عايز اعمل فتحة سقف للفيرنا...اذاى

[ashouhdy]

صباح الفل يا جماعة انا قلبت المنتدى على موضوع قيم لفتحة السقف ملقيتش اذاى تتعمل و عند مين و بكام و المزايا و العيوب و سعر العربية عند اعادة البيع و فى جاهز ولا كلة تفصيل ... أفيدونى أفادكم الله

[zAzU]

عند ارابكوم دا انضف واحد و ب 3000 تقريبا

[ashouhdy]

متشكر يا باشا محدش عندة اى معلومات اضافية

[lancerevolution]

أنت أكيد مدورتش كويس فى موضوع عنها فى قسم الأوبل أهوه

http://www.nilemotors.net/Nile/showthread.php?t=60629

بص يا سيدى العيوب بتجيب بارومة لو متعملتش كويس
بتسقط مية فى الصالون لو متقفلتش كويس

لتفادى العيوب ممكن تتنى الحروف بتاعت السقف الى تحت الجلد و تروشها under coat أو دوكو
و ماتنساش أهم حاجة التركيب و التقفيل لازم يكون مليون فى المية

[SAMEH_FOUAD]

انا رائى ماتلعبش فى العربية لان سقف الفيرنا صغير وانت كدة هتضطر تشيل منة قضبان الحماية بتاعتة فبكدة هيبقى السقف عندك ضعيف جدا وبردة مش هيطلع زى الفبريكة واكيد لازم يطلع فية غلطة فخليها كدة احسن ومش فارقة كتير يعنى فتحة سقف من غيرها وكمان هاتكلفك جامد ولسة انت طبعا اكيد هتعملها كهرباء فهيبقى حوار جامد ومكلف اوى وكمان هينزلك من تمن العربية مش اقل من 7 الف جنية

[konga]

انا مره كنت عند السمكري وكان في واحد معاه 505 و كان عايز يعمل فتحه سقف السمكري قال اشتري سقف استيراد فيه فتحه سقف وركبه
بس بلاش احسن

[ashouhdy]

متشكر يا حماعة ليكوا كلوكو على الردود بما ان كلها سلبية فبلاش احسن !!!

[Terrible_DaRsH]

وجع دماغ ومصاريف على الفاضي الصراحة ..

وكمان مش هتستخدمها كتير .

[aYaBooY]

ايا كان تكلفة الموضوع
الحركة ديه هاتنزل من تمن العربية عند البيع
و عمر ما هايكون معمول مظبوط و بالتالي
بعد ما تدفع و تعمل و تبوز هاتحس انك اتعككنت و بوزت العربية

[kemks]

خد بالك من البارومه يا باشا زي ما الاخوه قالو

]دا غير بعد لما تظبط العمليه طبعا هتعوز ترش السقف يبقي دخلت في تكلفه تانيه خالص

بالتوفيق بلاش احسن

[Lion_Heart]

العملية دى مشاكلها اكتر من مزاياها

[noni67]

انا هأقولك عن تجربتى انا الشخصية
من 82 كان معايا جولف رابيت Gti حمراء وكان نفسى فى فتحة سقف ليها
رحت ركبتها عند واحد فى شارع متفرع من جسر السويس تحت كوبرة التجنيد وكان فى نوعين زجاج مرايا وأسود مظلل أخترت الاسود طبعا وكانت صناعه ايطالى وكانت محكمة جدا لدرجة ازهلتنى انا شخصية وكانت مدية للعربية منظر وهمممممممى لأبعد الحدود
أحلى شىء فدتنى فيه الفتحة دى فى الصيب كنت لما اركن العربية كنت افتح الفتحة دى لفوق لانها كانت بتتفتح فى 6 حركات ولما ارجع العربية الاقيها مش سخنه زى وانت قافلها وفى نفس الوقت ما حدش يقدر يدخل العربية ولا يمد ايده جوها
نسيت اقولك انها كانت ب 85 جنية ايوه ب خمسة وتمانين جنية فقط سنة 82 وفضلت معايا بدون اى تسريب تماما 14سنة لحد ما بعت العربية سنة 96 بيها
دى تجربتى والغريب ان الشركة دى بالصدفة البحتة قريبا جدا لقيتها لسة فاتحة فى نفس المكان وكنت فى مرور بين السريات من شهر لقيت فرع تانى ليها جنب المرو بس اعزرنى مش فاكر الاسم

[أشرف فتحى]

انا هأقولك عن تجربتى انا الشخصية
من 82 كان معايا جولف رابيت Gti حمراء وكان نفسى فى فتحة سقف ليها
رحت ركبتها عند واحد فى شارع متفرع من جسر السويس تحت كوبرة التجنيد وكان فى نوعين زجاج مرايا وأسود مظلل أخترت الاسود طبعا وكانت صناعه ايطالى وكانت محكمة جدا لدرجة ازهلتنى انا شخصية وكانت مدية للعربية منظر وهمممممممى لأبعد الحدود
أحلى شىء فدتنى فيه الفتحة دى فى الصيب كنت لما اركن العربية كنت افتح الفتحة دى لفوق لانها كانت بتتفتح فى 6 حركات ولما ارجع العربية الاقيها مش سخنه زى وانت قافلها وفى نفس الوقت ما حدش يقدر يدخل العربية ولا يمد ايده جوها
نسيت اقولك انها كانت ب 85 جنية ايوه ب خمسة وتمانين جنية فقط سنة 82 وفضلت معايا بدون اى تسريب تماما 14سنة لحد ما بعت العربية سنة 96 بيها
دى تجربتى والغريب ان الشركة دى بالصدفة البحتة قريبا جدا لقيتها لسة فاتحة فى نفس المكان وكنت فى مرور بين السريات من شهر لقيت فرع تانى ليها جنب المرو بس اعزرنى مش فاكر الاسم

معلش ممكن توصفللى فين مكانه بالضبط؟؟
يعنى وانا رايح على روكسى ولا وانا رايح على الف مسكن؟
وفين من منزل الكوبرى؟
شكرا مقدما!

[noni67]

شوف وانت رايح على الألف مسكن ما تطلعش كوبرى التجنيد خليك تحتة يمين هتلاقة اشارة وتقاطع الترام هتدخل يمين لو بصيت يمينك الناحية التانية هتلاقية وسط المحلات اللى هناك للاسف فعلا مش فاكر اسمة ممكن تعمل يو ترن وترجع تسأل عليه هناك

[ashouhdy]

انا متشكر ليييييك جداا شكلى حروحلة بس قوللى هو قص فى الصاج و ركب الفتحة ب 85 جنيييية يمكن دة سنة 82 و دلوقتى اكيييد حيوقللى 3085 اكييد حقة بأمانة لو هى جامدة قوى كدة حروح اسأل