البطاريه بتنام لو في يوم العربيه مدارتش

[shaddadfalcon1]

السلام عليكم

السبت اللي فات جيت ادور العربيه لقيت البطاريه نايمه وكنت مشلغتش العربيه يوم الجمعه زقتها دارت علي طول ورحت لبتاع البطاريات قالي مفيش شحن خالص بس البطاريه كويسه وميتها حلوه وانا كنت لسه مظبطها قبلها بيومين وملعلتش في الكهبراء خالص مفيش غيرسلك السماعات اللي ورا كان مفكوك قمت مركبه وشكرا

المهم رحت الأسكندريه ورجعت وفضلت تمام لحد ماجيت القاهره وسبت العربيه البارح وجيت دولتقي اجيب دكتور لابني وادور مفيش بطاريه

مش عارف ايه اللي ممكن يكون معلق ومخلها بايظه كده

انا مش عارف في ايه في العربيه دي بقالها اسبوع مطلعه عين اهلي وكمان انا دلوقتي راكنها في جراج وموسع لغيري وحاططها في مكان منيل مينفععش حتي تتزق فيه

[Land_Cruiser]

يا اما البطاريه باظت و محتاجه تتغير او فى حاجه ملمسه و الارحم ان تكون البطاريه باظت فحضرتك تغيرها بواحده جافه و تريح دماغك اما لو فى سلك ملمس بتاع الكاسيت مثلا او الانذار او اى حاجه زياده حضرتك مركبها فلازم تجيب كهربائى شاطر يقولك ايه اللى ملمس و يعزله بدل ما لاقدر الله يعمل ماس و لا حاجه و عامه انا افضل ان حضرتك تشوف كهربائى محترم يقولك العيب فين بدل ما تشترى بطاريه جديده على الفاضى و يفضل العيب لسه موجود

[shaddadfalcon1]

انا رحت جبت كهبرائي ببطاريه ووصل ودروتها ورحتله وقالي المياه اللي فيها وحشه وغيرها وحطها علي الشحن وبص علي كل حاجه مفيش حاجه بايظه ولا لمبه مهيسه ومنوره علي طول

مش عارف بقي هتتظبط ولا لآ
ربنا يستر

[Land_Cruiser]

انا رحت جبت كهبرائي ببطاريه ووصل ودروتها ورحتله وقالي المياه اللي فيها وحشه وغيرها وحطها علي الشحن وبص علي كل حاجه مفيش حاجه بايظه ولا لمبه مهيسه ومنوره علي طول

مش عارف بقي هتتظبط ولا لآ
ربنا يستر

طيب يا رب تتظبط كده و لو انى حاسس من الاعراض دى ان البطاريه فيها ربع ضارب بس خللينا نشوف

[mama1979]

لمعرفة اذا كان هناك تسريب ام لا ، قم بفك كابل الطرف السالب من البطارية ، ثم قم بعملية تلميس لهذا الكبل فى الطرف السالب ، فاذا وجدت حدوث شرارة فاكيد ان هناك شئ يستهلك البطارية ، واذا كان لديك علبة فيوزات قم بفك فيوز تلو الاخر ثم قم باعادة تجربة التلميس كل مرة حتى تعرف اى جزء فى العريية المسئول عن التسريب

[shaddadfalcon1]

للأٍسف جيت ادورا لصبح لقيت البطاريه لسه مصحتش من النوم وزقيتها ودارت وحاسس اني هنزل من الشغل الاقيها نايمه تاني

[saadelden]

قيس شحن الدينامو
لو مابيشحنش يبقى العربيه ماشيه ع البطاريه
و احتمال تاني يكون المشكله من المارش
نور النور العالي بالليل و دور العربيه , لو لقيت النور بيضعف جامد و العربيه مابتدورش يبقى بطاريه اكيد
لكن لو النور مابيضعفش يبقى فيه حاجه ف المارش

[shaddadfalcon1]

الشحن كويس والكهربائي قاسه وتمام

هجرب موضوع النور العالي ده النهارده واشوف ان شاء الله

[Land_Cruiser]

انا ما زلت شاكك ان البطاريه فيها ربع ضارب و لو غيرتها هات واحده جافه ايه سى ديلكو و أنساها

[shaddadfalcon1]

عملتها تاني معايا وانا راجع من الشغل وزمايلي البنات جم معايا يزقوها ههههههههه حاجه تفضح

شكلها كده بطاريه فعلا وطبعا البشوات النهارده احازه وهضطر ازقها تاني الصبح واروح اغيرها

ياتري البطاريه ايه سى ديلكو بتعمل كام؟ واجيب طبعا ال 55 امبير صح ؟

العربيه لانوس 1

[Land_Cruiser]

انا معرفش بتاعه اللانوس كام بالضبط فاستنى حضرتك حد تانى يأكد المعلومه او هتلاقى مكتوب على البطاريه فهات زيها بس جافه ايه سى ديلكو (تقريبا هتلاقيها مستوردة من السعوديه) و دى من انضف الحاجات فى السوق و خللى بالك بتاع البطاريات تديله القديمه و تدفع فرق

[shaddadfalcon1]

طيب سعرها ايه عشان مينضحكش عليا
انا كان نفسي تكمل معايا ليوم الخميس واظبطها هناك في البلد بس شكلها كده هتفضحني

[Land_Cruiser]

سعر ال ٥٥ امبير تقريبا ٣٤٠ ج بالقديمه و ال ٧٠ امبير ممكن تجيبها ب ٣٨٠ ج بالقديمه و ممكن تكون اغلى حاجه بسيطه بس ده الرينج بتاعها و اعتقد خليك فى ال ٥٥ امبير و هى معاها ضمان سنه و الاسعار دى حديثه جايبها من مشاركات اخوه فى المنتدى

[saadelden]

اهم حاجه يكون شحن الدينامو مظبوط عشان ماتجيبش بطاريه جديده و تنام منك ,اكنك ماعملتش حاجه

لو البطاريه بقالها معاك سنه و نص او اكتر يبقى كدا جابت اخرها
لكن لو اقل من كدا يبقى اكيد فيها عيب او الكهربا عندك فيها عيب
و زي ماقولتلك جرب بالليل نور النور العالي و دور العربيه لو النور ضعف يبقى عيب بطاريه
لكن لو ماضعفش يبقى عيب دينامو

[shaddadfalcon1]

الشحن مظبوط واتاكدت منه البارح والبطاريه داخله في سنتين لاتي جايبها قبل الثوره بشويه

بس هل السعر اللي هو 340 دي ممكن يختلف علي خسب حالة البطاريه القديمه ولا سعرها بيكون ثابت ؟
وهل لو فيها ربع ضارب ممكن تتصلح ولا خلاص علي كده؟