صوت ونه خشنه فى كرونا الشاهين-ارجو الحل لو تكرمتم

[obad]

السلام عليكم جميعا و رحمة الله ويركاتة
عندى صوت خشونة جامد فى كرونا الشاهين
الميكانيكى قال اروح معاك بورسعيد و نركب واحدة 131
واحد صاحبى سمع انه ممكن نغير التروس اللى جوه
ارجو رايكم ولو ممكن ميكانيكى متخصص فى مدينة نصر او الحرفيين اروح له
و لكم الف شكر

[michohat]

انت محتاج واحد متخصص عفشه الميكانيكي مش هينفع
كان فيه مواضيع خاصه بالكارونه فى رابطه فيات 131

http://www.nilemotors.net/Nile/58482-a.html

http://www.nilemotors.net/Nile/60594-a.html

http://www.nilemotors.net/Nile/184536-a.html

عن نفسي كنت بعاني من الكارونه وصوتها لحد ما ربنا اكرمني ولقيت كرونه استيراد ركبتها والحمد لله ارتحت من الصوت ( كانت في تجربه اصلاح سابقة ولكن فشلت لاسباب المشي والزيت ناقص )

[hugan]

خليك في الاستيراد افضل

[ana]

بص يا باشا خلاصه اللى حصل عندك ان ممكن يكون الزيت نقص والبليه باظط وبوظط معاها التاج والبنيون وممكن تبوط كمان تروس الاكسات وعموما افضل حل ليك انك تسافر بورسعيد وتاخد متخصص معاك وتجيب كارونه 131 السريعه الاكسات التخينه وتكون متقفله على ابوها متفتحتش خالص لان الكرونه لو اتفتحت لو اللى فتحها اتشقلب ومشى على حواجبه مش هترجع زى ما كانت وهتبان اما فى ونه خفيفه او كتمه فى العربيه وقله السحب يعنى من الاخر تجيب حاجه متقفله ومتفتحتش خالص وده مستحيل تلاقيه فى القاهره واوعى اوعى اوعى اوعى تركب كارونه يابانى او كارونه شاهين تانى وطبعا الكلام ده من واقع تجارب وخبره فى عربيتى حبيبتى القديمه
والله فكرتنى بالذى مضى :( وعموما ربنا يقدملك اللى فيه الخير

[lad]

كارونة 131 استيراد زى ماقال الزملاء

[michohat]

الكارونه جبتها استيراد من الزقازيق ب 1900 من تاجر استيراد وقولت بدل ما اجيب من بورسعيد ولو ظهرت حاجه فيها هسافر تاني له وكده
فاستقربت المسافه وخدت ع الكرونه ضمانه شهر والحمد لله والفضل لله الكرونه ماشية كويس جدا و ماشي على كلام تاجر الاستيراد اني احط ليها زيت نظيف اللي هوا بتاع موبيل درجه لزوجه 90 بيتباع كيلوات

[ana]

مبروك يا باشا على الكرونه وربنا يملهالك بركه واحسن حاجه فعلا انك تحط موبيل 90 عشان لو فيه ونه او اى حاجه فى الكارونه تبان ولو فيها اى حاجه مهما كانت بسيطه مينفعش تسكت عليها وتروحله ولو فيه اى استفسار ابعتلى على الخاص

[michohat]

نسيت اقول لصاحب الموضوع اني مشيت على الكرونه اللي بتون اكتر من 5 سنين وغيرتها وقت ما حسيت انها بقت فيها خطورة لان مكنش فيه عزم فى العربية
فيعني ممكن لو انت مش مستعجل عليها لو انها لسه فى البداية ممكن تشوف الحاج حمدي كرونه (موجود عنوانه فى مواضيع الكرونه اللى ذكرتها ) يكشف عليها ويقول لك لو ليها حل او مسكن مؤقت بس اللى اعرفه ان سبب ندره كارونه ال 131 هو ان كارونه الشاهين مش بتستحمل و معظم الشاهين بيركب كارونه ال 131 ان مكنش كله وعلشان كده سعر كارونه ال 131 عالي ونادر انك تلاقي حاجه كويسة وهما هنا طلعوا بموضوع تركيب كارونه ياباني وطبعا انسي ولا تيجي ناحيتها

[tamer1974]

اخى العزيز انا ركبت كارونة كرسيدا يابانى اللة اكبر عليها سيبك من اللى يقولك لا اليابانى طول عمرة يابانى بفى لها اللة اكبر5 سنين وبعدين ما هو التاكس الشاخين بيعمل كدة وزى الفل اشمعنى الملاكى بتاعتا نقولة لا الكارونة من بور سعبدب500وفابريكة الخواجة واى خدمة تحت امرك