ما هي البطاحات?

[roland_yamaha]

ما هي البطاحات?
العفشجي قالي لازم أغيرهم والعربية نوعها كيا سيفيا 2000

[lanos_power]

متابع باهتمام

[A.Saad]

البطاحات رولمان بلى وكاوتش
بيربطوا المساعد مع جسم العربية علشان اما تلف العجل المساعجد يلف معاه
ايه المشكلة اللى عندك

[roland_yamaha]

المشكلة اني كنت بسمع صوت خروشة زي صواميل مفكوكة وبتشخلل وأنا ماشي علي ارض مش مستوية فروحت للعفشجي قولتلة بصلي ع العفشة وربطهالي لقيته قالي عاوزة 2 مساعدين امامي وبطاحات بس اما مشيت من عنده حاسس ان المشكلة راحت بعد اما ربط.
فهل ممكن امشي بيها عادي ولا أروح لعفشجي تاني

[A.Saad]

البطاحات
اللى اعرفه ان اما تسمع صوت طقطقة وانت واقف اما تلف الدركسيون للاخر

[roland_yamaha]

هو في ناحية عندي من عند المساعد من فوق سايب ومش مربوط من ناحية الكبوت من فوق لدرجة اني لما ارفع العجلة بالكوريك المساعد بيخرج عن مكانه في الكبوت عشان كده قاللي محتاج بطاحات هو في خطر امشي بيها كده

[khaled_sabry]

هو في ناحية عندي من عند المساعد من فوق سايب ومش مربوط من ناحية الكبوت من فوق لدرجة اني لما ارفع العجلة بالكوريك المساعد بيخرج عن مكانه في الكبوت عشان كده قاللي محتاج بطاحات هو في خطر امشي بيها كده

اه خطر جداا
لأنك ممكن لاقدر الله و انتا ماشى الجنب ده يفلت مره واحده لأن مافيش حاجه بتمسكه بالفخده بتاعت العربيه

[roland_yamaha]

شكرا خالد باشا وان شاءالله هروح اعملها علي طول

[gazzar91]

البطاحات رولمان بلى وكاوتش
بيربطوا المساعد مع جسم العربية علشان اما تلف العجل المساعجد يلف معاه
ايه المشكلة اللى عندك

+1111111111

هي إسمها strut upper mounting أو suspension support و أسما تانية نظراً لإختلافها من عربية لعربية...
و ده شكلها اللي يشبه كتير المعتاد عليه عندنا

و في صورة تانية لمنظومة McPherson strut اللي منتشرة في معظم العربيات دلوقتي..

أهو الـ spring upper seat & bearing & suspension support هما عل قلب بعضيهم كده البطاحة
و الـ Bearing هي رولمان البلي اللي الزميل إتكلم عليه قبلي
والله أعلم.............

هو في ناحية عندي من عند المساعد من فوق سايب ومش مربوط من ناحية الكبوت من فوق لدرجة اني لما ارفع العجلة بالكوريك المساعد بيخرج عن مكانه في الكبوت عشان كده قاللي محتاج بطاحات هو في خطر امشي بيها كده

حضرتك لو فهمت الصورة الـ Exploded view دي هتعرف إذا كان خطر ولا لأ بالعقل و من غير ما حد من الصنايعية يفتي عليك...
في رعاية الله...

[roland_yamaha]

شكرا جزار باشا الكبير كبير
وأنا فعلا لسة جاي من التوفيقية دلوقتي وجبت البطاحة بحوالي 85 جنيه
ورايح للعفشجي حالا بجد شكرا لكل الناس اللي فهمتني وانا فعلا استفدت كتير من المنتدي

[mabdelmageid]

طب مش تقلنا لما غيرتها حلت المشكلة ولا لاء عشان نستفيد احنا كمان برضو ... أصل عندي نفس المشكلة

[akmm]

فعلا الوضع ايه دلوقتى ................