مزيل الخدوش...

[amrrashed]

السلام عليكم ....

ايه رأيكم ياجماعة فى مزيل الخدوش والحكات البسيطة فى العربيات؟ هل هو مفيد ولا وهم واذا كان كويس نجيبه منين وبكام؟

وشكرا

[amrrashed]

ما تسمعونا صلاة النبى !!!

مفيش حد عارف حاجة خالص عن مزيل الخدوش ده، انا قصدى بتاع العربيات مش الاسيتون :lol: ؟؟؟؟؟

[bahaa660]

ده اسمه بوليش بيتباع عند اي حد بتاع حدايد وبويات واكد عليه النوع الخشن مش الناعم لان الناعم بيلمع بس
وده بيشيل اي خدش خفيف لكن العميقه ما بيشلهاش وهو عملي لانه بيسيح الدوكو علي الخدوش فا بتبقي ميه واحده

[Abdo_Eldesokey]

هما علبتين مع بعض واحدة ذهبى فيها "كومباوند" وعلبة صفراء فيها "بوليش" ، والاتنين مع بعض سعرهم 10 جنيه

بينفع عن تجربة مع الخدوش البسيطة الي ملهاش عمق ... بتستخدم الكومباوند الأول لأنه خشن وبيسيح البوية ، وبعدين تستخدم البوليس للتلميع

والشرح بالتفصيل موجود في موضوع أخونا نادر

http://www.nilemotors.net/Nile/showthread.php?t=23055

[amegoo75]

شكرااااا للافادة ؟؟

[toylla]

متتعبش نفسك كل دا للتلميع مفيش حاجة بتشيل الخدوش تحياتى

[Ashraf_Ashraf]

لا انا جبت نوع اميريكى فى انبوبه طالع رائع جدا فى ازاله الالوان الناتجه على سيارتك من الحكه وكمان معالجه الخدوش البسيطه
مش العميقه خالص وانا استخدمته فى التلميع ادى نتائج حلوه جدا جبت من التوفقيه ب16 الانبويه
هحاول ارفع لكم صورته

[ابو حسين]

هما علبتين مع بعض واحدة ذهبى فيها "كومباوند" وعلبة صفراء فيها "بوليش" ، والاتنين مع بعض سعرهم 10 جنيه

بينفع عن تجربة مع الخدوش البسيطة الي ملهاش عمق ... بتستخدم الكومباوند الأول لأنه خشن وبيسيح البوية ، وبعدين تستخدم البوليس للتلميع

والشرح بالتفصيل موجود في موضوع أخونا نادر
http://www.nilemotors.net/Nile/showthread.php?t=23055

[otefa]

لو مشيت ظفرك علي الخدش ولاقيت ليه عمق يبقي مافيش اية فايدة من البوليش ولازم تترش

[hon]

السلام عليكم ورحمه الله وبركاته
لا يا جماعه يوجد مزيل خدوش عميقة أسمة turtle wax color cure
عبارة عن بوليش بالون يعنى بلون العربية يتكون من أربع ألوان أساسية الأسود \الأحمر\الأزرق\الأخضر
ودا بيعالج الخدوش الخفيفة ويأتى معه قلم شمع بنفس اللون لتغطية الخدوش العميقة أنا أشتريت الى بالون الأحمر من سنتين وكان 50 جنية من الفرسان شوب الى أغلق وهو منتج أمريكى بس للأمانة أكثر من رائع
وعلى فكرة أنا شفت فى كرفور العبور نوع أخر تلميع بالون بس للأسف لونيين بس الكحلى \الرصاصى وشكرا

[ehab4367]

انا كنت فاكر الترتل واكس
دة مجرد شمع للتلميع

[abo_lamar]

انا جربت كله والله مش بينفع

[uioprty]

علي فكرة انا جربت

الموضوع والنتيجة كما يالي

1- ببيشيل كل الالون الخدوش نتيجة الاحتكاك بشي
2- بينضف فعلا العلامات الخفيفية نتيجة الخدوش
3- بيلمع لون العربية كويس
4- لايخفي الخدوش العميقة وانما بيساعد علي تخفيف شكلها
5- بيخلصك من الشوائب والخطوط التي حول الخبطات والخدوش
6- لايفيد في معالجة اي خدش في الصاج شال لون العربية

[mo2men2010nn]

والله ياباشا هو الكومبوند حلو بس خالى بالك وانت شغال بيه لازم تلمع الباب كله لانك ممكن تلاقي بعد متخلص الحته اللى فيها الخدش بقيت لون افتح من لون العربيه ولازم تكون ايدك خفيفه عليه وتشتغل بشكل دائرى ووحدة وحدة وتبص على اللون كل شويه لان وااله بيطلع البويه خالص لو استخدمته غلط وانا مخرب البويه طلعت في القطنه اللى انا كنت شغال بيها بس الحمد الله لحقت نفسي لكن واحد صاحبي ملحقش كان لو العربيه احمر بقي لون الخدش احمر بهتان وملحقش نفسه فانت على مهلك وانت شغال وبعد متخلص لمع الباب كله

[abo_lamar]

والله كله زي قلته مافيش حاجة بتشيل الخدوش