف 3500 جنيه من سمكره ب 450 جنيه وكهربائى 70 والباقى قطع غيار أغلبها كماليات مش لاقيالهم لازمه أنا دفعت 2000 وفاضل ألف ونص أعمل إيه أديهمله هو البارومه أنا متأكده انه عملها لأنى زوحت المره اليتيمه اللى فضيت فيها فورانى الحاجات اللى اتلحمت وكان بيشتغلوا فى الباقى وهى موديل 83 وكان فيها بارومه محترمه بس مش فى الأماكن الأساسيه ايه رأيكم المبلغ ده معقول ولا زياده؟؟؟؟؟

[lobna_yaseen]

ده طبعا من ضمن المبلغ تمن التغيير اللون:b4_444:

[mmwwaassffyy]

1- خصم قطع الغيار والكماليات التى تم تركيبها
2-هل احتاج لسروجى لفك الكراسى وتم تجديد التنجيد
3-هل احتاج لعمل شئ بالعفشة
4- المكيناكى عمل ايه واتعابه
5- رفع الزجاج اثناء العمل ام لا
المفروض كل شئ يتحسب عشان تاخذى قرار صح

[mmwwaassffyy]

نسيت متاسف الكهربائى عمل ايه هو الاخر

[lobna_yaseen]

1- خصم قطع الغيار والكماليات التى تم تركيبها
2-هل احتاج لسروجى لفك الكراسى وتم تجديد التنجيد
3-هل احتاج لعمل شئ بالعفشة
4- المكيناكى عمل ايه واتعابه
5- رفع الزجاج اثناء العمل ام لا
المفروض كل شئ يتحسب عشان تاخذى قرار صح

بص ياسيدى هو شد الكراسى بس يعنى الكراسى كانت مريحه لورا شدها لقدام شويه وماعملش تنجيد جاب كسوه ب65حنيه شكلها أساسا مش عاجبنى والسروجى أخد 50 جنيه والكهربائى خد70 جنيه والميكانيكى 290جنيه بقطع الغيار الداخليه للعربيه الباقى كماليات زى دواير صغيره اسمها عواكس- مزراب ميه-فوانيس الى وراء كانت مكسوره شبكه - شريط لحام حاجات كده جاب جهاز إنذار ب230 - طبة شنطه يعنى مثلا العربيه من جوه ماتغيرتش خالص غير الكسوه اللى مش عجبانى ده حتى المروحه اللى فى التابلوه فتحة الهوا دى متكسره ماعملش فيها حاجه قالى برضه عملت فرامل اليد مش شايفاها اتعملت هى مش لما تتعمل لما تركن العربيه على مطلع خفيف قوى وترفع فرامل اليد لازم العربيه تقف ولا لازم ترجع خفيف لورا مع انك رافع فرامل اليد ؟؟!!!! برضه عجلتين مقاس 135/13 ب165 الواحده إيطالى يعنى ب330 دى الحاجات اللى فاكراها إيه رأيك بقى؟

[mmwwaassffyy]

لو حسبنا ثمن الكاوتش +الانذار =560 ضيفى عليهم ثمن الشبكة والفوانيس وخلافة ثم الميكانيكى 290ثم اجر الكهربائى 70للعلم تركيب الانذار والسنتر لوحده 50جنيه غير تركيب الفوانيس وان كان عمل شغل فى الكهرباء يعنى فى لمبات فى كلبسات-- بالنسبة للسروجى تركيب الكسوة فقط من 30الى 40جنية اما لو لو شال الكراسى والفرش وركبهم تانى اثناء عمل السمكرة لا تقل عن 100 بدون تنجيد فى نقطة مهمة الشخص الياخذ العربية بيطلع لنفسه اجرة تانية نظير وقوفه عند الميكانيكى والكهربائى والاخرين بالنسبة عدم احكام فرامل اليد الميكانيكى هيعمل ليجلاش علي الفرامل الخلفية وانت واقفة او تيل الفرامل الخلفى يكون منتهى

[lobna_yaseen]

لو حسبنا ثمن الكاوتش +الانذار =560 ضيفى عليهم ثمن الشبكة والفوانيس وخلافة ثم الميكانيكى 290ثم اجر الكهربائى 70للعلم تركيب الانذار والسنتر لوحده 50جنيه غير تركيب الفوانيس وان كان عمل شغل فى الكهرباء يعنى فى لمبات فى كلبسات-- بالنسبة للسروجى تركيب الكسوة فقط من 30الى 40جنية اما لو لو شال الكراسى والفرش وركبهم تانى اثناء عمل السمكرة لا تقل عن 100 بدون تنجيد فى نقطة مهمة الشخص الياخذ العربية بيطلع لنفسه اجرة تانية نظير وقوفه عند الميكانيكى والكهربائى والاخرين بالنسبة عدم احكام فرامل اليد الميكانيكى هيعمل ليجلاش علي الفرامل الخلفية وانت واقفة او تيل الفرامل الخلفى يكون منتهى

يعنى انت شايف إن كده حلو والباقى معقول يعنى أديهم له وخلاص مش كده بالفعل انتم جميعا خير صحبه وسند Thank you all of you

[A.Saad]

فرامل اليد اما تتشد العربية ما تريحش
كمان عدى هيا بتك كام تكة وقولى

[lobna_yaseen]

فرامل اليد اما تتشد العربية ما تريحش
كمان عدى هيا بتك كام تكة وقولى

ده معناه إنه مصلحهاش وكام تكه وهى بتترفع يعنى؟ طيب فهمنى إيه المغزى من كده؟

[أبو إياد]

عموما العربيات القديمه صعب انك تلاقى الهاند شغال بكفاءه والا لازم ترفعها لاخر تكه ودى مش خفيفه
والطبيعى بيكون من 5 الى 7 تكات

[mmwwaassffyy]

انا راى ادفعيله بشرط اى حاجة تحصل فى العربية فى خلال فترة شهر مثلا ترجعيلة وده ضمن الحساب

[A.Saad]

ده معناه إنه مصلحهاش وكام تكه وهى بتترفع يعنى؟ طيب فهمنى إيه المغزى من كده؟

ترفعى الهاند بالراحة
تعدى التكات اللى بتسمعيها

[lobna_yaseen]

انا راى ادفعيله بشرط اى حاجة تحصل فى العربية فى خلال فترة شهر مثلا ترجعيلة وده ضمن الحساب

ماهو ده اللى هيحصل إن شاء الله وخصوصا إنه معرفه بس الواحد لما يضحك عليه بمزاجه وهو عارف فى إيه بالضبط أحسن من الغشيم اللى مش عارف حاجه وده اللى عايزه أوصلهوله وأنا بديله الفلوس عشان لما أرجعله تانى يصلح لى حاجه مايقدرش يرفع عينه فى ويقول هاتى فلوس تانى شكرا على إهتمامك

[mmwwaassffyy]

العفو على واجب واتمنى ان يكون الموضوع انتهى على خير